ভারতকী প্রধানমন্ত্রী

প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা সিবিল অমসুং কম্মর্সিয়েলগী থবকশিংদা ভারত অমসুং মোরোক্কোগী মরক্তা লৈবাক অনিগী আইনগী তেংবাং পীননবা য়ানচে অয়াবা পীরে।

মচং ওইবা ৱাফমশিং:

i. সমোনগী অমসুং অতোপ্পা আইনগী থবকশিং নৎত্রগা চে-চাংশিং;

ii. সিবিলগী কেসশিংগী শাখি লৌবা;

iii. চে-চাংশিং পুথোকপা, মশক তাকপা নৎত্রগা য়েংশিনবা, রেকোর্দ তৌবা;

iv. সিবিলগী কেসশিংদা শাখি লৌনবা লেত্তর ওফ রিক্বেস্ত পীবা; অমসুং

v) আরবিতেল এৱার্দশিং মশক খঙবা অমসুং চৎনহনবা।

কান্নবশিং:

য়ানচে অসিনা লৈবাক অনিমক্কী মীয়ামদা কান্নহল্লগনি। মসিনা লৈবাক অনি অসিগী সিবিল অমসুং কম্মর্সিয়েলগী থবকশিং মতেং পীনবা অমসুং মরূপ-মপাং ওইবগী মরি হেনগৎহনগনি। ভারত অমসুং মোরোক্কোগী মরক্তা লৈনরিবা য়ানচে অসিনা সমোন তৌবা, আইনগী চে-চাংশিং, লেত্তর ওফ রিক্বেস্ত পীবা অমসুং য়াথংশিং অমসুং আরবিতেল এৱার্দশিং থবক ওইনা পাংথোকপা য়াওরি।

নুংগীৱারোল:

নীংতমদ্রিঙৈ মমাংদগী ভারত অমসুং অফ্রিকাগী লৈবাকশিং মরি লৈনরক্লে। ভারত অমসুং মোরোক্কো অফবা মরি লৈনরি অমসুং চহি কয়া অসিদা নাকল অনিগী মরি অসি ফগৎলকপা উরি। লৈবাক অনিমক নন-এলাইন্ত মুভমেন্তকী শরুক অমনি। মোরোক্কোগী লোইলম লৈঙাক লোইশিনবা অমসুং মোরোক্কোগী মনীংতম্বদা য়ুনাইতেৎ নেসন্সতা ভারতনা শৌগৎখি। ১৯৫৬গী জুন ২০দা ভারতনা মোরোক্কো মশক খঙখি অমসুং ১৯৫৭দগী মরি লৈনবা হৌখি। সিবিল অমসুং কম্মর্সিয়েলগী থবকশিংদা ভারত অমসুং মোরোক্কোগী মরক্তা লৈবাক অনিগী আইনগী তেংবাং পীনবা অসিগী মরুওইবা খঙদুনা নাকল অনিগী মতেং পাংনবা হেনগৎহনবদা ভারতনা থাজবা থমখি।