ভারতকী প্রধানমন্ত্রী

মফম অসিদা মশিং য়াম্না পুল্লিবা ঐগী নুংশিরবা মরূপশিং,

লৈবাক অসিগী মঙলানশিং মঙফাওনহনবদা মতেং পাংলিবা লৈবাক অসিগী লমদমশিংগী মরক্ত মুম্বাই অমসুং থানেসু য়াওরি। অপীকপা সহরশিং অমসুং খুঙ্গংশিংগী লাকপা মীচম কয়া মফম অসিদগী মিংচৎ অমসুং নুংঙাই-য়াফবা ফংলি। মফম অসিদা পোক্লিবা অমসুং হিংলিবা মীওইশিং অসি পুকচেল চাওই অমসুং থৌজাল হৈ। মফম অসিগী মীয়াম্না মী খুদিংমক্কী মফম অমমম মখোয়গী থম্মোয়দা থম্লি। মফম অসিদা লাকপা মীওই খুদিংমক মুম্বাইগী মচুদা তিনখি অমসুং মরাথি কলচরগী শরুক অমা ওইখি।

মরূপশিং,

ঙসিদি মুম্বাই অসি পাকথোক-চাওথোরক্লি অমসুং হিরম খুদিংমক্ত চাওখৎলক্লি। মসিগা ইরোইননা মসিগী রিছোসশিংদা অকনবা ইথিল অমা পীরি। মদুগী ইথিল অদু সহর অসিগী ত্রান্সপোর্ত সিস্তেম, লম্বীশিং, রেলৱেজশিং উরি। মসি ৱাখলদা থমদুনা , হৌখিবা চহি মরি মখাই অসিদা মুম্বাই অমসুং থানেগী অকোয়বা মফম কয়া ত্রান্সপোর্ত সিস্তম ফগৎনবা থবক পায়খৎলি।

লুপা ক্রোর লিশিং ৩৩ হেনবগী ঙসি উরেপ-উয়ুং তম্লিবা প্রোজেক্তশিং অসিগী মনুংদা মেত্রো লাইনগী প্রোজেক্ত অনি য়াওরি। মসিগী মথক্ত ঙসি থানেদা লায়রবা ইমুং ৯০০০০গী য়ুম শানবা প্রোজেক্ত য়াওরি।

মরূপশিং,

সহর অমা নৎত্রগা লৈবাক অমা চাওখৎপা ত্রান্সপোর্তেসন অসি মরুওইবা শরুক অমনি। য়াম্না য়াংনা সহর শেমগৎলক্লিবা লৈবাকশিংগী মরক্ত ভারত য়াওরি।

হন্দক থিজিনবা অমগী মতুংইন্না, মালেমগী ওইনা য়াংনা চাওখৎলক্লিবা সহরশিংগী মরক্তা মকোক থোংবা সহর  ১০ ভারত্তগী ওইরি। মসিনা ঐখোয়গী সহরশিংদা লৈরিবা মীয়ামগীদমক ঐখোয়গী লৈবাক অসি য়াংনা চাওখৎনবগী  মরম ওইরি।

ঐখোয়গী লৈবাক্ত মুম্বাই অসি শেন-থুমগী মরুওইবা মফম অমা ওইরি। অমসুং তুংদা মসি পাক-চাওবা হেনগৎলক্লি। মরম অদুনা , কেন্দ্রদা বি জে পিনা লুচিংবা এন দি এ সরকার লাক্লবা মতুংদা , ঐখোয়না সহর অসিগী মচাক-মথুমশিং শেমগৎনবা মীৎয়েং চংবা হৌরে।

মুম্বাই লোকেল ত্রেনশিংগী লুপা ক্রোর কয়া কাইথোক্লে। অরিবা রেলৱেজ ত্রেকশিং মতমগা চুনবা মওংদা শেমদোক্লে। মুম্বাই লোকেলগী মথক্তা মেত্রো রেল সিস্তেম য়াওনা অতোপ্পা ত্রান্সপোর্ত সিস্তেমশিং শেমগৎলে।

থানেদা মেত্রো য়ৌ্হল্লবা মতুংদা মসিনা মুম্বাইদগী থানে অমসুং অতোপ্পা মফমশিংগা চৎথোক-চৎশিনা হেন্না ফগৎহল্লগনি।

মরূপশিং,

২০০৬দা অহানবা ওইনা মুম্বাই মেত্রো প্রোজেক্ত পায়খৎখি। অদুবু মসিগী প্রোজেক্ত অসি চহি ৮ পন্দুনা লৈখি।

২০১৪দা অহানবা লাইন হৌখি  অমসুং মদুসু সুপ্নগী কিলোমিতর ১১ খক্তনি। চহি নিপালগী মনুংদা কিলোমিতর নিপাল খক্ত !

