ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা শান্তি ওইবা থৌওংগীদমক মপান থংবা স্পেস এক্সপ্লোর তৌবা অমসুং শিজিন্নবদা তেংবাং পীননবা ভারত অমসুং ইন্দোনেসিয়াগী মরক্তা ফ্রেমৱার্ক এগ্রীমেন্ত অয়াবা পীখ্রে। ফ্রেমৱার্ক এগ্রীমেন্ত অসি ২০১৮গী মে ৩০দা খুৎয়েক পীনখি অমদি একচেঞ্জ তৌনখি।

পোইন্ত নাইবা শন্দোকপা ৱাফম:

• মসিগী ফ্রেমৱার্ক এগ্রীমেন্ত অসিনা কোওপরেসনগী মখাগী পোতেন্সিয়েল ইন্তরেস্তকী লমশিং, স্পেস সাইন্স, মপানথংবা স্পেসকী এক্সপ্লোরেসন, স্পেস তেক্নোলোজী শিজিন্নবা, পৃথীবিগী রিমোৎ সেন্সিং; ইন্তিগ্রেতেদ বি.আই.এ.কে. তি.তি.সি. স্তেসনগী ওপরেসন অমসুং মেন্তিনেন্স, ইন্দিয়ান গ্রাউন্দ স্তেসনগী হোস্তিং, আই.আর.আই.এম.এস. স্তেসনগী হোস্তিং, লাপান্না শাবা সেতেলাইতশিং থাগৎনবগীদমক মতেং, গ্রাউন্দ স্তেসনশিংগী ক্রোস য়ুতিলাইজেসন অসিনচিংবা ঙমহল্লগনি।

• মসিগী ফ্রেমৱার্ক এগ্রীমেন্ত অসিনা অকক্নবা এক্তিবিতীশিংগীদমক এরাঞ্জমেন্তশিং ইমপ্লিমেন্ত তৌবা লোইশল্লগনি। মসিনা এগ্রীমেন্ত অসিগী পান্দমশিং ফংনবগীদমক্তা জোইন্ত ৱার্কিং গ্রুপ অমা লিংখৎপা, দি.ও.এস/ইসরো অমসুং ইন্দোনেসিয়ান নেস্নেল ইন্সতিত্যুৎ ওফ এরোনোতিক্স এন্দ স্পেস (লাপান)দগী মীহুৎশিং চিংথোকপা ঙমহল্লগনি।

চাওনা থেংনরিবা:

ফ্রেমৱার্ক এগ্রীমেন্ত অসি খুৎয়েক পীনবনা ভারত অমসুং ইন্দোনেসিয়াগী মরক্তা তেংবাং পীনবা হেঙ্গৎহল্লগনি। এগ্রীমেন্ত অসিনা ইসরোগী তি.তি.সি স্তেসন অমসুং ইন্দোনেসিয়াদা আই.আর.আই.এম.এস. স্তেসন লিংখৎপদা মতেং ওইরগনি।

য়ুমফম:

ভারত অমসুং ইন্দোনেসিয়ানা চহী কুন হেনবদগী স্পেস কোওপরেসন পায়খৎলি অমদি ইন্দিয়ান স্পেস রিসর্স ওর্গনাইজেসন (ইসরো)না ইসরোগী লোঞ্চ ভেহিকল অমসুং সেতেলাইত মিসনগীদমক তেলেমেত্রী ত্রেক্কিং এন্দ কমান্দ (তি.তি.সি.) ফংহন্নবা ইন্দোনেসিয়াগী বিয়াক্তা গ্রাউন্দ স্তেসন লিংখৎলি।

সরকারগী থাক্তা তেংবাং পীনবা হেঙ্গৎহন্দুনা ইসরো অমসুং লাপান্না শান্তি ওইবা থৌওংগীদমক মপান থংবা স্পেস এক্সপ্লোর তৌবা অমসুং শিজিন্নবদা তেংবাং পীননবা ভারত অমসুং ইন্দোনেসিয়াগী মরক্তা দ্রাফত ফ্রেমৱার্ক এগ্রীমেন্ত অমা য়ানবা পুরকখি অমসুং ২০১৮গী এপ্রিল ২৩দগী ২৬ ফাওবা জকারতাদা পাংথোকখিবা ভারত অমসুং ইন্দোনেসিয়াগী মীফম মনুংদা মীৎয়েং অসি নাকল অনিমক্না য়ানবা পুরকখি। মিনিস্ত্রী ওফ এক্সতরনেল এফিয়ার্সকী দরকার ওইবা এপ্রুবেল ফংবা অমদি প্রধান মন্ত্রীনা মিনিস্তর-ইন-চার্জ ওইদুনা মসিগী ফ্রেমৱার্ক এগ্রীমেন্ত অসি ২০১৮গী মে ৩০দা ভারতকী প্রধান মন্ত্রীগী ইন্দোনেসিয়া খোংচৎ মনুংদা খুৎয়েক পীনখি অমদি একচেঞ্জ তৌনখি।

***