ভারতকী প্রধানমন্ত্রী
প্রধান মন্ত্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা ভারতকী মাইক্রো, স্মোল অমসুং মেদিয়ম ইন্তর্প্রাইজেস মিনিস্ত্রিগী মখাদা লৈবা নেসনেল স্মোল ইন্দস্ত্রি কোরপোরেসন লিমিতেদ(এন এস আই সি) অমসুং রুসিয়াগী জে এস সি-রুসিয়ান স্মোল এন্দ মেদিয়ম বিউজিনেস ইন্তর্প্রাইজেস(আর এস এম বি কোরপোরেসন) অনিগী মরক্তা এম ও য়ু অমদা খুৎয়েক পীনবা য়ারে ।এম ও য়ু অদু রুসিয়াগী প্রসিদেন্তনা ভারত্তা লাকপদা খুৎয়েক পীনগনি ।
এম ও য়ু অসিগী পান্দমদি লৈবাক অনিগী মরক্তা মাইক্রো, স্মোল অমসুং মেদিয়ম ইন্তর্প্রাইজেসগী লমদা মতেং পীনবা হেনগৎহনবনি । মসিনা এম এস এম ই সেক্তরদা লৈবাক অনিগী মরক্তা অমনা অমগী তৌবা ঙম্বা, কৈথেল, তেক্নোলোজিশিং অমসুং থৌশিলশিংমশক খঙদোকপদা মতেং ওইগনি । মসিনা ইন্তর্প্রাইজেস অমদগী ইন্তর্প্রাইজেস অমদা মতেং পীনবা অমসুং লৈবাক অনিগী মরক্তা এম এস এম ই সেক্তরদা তেক্নোলোজি পীনবা, জোইন্ত ভেন্জর অমসুং পুন্নবা ললোন-ইতিক্কী থবকশিং পায়খৎপদা মতেং পাংনগনি । মসিগী এম ও য়ু অসিদা ত্রেনিং পীবা, ওন্ত্রেপ্রেনিউয়রসিপ য়োকখৎপা অমসুং একজিবিসনশিং শরুক য়াদুনা অমনা অমগী কৈথেলদা চংবা য়াহনবগী ৱাফমশিং য়াউরি ।
মসিগী মতেং পীনবা অসিনা অনৌবা কৈথেল, জোইন্ত ভেন্জরশিং অমসুং তেক্নোলোজিশিং মতেং পীনদুনা ভারতকী এম এস এম ই সেক্তরদা অনৌবা খুদোংচাবা কয়া ফংহনগনি। এম এস এম ই মিনিস্ত্রিগী এন এস আই সি অসি অসিগুম্বা মতেং পীনবগী থবক্তা হৈথোই-শিংথোইরবা মরম্না মসিগী এম ও য়ু অসি থবক ওইনা পাংথোক্নবা মতিক চারবা ওর্গনাইজেসন অমনি ।
