ପିଏମଇଣ୍ଡିଆ
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି କତାରର ଅମୀର ଶେଖ୍ ତମିମ୍ ବିନ୍ ହମଦ ଅଲ୍-ଥାନିଙ୍କଠାରୁ ଏକ ଟେଲିଫୋନ କଲ୍ ପାଇଛନ୍ତି ।
ଜୁନ୍ ୨୧ ତାରିଖରେ କତାରର ରାସ୍ ଲାଫାନ ଶିଳ୍ପ ନଗରୀରେ ହୋଇଥିବା ଏକ ଦୁର୍ଘଟଣାରେ ଭାରତୀୟ ନାଗରିକଙ୍କ ମୃତ୍ୟୁ ଉପରେ କତାର ଅମୀର ଶୋକ ପ୍ରକାଶ କରିଛନ୍ତି ଏବଂ ଆହତମାନଙ୍କ ଶୀଘ୍ର ଆରୋଗ୍ୟ କାମନା କରିଛନ୍ତି ।
ପ୍ରଭାବିତ ପରିବାରମାନଙ୍କ ପ୍ରତି ତାଙ୍କର ସମବେଦନାର ପାଇଁ ପ୍ରଧାନମନ୍ତ୍ରୀ କତାରର ଅମୀରଙ୍କୁ ଧନ୍ୟବାଦ ଦେବା ସହ ଆହତମାନଙ୍କୁ ତୁରନ୍ତ ଚିକିତ୍ସା ସହାୟତା ଯୋଗାଇବା ପାଇଁ କୃତଜ୍ଞତା ପ୍ରକାଶ କରିଛନ୍ତି ।
ଦୁଇ ନେତା ସେମାନଙ୍କର ନାଗରିକମାନଙ୍କର ମଙ୍ଗଳ ଏବଂ ସୁରକ୍ଷା ସୁନିଶ୍ଚିତ କରିବା ଦିଗରେ ନିଜର ପ୍ରତିବଦ୍ଧତା ଦୋହରାଇଛନ୍ତି ଏବଂ ପରସ୍ପର ପ୍ରତି ସେମାନଙ୍କର ସମର୍ଥନ ତଥା ସଂହତିକୁ ପୁନଃସ୍ଥାପନ କରିଛନ୍ତି ।
ପଶ୍ଚିମ ଏସିଆର ପରିସ୍ଥିତି ବିଷୟରେ ଆଲେଚାନା କରିବା ସମୟରେ, ପ୍ରଧାନମନ୍ତ୍ରୀ ଶାନ୍ତି ପ୍ରୟାସରେ କତାରର ସକରାତ୍ମକ ଅବଦାନକୁ ପ୍ରଶଂସା କରିଛନ୍ତି ଏବଂ ଆଶା ପ୍ରକାଶ କରିଛନ୍ତି ଯେ ଏଥିଯୋଗୁଁ ଏହି କ୍ଷେତ୍ରରେ ସ୍ଥାୟୀ ଶାନ୍ତି ତଥା ସ୍ଥିରତା ଆସିବ ।
ସମସ୍ତ କ୍ଷେତ୍ରରେ ଦ୍ୱିପାକ୍ଷିକ ସହଯୋଗ ବିସ୍ତାର କରିବା ପାଇଁ ଉଭୟ ନେତା ସେମାନଙ୍କର ପ୍ରତିବଦ୍ଧତାକୁ ମଧ୍ୟ ପୁନଃସ୍ଥାପନ କରିଛନ୍ତି ।
ଦୁଇ ନେତା ଆଗାମୀ ଦିନରେ ନିରନ୍ତର ଯୋଗାଯୋଗରେ ରହିବାକୁ ସହମତି ପ୍ରକାଶ କରିଛନ୍ତି ।
SR
I thank His Highness the Amir of Qatar for his phone call and condolences on the loss of lives of Indian nationals in the tragic accident at Ras Laffan Industrial City in Qatar.
— Narendra Modi (@narendramodi) June 23, 2026
We both share the grief of the families who have lost their loved ones and pray for the speedy…
