ପିଏମଇଣ୍ଡିଆ
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଡକ୍ଟର ଶ୍ୟାମା ପ୍ରସାଦ ମୁଖାର୍ଜୀଙ୍କ ବଳିଦାନ ଦିବସରେ ତାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି ଏବଂ ରାଷ୍ଟ୍ର ନିର୍ମାଣରେ ତାଙ୍କର ଅସାଧାରଣ ଅବଦାନକୁ ସ୍ମରଣ କରିଛନ୍ତି।
ପ୍ରଧାନମନ୍ତ୍ରୀ ଡକ୍ଟର ମୁଖାର୍ଜୀଙ୍କୁ ଜଣେ ପ୍ରତିଷ୍ଠିତ ଦେଶପ୍ରେମୀ, ବିଦ୍ୱାନ ଏବଂ ରାଜନେତା ଭାବରେ ବର୍ଣ୍ଣନା କରିଥିଲେ ଯିଏ ଭାରତର ବିକାଶ ପାଇଁ ତାଙ୍କ ଜୀବନକୁ ଉତ୍ସର୍ଗ କରିଥିଲେ। ଶ୍ରୀ ମୋଦୀ କହିଥିଲେ ଯେ ଡକ୍ଟର ମୁଖାର୍ଜୀଙ୍କ ଅଟଳ ବିଶ୍ୱାସ, ସାର୍ବଜନୀନ ଜୀବନରେ ସାହସ ଏବଂ ଜାତୀୟ ସ୍ୱାର୍ଥ ପ୍ରତି ପ୍ରତିବଦ୍ଧତା ପିଢ଼ି ପରେ ପିଢ଼ିକୁ ପ୍ରେରଣା ଦେଇ ଆସୁଛି। ସେ ଉଲ୍ଲେଖ କରିଥିଲେ ଯେ ଡକ୍ଟର ମୁଖାର୍ଜୀଙ୍କ ବଳିଦାନ ଦେଶର ସାମୂହିକ ସ୍ମୃତିରେ ଲିପିବଦ୍ଧ ହୋଇ ରହିଛି।
ଡକ୍ଟର ମୁଖାର୍ଜୀଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରି ପ୍ରଧାନମନ୍ତ୍ରୀ କହିଥିଲେ ଯେ ସେ ଦେଶ ଏବଂ ସମାଜର ନିଃସ୍ୱାର୍ଥପର ସେବା ପାଇଁ ତାଙ୍କର ସମଗ୍ର ଜୀବନ ଉତ୍ସର୍ଗ କରିଥିଲେ। ଶ୍ରୀ ମୋଦୀ ଆହୁରି ମଧ୍ୟ କହିଥିଲେ ଯେ ଡକ୍ଟର ମୁଖାର୍ଜୀଙ୍କ ଗଭୀର ଚିନ୍ତାଧାରା ଏବଂ ଆଦର୍ଶ ଦେଶର ପ୍ରତ୍ୟେକ ପିଢ଼ିକୁ ମାତୃଭୂମିର ସେବା କରିବା ପାଇଁ ପ୍ରେରଣା ଦେଇ ଚାଲିବ।
ଏହି ଅବସରରେ, ପ୍ରଧାନମନ୍ତ୍ରୀ ଏକ ସଂସ୍କୃତ ସୁଭାଶିତମ୍ ମଧ୍ୟ ସେୟାର କରିଛନ୍ତି :
‘‘ ନ କର୍ମଣା ନ ପ୍ରଜୟା ଧନେନ ତ୍ୟାଗେନେକେ ଅମୃତତ୍ବମାନଶୁଃ ।
ପରେଣ ନାକଂ ନିହିତଂ ଗୃହାୟାଂ ବିଭୟାଜତେ ୟଧତୟେ ବିଶନ୍ତି ।।’’
ସୁଭାଶିତମ୍ରେ ଉଲ୍ଲେଖ କରାଯାଇଛି ଯେ ଅମରତ୍ୱ କର୍ମ, ଧନ କିମ୍ବା ବଂଶ ଦ୍ୱାରା ନୁହେଁ ବରଂ ତ୍ୟାଗ ଏବଂ ମହାନ ଆଦର୍ଶ ପ୍ରତି ସମ୍ପୂର୍ଣ୍ଣ ସମର୍ପଣ ଦ୍ୱାରା ପ୍ରାପ୍ତ ହୁଏ। ଯେଉଁ ମହାନ ଆତ୍ମାମାନେ ଦେଶ, ସମାଜ ଏବଂ ସତ୍ୟ ପାଇଁ ନିଜର ବ୍ୟକ୍ତିଗତ ସ୍ୱାର୍ଥକୁ ତ୍ୟାଗ କରନ୍ତି, ସେମାନେ ସମୟର ସୀମା ଅତିକ୍ରମ କରି ଲୋକଙ୍କ ହୃଦୟରେ ଅମର ହୋଇଯାଆନ୍ତି।
ପ୍ରଧାନମନ୍ତ୍ରୀ ଲେଖିଛନ୍ତି
