ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা দিপার্তমেন্ত ওফ ইকোনোমীক এফিয়ার্স (ইন্দিয়ান ইকোনোমীক সর্বিস কেদর) অমসুং দি ত্রেজরী, গবর্নমেন্ত ওফ ওস্ত্রেলিয়াগী মরক্তা থা অহুমগী ওইনা সেকেন্দমেন্ত প্রোগ্রামগীদমক মেমোরেন্দা ওফ অন্দর্সতেন্দিং খুৎয়েক পিন্নবা য়াখ্রে ।

প্রোগ্রাম অসিগী মখাদা ওস্ত্রেলিয়া ত্রেজরীদগী ওফিসর অমা দিপার্তমেন্ত ওফ ইকোনোমীক এফিয়ার্স, মিনিস্ত্রী ওফ ফাইনান্সদা সেকেন্দেদ তৌগনি অমসুং আইইএসতগী ওফিসর অমা (দিপুতী সেক্রেতরি/দাইরেক্তর থাক্তা) দিপার্তমেন্ত ওফ ইকোনোমীক এফিয়ার্সনা নোমিনেত তৌরকপা আইইএস কেদর অদু ওস্ত্রেলিয়ান ত্রেজরী, গবর্নমেন্ত ওফ ওস্ত্রেলিয়াদা ১৫.০১.২০১৮দগী হৌরগা থা অহুমগী ওইনা সেকেন্দেদ তৌরগনি । এমওয়ু অনিমক্কী মতম থা অহুমগী মতুংদা চৎনররোই অমসুং মখা শাংদোক্লরোই । প্রোগ্রাম অসি লৈবাক অনিমক্না য়ান্নরবা মতুং নাকল অনিমক্না খন্নবগা লোয়ননা থংনবা চহিশিংদশু চৎথবা য়াই ।

চাওনা থেংনরিবা:

ওস্ত্রেলিয়া অসি ভারতকী মরুওইবা বাইলেতরেল পার্তনরশিংগী মরক্তা অমনি । প্রপোজ তৌরিবা প্রোগ্রাম অসিনা লৈবাক অনিমক্তা হৌজিক লৈরিবা ইকোনোমীক পোলিসী ইশুশিং হেন্না মমুৎ তানা খংবদা মতেং ওইরগনি অমসুং তুংদা পুন্না থবক তৌমিন্নবা অমসুং এঙ্গেজমেন্তকীদমক মখা তানা খুদোংচাবশিং পুরক্লগনি ।