২০১৪গী মতুংদা মেত্রো লাইনশিং শেমগৎপগী থবক য়াংশিনহন্নবা ঐখোয়না ৱারেপ লৌখি। হৌখিবা চহি মরি অসিদা মুম্বাইদা মেত্রো নেতৱার্ক শেমগৎনবা অনৌবা প্রোজেক্ত কয়া পায়খৎলে।

মসিগীদমক ঙসি মেত্রো লাইন অনিগী উরেপ-উয়ুং তম্লে। মথং চহি অহুমদা হৌজিক লৈরিবা নেতৱার্ক অসিদা অহেনবা কিলোমিতর ৩৫গী মেত্রো নেতৱার্ক হাপচিল্লগনি।

২০২২ অমসুং ২০২৪গী মনুংদা মুম্বাইগী মীয়াম্না কিলোমিতর ২৭৫গী মেত্রো লাইন ফংলগনি। ঙসি উরেপ-উয়ুং তম্লিবা প্রোজেক্তশিং অসিনা থানে, বিৱান্দি, কলয়ান, দাহিসার অমসুং মিরা ভাবান্দারগী মীয়াম কান্নবা ফংবগী মথক্ত মুম্বাইদা মী চিনবা হন্থহল্লগনি।

মরূপশিং,

 হায়রিবা খুদোংচাবশিং অসি ঙসিগী দরকার ওইবশিং খক নত্তে, মসি ২০৩৫ ফাওবদা দরকার ওইবশিং অদুগী য়াওরবনি। নখোয়গী পুন্সি হিংবদা লাইহন্নবা ঐখোয়না হোৎনরি অমসুং লায়রবশিং অমসুং মিদ্দল ক্লাস মীয়াম য়ুম ফংহন্নবা থবক পায়খৎলি। ২০২২দা ভারতনা নিংতম্বগী চহি ৭৫সুবা থৌরম পাংথোক্নবা কেন্দ্র সরকারনা ৱারেপ লৌরে, মসিদা লৈবাক অসিগী ইমুং খুদিংমক কংক্রিদনা মথক কুপ্পা মশাগী য়ুম অমমম লৈহনগনি। মসিগী পান্দম অসি ফংবা ঙমনবা অনৌবা য়ুম লিশিং ৯০ শাবা হৌরে।

মরূপশিং,

ঐখোয়গী থবক খুশু, মওং অমসুং থবক য়াংশিনবা অসি মমাংগী সরকারশিংদগী হেন্না তোঙাল্লি। মমাংগী সরকারনা মখোয়গী মতমদা হৌখিবা চহি মরিদা য়ুম লাখ ২৫.৫ খক শাখি অদু হৌখিবা চহি মরিদা ঐখোয়গী সরকারনা মীয়ামগী য়ুম ক্রোর ১গা লাখ ২৫ শাখি। মসি শরুক মঙা হেল্লবনি। মসিনা তাক্লি মদুদি করিগুম্বা মখোয়না মসিনা চাং অসিদা থবক তৌরবদি , থবক লোইবদা মীরোল অনি হেন্না চংগনি।

প্রধান মন্ত্রী সাহরি অৱাস য়োজনাগী মখাদা মহারাস্ত্র শীনবা থুংনা য়ুম লাখ ৮ শারে। প্রধান মন্ত্রী অৱাস য়োজনাগী মখাদা য়ুম লৈজদবশিংগী অফবা সোসাইতি ফ্লেতশিং শারে। মসি মমাংগী সরকারগী অধারস সোসাইতিগী অদুগুম্বা পাউ নত্তে। তশেংনা হায়রবদা, অধারস নৎত্রগা অফবা সোসাইতি অমা অসি মীচম মীয়ামগী মঙলান মঙফাওহন্নবা তুংগী য়াইফনবা শেমগৎপা ঙাক্তনি।

