Search

ভারতকী প্রধানমন্ত্রীভারতকী প্রধানমন্ত্রী

অনৌবা পাউশিং

মচাকশিং অসি পি আই বিদগী মশা মথন্তা লৌথোকচবনি

মালেমগী নুপীশিংগী নুমিত্ত প্রধান মন্ত্রীনা য়াইফ পাউজেল পীখ্রে, ভারত চাউখৎপদা নুপীশিংগী থৌদাং থাগৎপা ফোঙদোকখ্রে


মালেমগী নুপীশিংগী নুমিৎ লাকপদা মীয়ামদা প্রধান মন্ত্রী শ্রী নরেন্দ্র মোদীনা মহাক্কী পাউজেল পীখ্রে অমসুং ভারতকী নারী শক্তিগী মপাঙ্গল, অচেৎপা ফিরেপ অমসুং মাইপাকপশিংদা ইকায়খুম্নবা উৎখ্রে।

প্রধান মন্ত্রীনা লৈবাক শীনবা থুংবগী নুপীশিংদা য়াইফ পাউজেল পীখ্রে অমসুং ভারত চাউখৎপদা নুপীশিংগী থৌদাং থাগৎপা ফোঙদোকখ্রে। মহাক্না হায়খি মদুদি হিরম খুদিংমক্ত, অচেৎপা ফিরেপ, হৈথোই-শিংথোইবা অমসুং লাম্বা লৈতবা থৌনাগা লোয়ননা নুপীশিংনা মতেং পাংলি অমসুং ভারতকী নারী শক্তিগী মাইপাকপশিংনা লৈবাক অসি ইথিল পীগনি লোয়ননা বিকসিত ভারত অমা শাগৎনবা অপুনবগী ৱারেপ মপাঙ্গল কনখৎহনগনি।

নুপীশিংনা মাংজিল থাদুনা চাউখৎপা পুরক্নবা সরকারনা পায়খৎলিবা থবকশিংগী পল্লদুনা, প্রধান মন্ত্রীনা হায়খি মদুদি নুপীশিংগী ফিবম ফগৎহনবা হায়বসি সরকারগী স্কিমশিং অমসুং থবকশিংগী মরুওইবা অমনি। নুপী খুদিংমক মখোয়গী তৌবা ঙম্বা অদু থবক ওইনা পাংথোক্নবা অমসুং ভারতকী চাউখৎপগী খোঙচত্ত মতেং পাংনবা খুদোংচাবশিং ফংহন্নবা সরকারনা মখা তানা থবক পায়খৎলি।

ভারতকী নারী শক্তিগী মাইপাকপশিং অসি লৈবাক অসি চাউথোকচনবা মচাক অমনি অমসুং লৈবাক শেমগৎপদা নুপীশিংনা লৌরিবা থৌদাং নিংশিংহনবা অমনি। ভারতনা মখা তানা চাউখৎপগা লোয়ননা, নুপীশিংগী অনিংবশিং অমসুং থবকশিংনা মখা তানা মপাঙ্গল কনবা অমসুং নুংঙাই য়াইফবা লৈবাক অমগী মাইকৈদা চঙশিল্লিবা অপুনবা খোঙচৎ লমজিংগনি।

হৌখিবা চহি ১০ অসিদা খ্বাইদগী নেম্বা থাক্ত লৈরিবা নুপীশিংগী পুন্সিগী ফিবম কমদৌনা অওনবা পুরকপগে হায়বগী মতাংদা শক্তম অমসু প্রধান মন্ত্রীনা সিয়ার তৌখি, লৈবাক শীনবা থুংবগী নুপীশিংগী ফিবম ফগৎনবা পান্দম থম্লিবা থবকশিংগী কান্নবশিং ফোঙদোকখি।

এক্সতা পোষ্টশিংগী পরিং অমদা, প্রধান মন্ত্রীনা হায়খি;

“মালেমগী নুপীশিংগী নুমিৎ লাকপদা, ঐখোয়গী নারী শক্তিদা ঐনা য়াইফ পাউজেল পীজরি।

হিরম খুদিংমক্ত, অচেৎপা ফিরেপ, হৈথোই-শিংথোইবা অমসুং লাম্বা লৈতবা থৌনাগা লোয়ননা নুপীশিংনা মতেং পাংলি। ভারতকী নারী শক্তিগী মাইপাকপশিংনা লৈবাক অসি ইথিল পীগনি লোয়ননা বিকসিত ভারত অমা শাগৎনবা ঐখোয়গী অপুনবগী ৱারেপ মপাঙ্গল কনখৎহনগনি।

নুপীশিংগী ফিবম ফগৎহনবা হায়বসি সরকারগী স্কিমশিং অমসুং থবকশিংগী মরুওইবা অমনি। নুপী খুদিংমক মখোয়গী তৌবা ঙম্বা অদু থবক ওইনা পাংথোক্নবা অমসুং ভারতকী চাউখৎপগী খোঙচত্ত মতেং পাংনবা খুদোংচাবশিং ফংহন্নবা সরকারনা মখা তানা থবক পায়খৎলি।

#NayeBharatKiNariShakti”

“ভারতকী নারী শক্তিগী মাইপাকপশিং অসি লৈবাক অসি চাউথোকচনবা মচাক অমনি অমসুং লৈবাক শেমগৎপদা নুপীশিংনা লৌরিবা থৌদাং নিংশিংহনবা অমনি। ভারতনা মখা তানা চাউখৎপগা লোয়ননা, নুপীশিংগী অনিংবশিং অমসুং থবকশিংনা মখা তানা মপাঙ্গল কনবা অমসুং নুংঙাই য়াইফবা লৈবাক অমগী মাইকৈদা চঙশিল্লিবা অপুনবা খোঙচৎ লমজিংগনি।

#NayeBharatKiNariShakti”

হৌখিবা চহি ১০ অসিদা খ্বাইদগী নেম্বা থাক্ত লৈরিবা নুপীশিংগী পুন্সিগী ফিবম কমদৌনা অওনবা পুরকপগে হায়বগী মতাংদা শক্তম অমা লৈজরে…

#NayeBharatKiNariShakti”

***