ପିଏମଇଣ୍ଡିଆ

ଲଣ୍ଡନରେ ୨୪ ଜୁଲାଇରେ ଭାରତ ଓ ବ୍ରିଟେନ କର୍ତୃପକ୍ଷଙ୍କ ଭିତରେ ସାକ୍ଷାତ ଆଲୋଚନା ବେଳେ ପ୍ରକାଶ ପାଇଛି ଭାରତ–ବ୍ରିଟେନ ଭିଜନ ୨୦୩୫ । ଏହି ଆକାଂକ୍ଷିତ ଓ ସୁଦୂରପ୍ରସାରୀ ଚୁକ୍ତିନାମା ଦୁଇ ଦେଶ ଭିତରେ ଦ୍ୱିପାକ୍ଷିକ ସମ୍ପର୍କକୁ ଆହୁରି ମଜଭୂତ କରିବ । ବିଶ୍ୱର ଦ୍ରୁତ ପରିବର୍ତନ ସମୟରେ ଏହି ଚୁକ୍ତିନାମା ଦୁଇ ଦେଶକୁ ସମୃଦ୍ଧ ଓ ବିକାଶ ପଥରେ ଅଗ୍ରସର କରାଇବ ।

ସମ୍ପ୍ରସାରିତ ଆକାଂକ୍ଷା

ଭାରତ ଓ ବ୍ରିଟେନ ଭିତରେ ରହିଥିବା ଦ୍ୱିପାକ୍ଷିକ ସମ୍ପର୍କ ନୂଆ ଶିଖରରେ ପହଂଚିଛି । ପ୍ରାୟ ସବୁ କ୍ଷେତ୍ରରେ ଦୁଇ ଦେଶ ନିଜ ନିଜର ଦ୍ୱିପାକ୍ଷିକ ସମ୍ପର୍କକୁ ମଜଭୂତ କରିପାରିଛନ୍ତି । ପ୍ରସ୍ତୁତ କରାଯାଇଥିବା ନୂଆ ଭିଜନ ବି ଏହି ଦୁଇ ଦେଶ ଭିତରେ ସମ୍ପର୍କକୁ ଆହୁରି ବଳିଷ୍ଠ କରିବ ।

ଭିଜନ ପ୍ଲାନ

୨୦୩୫ ସୁଦ୍ଧା ଦୁଇ ଦେଶ ଭିତରେ ରହିଥିବା ଦ୍ୱିପାକ୍ଷିକ ସମ୍ପର୍କ ନୂଆ ସଂଜ୍ଞା ପାଇବ । ପାରସ୍ପରିକ ବା ଦ୍ୱିପାକ୍ଷିକ ସମ୍ପର୍କ ଆହୁରି ମଜଭୂତ ହୋଇ ଭାରତ–ବ୍ରିଟେନ ଭିଜନ ୨୦୩୫କୁ ଚରିତାର୍ଥ କରିବ ।

ଫଳାଫଳ

ଦୁଇ ଦେଶକୁ ବଳିଷ୍ଠ କରିବାକୁ ଏହି ଭିଜନ ଲକ୍ଷ୍ୟ ରଖିଛି । ବାଣିଜ୍ୟ ଚୁକ୍ତିନାମା କାର୍ଯ୍ୟକାରୀ ହେଲେ ଅଧିକରୁ ଅଧିକ ବିକାଶ ସହ ନିଯୁକ୍ତି ସୁଯୋଗ ସୃଷ୍ଟି ହୋଇପାରିବ ।

ଶୈକ୍ଷିକ ଓ ଦକ୍ଷତା ବିକାଶ ଭାଗିଦାରୀ ପରବର୍ତୀ ବୈଶ୍ୱିକ ନେତୃତ୍ୱକୁ ବଳିଷ୍ଠ କରିବ । ଭାରତ ଓ ବ୍ରିଟେନ ବିଶ୍ୱବିଦ୍ୟାଳୟ ଭିତରେ ଶୈକ୍ଷିକ ସହଯୋଗ ବୃଦ୍ଧି ପାଇବ । ଦେଶ ଦେଶ ଭିତରେ ଅଧିକରୁ ଅଧିକ ବିଦେଶୀ ବିଶ୍ୱବିଦ୍ୟାଳୟ କ୍ୟାମ୍ପସ ଖୋଲିବ ।

