ਪੀਐੱਮਇੰਡੀਆ

ਜਪਾਨ ਤੋਂ ਆਏ ਹੋਏ ਵਿਸ਼ੇਸ਼ ਮਹਿਮਾਨੋ ਅਤੇ ਇੱਥੇ ਇਸ ਇਤਿਹਾਸਕ ਮੌਕੇ ‘ਤੇ ਮੌਜੂਦ ਸਾਰੇ ਮਹਾਰਥੀਓ,

 ਆਪਣੇ ਕਰੀਬੀ ਮਿੱਤਰ ਸ਼੍ਰੀਮਾਨ ਆਬੇ ਸਾਨ ਦਾ ਮੈਂ ਭਾਰਤ ਵਿੱਚ ਅਤੇ ਵਿਸ਼ੇਸ਼ ਤੌਰ ‘ਤੇ ਗੁਜਰਾਤ ਦੀ ਧਰਤੀ ਉੱਤੇ ਇੱਕ ਵਾਰੀ ਫਿਰ ਦਿਲੋਂ ਬਹੁਤ- ਬਹੁਤ ਸਵਾਗਤ ਕਰਦਾ ਹਾਂ।

 ਸਾਥੀਓ, ਕੋਈ ਵੀ ਦੇਸ਼ ਅੱਧੇ ਅਧੂਰੇ ਸੰਕਲਪਾਂ ਅਤੇ ਬੱਝੇ ਹੋਏ ਸੁਪਨਿਆਂ ਨਾਲ ਕਦੇ ਵੀ ਅੱਗੇ ਨਹੀਂ ਵਧ ਸਕਦਾ। ਸੁਪਨਿਆਂ ਦਾ ਵਿਸਤਾਰ ਹੀ ਕਿਸੇ ਵੀ ਦੇਸ਼ ਨੂੰ, ਕਿਸੇ ਵੀ ਸਮਾਜ ਨੂੰ, ਕਿਸੇ ਵੀ ਵਿਅਕਤੀ ਦੀ ਉਡਾਨ ਤੈਅ ਕਰਨ ਦੀ ਸਮਰੱਥਾ ਰੱਖਦਾ ਹੈ। ਇਹ ‘New India’  ਹੈ, ਅਤੇ ਇਸ ਦੇ ਸੁਪਨਿਆਂ ਦਾ ਵਿਸਤਾਰ, ਇਸ ਦੀ ਉਡਾਨ ਅਸੀਮ ਹੈ, ਇਸ ਦੀ ਇੱਛਾ-ਸ਼ਕਤੀ ਅਸੀਮਤ ਹੈ।

 ਅੱਜ ਭਾਰਤ ਨੇ ਆਪਣੇ ਵਰ੍ਹਿਆਂ ਪੁਰਾਣੇ ਸੁਪਨੇ ਨੂੰ ਪੂਰਾ ਕਰਨ ਵੱਲ ਇੱਕ ਬਹੁਤ ਵੱਡਾ ਅਹਿਮ ਕਦਮ ਚੁੱਕਿਆ ਹੈ। ਮੈਂ ਦੇਸ਼ ਦੇ ਸਵਾ ਸੌ ਕਰੋੜ ਦੇਸ਼ਵਾਸੀਆਂ ਨੂੰ  Mumbai-Ahmedabad High-speed Rail Corridor ਦੇ ਇਸ ਭੂਮੀ ਪੂਜਨ ਦੇ ਮੌਕੇ ਉੱਤੇ ਕੋਟੀ ਕੋਟੀ ਸ਼ੁਭ ਕਾਮਨਾਵਾਂ ਅਤੇ ਵਧਾਈਆਂ ਦਿੰਦਾ ਹਾਂ। ‘ਬੁਲਟ ਟ੍ਰੇਨ’ ਪ੍ਰੋਜੈਕਟ ਇੱਕ ਅਜਿਹਾ ਪ੍ਰੋਜੈਕਟ ਹੈ ਜੋ ਤੇਜ਼ ਗਤੀ, ਤੇਜ਼ ਪ੍ਰਗਤੀ ਅਤੇ ਉਸ ਦੇ ਨਾਲ ਤੇਜ਼ ਟੈਕਨੋਲੋਜੀ ਜ਼ਰੀਏੇ ਤੇਜ਼ ਨਤੀਜੇ ਵੀ ਲਿਆਉਣ ਵਾਲਾ ਹੈ। ਜਿਸ ਵਿੱਚ ਸਹੂਲਤ ਵੀ ਹੈ, ਸੁਰੱਖਿਆ ਵੀ ਹੈ। ਜੋ ਰੋਜ਼ਗਾਰ ਵੀ ਲਿਆਵੇਗਾ ਅਤੇ ਰਫ਼ਤਾਰ ਵੀ ਲਿਆਵੇਗਾ। ਜੋ Human Friendly   ਵੀ ਹੈ ਅਤੇ  Eco-friendly   ਵੀ ਹੈ। ਅੱਜ ਦਾ ਦਿਨ ਜਪਾਨ ਅਤੇ ਭਾਰਤ ਦੇ ਰਿਸ਼ਤਿਆਂ ਲਈ ਇੱਕ ਇਤਿਹਾਸਕ ਅਤੇ ਓਨਾ ਹੀ ਭਾਵਾਤਮਕ ਮੌਕਾ ਵੀ ਹੈ। ਇੱਕ ਚੰਗਾ ਦੋਸਤ ਹਮੇਸ਼ਾ ਸਮੇਂ ਅਤੇ ਸੀਮਾ ਦੇ ਬੰਧਨਾਂ ਤੋਂ ਪਰ੍ਹੇ ਹੁੰਦਾ ਹੈ ਅਤੇ ਜਪਾਨ ਨੇ ਵਿਖਾ ਦਿੱਤਾ ਹੈ ਕਿ ਉਹ ਭਾਰਤ ਦਾ ਕਿਵੇਂ ਮਜ਼ਬੂਤ ਦੋਸਤ ਹੈ, ਜੋ ਸੀਮਾ ਅਤੇ ਸਮੇਂ ਤੋਂ ਪਰ੍ਹੇ ਹੈ। ਮੁੰਬਈ ਅਤੇ ਅਹਿਮਦਾਬਾਦ ਦਰਮਿਆਨ ਭਾਰਤ ਦਾ ਪਹਿਲਾ High-speed Rail Project  ਦੋਹਾਂ ਧਿਰਾਂ ਦਰਮਿਆਨ ਮਜ਼ਬੂਤ ਹੁੰਦੇ ਸਬੰਧਾਂ ਦੀ ਵੀ ਇੱਕ ਸ਼ਾਨਦਾਰ ਉਦਾਹਰਣ ਹੈ, ਇੱਕ ਪ੍ਰਤੀਕ ਹੈ। ਜੇ ਅੱਜ ਇੰਨੇ ਘੱਟ ਸਮੇਂ ਵਿੱਚ ਇਸ Project ਦਾ ਭੂਮੀ-ਪੂਜਨ  ਹੋ ਰਿਹਾ ਹੈ ਤਾਂ ਉਸ ਦਾ ਸਭ ਤੋਂ ਵੱਡਾ ਸਿਹਰਾ ਮੇਰੇ ਪਿਆਰੇ ਮਿੱਤਰ ਸ਼੍ਰੀ ਆਬੇ ਸਾਨ ਨੂੰ ਜਾਂਦਾ ਹੈ। ਸ਼੍ਰੀ ਸ਼ਿੰਜ਼ੋ ਆਬੇ ਨੇ ਨਿਜੀ ਦਿਲਚਸਪੀ ਲੈ ਕੇ ਇਹ ਯਕੀਨੀ  ਬਣਾਇਆ ਹੈ ਕਿ Project  ਵਿੱਚ ਕਿਤੇ ਕੋਈ ਦਿੱਕਤ ਨਹੀਂ ਆਉਣੀ ਚਾਹੀਦੀ। ਸਾਥੀਓ, ਮਨੁੱਖੀ ਸੱਭਿਅਤਾ ਦਾ ਵਿਕਾਸ, ਆਵਾਜਾਈ ਦੇ ਸਾਧਨਾਂ ਦੇ ਵਿਕਾਸ ਨਾਲ ਬਹੁਤ ਨੇੜਿਓਂ ਜੁੜਿਆ ਹੋਇਆ ਹੈ ਅਤੇ ਜੇ ਅਸੀਂ Asian civilisation   ਉੱਤੇ ਗੌਰ ਕਰੀਏ ਤਾਂ ਵੇਖਾਂਗੇ ਕਿ ਉਸ ਵੇਲੇ ਪਿੰਡ, ਸ਼ਹਿਰ ਅਤੇ ਲੋਕ ਨਦੀ ਦੇ ਕੰਢੇ ਉੱਤੇ ਵਸਦੇ ਸਨ ਅਤੇ ਇਹੋ ਉਹ ਖੇਤਰ ਹੁੰਦੇ ਸਨ ਜੋ ਵਿਕਾਸ ਦੇ ਕੇਂਦਰ  ਬਣਦੇ ਸਨ। ਉਸ ਤੋਂ ਬਾਅਦ ਸੜਕਾਂ ਵਿਕਾਸ ਦਾ ਜ਼ਰੀਆ ਬਣੀਆਂ ਅਤੇ ਜਿੱਥੋਂ -ਜਿੱਥੋਂ   Highways   ਗੁਜ਼ਰਦੇ ਸਨ, ਉੱਥੇ  ਸ਼ਹਿਰ ਵੱਸਣੇ ਸ਼ੁਰੂ ਹੋ ਗਏ। ਹੁਣ Next Generation growth   ਉੱਥੇ  ਹੋਵੇਗਾ ਜਿੱਥੇ  High-speed Corridor ਹੋਣਗੇ।

ਸਾਥੀਓ, ਕਿਸੇ ਦੇਸ਼ ਦੇ ਵਿਕਾਸ ਵਿੱਚ  Transport System ਕਾਫੀ ਅਹਿਮ ਭੂਮਿਕਾ ਅਦਾ ਕਰਦਾ ਹੈ, ਭਾਵੇਂ ਉਹ ਰੇਲ ਹੋਵੇ, ਸੜਕ ਹੋਵੇ, ਜਲ- ਮਾਰਗ ਹੋਵੇ ਜਾਂ ਹਵਾਈ ਮਾਰਗ ਹੋਵੇ। ਇਹ  Transport System   ਦੇਸ਼ ਵਿੱਚ connectivity   ਦਾ ਆਧਾਰ ਬਣਾਉਂਦਾ ਹੈ ਅਤੇ connectivity ਦਾ ਲਾਭ ਦੇਸ਼ ਦੇ ਲੋਕਾਂ ਨੂੰ ਵੱਖ-ਵੱਖ ਤਰੀਕਿਆਂ ਨਾਲ ਮਿਲਦਾ ਹੈ ਅਤੇ ਕਈ ਤਰ੍ਹਾਂ ਨਾਲ ਮਿਲਦਾ ਹੈ। ਜੋ ਅਮਰੀਕਾ ਦੇ ਇਤਿਹਾਸ ਨੂੰ ਜਾਣਦੇ ਹੋਣਗੇ, ਅਮਰੀਕਾ ਦੇ ਇਤਿਹਾਸ ਵਿੱਚ ਅੱਜ ਪੂਰੀ ਦੁਨੀਆ ਜਾਣਦੀ ਹੈ ਕਿ railways  ਆਉਣ ਤੋਂ ਬਾਅਦ ਕਿਵੇਂ ਅਮਰੀਕਾ ਵਿੱਚ ਆਰਥਿਕ ਪ੍ਰਗਤੀ ਦਾ ਨਵਾਂ ਦੌਰ ਸ਼ੁਰੂ ਹੋਇਆ ਸੀ। ਹੁਣੇ ਸਾਡੇ ਮਿੱਤਰ ਆਬੇ ਸਾਨ ਦੱਸ ਰਹੇ ਸਨ ਕਿ ਦੂਜੀ ਵਿਸ਼ਵ ਜੰਗ ਤੋਂ ਬਾਅਦ ਜਪਾਨ ਦਾ ਹਾਲ ਕੀ ਸੀ। ਕਿਸ ਤਰ੍ਹਾਂ ਦੀ ਭਿਆਨਕ ਜ਼ਿੰਦਗੀ ਸੀ, ਕਿਵੇਂ ਦੀ ਭਿਆਨਕ ਗ਼ਰੀਬੀ ਸੀ। ਪਰ 1964 ਵਿੱਚ ਜਪਾਨ ਵਿੱਚ ਬੁਲਟ ਟ੍ਰੇਨ ਚਲੀ  ਅਤੇ ਫਿਰ ਇਹ ਤਕਨੀਕ ਦੁਨੀਆ ਦੇ 15 ਦੇਸ਼ਾਂ ਵਿੱਚ ਫੈਲੀ ਅਤੇ ਉਸ ਨੇ ਜਪਾਨ ਦੇ ਅਰਥ ਜਗਤ ਨੂੰ ਬਦਲ ਦਿੱਤਾ। ਅੱਜ ਯੂਰੋਪ ਤੋਂ ਚੀਨ ਤੱਕ ਇਸ ਦਾ ਸਾਇਆ ਨਜ਼ਰ ਆਉਂਦਾ ਹੈ। High-speed Rail  ਇਨ੍ਹਾਂ ਦੇਸ਼ਾਂ ਵਿੱਚ ਨਾ ਸਿਰਫ ਆਰਥਿਕ ਸਗੋਂ ਸਮਾਜਿਕ ਤਬਦੀਲੀ ਲਿਆਉਣ ਵਿੱਚ ਵੀ ਇੱਕ ਬਹੁਤ ਵੱਡੀ ਅਹਿਮ ਭੂਮਿਕਾ ਵੀ ਉਸ ਨੇ ਅਦਾ ਕੀਤੀ ਹੈ। ਤਦ ਤੋਂ ਲੈ ਕੇ ਹੁਣ ਤੱਕ ਸਮਾਂ ਬਹੁਤ ਬਦਲਿਆ ਹੈ, ਲੋੜਾਂ ਬਦਲੀਆਂ ਹਨ ਅਤੇ ਇਸ ਲਈ ਯਤਨ ਕਰਨ ਦੇ ਤਰੀਕਿਆਂ ਵਿੱਚ ਵੀ ਤਬਦੀਲੀ ਬਹੁਤ ਜ਼ਰੂਰੀ ਹੈ। ਸਮੇਂ ਦੇ ਨਾਲ-ਨਾਲ ਛੋਟੇ-ਛੋਟੇ ਯਤਨ ਕੀਤੇ ਗਏ ਹਨ, ਨਵੀਆਂ ਚੀਜ਼ਾਂ ਜੋੜੀਆਂ ਗਈਆਂ ਹਨ, ਪਰ ਹੁਣ ਸਮਾਂ ਹੌਲੀ-ਹੌਲੀ ਬਦਲਣ ਦਾ ਨਹੀਂ ਹੈ, ਸਮਾਂ ਜ਼ਿਆਦਾ ਉਡੀਕ ਨਹੀਂ ਕਰਦਾ। ਟੈਕਨੋਲੋਜੀ ਜੋ ਪਿਛਲੇ ਸੌ ਸਾਲ ਵਿੱਚ ਨਹੀਂ ਬਦਲੀ, ਉਹ ਪਿਛਲੇ 50 ਸਾਲ ਵਿੱਚ ਬਦਲ ਚੁੱਕੀ ਹੈ। ਹੁਣ ਏਨੀ ਤੇਜ਼ ਗਤੀ ਨਾਲ ਤਬਦੀਲੀ ਆ ਰਹੀ ਹੈ ਤਾਂ ਅੱਜ ਸਾਡਾ ਜੋੜ  connectivity   ਤੋਂ ਅੱਗੇ ਵਧ ਕੇ High-speed connectivity  ਉੱਤੇ ਸਾਡੀ ਪਹਿਲ ਹੈ, ਸਾਡਾ ਜ਼ੋਰ ਹੈ। High-speed connectivity  ਨਾਲ speed  ਵਧੇਗੀ ਪਰ  distance   ਘਟੇਗਾ। ਆਰਥਿਕ ਤਰੱਕੀ ਦੇ ਨਵੇਂ ਮੌਕੇ ਖੁਲ੍ਹਣਗੇ। ਸਾਥੀਓ ਕਿਸੇ ਵੀ ਦੇਸ਼ ਵਿੱਚ ਆਰਥਿਕ ਪ੍ਰਗਤੀ ਦਾ ਸਿੱਧਾ ਸੰਬੰਧ ਹੁੰਦਾ ਹੈ productivity  ਨਾਲ, growth  ਤਾਂ ਹੀ ਹੋਵੇਗੀ ਜਦੋਂ  productivity  ਹੋਵੇਗੀ। ਸਾਡਾ ਜ਼ੋਰ ਹੈ  ‘more productivity with high-speed connectivity’.

