ভারতকী প্রধানমন্ত্রী

এল্লরিগু নন্না নমস্কারগলু।

রামকৃষ্ণ মথ অমসুং রামকৃষ্ণ মিসন (বেলুর মথ)কী প্রসিদেন্ত খ্বাইদগী ইকায় খুম্নরবা স্বামি গৌতমানন্দ; শ্রী রামকৃষ্ণ আশ্রম, মৈসুরুগী প্রসিদেন্ত ইকায় খুম্নরবা স্বামি মুক্তিনন্দজী; রামকৃষ্ণ মথ অমসুং রামকৃষ্ণ মিসনগী ত্রস্তী, ইকায় খুম্নরবা স্বামি য়াদবেন্দ্রানন্দজী; রাজ্যপাল শ্রী থাৱর চান্দ গেহলোতজী; মুখ্য মন্ত্রী শ্রী দি.কে. শিবকুমারজী; এম.পি. য়াদুবীর কৃষ্ণদত্ত চামরাজ ৱাদিয়ারজী; এম.এল.এ.শিং বিজয়েন্দ্র য়েদিয়ুরপ্পাজী অমসুং কে. হরিশ গৌরাজী; অতৈ মকোক থোংবা মীওইশিং, ইকায় খুম্নরবা সন্তশিং অমসুং ইচিল-ইনাওশিং।

অহানবদা, ঐহাক্না মৈসুরুগী ঈশ্বর ওইরিবা দেবী চামুন্দেশ্বরীদা ইকায় খুম্নবা উৎচরি। নুমিৎ নিনিগী মমাংদা ঐখোয়না গুরু পুর্নিমা পাংথোকখি। ময়াম পুম্নমক্না খঙনরে মদুদি, রামকৃষ্ণ মিসন অসিনা ঐহাক্কী খোঙচৎতা মরুওইবা থৌদাং অমা লৌখি। থা অহুমগী মমাংদা, ঐহাক্না হাওরাদা লৈবা বেলুর মথতা চৎখি অমসুং মফম অদুদা লৈরিবা ইকায় খুম্নরবা সন্তশিংগা লোয়ননা স্পিরিচুএল দিস্কোর্সতা শরুক য়াবগী খুদোংচাবা ফংখি। ঙসি ঐহাক্না মৈসুরুদা অমুক্কা হন্না শ্রী রামকৃষ্ণ আশ্রমগা মরী লৈনবা সন্তশিংগা উনবগী খুদোংচাবা ফংজবা অসি ঐহাক্কী নুংঙাইবা অমনি। মফম অসিদা অদোম্না লৈবনা ঐহাকপু মৈসুরুগী অশেংবা লমদম অসিদা তোপ তোপ্পা ইনর্জী অমা ফাওহল্লি। মফম অসিদা লৈরিবা সন্ত পুম্নমক্কী মফমদা ঐহাক্না ইকায় খুম্নবা উৎচরি।

মরুপশিং,

মৈসুরু অসি ভারতকী মতম চুপ্পগী চৎনবীগী ওইবা ৱাখল্লোনগী ময়োল লম অমা ওইরি। ভারতকী হেরিতেজ অসি শহর অসিগী ফাইবর খুদিংমক্তা য়াওরি – মাগী লাইশংশিং, চৎনবীশিং অমসুং কুমহৈশিং, মৈসুরু দাসরা, মাগী অচৌবা কোনুংশিং, অমসুং মাগী ঈশৈ অমসুং সহিত্যা। শহর অসিনা মাগী হেরিতেজ অসিবু চেকশিন্না অমসুং হৈ-শিংবগা লোয়ননা ঙাক-শেন্দুনা থম্বা অসি উবদা য়াম্না নুংঙাইবা ফাওই। শ্রী রামকৃষ্ণ আশ্রম অমসুং স্বামি বিবেকানন্দগা মরী লৈনবা থৌদোকশিং অসিসু মৈসুরুগী হেরিতেজকী শিংথানীংঙাই ওইবা শরুক অমা ওইরি। মতম খরগী মমাংদা, ঐহাক্না স্বামি বিবেকানন্দনা মফম অসিদা লৈরিঙৈদা লৈরম্বা পুৱারী ওইরবা বিল্দিং অদুদা চৎখি। কর্নাতকাগী স্কোলর অমসুং লুমিনারি কয়া মফম অসিগা মরী লৈনৈ। ‘রাস্ত্রকবি’ (নেস্নেল পোইত) কুভেম্পুগুম্বা শক্নাইরবা মীওইশিংনা শ্রী রামকৃষ্ণ আশ্রম অসিগা মৈসুরুদা লৈরিঙৈ মতমদা অচেৎপা মরী লৈনরম্মি। ঙসি, স্বামি বিবেকানন্দ কলচরেল য়ুথ সেন্তর শঙ্গাখিবগা লোয়ননা ঐখোয়না মিসন অসিদা অনৌবা দাইমেন্সন অমা পীরি। মসিগী মাইপাকপগীদমক শ্রী রামকৃষ্ণ আশ্রম অমসুং মসিগা মরী লৈনবা স্কোলর পুম্নমকপু ঐহাক্না থম্মোয় শেংনা নুংঙাইবা ফোংদোকচরি।