ପ୍ରଯୁକ୍ତି ବିଦ୍ୟା ଓ ଗବେଷଣାକୁ ପ୍ରାଧାନ୍ୟ ଦିଆଯାଇ ଯାନ୍ତ୍ରିକ ନିରାପତା, ଟେଲିକମ, ଏଆଇ, ବିରଳ ଖଣିଜ ପଦାର୍ଥ, ସେମି କଣ୍ଡକ୍ଟର, କ୍ୱାଂଟମ, ବାୟୋ ଟେକ୍ନୋଲଜି ପରି କ୍ଷେତ୍ରକୁ ପ୍ରାଧାନ୍ୟ ଦିଆଯିବ ।

ସେହିପରି ଜଳବାୟୁ ପରିବର୍ତନ କ୍ଷେତ୍ରରେ ବି ଦୁଇ ଦେଶ ସହଭାଗିତା ଆଧାରରେ କାମ କରିବେ ।

ପ୍ରତିରକ୍ଷା ଓ ନିରପତା କ୍ଷେତ୍ରରେ ଦୁଇ ଦେଶ ଭିତରେ ସହଯୋଗ ବୃଦ୍ଧି ପାଇବ । ଶାନ୍ତି ଓ ସୌହାର୍ଦ୍ଦ୍ୟ ବଜାୟ ରଖିବା ଲକ୍ଷ୍ୟରେ ଦୁଇ ଦେଶ ମିଳିତ ଭାବେ କାମ କରିବେ ।

ଭାରତ–ବ୍ରିଟେନ ଭିଜନ ୨୦୩୫କୁ ଚରିତାର୍ଥ କରିବା ଲକ୍ଷ୍ୟରେ ଦୁଇ ଦେଶ ନେତାଙ୍କ ଭିତରେ ସମୟକ୍ରମେ ଆଲୋଚନା ଚାଲୁ ରହିବ । କାର୍ଯ୍ୟାଦେଶ ଲାଗି ଭାରତ ଓ ବ୍ରିଟେନ ପ୍ରଧାନମନ୍ତ୍ରୀଙ୍କ ଭିତରେ ବାର୍ତାଳାପ ଆଗକୁ ବି ଜାରି ରହିବ । ବାର୍ଷିକ ଭାବରେ ଭାରତର ବୈଦେଶିକ ବ୍ୟାପାର ମନ୍ତ୍ରୀ ଓ ବ୍ରିଟେନର ବୈଦେଶିକ ସଚିବ ସମୀକ୍ଷା କରିବେ । ପ୍ରଯୁକ୍ତି, ବାଣିଜ୍ୟ, ପୁଞ୍ଜି ନିବେଶ ଓ ଆର୍ଥିକ ସହଯୋଗ ପରି କ୍ଷେତ୍ରରେ ମନ୍ତ୍ରିସ୍ତରୀୟ ବିଚାର ବିମର୍ଶ ଜାରି ରହିବ ।

ଆନ୍ତର୍ଜାତିକ ନିୟମାବଳୀ ଅନୁସାରେ ଦୁଇ ଦେଶ ପାରସ୍ପରିକ ବୁଝାମଣାରେ ସଂସ୍କାର ଆଣି ପାରିବେ । ବୈଶ୍ୱିକ ସମସ୍ୟାକୁ ଆଖିରେ ରଖି ମିଳିତ ଜାତିସଂଘ, ନିରାପତା ପରିଷଦ, କମନବେଲଥ, ଡବ୍ଲୁଟିଓ, ହୁ, ଆଇଏମଏଫ, ବିଶ୍ୱବ୍ୟାଙ୍କ ପରି ସଂସ୍ଥାଗୁଡିକରେ ଦୁଇ ଦେଶ ସଂସ୍କାର ଆଣିବା ଦିଗରେ କାମ କରିବେ ।

