ପିଏମଇଣ୍ଡିଆ

ତିନି ଦିନିଆ ଭାରତ ଗସ୍ତରେ ଆସିଥିବା ବିଲ ଆଣ୍ଡ ମିଲିଣ୍ଡା ଗେଟ୍ସ ଫାଉଣ୍ଡେସନର ସହ ଅଧ୍ୟକ୍ଷ ମିଃ. ବିଲ ଗେଟ୍ସ ଆଜି ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କୁ ସାକ୍ଷାତ କରିଛନ୍ତି । ଗତ ସେପ୍ଟେମ୍ବର ମାସରେ ମିଳିତ ଜାତିସଂଘ ସାଧାରଣ ପରିଷଦ ବୈଠକ ଅବସରରେ ନ୍ୟୁୟର୍କ ଠାରେ ଉଭୟ ପରସ୍ପରକୁ ଭେଟିଥିଲେ ।

ସ୍ୱାସ୍ଥ୍ୟ, ପୁଷ୍ଟିସାଧନ, ସ୍ୱଚ୍ଛତା ଏବଂ କୃଷି କ୍ଷେତ୍ର ପ୍ରତି ବିଶେଷ ଗୁରୁତ୍ୱ ଦିଆଯାଇ ସ୍ଥାୟୀ ବିକାଶ ଲକ୍ଷ୍ୟ ହାସଲ ଲାଗି ଭାରତ ସରକାରଙ୍କ ପ୍ରୟାସ ପ୍ରତି ତାଙ୍କ ଫାଉଣ୍ଡେସନର ପ୍ରତିବଦ୍ଧତାକୁ ମିଃ ବିଲ ଗେଟ୍ସ ଦୋହରାଇଥିଲେ ।

ପୁଷ୍ଟିସାଧନକୁ ପ୍ରମୁଖ କ୍ଷେତ୍ର ଭାବେ ଗୁରୁତ୍ୱାରୋପ କରିବା ଏବଂ ଜାତୀୟ ପୁଷ୍ଟିସାଧନ ଅଭିଯାନ ଅନ୍ତର୍ଗତ ପ୍ରୟାସ ପାଇଁ ପ୍ରଧାନମନ୍ତ୍ରୀଙ୍କୁ ମିଃ ଗେଟ୍ସ ପ୍ରଶଂସା କରିଥିଲେ ।

କୃଷି ଉତ୍ପାଦକତା ଏବଂ ବ୍ୟବସ୍ଥାଗତ ପ୍ରଦର୍ଶନ ବୃଦ୍ଧି ପାଇଁ ସେ ନୂତନ ଉପାୟ ଉପସ୍ଥାପନ କରିଥିଲେ । ଏଥିରେ ସେ ଦରିଦ୍ର ଓ ବଂଚିତଙ୍କ କଲ୍ୟାଣ ଲାଗି ଉପଲବ୍ଧତାରେ ଉନ୍ନତି ଆଣିବା ଉପରେ ବିଶେଷ ଗୁରୁତ୍ୱାରୋପ କରିଥିଲେ ।

ଫାଉଣ୍ଡେସନର ପ୍ରୟାସକୁ ପ୍ରଧାନମନ୍ତ୍ରୀ ପ୍ରଶଂସା କରିବା ସହ ଏହାର ବିଶେଷଜ୍ଞତା ଓ ଉତ୍ତରଦାୟିତ୍ୱ ପ୍ରତି ସରକାର କିଭଳି ଗୁରୁତ୍ୱ ଦେଉଛନ୍ତି ତାହା ଉଲ୍ଲେଖ କରିଥିଲେ । ସେ ପରାମର୍ଶ ଦେଇଥିଲେ ଯେ ବିକାଶ ସହଯୋଗୀଙ୍କ ଦ୍ୱାରା ତଥ୍ୟ ଏବଂ ପ୍ରମାଣ ଆଧାରିତ ବିଚାରଶୀଳ ହସ୍ତକ୍ଷେପ ଓ ସହାୟତା ସ୍ୱାସ୍ଥ୍ୟ, ପୁଷ୍ଟିସାଧନ, କୃଷି ଏବଂ ସବୁଜ ଶକ୍ତି କ୍ଷେତ୍ରରେ କାର୍ଯ୍ୟକୁ ତ୍ୱରାନ୍ୱିତ କରିବ ।

ମିଃ. ବିଲ ଗେଟ୍ସଙ୍କ ସହିତ ତାଙ୍କ ଭାରତ ନେତୃତ୍ୱ ଦଳର ପ୍ରମୁଖ ସଦସ୍ୟମାନେ ଯୋଗ ଦେଇଥିଲେ ।

**********