মরুপশিং,

মীওই অমনা নোংমদা মশক নাইবা মীশক অমা ওইরকপা নত্তে। মসিদা পুন্সিগী চাংয়েং কয়া অমা থেংনবা মথৌ তাই। মসিদা দেদিকেতেদ স্পিরিচুএল প্রেক্তিস অমসুং অকনবা মওংদা তপস্যা তৌবা মথৌ তাই। মীওই অমনা মশাবু দিসিপ্লিনগী মৈ অদুদা চাকহনগদবনি অমসুং মশা পুম্নমকপু থবক অসিদা লুপকদবনি। শক্নাইরবা অমা ওইরবা মতুংদা, মালেমনা মতেং পাংই; অদুম ওইনমক, অসিগুম্বা শক্নাইরবা মীওইশিংবু মখোয়না অৱাবা কয়া মায়োক্নরিঙৈদা শকখঙবা হায়বসি অরায়বা থবক নত্তে। অদুম ওইনমক, তপস্যা তৌরিঙৈ মতম অসিদা সীকর অদুবু মশক খঙবা মীওই অদুদি মখোয়গী অরোইবা পন্থুং অদু য়ৌবসু ঙম্মি।

মরম অদুনা ইচিল-ইনাওশিং,

স্বামি বিবেকানন্দগী পুন্সিদা মৈসুরুনা মরু ওইবা থৌদাং অমা লৌখি। চাউরাক্না চহি ১৩০গী মমাংদা, স্বামি জীনা চহি নৌরিবা লম্বোইবা অমা ওইনা কোইনা চৎপা মতমদা মৈসুরুদা চৎখি। মতম অদুদা, মহাক অসি মীয়াম্না খঙনরমদে, অদুম ওইনমক মহাক্কী ৱাখল্লোনশিং অদু তশেংনা অফবনি। মহাক্কী মমল খঙলবা অমসুং মহাক্কা মরী লৈনবা মীওইশিংগী মরক্তা, মতমদুগী মৈসুরুগী মহারাজ অসি মশক থোকপা মীশক অমনি। অমেরিকাদা লৈরিঙৈ মতমদা, স্বামি বিবেকানন্দনা মতমদুগী মৈসুরুগী মহারাজাদা চিথী অমা ইখি, মদুদা মহাক্না মহারাজাগী মতেং অদু অখন্ননা মশক খঙখি।