ନିଜ ସମୁଦାୟ ସମେତ ପ୍ରବାସୀଙ୍କ ସ୍ୱାର୍ଥ ଲାଗି ଦୁଇ ଦେଶ ଭିତରେ ଶିକ୍ଷା, ସାଂସ୍କୃତିକ ଭାବ ବିନିମୟ ପରି କ୍ଷେତ୍ରରେ ବି ସହଯୋଗ ବୃଦ୍ଧି ପାଇବ ।

ଭିଜନ ୨୦୩୫ ଅନୁସାରେ ବିଭିନ୍ନ କ୍ଷେତ୍ରରେ ଦୁଇ ଦେଶ ମିଳିତ ଭାବେ କାମ କରିବେ । ବାଣିଜ୍ୟ, ଗବେଷଣା, ଆବିଷ୍କାର, ବିଜ୍ଞାନ ଓ ପ୍ରଯୁକ୍ତି ବିଦ୍ୟା ପରି କ୍ଷେତ୍ରରେ ସହଯୋଗ ବୃଦ୍ଧି ପାଇ ବ୍ରିସ୍କ ସଂସ୍ଥା ଭିତରେ ନାମ ଲେଖାଇବାକୁ ଦୁଇ ଦେଶ ମିଳିତ ଭାବରେ କାମ କରିବେ ।

ବିକାଶ

ଗତ ଶତାବ୍ଦୀ ଭିତରେ ଭାରତ ଓ ବ୍ରିଟେନ ଭିତରେ ଦ୍ୱିପାକ୍ଷିକ ବାଣିଜ୍ୟିକ କାରବାର ବୃଦ୍ଧି ପାଇଛି । ସିଇଟିଏ ବା କମ୍ପ୍ରେହେନସିପ ଇକୋନୋମିକ ଟ୍ରେଡ ଏଗ୍ରିମେଂଟ ଏବଂ ଡବଲ କଂଟ୍ରିବ୍ୟୁସନ କନଭେନସନ ଆମ ଦ୍ୱିପାକ୍ଷିକ ସମ୍ପର୍କର ଦୁଇଟି ମାଇଲଖୁଂଟ । ଏହି ଚୁକ୍ତିନାମା ଫଳରେ ଦୁଇ ଦେଶ ଭିତରେ ବାଣିଜ୍ୟ କାରବାର ବୃଦ୍ଧି ପାଇବ ଓ ନିଯୁକ୍ତି ସୁଯୋଗ ସୃଷ୍ଟି ହେବ । ଦ୍ୱିପାକ୍ଷିକ ପୁଞ୍ଜି ବିନିଯୋଗ ବା ବିଟର ଶୀଘ୍ର ସମ୍ପାଦନ ଲାଗି ଦୁଇ ଦେଶ କାମ କରିବେ । ମିଳିତ ବିକାଶ କ୍ଷେତ୍ରରେ ମୁକ୍ତ ବାଣିଜ୍ୟ ଚୁକ୍ତି ନେଇ ଏହା ଏକ ପଦକ୍ଷେପ ମାତ୍ର । ଦୀର୍ଘସୂତ୍ରୀ ବିକାଶ ସହ ନିଯୁକ୍ତି ସୁଯୋଗ ସୃଷ୍ଟି ଏହାର ମୂଳ ଲକ୍ଷ୍ୟ । ଅନ୍ୟାନ୍ୟ କ୍ଷେତ୍ର ଭିତରୁ ପରବର୍ତନଶୀଳ ଊର୍ଜ୍ଜା, ସ୍ୱାସ୍ଥ୍ୟ, ଜୀବ ବିଜ୍ଞାନ, ପ୍ରଯୁକ୍ତି ବିଦ୍ୟା, ଶିଳ୍ପ, ପ୍ରତିରକ୍ଷା ପରି କ୍ଷେତ୍ରରେ ବିକାଶ ଦୁଇ ପକ୍ଷର ଲକ୍ଷ୍ୟ ରହିବ ।

