ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଭାରତ ଗସ୍ତରେ ଆସିଥିବା ଫିନଲ୍ୟାଣ୍ଡ ଗଣତନ୍ତ୍ରର ରାଷ୍ଟ୍ରପତି ଶ୍ରୀ ଆଲେକଜାଣ୍ଡାର ଷ୍ଟବଙ୍କୁ ସ୍ୱାଗତ କରିଛନ୍ତି।
ଏହି ଗସ୍ତ ଭାରତ ଏବଂ ଫିନଲ୍ୟାଣ୍ଡ ମଧ୍ୟରେ ଦ୍ୱିପାକ୍ଷିକ ସମ୍ପର୍କକୁ ଆହୁରି ସୁଦୃଢ଼ କରିବ ବୋଲି ଶ୍ରୀ ମୋଦୀ ବିଶ୍ୱାସ ବ୍ୟକ୍ତ କରିଥିଲେ।
ରାଷ୍ଟ୍ରପତି ଷ୍ଟବ୍ ପୂର୍ବରୁ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ପୋଷ୍ଟ କରିଥିଲେ ଯେ ସେ ଭାରତକୁ ଏକ ସରକାରୀ ଗସ୍ତରେ ଯାଉଛନ୍ତି ଏବଂ ଭାରତର ରାଷ୍ଟ୍ରପତି ତଥା ପ୍ରଧାନମନ୍ତ୍ରୀ ତଥା ରାଜ୍ୟ ନେତୃତ୍ୱର ଅନ୍ୟ ସଦସ୍ୟମାନଙ୍କୁ ଭେଟିବେ। ସେ ଉଲ୍ଲେଖ କରିଥିଲେ ଯେ ଏହି ଗସ୍ତ ଫିନଲ୍ୟାଣ୍ଡ ଏବଂ ଭାରତ ମଧ୍ୟରେ ବାଣିଜ୍ୟ କ୍ଷେତ୍ର ସମେତ ସମ୍ପର୍କକୁ ଆହୁରି ସୁଦୃଢ଼ କରିବ।
ଫିନଲ୍ୟାଣ୍ଡର ରାଷ୍ଟ୍ରପତିଙ୍କ ଏକ୍ସ ପୋଷ୍ଟ ଉପରେ ପ୍ରତିକ୍ରିୟା ଦେଇ ଶ୍ରୀ ମୋଦୀ କହିଲେ;
“ଭାରତକୁ ସ୍ୱାଗତ, ରାଷ୍ଟ୍ରପତି ଆଲେକ୍ଜାଣ୍ଡର ଷ୍ଟବ। ମୁଁ ଆପଣଙ୍କ ସହ ସମ୍ପୂର୍ଣ୍ଣ ସହମତ, ଆପଣଙ୍କ ଗସ୍ତ ଭାରତ–ଫିନଲ୍ୟାଣ୍ଡ ସମ୍ପର୍କକୁ ନୂତନ ଉଚ୍ଚତାକୁ ନେଇଯିବ। ଆସନ୍ତାକାଲି ଆମର ବୈଠକ ଏବଂ ରାଇସିନା ବାର୍ତ୍ତାଳାପ ୨୦୨୬ ରେ ଆପଣଙ୍କ ମୁଖ୍ୟ ବକ୍ତବ୍ୟକୁ ମୁଁ ଉତ୍ସାହର ସହିତ ଅପେକ୍ଷା କରିଛି। ’’
HS
Welcome to India, President Alexander Stubb. I fully agree with you, your visit will take India-Finland relations to new heights. I eagerly look forward to our meeting tomorrow and to your keynote address at the Raisina Dialogue 2026. @alexstubb https://t.co/pJs0N3J9Mr
— Narendra Modi (@narendramodi) March 4, 2026