প্রধান মন্ত্রী অৱাস য়োজনাগী মখাদা ঐখোয়গী সরকারনা লুপা লাখ ২.৫গী শেন্থং বেঙ্ক একাউন্তশিংদা হাপচিল্লে। মসিনা হায়রিবদি লোনগী শেনফম অদু খুদক্ত লুপা লাখ ২.৫ ককথদুনা লায়রবশিংনা হোম লোন লৌবদা মতেং পাংলে।

অমরোমদা, মমাংদা চাংদম্নবদা হোম লোনগী শেন্দোই অসি য়াম্না হন্থরে। স্কিম অসিগী মখাদা সরকারনা শেন-থুমগী ফিবম ফত্তবা কাংলুপগী মীওইশিংদা শেন্দোইনগী সবসিদি পীরি।

মিদ্দল ইনকম লাকপা মীওইশিংদা শেন্দোইনগী সবসিদি চাদা ৩-৪ পীরি। কনাগুম্বা অমনা লুপা লাখ ২০গী হোম লোন চহি ২০গী লৌরবদি ,মহাক্না হায়রিবা মতম অসিদা সরকারদগী লুপা লাখ ৬গী মতেং ফংগনি।

মরূপশিং,

সরকারনা পুকচেল শেংনা থবক পায়খৎপগী মহৈ ওইনা হৌখিবা চহি ১-১.৫ অসিদা মীওই লাখ কয়া মখোয়গী অহানবা য়ুম বুক তৌখ্রে অমসুং লৈখ্রে।

হৌখিবা চহিগা চাংদম্নবদা হৌখিবা থা ৭-৮ অসিদা অনৌবা য়ুম লৈবগী চাং শরুক অনি হেনগৎলে। ঙসি হৌদোক্লিবা স্কিম অসিনা মীয়ামদা কান্নবা ফংহল্লগনি। প্রধান মন্ত্রী অৱাস য়োজনাগী মখাদা মহারাস্ত্রগী মীওই লিশিং ৮৫ লুপা ক্রোর ২০০০গী মতেং ফংখ্রে।

মরূপশিং,

ঐখোয়না মিদ্দল ক্লাসকী মীওইশিং য়ুম লৈবা মতেং পাংবতা নত্তনা মরি লৈনবা হীরম কয়াদসু মতেং পাংলি।

মীওই খরনা মীচং-মীখাই নাইদবগী নখোয়না য়ুম লৈবা ফংখিদে। করিগুম্বদা ফংহনগনি হায়না ৱাশকখিবা অদুগা ওন্নবা অমা ফংহনবা য়াওখি। মসিগী চৎনবী অসি লাকশিন্নবা ঐখোয়গী সরকারনা অকনবা থবক পায়খৎলি।

ঙসিদি রিয়েল ইস্তেদ রিগুলেতোরি ওথোরিতি (রেরা) অসি লৈবাক অসিগী রাজ্য খুদিংমক্ত চৎনরে। রাজ্য ২১দা ত্রাইবুনেল থবক হৌরে ।

লৈবাক অসিদা অহানবা ওইনা মহারাস্ত্রনা  রেরা অসি চৎনবা হৌবগীদমক ঐনা ফদনাবিস জি থাগৎলি। লৈবাক অসিদা লৈরিবা রিয়েল ইস্তেদ প্রোজেক্ত ৩৫,০০০ অমসুং রিয়েল ইস্তেদ এজেন্ত ২৭,০০০ রেজিস্তার তৌরে। মহারাস্ত্রদা প্রোজেক্ত মশিং খ্বাইদগী য়াম্না লৈরি।

মরূপশিং,

হৌখিবা চহি ৭০ অসিদা রিয়েল ইস্তেদ সেক্তর অসি থবক তৌনবা চপ চাবা আইন অমত্তা য়াওদনা লাক্লি। মমাংগী সরকারনা মান্নবা লো শেম্লবদি ,য়ুম লৈবশিংনা কোর্ত্তদা চৎলম্লোই অমসুং রিয়েল ইস্তেদ সেক্তর অসি থবক ফজনা তৌরমগনি।