କମ୍ପ୍ରେହେନସିପ ଇକୋନୋମିକ ଆଣ୍ଡ ଟ୍ରେଡ ଏଗ୍ରିମେଂଟ ବା ସିଇଟିଏ ବଳରେ ଦୁଇ ଦେଶ ଭିତରେ ଦ୍ରବ୍ୟ ଓ ସେବା କ୍ଷେତ୍ରରେ ଦ୍ୱିପାକ୍ଷିକ ସମ୍ପର୍କ ବୃଦ୍ଧି ପାଇବ । ସିଇଟିଏକୁ କାର୍ଯ୍ୟକାରୀ କରିବା ଲାଗି ଯୁଗ୍ମ ଇକୋନୋମିକ ଆଣ୍ଡ ଟ୍ରେଡ କମିଟି କାର୍ଯ୍ୟ କରିବ । ଇକୋନୋମିକ ଆଣ୍ଡ ଫାଇନାନ୍ସସିଆଲ ଡାଏଲଗ ଓ ଫାଇନାନ୍ସସିଆଲ ମାର୍କେଟସ ଡାଏଲଗ ଏହାକୁ ଆଗକୁ ନେବ । ନିୟମିତ ବ୍ୟବଧାନରେ ଅନ୍ତରରେ ଦୁଇ ଦେଶର ବାଣିଜ୍ୟିକ ନେତା ସାକ୍ଷାତ ଆଲୋଚନା ବି କରିବେ । ଇନସ୍ୟୁରାନ୍ସ, ପେନସନ ଓ ସମ୍ପତି ପରିଚାଳନା କ୍ଷେତ୍ରରେ ଭାରତ ଓ ବ୍ରିଟେନ ଭିତରେ ପୁଞ୍ଜି ବଜାର ସୃଷ୍ଟି ହେବ । ଭାରତ ଓ ବ୍ରିଟେନ ଆର୍ଥିକ ସହଭାଗିତା ଅଧୀନରେ ଆବିଷ୍କାର ଓ ଏଆଇ ପ୍ରଯୁକ୍ତି ବିଦ୍ୟାର ଉପଯୋଗକୁ ଗୁରୁତ୍ୱ ଦିଆଯିବ । ଭାରତ ବ୍ରିଟେନ ଭିତିଭୂମି ଫାଇନାନ୍ସିଂ ବ୍ରିଜ ଲାଗି ଦ୍ୱିପାକ୍ଷିକ ବାଣିଜ୍ୟିକ କାରବାର ବୃଦ୍ଧି ପାଇବା ସହ ଭାରତରେ ଅନେକ ଭିତିଭୂମି ଗଢି ଉଠିବ । ନିର୍ଦ୍ଦିଷ୍ଟ ଶିଳ୍ପ କ୍ଷେତ୍ରରେ ସପ୍ଲାଏ ଚେନ ମେକାନିଜିମ ନେଇ ଆଲୋଚନା ଫଳରେ ଆର୍ଥିକ କାରବାର ବୃଦ୍ଧି ପାଇବ । ଭାରତ ବ୍ରିଟେନ ଲିଗାଲ ପ୍ରଫେସନ କମିଟି ମାଧ୍ୟମରେ ଦ୍ୱିପାକ୍ଷିକ ସମ୍ପର୍କ ବି ବୃଦ୍ଧି ପାଇବ । ପରିବହନ ଭିତିଭୂମି ନିର୍ମାଣ କରି ବିମାନ ସେବା ଓ ରୁଟ ପରି କ୍ଷେତ୍ରରେ ଦ୍ୱିପାକ୍ଷିକ ସମ୍ପର୍କ ବଢିବ । ଭାରତ ବ୍ରିଟେନ ବିମାନ ସେବା ଚୁକ୍ତିନାମାକୁ ବି ନବୀକରଣ କରାଯିବ । ଆନ୍ତର୍ଜାତିକ ଟ୍ୟାକ୍ସ ନିୟମକୁ କଡାକଡି ଭାବେ ପାଳନ କରି ବେଆଇନ ଅର୍ଥ କାରବାରକୁ ଲଗାମ ଦିଆଯିବ । ଡବ୍ଲୁଟିଓ ନିୟମାବଳୀକୁ ଉଭୟ ଦେଶ ପାଳନ କରିବେ । ଭାରତ ବ୍ରିଟେନ ଇନଭେଷ୍ଟମେଂଟ କରିଡରକୁ ପ୍ରାଧାନ୍ୟ ଦେଇ ବ୍ରିଟିଶ ଇଂଟରନାସନାଲ ଇନଭେଷ୍ଟମେଟ ଓ ଡେଭଲେପମେଂଟ କ୍ୟାପିଟାଲ ଇନଭେଷ୍ଟମେଂଟ ଚୁକ୍ତିନାମା ଅନୁସାରେ ଗ୍ରୀନ ଗ୍ରୋଥକୁ ଫୋକସ କରାଯିବ । ଜଳବାୟୁ, ପ୍ରଯୁକ୍ତିଗତ ଷ୍ଟାର୍ଟ ଅପ, ଗ୍ରୀନ ଏଂଟରପ୍ରାଇଜ ପରି କ୍ଷେତ୍ରରେ ପୁଞ୍ଜି ନିବେଶ ଲାଗି କ୍ଷେତ୍ର ପ୍ରସ୍ତୁତ କରାଯିବ । ଡିଜିଟାଲ ଗଭର୍ଣ୍ଣାନ୍ସ କ୍ଷେତ୍ରରେ ବି ଭାରତ ଓ ବ୍ରିଟେନ ମିଳିତ ଭାବେ କାମ କରିବେ । ଉଚ୍ଚସ୍ତରୀୟ ଦ୍ୱିପାକ୍ଷିକ ଆଲୋଚନା, ଗବେଷଣା, ସାଂସ୍କୃତିକ ଭାବ ବିନିମୟ ପରି ଅନେକ କ୍ଷେତ୍ରରେ ଦୁଇ ଦେଶ ସମ୍ମିଳିତ ବିକଶିତ ହେବେ ।

