ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা রেল মন্ত্রালয়গী মখাদা লৈবা সেন্ত্রেল পব্লিক সেক্তর ইন্তর্প্রাইজ (সি পি এস ই) অমা ওইরিবা বর্ন স্তেন্দর্দ কম্পেনী লিমিতেদ (বি এস সি এল) থিংজিনবদা অয়াবা পীখ্রে। চহি ১০ হেনবা মতমদগী কম্পেনী অসিগী লেপ্পা লৈতনা হন্থরক্লিবা ফিজিকেল অমসুং ফাইনান্সিয়েল পর্ফোমেন্স অমদি তুংদা ফগৎলকপগী ওইথোকপা য়াবা চাং নেম্বা অদু য়েংলগা ৱারেপ অসি লৌখিবনি। খোংথাং অসিনা বি এস সি এলনা হৌজিক মাংহল্লিবা পব্লিক ফন্দশিং অদু কঞ্জদুনা অতোপ্পা চাওখৎ-থৌরাংগী থবকশিংদা শিজিন্নবা য়ারগনি।

সরকার অসিনা সেবরেন্স পেক্কেজগী মায়কৈদা অমসুং কম্পেনী অসিগী হৌজিক লৈরিবা লাইবেলিতীশিং শেংদোক্নবগীদমক লুপা কোতি ৪১৭.১০গী ৱান-তাইম গ্রান্ত পীরগনি। মসিগী মথক্তা ভারত সরকার (রেল মন্ত্রালয়)না কম্পেনীদা পীখিবা লুপা কোতি ৩৫গী লোনগী শেনফম অদু হন্দোক্লগনি। বি এস সি এলগী এমপ্লোই ৫০৮না ভোলুন্তরী রিত্যার্মেন্ত স্কিম (ভি আর এস)দগী কান্নবা ফংলগনি।

য়ুমফম:

বর্ন স্তেন্দর্দ কম্পেনী লিমিতেদ অসি ইং ১৯৭৬দা ইনকোর্পোরেৎ তৌখি। ইং ১৯৮৭তা বর্ন এন্দ কম্পেনী অমদি ইন্দিয়ান স্তেন্দর্দ ৱেগোন কম্পেনী লিমিতেদ অসি দিপার্তমেন্ত ওফ হেভী ইন্দস্ত্রীজ (দি ঐচ আই)কী মখাদা নেস্নেলাইজেসন অমসুং অমালগেমেসন তৌখি। কম্পেনী অসি ইং ১৯৯৪দা বোর্দ ওফ ইন্দস্ত্রীয়েল এন্দ ফাইনান্সিয়েল রিকন্সত্রক্সন (বি আই এফ আর)দা রিফর তৌখি অমসুং ইং ১৯৯৫দা ফিভম শোক্লে হায়না লাওথোকখি। মতম অদুদগী কম্পেনী অসি ফিভম শোক্লবা কম্পেনী অমা ওইদুনা লাক্লি। কেবিনেৎ কমিতী ওন ইকোনোমিক এফিয়র্সনা অয়াবা পীদুনা, ১৫/০৯/২০১০দা কম্পেনীগী এদমিনিস্ত্রেতিব কন্ত্রোল অদু দি ঐচ আইদগী রেল মন্ত্রালয়দা ত্রান্সফর তৌখি।