মরূপশিং,

লায়রবশিং  মখোয়গী মৈগী বিল হন্থহন্নবা সরকারনা কন্না হোৎনরি। উজ্জৱালা স্কিমগী মখাদা লৈবাক শীনবা থুংনা এল ই দি ব্লব ক্রোর ৩০ য়েন্থোক্লে। মসিগী মনুংদা মহারাস্ত্রদাদা ব্লব ক্রোর ২.২৫ অমসুং থানেদা ব্লব লাখ কয়া য়েন্থোকখি। ৱাত ৬০গী ব্লব অমনা তৌগদবা থবক  অদু ৱাত ৭-৮গী ব্লবশিংনা তৌরে। মসিনা হায়রি মদুদি মৈ শীজিন্নবা হন্থরে অমসুং মৈ কল্লে।

স্কিম অসিগী মতেংদগী লৈবাক অসিনা চহি অমদা লুপা ক্রোর লিশিং ১৬ কনবা ঙম্লে। মহারাস্ত্র খক্তনা চহি অমদা লুপা ক্রোর ১১০০গী মৈগী বিল কনবা ঙম্লে। মখা তানা , চহি মরিগী মমাংদা লুপা ২৫০-৩০০ পীরম্বা এল ই দি ব্লব অদু হৌজিক লুপা ৫০ পীরে।

মরূপশিং,

কেন্দ্র সরকারনা হৌজিক সবকা সাথ সবকা বিকাস হায়রিবা লম্বী অসিদা মাংলোমদা চংশিল্লি। লৈবাক অসিগী মফম অমত্ত চাউখৎ-থৌরাংগী থবক্ত চিৎথহৌদনবা হোৎনরি। লায়রবশিংগী ফিবম ফগৎহন্নবা স্কিমশিং পায়খৎলে। উজ্জৱালা স্কিমগী মখাদা লেম্না গ্যাস কন্নেক্সন পীদুনা লায়রবশিং মৈখু চেন্দনা চাক থোকহল্লে। লৈবাক অসিদা কন্নেক্সন ক্রোর ৬ পীবগী মনুংদা মহারাস্ত্রগী ইচল লাখ ৩৪ য়াওরি।

শম ককপা, ফি তুবনা, ফি লোনবা অমসুং হেন্দিক্রাফ য়াওনা অপীকপা ললোন-ইতিক্কী থবক তৌনিংবা ইচলশিংগীদমক বেঙ্কশিংনা থোং লাওনা হাংদুনা লৈরি। মুদ্রা য়োজনাগী মখাদা গরেন্তি য়াওদনা লুপা লিশিং ৫০দগী লুপা লাখ ১০ ফাওবা লোন পীরি। মহারাস্ত্রদা অসিগুম্বা লোন ক্রোর ১.২৫ পীখ্রে।

মরূপশিং,

 ঐখোয়গী পান্দমদি লায়রবশিং অমসুং নুপীশিং চিংলেম্না হিংহনবনি। ঐখোয়না সরকানা অঙাংশিং লাইরিক তমহন্নবা, নহারোলশিং শেন্থোক লৈহন্নবা, অহলশিং হিদাক-লাংথক ফংহন্নবা,লৌমীশিং ইথৈ পীনবা অমসুং মীয়ামগী ৱাকৎ তানবা হোৎনরি।

অরোইবদা ঐনা ময়াম পুম্নমক অমুক হন্না থাগৎচরি। নখোয় ময়াম মশিং য়াম্না লাকপগীদমক অমসুং নখোয়গী থৌজাল পীবীবগীদমক ঐনা থাগৎচরি।

মফম অসিদগী ঐ পুনেদা চৎলগনি। মফম অদুদা  ঐনা লুপা ক্রোর কয়াগী চাউখৎ-থৌরাংগী প্রোজেক্তশিং উরেপ-উয়ুং তমগনি। মফম অসিদা নখোয় ময়াম লাকপগীবগীদমক ঐনা থাগৎচরি।

ময়াম্বু থাগৎচরি !