ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা সাইন্স অমসুং তেক্নোলোজীদা তেংবাং পীননবগীদমক ভারত অমসুং ইন্দোনেশিয়াগী মরক্তা তৌনবা য়ান-চেরোল (এম.ও.য়ু.)দা অয়াবা পীখ্রে।

এম.ও.য়ু. অসিদা মে, ২০১৮দা নই দিল্লীদা সাইন্স, তেক্নোলোজী অমসুং আর্থ সাইন্সকী মন্ত্রী দা. হর্শ বর্ধননা অমসুং মে, ২০১৮দা জকার্তাদা ইন্দোনেশিয়াগী মাইকৈদগী মফম অদুগী রিসর্স, তেক্নোলোজী অমসুং হায়র এজুকেশনগী মন্ত্রী শ্রী মোহম্মদ নাসিরনা খুয়েক পীখি। এম.ও.য়ু. অসিদা খুয়েক পীনখিবা অসিনা লৈবাক অনিগী মরি অসিগীদমক অনৌবা তাঙ্কক অমা হাংদোক্লগনি। মসিদগী নাকল অনিমক্না সাইন্স অমসুং তেক্নোলোজীগী লমদা কান্নবা লৌবদা মতেং ফংলগনি।

এম.ও.য়ু. অসিগী পান্দম অসি সাইন্স অমসুং তেক্নোলোজীগী লমদা মান্নবা অমসুং অনিগী মরক্তা কান্নবা ফংহনবগী মতুং ইন্না ভারত অমসুং ইন্দোনেশিয়াগী মরক্তা তেংবাং পীনবা হেনগৎলগনি। মসিগী স্তেক-হোল্দরশিংদা ভারত অমসুং ইন্দোনেশিয়াগী সাইন্তিফিক ওর্গনাইজেসনগী রিসর্স তৌবশিং, মহৈ-মশিং, আর.&দি. লেবোরেতোরীশিং অমসুং কম্পেনীশিং য়াওরি। খুদক্কী তেংবাং পীননবগীদমক্তা মশক খঙদোক্লবা ওইথোকপা য়াবা লমশিংদা ইনফোর্মেসন অমসুং কম্যুনিকেসন তেক্নোলোজী, মেরিন সাইন্স অমসুং তেক্নোলোজী, লাইফ সাইন্স (বাইওতেক্নোলোজী, এগ্রিকচর অমসুং বাইওমেদিকেল সাইন্স য়াওনা), ইনর্জী রিসর্স, ৱাতর তেক্নোলোজী, দিজাস্তর মেনেজমেন্ত, স্পেস সাইন্স, তেক্নোলোজী অমসুং এপ্লিকেসন, জিওসপেসিএল ইনফোর্মেসন অমসুং এপ্লাইদ কেমিস্ত্রী য়াওরি।