মরুপশিং,

স্বামি বিবেকানন্দনা ভারতকী ৱাখল্লোনবু মশক তাকখি। মহাক্না সাস্ত্রগী ৱারোলশিং অসিবু মপুং ফাহনখি, মদুনা হায়রিবা অদুদি: “অতোপ্পা অমগীদমক হিংলিবা মীওই খক্তনা অশেংবা পুন্সি ফংগনি।” হায়রিবা ৱাখল্লোন অসিনা লমজিংদুনা, হৌখিবা চহিদা মৈসুরুদা লৈবা শ্রী রামকৃষ্ণ আশ্রমনা মাগী চহি চাম্মা শুবা মপোক কুমওন পালন তৌখি। এজুকেসন অমসুং হেল্থকেয়রগা মরী লৈনবা সর্ভিসশিংগী খুত্থাংদা ওইগেরা নৎত্রগা মহৌশাগী খুদোংথিবা থোকপা মতমদা রিলিফ ওপরেসনগী খুত্থাংদা ওইগেরা, শ্রী রামকৃষ্ণ আশ্রমনা স্বামি বিবেকানন্দগী লিগেসী হিংহন্দুনা থম্লি। ঐহাক্না থাজবা থম্লি মদুদি বিবেকা স্মারক অসি সিকরশিং অমসুং ভক্তশিংগী মরক্তা চপ মান্নবা স্পিরিচুএল অপলিফমেন্তকীদমক তীর্থগী মফম অমা ওইহল্লগনি। স্বামি বিবেকানন্দগী লমজিং-লমতাকপা ৱাখল্লোনদি “শিৱ জ্ঞানে জীবা সেবা” হায়বনি। মসিনা তাক্লিবদি অহিংবা জিবশিংগী সেবা অসি ভগবান শিৱকী সেবা অদুনি। মরম অদুনা, বিবেকা স্মারক অসিদা, খুন্নাই অমসুং লৈবাক অসিগী কান্নবশিং অমসুং লায়রবশিং অমসুং শোত্থরবশিংগী য়াইফনবা মফম অমা ওইনা শেমগৎকদবনি; “নেসন ফার্স্ত” অসি মখোয়গী খ্বাইদগী ৱাংবা মন্ত্র ওইরিবা অমসুং ভারত ইমাগী সেবা তৌবসি মখোয়গী পুন্সিগী মিসন ওইরিবা নহাশিংবু শেমগৎকদবনি।

মরুপশিং,

স্বামি বিবেকানন্দনা নহারোলশিংগী এজুকেসনবু লৈবাক শেমগৎপদা মপাঙ্গল কনবা য়ুম্ফম অমা ওইনা লৌরম্মি। মালেমগী লৈবাকশিংনা মখোয়গী নহাশিংবু মতৌ করম্না মহৈ তম্বগে হায়বদু মহাক্না মশানা উখি। অদুম ওইনমক, লাইবক থিবদি, মতমদুদা ভারত অসি লোইলমগী মখাদা লৈরম্মি, অমসুং মাগী নহাশিং অসি মীখা পোনবগী য়োৎলিং থাংদুনা লৈরম্মি। মতম অদুদগী, ভারতকী নহারোলশিংনা অশাংবা খোঙচৎ অমা চৎখি; মতম অমদা য়োৎলিং থাংদুনা লৈরম্বা নহারোলশিং অদু হৌজিক মালেমগী চাউখৎপা পুরক্লি।

· ঙসিদি, ভারতকী শেন্মিৎলোন য়াম্না থুনা হেনগৎলক্লি।

· কনাগী মতেংদগীনো? ভারতকী নহারোলশিংগী পোতেন্সিএলদগী।

· ঙসিদি, ভারত অসি মালেমদা অহুমশুবা খ্বাইদগী চাউবা স্তার্ত-অপ ইকোসিস্তেম লৈরে।

· কনাগী মতেংদগীনো? ভারতকী নহারোলশিংগী পোতেন্সিএলদগী।

· ঙসিদি ভারত অসি মালেমগী অনিশুবা খ্বাইদগী চাউবা মোবাইল ফোন পুথোকপা লৈবাক ওইরে।

· কনাগী মতেংদগীনো?

· ভারতকী নহারোলশিংগী পোতেন্সিএলদগী।

· ঙসিদি, ভারত্তা শেমখিবা দিজিতেল সোলুসনশিং অসি মালেমগী লৈবাক কয়াগী ইথিলগী হৌরকফম অমা ওইরক্লি।

· কনাগী মতেংদগীনো?

· ভারতকী নহারোলশিংগী পোতেন্সিএলদগী।

· ঙসিদি, ভারতনা সেমিকন্দক্তর মেন্যুফেকচরিংগী অনৌবা খোঙচৎ অমদা খোঙজেল য়াংনা চংশিল্লি।

· কনাগী মতেংদগীনো?