ପ୍ରଯୁକ୍ତି ଓ ଆବିଷ୍କାର

ଦୁଇ ଦେଶର ବିଜ୍ଞାନ, ପ୍ରଯୁକ୍ତି, ଆବିଷ୍କାର, ଗବେଷଣା ଉଭୟ ଦେଶକୁ ସମୃଦ୍ଧ କରିବ । ଭାରତ ବ୍ରିଟେନ ପ୍ରଯୁକ୍ତି ବିଦ୍ୟା ନିରାପତା ଅଭିଯାନ, ସାଇନ୍ସ କାଉନସିଲ, ସ୍ୱାସ୍ଥ୍ୟ ଓ ଜୀବ ବିଜ୍ଞାନ ସମ୍ବନ୍ଧିତ ସହଭାଗିତା ଆଧାରରେ ଦୁଇ ଦେଶ ଊର୍ଜ୍ଝା, ସ୍ୱାସ୍ଥ୍ୟ, ପ୍ରଯୁକ୍ତି ବିଦ୍ୟା ପରି କ୍ଷେତ୍ରରେ ଦ୍ୱିପାକ୍ଷିକ ସମ୍ପର୍କ ବୃଦ୍ଧି କରିବେ ।

ଭାରତ ଓ ବ୍ରିଟେନ ରିସର୍ଚ୍ଚ ଆଣ୍ଡ ଇନୋଭେସନ କରିଡରକୁ କାର୍ଯ୍ୟକ୍ଷମ କରିବା କ୍ଷେତ୍ରରେ କାମ କରାଯିବ । ଗବେଷଣା ହବ, ଷ୍ଟାର୍ଟ ଅପ, ସୁପର ଗ୍ରୁପ, ଆକସିଲରେଟର କାର୍ଯ୍ୟକ୍ରମ ପରି ବିଭିନ୍ନ ପଦକ୍ଷେପ ହାତକୁ ନିଆଯାଇ ଇକୋ ସିଷ୍ଟମକୁ ବାତାନୁକୂଳ କରାଯିବ । ବୈଶ୍ୱିକ କ୍ଷେତ୍ରରେ ଏଆଇ ପ୍ରଗତିକୁ ଆଖିରେ ରଖି ଭାରତ ବ୍ରିଟେନ ଯୁଗ ୍ମ ଏଆଇ କେନ୍ଦ୍ର ଦ୍ୱାରା ଭଲ ଆର୍ଥିକ ଅଭିବୃଦ୍ଧି ହୋଇପାରିବ । ଟେଲି କମ୍ୟୁନିକେସନ କ୍ଷେତ୍ରରେ ଭାରତ ଓ ବ୍ରିଟେନ କନେକ୍ଟିଭିଟି ଇନୋଭେସନ କେନ୍ଦ୍ର ଖୋଲିବ । ୬ଜି ଲାଗି ଆଇଟିୟୁ ଓ ୩ ଜିପିପି ପରି ପ୍ଲାଟଫର୍ମରେ ମିଳିତ ଭାବେ ଦୁଇ ଦେଶ ବି କାମ କରିବେ । ଚତୁର୍ଥ ଶିଳ୍ପ ବିପ୍ଲବ ଲାଗି ବିରଳ ଖଣିଜ ପଦାର୍ଥର ସପ୍ଲାଏ ଚେନ ନିରାପତା ବଜାୟ ରଖିବାକୁ ପ୍ରାଥମିକତା ଦିଆଯିବ । ଭାରତ ବ୍ରିଟେନ ଯୁଗ୍ମ ଶିଳ୍ପ ଗିଲଡ ପ୍ରତିଷ୍ଠା କରି ଆର୍ଥିକ ମାନଦଣ୍ଡକୁ ସଂସ୍କାରିତ କରିବାକୁ ପ୍ରାଧାନ୍ୟ ଦିଆଯିବ । ଭାରତ ବ୍ରିଟେନ ବାୟୋ ଟେକ୍ନୋଲଜି ଭାଗିଦାରୀର ସୁଫଳ ଉପଯୋଗ କରି ବାୟୋ ମାନୁଫାକଚରିଂକୁ ସବଳ କରିବାକୁ ଲକ୍ଷ୍ୟ ରଖାଯିବ । ସ୍ୱାସ୍ଥ୍ୟ, ଊର୍ଜ୍ଜା, କୃଷି ପରି କ୍ଷେତ୍ରରେ ଏହାକୁ ଉପଯୋଗ କରିବାକୁ ବି ପ୍ରାଧାନ୍ୟ ଦିଆଯିବ । ବାୟୋ ପ୍ରିଟିଂ, ଫେମଟେକ, ସେଲ ଓ ଜିନ ଥେରାପିକୁ ଉପଯୋଗ କରି ବୈଶ୍ୱିକ ସ୍ୱାସ୍ଥ୍ୟ ସମସ୍ୟାକୁ ମୁକାବିଲା କରିହେବ । ସେମି କଣ୍ଡକ୍ଟର, କ୍ୱାଂଟମ, ସାଇବର ନିରାପତା ପରି କ୍ଷେତ୍ରରେ ଟିଏସଆଇ ମାଧ୍ୟମରେ ଅଗ୍ରଗତି କରିବାକୁ ବି ଲକ୍ଷ୍ୟ ରଖାଯାଇଛି । ମହାକାଶ ବିଜ୍ଞାନର ବାଣିଜ୍ୟିକ ଉପଯୋଗ କ୍ଷେତ୍ରରେ ବି କିଛି ସହଯୋଗୀ ସ୍ପେସ କମ୍ୟୁନିଟିକୁ ଏକାଠି କରିବାକୁ ଲକ୍ଷ୍ୟ ରଖାଯାଇଛି । ମେଡିକାଲ ସପ୍ଲାଏ ଚେନକୁ କାଏମ ରଖି ବୈଶ୍ୱିକ ସ୍ୱାସ୍ଥ୍ୟ ନିରାପତାକୁ ସୁନିଶ୍ଚିତ କରାଯିବ । ସ୍ୱାସ୍ଥ୍ୟ ଓ ଜୀବ ବିଜ୍ଞାନ ଯୁଗ୍ମ ବାର୍କିଂ ଗ୍ରୁପ ମହାମାରୀ ମୁକାବିଲା ଓ ଡିଜିଟାଲ ହେଲଥ, ବାନ ହେଲଥ, ସ୍ୱାସ୍ଥ୍ୟଜନିତ ସମସ୍ୟା ପ୍ରତି ସଜାଗ ରହିବେ । ଆବଶ୍ୟକ ସମୟରେ ବିଭିନ୍ନ ଉପଯୋଗୀ ଟୀକାର ଆବିଷ୍କାର, ପ୍ରୟୋଗ ଓ ବିନିଯୋଗ ଉପରେ ବି ଫୋକସ କରାଯିବ । ଲାଇସେନସିଂ ଓ ରପ୍ତାନୀ ନିୟନ୍ତ୍ରଣ କ୍ଷେତ୍ରରେ ନିୟମିତ ଭାବରେ ରପ୍ତାନୀ ଓ ପ୍ରଯୁକ୍ତି ବିଦ୍ୟା ସହଯୋଗ ଡାଏଲଗ କରାଯିବ । ପ୍ରତିରକ୍ଷା, ନିରାପତା, ଏରୋ ସ୍ପେସ କ୍ଷେତ୍ରରେ ନିୟମିତ ଉଚ୍ଚସ୍ତରୀୟ ବାଣିଜ୍ୟ କାରବାର କରିବାକୁ ଗୁରୁତ୍ୱ ଦିଆଯିବ ।

