ପିଏମଇଣ୍ଡିଆ

ଆନ୍ଧ୍ର ପ୍ରଦେଶରେ ଏକ ନେସନାଲ ଇନଷ୍ଟିଚ୍ୟୁଟ ଅଫ ଟେକ୍ନୋଲୋଜି ସ୍ଥାପନକୁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ବୁଧବାର (୨୫.୦୫.୨୦୧୬) ଅନୁଷ୍ଠିତ କେନ୍ଦ୍ର କ୍ୟାବିନେଟ ବୈଠକରେ ପିଛିଲାଭାବେ ଅନୁମୋଦନ କରାଯାଇଛି । ଏହି ବୈଷୟିକ ଶିକ୍ଷାନୁଷ୍ଠାନଟି ଆନ୍ଧ୍ର ପ୍ରଦେଶ ସମିତି ପଞ୍ଜିକରଣ ଆଇନ-୨୦୦୧ ଅନୁଯାୟୀ ପଞ୍ଜିକୃତ ହୋଇଥିଲା ବେଳେ ୨୦୧୫ ଅଗଷ୍ଟ ୨୦ ତାରିଖରୁ କାର୍ଯ୍ୟକ୍ଷମ ହୋଇଛି ।

ଏହି ପରିପ୍ରେକ୍ଷୀରେ କେନ୍ଦ୍ର କ୍ୟାବିଟେନ ମଧ୍ୟ ଏକ ବିଧେୟକ ଅଣାଯିବା ପ୍ରସ୍ତାବକୁ ଅନୁମୋଦନ ଦେଇଛନ୍ତି । ସେହି ବିଧେୟକଟିର ନାମ ହେଉଛି ନେସନାଲ ଇନଷ୍ଟିଚ୍ୟୁଟ ଅଫ ଟେକ୍ନୋଲୋଜି, ସାଇନ୍ସ ଏଜୁକେଶନ ଏଣ୍ଡ ରିସର୍ଚ୍ଚ (ଆମେଣ୍ଡମେଣ୍ଟ) ବିଲ – ୨୦୧୬ । ତାହାର ପ୍ରଥମ ପରିଚ୍ଛେଦରେ ଆନ୍ଧ୍ର ପ୍ରଦେଶର ଏନ୍.ଆଇ.ଟି ସ୍ଥାନ ପାଇବ । ଏହା ଦ୍ୱାରା ସେହି ଏନ୍.ଆଇ.ଟି କୁ ଆଇନଗତ ଅଧିକାର ମିଳିପାରିବ । ଏହି ବୈଷୟିକ ଶିକ୍ଷା ଅନୁଷ୍ଠାନକୁ ଭାରତ ସରକାର ଆର୍ଥିକ ଅନୁଦାନ ଦେଉଥିବା ବେଳେ ସଂପୃକ୍ତ ସମିତି ଦ୍ୱାରା ପରିଚାଳିତ ହୋଇ ଆସୁଛି । ଏଣିକି ତାହା ସଂପୂର୍ଣ୍ଣ ଭାବେ କେନ୍ଦ୍ର ସରକାରଙ୍କ ଅଧିନକୁ ଆସିବ । ସି.ଏ.ଜି ଏହାର ଆକାଉଣ୍ଟ୍ସକୁ ଅଡିଡ କରିବେ ବୋଲି କୁହାଯାଇଛି ।