ভারতকী প্রধানমন্ত্রী

১৭শুবা লোক সভাগী অহানবা মীফমগী মাংওইননা প্রধান মন্ত্রী শ্রী নরেন্দ্র মোদীনা ঙসি নৌনা খল্লবা এম.পি.শিংবু তরাম্না ওকখ্রে।

মীফম হৌদ্রিঙৈগী মাংওইননা মীদিয়াদা পীখিবা স্তেতমেন্তা প্রধান মন্ত্রীনা হায়খি, “২০১৯গী লোক সভাগী মীখল মতুংদা ঙসি অহানবা মীফম পাংথোক্লি। ঐহাক্না নৌনা খল্লবা এম.পি. পুম্নমকপু তরাম্না ওকচরি। মখোয়গা লোয়ননা অনৌবা আশা, অনৌবা ইনোৎ অমসুং থবক তৌনীংবগী অনৌবা পুক্নীং লাক্লি।”

১৭শুবা লোক সভাদা নুপী পর্লিয়ামেন্তরিয়ানগী মশিং হেঙ্গৎলকপদা প্রধান মন্ত্রীনা নুংঙাইবা ফোংদোকখি। মহাক্না হায়খি মদুদি অয়েৎ-অপন য়াওদনা মথৌ তৌবা ঙম্লবা মতমদা পর্লিয়ামেন্তনা মীয়ামগী অনীংবা অপাম্বা থুংহনবা ঙমহল্লি।

পর্লিয়ামেন্তরী দেমোক্রেসীদা ওপোজিসনগী মরুওইবা অদুসু প্রধান মন্ত্রীনা ফোংদোকখি। হাউসকী থবক থৌরমদা ওপোজিসন্না মরুওইবা থৌদাং লৌদুনা শরুক য়াগনি হায়না মহাক্না থাজবা থমখি। ওপোজিসন্না মখোয়গী মশিংগী মতাংদা ৱানীংঙাই ওইদে হায়না প্রধান মন্ত্রীনা ফোংদোকখি।

প্রধান মন্ত্রীনা মখা তাখি, “ঐখোয়না পর্লিয়ামেন্তা লাকপা মতমদা পক্স অমসুং বিপক্স কাওথোক্কদবনি। ঐখোয়না নিশপক্স স্পিরিৎ অমগা লোয়ননা ইশুশিংগী মতাংদা খনগদবনি অমদি জাতিগী য়াইফনবা থবক তৌগদবনি।”