ପ୍ରତିରକ୍ଷା ଓ ସୁରକ୍ଷା

ଭାରତ ଓ ବ୍ରିଟେନର ପ୍ରତିରକ୍ଷା ସହଭାଗିତା ଏକ ସୁରକ୍ଷିତ ଆନ୍ତର୍ଜାତିକ ପରିବେଶ ସୃଷ୍ଟି କରିପାରିଛି । ଉଭୟ ଦେଶର ପ୍ରତିରକ୍ଷା ଶିଳ୍ପ ଅଭୂତପୂର୍ବ ସହଯୋଗ କ୍ଷେତ୍ର ସୃଷ୍ଟି କରିପାରିଛି । ପ୍ରତିରକ୍ଷା କ୍ଷେତ୍ରରେ ସହଯୋଗ ବୃଦ୍ଧି ଲାଗି ଦୁଇ ଦେଶ ରାଜି ହୋଇଛନ୍ତି । ଦଶବର୍ଷିଆ ପ୍ରତିରକ୍ଷା ଶିଳ୍ପ ରୋଡମ୍ୟାପ ପ୍ରୋତ୍ସାହନ ସହ ଅନୁଧ୍ୟାନ ଲାଗି ବରିଷ୍ଠ ଅଧିକାରୀସ୍ତରୀୟ ମିଳିତ ମେକାନିଜିମ ପ୍ରୟୋଗକୁ ପ୍ରୋତ୍ସାହନ ଦେବାକୁ ଲକ୍ଷ୍ୟ ରଖାଯାଇଛି । ଅତ୍ୟାଧୁନିକ ପ୍ରଯୁକ୍ତି ବିଦ୍ୟା ଓ ଜଟିଳ ଅସ୍ତ୍ରଶସ୍ତ୍ର କ୍ଷେତ୍ରରେ ଆନ୍ତରିକ ସହଯୋଗ, ଇଲେକ୍ଟ୍ରିକ ପ୍ରପଲସନ କାପାବିଲିଟି ସହଭାଗିତା, ଜେଟ ଇଞ୍ଜିନ ଆଡଭାନ୍ସଡ କୋର ଟେକ୍ନୋଲଜି ପରି କାର୍ଯ୍ୟକ୍ରମ କରାଯିବ । ନୌବାଣିଜ୍ୟ ସମସ୍ୟା ଲାଗି ଆଂଚଳିକ ସିକ୍ୟୁରିଟି ସେଂଟର ଅଫ ଏକ୍ସେଲେନ୍ସ ବି ପ୍ରତିଷ୍ଠା କରାଯିବ । ନିଜ ନିଜ ଦେଶର ପ୍ରତିରକ୍ଷା ତାଲିମ କେନ୍ଦ୍ରରେ ମିଲିଟାରୀ ଇନଷ୍ଟ୍ରକ୍ଟର ନିଯୁକ୍ତ ହେବେ । ମିଳିତ ଜାତିସଂଘ ଓ ଆନ୍ତର୍ଜାତିକ ନିୟମାନୁସାରେ ଆତଙ୍କବାଦର ସମସ୍ତ କାର୍ଯ୍ୟକଳାପକୁ ପ୍ରତିହତ କରାଯିବ ।