· ভারতকী নহারোলশিংগী পোতেন্সিএলদগী।

· ঙসিদি, ভারতনা এ.আই., দিপ তেক, স্পেস তেক্নোলোজী অমসুং ইন্নোবেসনদা অনৌবা চেপ্তরশিং ইরি।

· কনাগী মতেংদগীনো?

· ভারতকী নহারোলশিংগী পোতেন্সিএলদগী।

নুমিৎ খরনিগী মমাংদা, ঐখোয়না ভারতকী নহারোলশিংনা স্পেসতা মশক থোকপা থবক অমা পাংথোকপদা থেংনখি। অহানবা ওইনা, প্রাইবেৎ কম্পনী অমনা শাবা, নহাশিংনা পুথোকপা রোকেত অমনা স্পেসতা য়ৌখ্রে। ঙসি, সেক্তর খুদিংমক্তা, ভারতকী নহাশিংনা মখোয়গী থৌনা অদু উৎলি। ঐখোয়না মসি ঐখোয়গী অকোইবদা উরি: অপীকপা ললোন-ইতিক্কী লমদা চংশিল্লিবা নহাশিংনা ভারতকী দিজিতেল ইকোনোমীবু মাংলোমদা পুখৎলি। মখোয়না মুদ্রা লোনগী খুত্থাংদা অনৌবা থবকশিং পায়খৎলি অমসুং লৈবাক অসিগী স্তার্তঅপ রিভোলুসনগী লমজিংলি। *আত্মনির্ভর ভারত* (মীপাল তাংদবা ভারত) ইনিসিয়েতিব ওইগেরা নত্রগা ‘মেক ইন ইন্দিয়া’ কেম্পেন ওইগেরা, ভারতকী নহারোলশিংগী মপাঙ্গলনা মখোয়গী মায় পাকপগী ময়াইদা লৈরি।

মরুপশিং,

লৈবাক অমা হেক্তদা, নহারোলশিংগী ওইথোকপা য়াবশিং অসি মখোয়দা অচুম্বা খুদোংচাবা অমসুং লমজিং-লমতাকপীবা, অমসুং চাউনা মঙলান উবা অমসুং মখোয় মশাগী মরমদমদা মঙলানশিং অদু মঙফাওনহনবগী থাজবা ফংলবা মতমদা খক্তদা নেস্নেল পাৱরদা ওন্থোকই। মসিগী মতাংদা ঐখোয়গী এজুকেস্নেল ইন্সতিত্যুসনশিংনা মরু ওইবা থৌদাং অমা লৌরি। ভারত্তা এজুকেস্নেল ইন্সতিত্যুসনশিংগী মশিং লেপ্তনা হেনগৎলক্লিবা অসিদা ঐহাক নুংঙাইবা ফাওই। হৌখিবা চহি ১২ অসিদা, অনৌবা য়ুনিভর্সিতী ৬৫০ হেন্না অমসুং অনৌবা কোলেজ ১৪,০০০ রোম লিংখৎখ্রে। অনৌবা আই.তি.আই. ৪০০০ হেন্না লিংখৎখ্রে। মসিগী মথক্তা, অনৌবা আই.আই.এম. ৯, অনৌবা আই.আই.তি. ৭ অমসুং অনৌবা এ.আই.আই.এম.এস. ১৩ লিংখৎখ্রে। ঙসিদি, লৈবাক অসিদা এম.বি.বি.এস.গী সীৎ মশিং চাউরাক্না ১৪০,০০০ য়ৌখ্রে, অমসুং মেদিকেল কোলেজশিংগী মশিং ৮২৩দা হেনগৎখ্রে।

মরুপশিং,

অমরোমদা, ঐখোয়না এজুকেসনেল ইনফ্রাস্ত্রকচর মোদর্নাইজ তৌরি। মসিগা লোয়ননা, এজুকেসন সিস্তেম অসি হৌজিক্কী মতমগী মথৌ তাবশিংগা চুনহন্নবা হোৎনরি। নেস্নেল এজুকেসন পোলিসী অসি ২১শুবা চহীচাগীদমক ভারতকী নহারোলশিং শেমগৎনবা পাম্বৈ অমা ওইরক্লি।

