ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা ১৫ শুবা ফাইনান্স কমিসন শেম্বগী অয়াবা পীখ্রে। ভারত সংবিধানগী আর্তিকল ২৮০ (১)গী মতুং ইন্না মসি সংবিধানগী ওইবা ওব্লিগেসন অমনি। ১৫ শুবা ফাইনান্স কমিসনগী তার্মশিং অদু লাক্কদৌরিবা মতমগী মনুংদা হাপচিল্লগনি।

য়ুম্ফমঃ

সংবিধানগী আর্তিকল ২৮০ (১)গী মনুংদা ৱারোল অসি য়াওই মদুদি সংবিধান হৌবগী চহি অনিগী মনুংদা অমসুং মসিগী মতুংদা চহি মঙা খুদিংগী অরোইবদা নত্রগা রাষ্ট্রপতিনা মথৌ তাই হায়না খনবা মতম অদুগী মনুংদা ফাইনান্স কমিসন (এফসি) অমা শেমগদবনি। তঙাইফদবা অসিদা মিয়েং থমলদুনা মসি চৎনদুনা লাক্লি মদুদি হৌখিবা ফাইনান্স কমিসন শেমখিবগী তাংগী চহি মঙাগী মনুংদা মথংগী ফাইনান্স কমিসন শেম্মি।

হৌজিক ফাওবদা ফাইনান্স কমিসন ১৪ শেমখ্রে। ১৪ শুবা ফাইনান্স কমিসন অসি এপ্রিল ১, ২০১৫দগী হৌগদবা চহি মঙাগী মতমবু কোন্সিন্নবা রিকোমেন্দেসনশিং পীননবা ০২.০১.২০১৩দা শেমখি। ১৪ শুবা ফাইনান্স কমিসন্না দিসেম্বর ১৫, ২০১৪দা মসিগী রিপোর্ত পীশিনখি। ১৪ শুবা ফাইনান্স কমিসনগী রিকোমেন্দেসনশিং শেনবা চহি ২০১৯-২০ ফাওবা চৎনৈ। সংবিধানগী ওইবা ৱারোলশিংগী কাংলোনশিংগী মতুং ইন্না, ১৫ শুবা ফাইনান্স কমিসন শেমগদবা হৌজিক ৱাৎলি। ১৫ শুবা ফাইনান্স কমিসন তাং ০১ এপ্রিল, ২০২০দগী হৌরগা মথংগী চহি মঙাগী মতমগীদমক্তা রিকোমেন্দেসনশিং কোন্সিনগনি।