“ତାଙ୍କ ବଳିଦାନ ଦିବସରେ, ମୁଁ ଡକ୍ଟର ଶ୍ୟାମା ପ୍ରସାଦ ମୁଖାର୍ଜୀଙ୍କୁ ଶ୍ରଦ୍ଧାଞ୍ଜଳି ଜଣାଉଛି, ଜଣେ ବିଶିଷ୍ଟ ଦେଶପ୍ରେମୀ, ବିଦ୍ୱାନ ଏବଂ ରାଜନେତା, ଯିଏ ଭାରତର ବିକାଶ ପାଇଁ ନିଜ ଜୀବନକୁ ଉତ୍ସର୍ଗ କରିଥିଲେ। ତାଙ୍କର ଅଟଳ ବିଶ୍ୱାସ, ସାର୍ବଜନୀନ ଜୀବନରେ ସାହସ ଏବଂ ଜାତୀୟ ସ୍ୱାର୍ଥ ପ୍ରତି ପ୍ରତିବଦ୍ଧତା ପିଢ଼ି ପରେ ପିଢ଼ିକୁ ପ୍ରେରଣା ଦେଇ ଆସୁଛି। ଡକ୍ଟର ମୁଖାର୍ଜୀଙ୍କ ବଳିଦାନ ଆମର ସାମୂହିକ ସ୍ମୃତିରେ ଅକ୍ଷୁର୍ଣ୍ଣ ରହିଛି। ତାଙ୍କ ଶେଷ ନିଶ୍ୱାସ ପର୍ଯ୍ୟନ୍ତ ସେ ଯେଉଁ ମୂଲ୍ୟବୋଧକୁ ପାଳନ କରିଥିଲେ ଏବଂ ସେବା କରିଥିଲେ, ତା ଦ୍ୱାରା ପରିଚାଳିତ ହୋଇ ଏକ ଶକ୍ତିଶାଳୀ ଏବଂ ବିକଶିତ ଭାରତ ନିର୍ମାଣ ପାଇଁ ଆମେ ଆମର ପ୍ରତିବଦ୍ଧତାକୁ ପୁନର୍ବାର ଦୃଢ଼ କରୁଛୁ ।”
“ଦେଶ ଏବଂ ସମାଜର ସେବାରେ ନିଃସ୍ୱାର୍ଥପର ଭାବରେ ନିଜ ଜୀବନକୁ ଉତ୍ସର୍ଗ କରିଥିବା ମହାନ ବ୍ୟକ୍ତିତ୍ୱ ଡକ୍ଟର ଶ୍ୟାମା ପ୍ରସାଦ ମୁଖାର୍ଜୀଙ୍କ ବଳିଦାନ ଦିବସରେ ତାଙ୍କୁ ସମ୍ମାନଜନକ ଶ୍ରଦ୍ଧାଞ୍ଜଳି। ତାଙ୍କର ଗଭୀର ଚିନ୍ତାଧାରା ଏବଂ ଆଦର୍ଶ ପ୍ରତ୍ୟେକ ପିଢ଼ିକୁ ମାତୃଭୂମିର ସେବା କରିବାକୁ ପ୍ରେରଣା ଦେଇ ଚାଲିବ।”
‘‘ ନ କର୍ମଣା ନ ପ୍ରଜୟା ଧନେନ ତ୍ୟାଗେନେକେ ଅମୃତତ୍ବମାନଶୁଃ ।
ପରେଣ ନାକଂ ନିହିତଂ ଗୃହାୟାଂ ବିଭୟାଜତେ ୟଧତୟେ ବିଶନ୍ତି ।।’’
HS
On his Balidan Diwas, I pay homage to Dr. Syama Prasad Mookerjee, a distinguished patriot, scholar and statesman who dedicated his life to India’s development. His unwavering conviction, courage in public life and commitment to national interest continue to inspire generations.…
— Narendra Modi (@narendramodi) June 23, 2026
निःस्वार्थ भाव से राष्ट्र और समाज की सेवा में आजीवन समर्पित रहे देश की महान विभूति डॉ. श्यामा प्रसाद मुखर्जी जी को उनके बलिदान दिवस पर आदरपूर्ण श्रद्धांजलि। उनके प्रखर विचार और आदर्श देश की हर पीढ़ी को मातृभूमि की सेवा के लिए प्रेरित करते रहेंगे।
— Narendra Modi (@narendramodi) June 23, 2026
न कर्मणा न प्रजया धनेन… pic.twitter.com/UcpcRY4aJl