ଜଳବାୟୁ ଓ ଊର୍ଜ୍ଜା

ଜଳବାୟୁ ପରିବର୍ତନ ଲାଗି ଭାରତକୁ ଆର୍ଥିକ ସହଯୋଗ ବୃଦ୍ଧି ପାଇବ । ଊର୍ଜ୍ଝା ସଂରକ୍ଷଣ ଓ ଗ୍ରୀଡ ରୂପାନ୍ତରୀକରଣ କ୍ଷେତ୍ରରେ ସହଯୋଗ ବୃଦ୍ଧି ପାଇବ । ବ୍ରିଟେନର ଗ୍ୟାସ ଓ ଇଲେକ୍ଟ୍ରିସିଟି ମାର୍କେଟ ଓ ଭାରତର ସେଂଟ୍ରାଲ ଇଲେକ୍ଟ୍ରିସିଟି ରେଗୁଲେଟୋରୀ କମିଶନ ଭିତରେ ପାରସ୍ପରିକ ସହଯୋଗ ବୃଦ୍ଧି ହେବ । କାର୍ବନ କ୍ରେଡିଟ ଟ୍ରେଡିଂ ଯୋଜନା କାର୍ଯ୍ୟକାରୀ କରାଯାଇ ଶିଳ୍ପଗୁଡିକରୁ କମ କାର୍ବନ ନିର୍ଗତ ହେବା ନେଇ ବ୍ୟବସ୍ଥା କରାଯିବ । ଏନେଇ ଭାରତ ବ୍ରିଟେନ ଅଫ ସୋର ବିଣ୍ଡ ଟାସ୍କଫୋର୍ସ କାମ କରିବ । ଆଣବିକ ନିରପତା ନେଇ ଭାରତ ବ୍ରିଟେନ ଆଣବିକ ଚୁକ୍ତିନାମା ଅନୁସାରେ କାର୍ଯ୍ୟ କରାଯିବ ।

ଶିକ୍ଷା

ଭାରତ ଜାତୀୟ ଶିକ୍ଷା ନୀତି ୨୦୨୦ ଅନୁସାରେ ବ୍ରିଟେନ କାମ କରିବ । ମେ ୨୦୨୫ରେ ସ୍ୱାକ୍ଷରିତ ହୋଇଥିବା ଚୁକ୍ତି ଅନୁସାରେ ସାଂସ୍କୃତିକ ସହଯୋଗ ବୃଦ୍ଧି ପାଇବ । ବାର୍ଷିକ ଭାବରେ ଶିକ୍ଷା କ୍ଷେତ୍ରରେ ଭାରତ ବ୍ରିଟେନ ଭିତରେ ମନ୍ତ୍ରିସ୍ତରୀୟ ବୈଠକ କରାଯିବ । ବ୍ରିଟେନର ଏଜୁକେସନ ବାର୍ଲଡ ଫୋରମ ଓ ଭାରତର ନେସନାଲ ଏଜୁକେସନ ପଲିସି ପ୍ଲାଟଫର୍ମଗୁଡିକ ଦ୍ୱାରା ବିଭିନ୍ନ କାର୍ଯ୍ୟକ୍ରମ ଅନୁଷ୍ଠିତ ହେବ । ସ୍ୱଦେଶରେ ବି ବହୁ ବିଦେଶୀ କ୍ୟାମ୍ପସ ଖୋଲିବାର ପ୍ରସ୍ତାବ ରହିଛି । ଭାରତ ବ୍ରିଟେନ ସବୁଜ ଦକ୍ଷତା ସହଭାଗିତା ଦ୍ୱାରା ବହୁ ଦକ୍ଷ ବ୍ୟକ୍ତିଙ୍କ ସେବା ମିଳିପାରିବ । ମ୍ୟୁଚୁଆଲ ରେକଗନିସନ ଅଫ କ୍ୱାଲିଫିକେସନ ନେଇ ସ୍ୱାକ୍ଷରିତ ଚୁକ୍ତି ବି ଆଗକୁ କାର୍ଯ୍ୟକାରୀ ହେବ ।

PBD