ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রীমন্দলগী মীফমনা উত্তর প্রদেশকী আগরাদা ইন্তর্নেস্নেল পোতেতো সেন্তর (CIP) গী সাউথ এসিয়া রিজনেল সেন্তর (CSARC) লিংখৎনবা লৌউ-শিংউ অমসুং লৌমীশিংগী য়াইফ থৌরাং বিভাগকী ৱাফমদা অয়াবা পীখ্রে।

ইনবেস্তমেন্ত অসিগী মরুওইবা পান্দমদি ফুদ অমসুং ন্যুত্রিসন সেক্যুরিতী, লৌমীশিংগী ইনকম অমসুং অলু অমসুং মংগ্রামগী পোত্থোক পুথোকপা হেনগৎহনবা, মহৈ-মরোং লোক্লবা মতুংগী মেনেজমেন্ত অমসুং ভেল্যু এদিসন হেনগৎহনবা অসিনি।

ভারতকী পোতেতো সেক্তরদা প্রদক্সন সেক্তর, প্রোসেসিং সেক্তর, পেকেজিং, ত্রান্সপোর্তেসন, মার্কেতিং, ভেল্যু চেন, অসিনচিংবদা থবক ফংহন্নবা অচৌবা খুদোংচাবা কয়া লৈ। অসুম্না, সেক্তর অসিদা লৈরিবা অচৌবা পোতেন্সিএল অদু ফংনবা অমসুং এক্সপ্লোর তৌনবগীদমক্তা, ইন্তর্নেস্নেল পোতেতো সেন্তর (CIP) গী সাউথ এসিয়া রিজনেল সেন্তর অসি উত্তর প্রদেশকী আগরাগী সিঙ্গনাদা লিংখৎলি। CSARCনা দিবেলপ তৌবা পোত্থোক লৈবা, ন্যুত্রিএন্ত অমসুং ক্লাইমেৎ রেসিলেন্ত ওইবা অলু অমসুং মংগ্রা ময়াতশিং অসিনা ভারত খক্তদা নত্তনা খা এসিয়াগী লমদমদসু মালেমগী থাক্কী সাইন্স অমসুং ইন্নোবেসনগী খুত্থাংদা পোতেতো অমসুং স্বিৎপোতেতোগী সেক্তরশিংগী তুং কোইনা চৎকদবা চাউখৎ থৌরাংদা চাউনা মতেং পাংগনি।

*****