ভারতকী প্রধানমন্ত্রী

হয়েং প্রধানমন্ত্রী শ্রী নরেন্দ্র মোদীনা ১৫ জনপথ দিল্লিদা দা. অম্বেদকর ইন্তরনেস্নেল সেন্তর শঙ্গারগনি । মহাক্না দা. অম্বেদকর ইন্তরনেস্নেল সেন্তর ফোর সোসিয়ো-ইকোনোমিক ত্রান্সফোর্মেসন (দিএআইসিএসইতি)শু হৌদোক্কনি ।

প্রধানমন্ত্রীনা হায়খি, “হয়েং অয়ুক পুং ১১ তাবদা, ঐহাক্না ১৫ জনপথ দিল্লিদা দা. অম্বেদকর ইন্তরনেস্নেল সেন্তর শঙ্গারগনি । সেন্তর অসি শানবগীদমক ঐহাক্না উরেপ উয়ুং তম্বগী খুদোংচাবা ফংজখিবা অদুদগী মসিগী তঞ্জা অসিনা হেন্না থোইদোক হেন্দোকপা ওইরি । ঐখোয়গী লৈবাক অসিগী কোনুংগী ময়াইদা, মসিনা দা. অম্বেদকরগী মফমদা ইকায় খুম্নবা উৎপা অমনি ।

দা. অম্বেদকর ইন্তরনেস্নেল সেন্তর অসি বুদ্ধিস্ত অমসুং হৌজিক মতমগী আর্কিতেকচরগী ফ্যুজন অমনি । মসিদা সেমিনার অমসুং কনফরেন্সকী হোলশিং য়াওরি । মসিগী মনুংদা ওদিতোরিয়ম অহুম অমসুং রিছ দিজিতেল রিপোজিতরি অমাগা লোয়ননা এক্সতেন্সিব লাইব্রেরি অমা য়াওরি ।

হয়েং দা. অম্বেদকর ইন্তরনেস্নেল সেন্তর ফোর সোসিয়ো-ইকোনোমিক ত্রান্সফোর্মেসন (দিএআইসিএসইতি) হৌদোক্লগনি । মসিগী ইনস্তিত্যুসন অসিনা তোঙান তোঙানবা ইসুশিংদা মখা তানা খন্ন নৈন্নবা লম্বী পিরগনি লোয়ন লোয়ননা নহাশিংগী মরক্তা রিসার্স, অচুম্বা ৱাখল্লোনদা পুক্নিং থৌগৎলগনি ।”