মরুপশিং,

স্কুল এজুকেসনগী লমদসু মশক থোকপা থবক কয়া পায়খৎলি। লৈবাক শিনবা থুংনা পি.এম. শ্রী স্কুল ১৪,০০০ হেন্না শেমগৎখ্রে। এজুকেসন অসি লাইরিক তম্বা খক্তদগী হেন্দোক্তুনা অঙাংশিংগী মরক্তা ইন্নোবেসন অমসুং সাইন্তিফিক তেম্পেরামেন্ত অমা পুক্নিং থৌগৎনবা, অতল তিঙ্করিং লেব ১০,০০০ হেন্না লিংখৎখ্রে।

মরুপশিং,

স্বামি বিবেকানন্দনা লৈবাক অসিবু চাউখৎহন্নবগীদমক থোং মান্নবা হায়বা অসি এজুকেসনগা চপ মান্ননা য়াম্না মরু ওই হায়না লৌরম্মি। এজুকেসন নৎত্রগা খুদোংচাবদা খেন্নবা লৈতবা লৈবাক অমগী মঙলান অসি হৌজিক্তি তশেং তশেংনা মংফাওনরে। ঙসিদি, নুপীমচাশিংনা সৈনিক স্কুলশিংদা মিং চল্লি অমসুং এন.দি.এ.গী খুত্থাংদা লৈবাক্কীদমক থৌদাং লৌরি। হৌজিক্তি মীওই অমনা মহাক্কী মমা লোলদা মেদিসিন অমসুং ইঞ্জিনীয়রিংগুম্বা কোর্সশিং তম্বা য়াবগী খুদোংচাবা লৈরে। মসিনা লোলদা য়ুম্ফম ওইবা খুদোংচাবশিং ফংহনবদা লৈরম্বা খেন্নবা অদু হন্থহল্লি।

মরুপশিং,

নহারোলশিংনা হকচাং ফনা লৈবা, দিসিপ্লিন লৈবা অমসুং মশাদা থাজবা লৈবা অসিসু চপ মান্ননা মরু ওই। শান্ন-খোৎনববু মরুওইবা লৌরিবা লৈবাকশিংদা, হায়রিবা মগুন অহুম অসি নহাশিংগী মরক্তা য়াম্না থুনা ফগৎলকই। মসিনা মরম ওইদুনা, শান্ন-খোৎনববু লৈবাক শেমগৎপদা মরুওইবা শরুক অমা ওইনা লৌনরি। খেলো ইন্দিয়া য়ুথ গেম্স, য়ুনিভর্সিতী গেম্স, পেরা গেম্স অমসুং ৱিন্তর গেম্সকুম্বা থৌরমশিংনা লৈবাক শিনবা থুংনা লৈরিবা নহাশিংদা মখোয়গী হৈশিংবা উৎনবা প্লেৎফোর্ম অমা পীরি। ঙসিদি, মোদর্ন স্পোর্তস ইনফ্রাস্ত্রকচর অসি লৈবাক শিনবা থুংনা পাকথোক চাউথোকহল্লে, খেলো ইন্দিয়া সেন্তরশিংগী খুত্থাংদা খুদোংচাবশিং অসি হেনগৎহল্লে অমসুং খুঙ্গংশিংদগী অপীকপা শহরশিং ফাওবদা অনৌবা তেলেন্তশিং মশক খঙদোক্লি।

অমসুং মরুপশিং,

ঙসিদি, কেম্পেন অসিগী মহৈশিং অদু ময়েক শেংনা উবা ফংলে। ইন্তর্নেস্নেল স্পোর্তস কম্পিতিসনশিংদা ভারতকী পর্ফোমেন্স ফগৎলক্লি। ঐখোয়গী শান্নরোয়শিংনা অনৌবা রেকোর্দশিং থম্বা ঙম্লি, অমসুং ঐখোয়গী ইচানুপীশিংনা লৈবাক অসিগী মীংচৎ পুরক্লি।

