ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ০১.০১.১৯৯৭তগী হৌরগা নেস্নেল হাইদ্রোইলেক্ত্রিক পাৱর কোর্পোরেসন লিমিতেদ (এন.ঐচ.পি.সি.),নোর্থ ইস্ত ইলেক্ত্রিক পাৱর কোর্পোরেসন (নীপকো), তি.ঐচ.দি.সি ইন্দিয়া লিমিতেদ (হান্নগী থেরি হাইদ্রো দিবেলপমেন্ত কোর্পোরেসন লিমিতেদ) অমসুং সতলুজ জল বিধ্যুৎ নিগম লিমিতেদ (এস.জে.ভি.এন.)দাবোর্দ লেভেল এক্সিক্যুতিবশিংগী মখাগী পে স্কেলশিং রেগুলেরাইজ তৌবদা অয়াবা পীখ্রে। মসি মিনিস্ত্রী ওফ পাৱরগী তাং ০৪.০৪.২০০৬ অমসুং ০১.০৯.২০০৬কী ওর্দরশিংগী মতুং ইন্না চৎনহনবনি।

ইমপ্লিমেন্তেসন স্ত্রেতেজী:

অয়াবা পীখিবা অসিনা মিনিস্ত্রী ওফ পাৱরগী তাং ০৪.০৪.২০০৬অমসুং ০১.০৯.২০০৬কী ওর্দরশিংগী মতুং ইন্না হাইদ্রো সি.পি.এস.ই.শিংনা এদোপ্ত তৌরিবা পে স্কেলশিং অদু রেগুলেরাইজ তৌরগনি।

থেংনরিবা:

অয়াবা পীখিবা অসিনা ০১.০১.২০০৭কী মমাংদা এনরোল তৌখিবা হাইদ্রো সি.পি.এস.ই.শিংগী চাওরাক্না এক্সিক্যুতিব ৫,২৫৪দা কানবা ফংহল্লগনি। মসিনা হাইদ্রো সি.পি.এস.ই.শিংগী এক্সিক্যুতিবশিংগী মোরেলদা ইনোৎ পীরগনি।

চাদিং:

পে স্কেলশিংগী রেগুলেরাইজেসনগীদমক লুপা কোতি ৩২৩গী শেনফম চাদিং তৌরগনি।

য়ুমফম:

এন.তি.পি.সি/ওইল সেক্তরগী মতুং ইন্না ৱার্কমেন/নন–এক্সিক্যুতিবকী অনআয়োনাইজ কেতেগোরীগী পে স্কেলগী রিভিজন্না মরম ওইদুনা ০১.০১.১৯৯৭তগী ওর্গনাইজেসনশিংগী মনুংদা এন.ঐচ.পি.সি., নীপকো, তি.ঐচ.দি.সি.আই.এল অমসুং এস.জে.ভি.এন.এল.গী এক্সিক্যুতিবশিংগী পে স্কেলদা চাং মান্নদ্রি। ৱার্কমেন অমসুং সুপরভাইজরশিংগী পে স্কেল অদু ই–১ গ্রেদতা লৈরিবা এক্সিক্যুতিবশিংগী পে স্কেলদগী হেনলম্মি।

প্রপোজেল অসি মমাংদা কম্মিতী ওফ সেক্রেতরিজ(সি.ও.এস.) অমসুং মন্ত্রীমন্দলনা থৌরম কয়াদা খন্ন–নৈনখ্রে। ২০১৩গী দিসেম্বর থাদা মন্ত্রীমন্দলনা মখাগী অসুম্না ৱারেপ লৌখি:

• ০১.০১.১৯৯৭তগী ফিক্স তৌখিবা পে স্কেলশিং অদু  রেগুলেরাইজ তৌরোই।
• অদুম ওইনমক, রিকোবরীগা মরী লৈনবা খুদোংচাদবশিং অমসুং অদুগুম্লবা রিকোবরী মদুনা মরম ওইদুনা স্তাফশিং দিমোতিবেৎ তৌরকপা য়াবা অদুদা খন্থদুনা ০১.০১.১৯৯৭তগী অহেনবা পে দ্রোন অদুগীদমক  রিকোবরী তৌরোই।
• ০১.০১.১৯৯৭তগী ফিক্স তৌখিবা পে স্কেলশিংদা অশোয়বা অদু চুমথোকলবা মতুংদা পে স্কেলশিং অদু  ০১.০১২০০৭তগী ফিৎ তৌগনি।

ওর্দর অসিদগী পেন্দদুনা হাইদ্রো পি.এস.ই.শিংগী এমপ্লোই এসোসিয়েসন কয়ানা তোঙান তোঙানবা হাই কোর্তশিংদা রিত পিতিসন পাইল তৌখি। উত্তরাখন্দ অমসুং মেঘলায়াগী হাই কোর্তনা মথক্কী ৱারেপ অসি ককথৎখি। ০৮.০৫.২০০৭তা দিসমিস তৌখিবা উত্তরাখন্দগী হাই কোর্তকী জজমেন্তকী মায়োক্তা এস.এল.পি.না ১২.০৪.২০১৭তা সুপ্রিম কোর্ত্তা পাইল তৌখি। উত্তরাখন্দ অমসুং মেঘলায়াগী হাই কোর্তশিংদা কন্তেম্প পিতিসন অমা পাইল তৌরি। মিনিস্ত্রী ওফ পাৱরগী তাং ০৪.০৪.২০০৬অমসুং ০১.০৯.২০০৬কী ওর্দরশিংগী মখা তারকপদা ০১.০১.১৯৯৭তগী এন.ঐচ.পি.সি., এস.জে.ভি.এন.এল., নীপকো, অমসুং তি.ঐচ.দি.সি.আই.এল.গী পে স্কেল রেগুলেরাইজ তৌনবগীদমক মন্ত্রীমন্দলগী অয়াবা নিবা নত্তনা মিনিস্ত্রী ওফ পাৱরগী মনাক্তা অতোপ্পা ওপ্সন অমত্তা লৈরমদে।