ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা সেতলাইৎ অমসুং লোঞ্চ ভেহিকলশিংগীদমক্তা তেলিমেত্রী অমসুং তেলিকমান্দ স্তেসন চৎথনবা অমসুং স্পেস রিসর্স, সাইন্স অমুং এপ্লিকেসনশিংদা তেংবাং পীননবা ভারত অমসুং ব্রুনৈ দরুসলামগী মরক্তা তৌনবা য়ানা চেরোল (এম.ও.য়ু.)দা অয়াবা পীখ্রে। এম.ও.য়ু. অসি জুলাই ১৯, ২০১৮দা নই দিল্লীদা খুয়েক পীনখিবনি।

কান্নবাঃ

এম.ও.য়ু. অসিদগী ভারতনা মাগী সেতলাইৎ মিশন অমদি লোঞ্চ ভেহিকলশিংগীদক্তা গ্রাউন্দ স্তেসন চৎথবা হৌবা, ঙাক-শেল অমসুং মদুদগী হেন্না ফগৎহন্নবগী থবক মখা চৎথবদা মতেং ওইরগনি। লোইননা মসিদগী ভারতনা স্পেস তেক্নোলোজী এপ্লিকেসনশিংদা ব্রুনৈ দারুসলামগী ওফিসিয়েলশিং অমসুং মহৈরোইশিংবু ত্রেনিংগী থোংদা স্পেসকা মরি লৈনবা থবক-থৌরমশিংদা মখোয়না খঙ-হৈবশিং অদু শেয়র তৌবদা মতেং ওইরগনি।

এম.ও.য়ু. অসিগী মখাদা ব্রুনৈ দারুসলামগা লোইননা তেংবাং পীনবনা ভারতকী স্পেস মিশন অমসুং লোঞ্চ ভেহিকলগী মতেংগীদমক্তা ভারতকী গ্রাউন্দ স্তেসন চৎথবা, ঙাক-শেল অমসুং শেমজিন-শাজিনবদা মতেং ওইরগনি। মতৌ অসুম্না মসিদগী লৈবাক অসিগী মফম পুম্নমক্তা অমসুং শরুক খুদিংমক্তা কান্নবা ফংলগনি।

এম.ও.য়ু. অসিদগী স্পেস তেক্নোলোজী এপ্লিকেসনশিংগী লমদা ত্রেনিং অমসুং গ্রাউন্দ স্তেসন চৎথবদা অনৌবা রিসর্সকী থবক-থৌরমশিং হেনগৎলগনি।