মরুপশিং,

স্বামি বিবেকানন্দগুম্না, বিবেকানন্দ মেমোরিয়েলনা ঐখোয়বু অফবা থবক অমগী মায়কৈদা থবক তৌনবা পুক্নিং থৌগৎলি। অসিগুম্বা মফম অসিদা লৈদুনা, ঐহাক্না ঐখোয়গী নহাশিংদা অপীল অমা তৌজবা পাম্মি।

মরুপশিং,

মৈসুরু অসি ভারতকী খ্বাইদগী লুনানবা শহরশিংগী মরক্তা চাং নাইনা রেঙ্ক চনবা ঙম্লি। মসিগী মায়পাকপগীদমক্তা মফম অসিদা লৈরিবা মীয়াম্বু ঐহাক্না থম্মোয় শেংনা থাগৎপা ফোংদোকচরি। মসিগী তাঞ্জা অসিদা, ঐখোয়না তুংলমচৎতা মশা-মউ ফনা লৈনবগী ঐখোয়গী ফিরেপ অসিবু মখা তানা চেৎশিলহন্নবা ৱাশক লৌবা য়াগদ্রা? ঐখোয়না মফমসিগী মহৌশাগী ওইবা রিসোর্সশিং অসি ঙাকশেন্দুনা থমগদবনি। ঐখোয়না অকোইবগী ফিভমগা মরী লৈননা কম্মিতমেন্তশিং লৌগদবনি। ঈশিংগী মরিং খুদিংমক কনবা ঙম্নবা ঐখোয়না ‘মিশন মোদ’দা থবক তৌগদবনি।

মরুপশিং,

ঙসি, ‘ভাল্মীকি রামায়ন’গী কন্নরাগী ৱাহন্থোকসু মফম অসিদা ফোংখ্রে। ঐহাক্না কন্নরা লোলগী মতাংদসু আপিল অমা তৌজবা পাম্মি। কর্নাতকা অসি শক্নাইরবা অইবা অমসুং কবিশিংগী লমনি। কন্নরা ৱাঙাংলোইশিং অসি মতম পুম্নমক্তা মখোয়গী লাইরিক পাবগী চৎনবীগীদমক খঙনরম্মি। স্মার্তফোনগী মতম অসিদা, মসিগী হৈনবী অসিবু মখা তানা পুক্নিং থৌগৎপা মথৌ তাই। ঐখোয়না নহা ওইরিবা মীরোলদা কন্নরাগী সহিত্যগা নক্না মরী লৈনবা পুক্নিং থৌগৎপা ঙমগদ্রা?

মরুপশিং,

মৈসুরু অসি মাগী মুগা, চা চন্দল, অমসুং খুৎ-শা হৈবগী পোৎলমশিংগীদমক্তা মমিং চৎলি। ঐখোয়না খুদোল অমা পীরকপা মতমদা, মসি ভারত মচা অমগী খুৎনা অমসুং কন্না হোৎনদুনা শাবা পোৎশক অমনি হায়বা ঐখোয়না থাজবা পীবা ঙমগদ্রা? মসিনা ঐখোয়গী চৎনবী অসিবু শৌগৎপতা নত্তনা অতোপ্পা ইমুং অমগী শেলগী মতেংসু পীগনি।

মরুপশিং,

স্বামি বিবেকানন্দনা পামখিবা ভারত অসি ওইহন্নবা হোৎনবগী থৌদাং অসি হৌজিক্কী মীরোলনা লৌরি। বিবেকানন্দ মেমোরিয়েল অসিনা মসিগী হোৎনবদা ইনর্জীগী সোর্স অমা ওইনা থবক তৌগনি হায়না ঐনা থাজবা থম্লি। ঐহাক্না অমুক্কা হন্না মফম অসিদা তিনখিবা ইকায় খুম্নরবা সন্তশিং, ইচিল-ইনাওশিং অমসুং মৈসুরুগী মীয়ামদা ইকায় খুম্নবা উৎচরি। ময়াম পুম্নমকপু হন্না-হন্না থাগৎচরি।

***