ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ২০১৮গী দিসেম্বর ২দগী ১৫ ফাওবা কাতোৱিচ, পোনেল্দদা পাংথোকখিবা য়ুনাইতেদ নেসন্স ফ্রেমৱার্ক কনভেন্সন ওন ক্লাইমেৎ চেঞ্জ (য়ু.এন.এফ.সি.সি.সি.)দা ২৪শুবা কনফরেন্স ওফ পার্তী (সি.ও.পি.)দা ভারতকী ৱারি শান্ননবা লেপলিবা অদুদা মসিগী ওইবা এক্স পোস্ত ফেক্তো এপ্রুবেল পীখ্রে। মসি মমাংদা ২০১৮গী নবেম্বর ২৮দা এপ্রুব তৌখিবা অদুগী মখা তাথরকপনি। ভারতকী মীহুৎ কাংবু অদু এনভাইরোনমেন্ত, ফোরেস্ত অমসুং ক্লাইমেৎ চেঞ্জগী মন্ত্রী দা. হর্স বর্ধন্না লুচিংখি। মীফম অদুগী মরুওইবা পান্দমদি ২০২০গী মতুংদা পেরিস এগ্রীমেন্তগী ইমপ্লিমেন্তেসনগীদমক গাইদলাইন ফাইনেলাইজ তৌবনি। ভারতনা এপ্রোচ তৌরিবা অদুদি য়ু.এন.এফ.সি.সি.সি.গী প্রিন্সিপলশিং অমসুং প্রোভিজনশিং অমসুং ইক্ব্যুইতী অমসুং কমন বত দিফরেনসিয়েতেদ রেস্পোন্সিবিলিতীজ এন্দ রেস্পেক্তিব কেপাবিলিতী (সি.বি.পি.আর-আর.সি.)না গাইদ তৌবনি। ভারতনা পেরিস এগ্রীমেন্তদা মসিগী ওইবা ৱাফশিং অদু অমুক হন্না শোয়দবনি হায়খি অমসুং অপুনবা থৌওং অমদা পেরিস এগ্রীমেন্ত মপুং ফানা ইমপ্লিমেন্ত তৌনবা সি.ও.পি.-২৪গী মনুংদা লুচিংদুনা ৱাশকখিবশিং অদু অমুক হন্না পল্লি। মহৌশাগী ফিভম কন্নবগী ওইবা ঐখোয়গী মহৌশাদগী চৎনরক্লবশিংগী পরিং অদুগা লোয়ননা প্রধান মন্ত্রী শ্রী নরেন্দ্র মোদীগী লুচিং মখাদা ক্লাইমেৎ চেঞ্জকী মরী লৈনবশিং থেংননবা ভারত সরকারনা মখল য়াম্লবা খোংথাংশিং পায়খৎলে। সোলরদগী চাওরাক্না ২৪ গীগা ৱাৎ য়াওনা ইন্তোল তৌরবা রিন্যুয়েবল ইনর্জী কেপাসিতী চাওরাক্না ৭৪ গীগা ৱাৎ ফংনবা রিন্যুয়েবল ইনর্জীদা শাফু পীবা; ইন্তরনেস্নেল সোলর এলাইন্সকী খুত্থাংদা সোলর ইনর্জী কেপাসিতী হেঙ্গৎহনবগী হোৎনবদা মালেম্বু লুচিংদুনা চৎপা অদুম ওইনমক চাওখৎলক্লিবা লৈবাকশিংগী এক্সনশিংদা চাওখৎলবা লৈবাকশিংনা শেল-থুম, কেপাসিতী বিলদিং অমসুং তেক্নোলোজিকেল সপোর্ত য়াওনা ইমপ্লিমেন্ত তৌনবা পাম্বৈশিং শোয়দনা ফংহনবা মরু ওই। পার্তীশিংনা য়ু.এস. $ 100 বিলিয়নগী ফ্লোরদগী অনৌবা কলেক্তিব ফাইনান্স গোল্স পোস্ত-২০২০ শেমগৎনবা থবক হৌবদশু য়ানরে। পুন্না য়েংবদা ভারতকী লোং-তর্ম ইন্তরেস্তশিং অসি প্রোতেক্তেদ ওই। অদুম ওইনমক ভারতনা গ্লোবেল স্তোকতেক (জি.এস.তি.) ৱারেপতা ঐখোয়গী ওইবা রিজার্বেসন অদু ফোংদোক্লি।