 ਸਾਥੀਓ, ਅੱਜ ਇਸ ਮੌਕੇ ਉੱਤੇ ਮੈਂ ਜਪਾਨ ਦੇ ਇਕ ਹੋਰ ਮਿੱਤਰ ਭਾਵ ਦੀ ਵਿਸ਼ੇਸ਼ ਪ੍ਰਸ਼ੰਸਾ ਕਰਨਾ ਚਾਹਵਾਂਗਾ। ਅਸੀਂ ਭਾਰਤੀ, ਵਿਸ਼ੇਸ਼  ਤੌਰ ‘ਤੇ ਗੁਜਰਾਤੀ ਅਤੇ ਅਹਿਮਦਾਬਾਦੀ ਜਦ ਵੀ ਕੋਈ ਚੀਜ਼ ਖਰੀਦਣ ਜਾਂਦੇ ਹਾਂ, ਜਦ ਵਿੱਕਰੀ ਦੀ ਗੱਲ ਆਉਂਦੀ ਹੈ ਤਾਂ ਬਰਾਬਰ ਤੋਲ ਮੋਲ ਦਾ ਹਿਸਾਬ ਲਗਾਉਂਦੇ ਹਾਂ, ਇਕ ਇਕ ਪੈਸੇ ਦਾ ਹਿਸਾਬ ਲਗਾਉਂਦੇ ਹਾਂ। ਘਾਟੇ ਅਤੇ ਲਾਭ  ਦੇ ਰੂਪ-ਰੰਗ ਬਰਾਬਰ ਵੇਖਦੇ ਹਾਂ। ਜਦੋਂ ਅਸੀਂ ਇਕ ਛੋਟਾ ਜਿਹਾ ਬਾਈਕ ਵੀ ਖਰੀਦਣ ਲਈ ਜਾਈਏ ਤਾਂ ਅਤੇ ਬੈਂਕ  ਤੋਂ ਲੋਨ ਲੈਣ ਜਾਈਏ ਤਾਂ ਦੱਸ ਬੈਂਕਾਂ ਵਿੱਚ ਚੱਕਰ ਕੱਟਾਂਗੇ। ਇਕ ਬੈਂਕ ਵਿੱਚ 10-10 ਵਾਰੀ ਜਾਵਾਂਗੇ ਅਤੇ ਘੱਟ ਰੇਟ ਉੱਤੇ, ਘੱਟ ਵਿਆਜ ਉੱਤੇ ਕਿਹੜਾ ਕਰਜ਼ਾ ਦਿੰਦਾ ਹੈ, ਉਸ ਦਾ ਵੀ ਹਿਸਾਬ ਕਿਤਾਬ ਲਗਾਂਦੇ ਹਾਂ। ਕੋਈ ਬੈਂਕ 8 % ਦੱਸਦਾ ਹੈ ਅਤੇ ਕੋਈ 9 ਦੱਸਦਾ ਹੋਵੇਗਾ ਤਾਂ ਅਸੇ ਫਿਰ ਵੀ ਹਿਸਾਬ ਲਗਾਉਂਦੇ ਹਾਂ  , ਜੋੜ ਤੋੜ ਵੀ ਕਰਦੇ ਹਾਂ ਕਿ ਏਨੇ ਪਰਸੈਂਟ ਵਿਆਜ ਨਾਲ ਜੇ ਬਾਈਕ ਲਿਆਉਂਦੇ ਹਾਂ ਅਤੇ ਜਦੋਂ ਬੈਂਕਾਂ ਵਿੱਚ ਵਿਆਜ ਸਮੇਤ ਪੈਸੇ ਵਾਪਿਸ ਕਰਾਂਗਾ ਤਾਂ ਮੇਰੀ ਬਾਈਕ ਦੀ ਕੀਮਤ ਕਿੰਨੀ ਹੋਵੇਗੀ? ਕਿੰਨੇ ਸਾਲ ਦੀਆਂ ਕਿਸ਼ਤਾਂ ਬਣਨਗੀਆਂ? ਉਹ ਬਹੁਤ ਬਾਰੀਕੀ ਨਾਲ ਵੇਖਦੇ ਹਨ। ਬੈਂਕ ਵਾਲਾ ਵੀ ਥੱਕ ਜਾਵੇ, ਓਨੀ ਵਾਰੀ ਬੈਂਕ ਦੇ ਦਰਵਾਜ਼ੇ ਤੇ ਜਾਂਦੇ ਹਨ ਕਿ ਜ਼ਰਾ ਘੱਟ ਕਰੋ ਯਾਰ, 8% ਤੇ ਨਹੀਂ ਲੈ ਸਕਦਾ, 9% ਤੇ ਨਹੀਂ ਲੈ ਸਕਦਾ, ਜ਼ਰਾ ਘੱਟ ਕਰੋ। ਅੱਧਾ% ਵੀ ਕੋਈ ਘੱਟ ਕਰ ਦੇਵੇ ਤਾਂ ਖੁਸ਼ੀ ਮਨਾਉਂਦੇ ਹਨ। ਇਹ ਅਸੀਂ ਭਲੀ ਭਾਂਤ ਜਾਣਦੇ ਹਾਂ ਅਤੇ ਅਹਿਮਦਾਬਾਦੀ ਤਾਂ ਸ਼ਾਇਦ ਜ਼ਿਆਦਾ ਚੰਗੀ ਤਰ੍ਹਾਂ ਜਾਣਦੇ ਹਨ। ਪਰ ਕਲਪਨਾ ਕਰੋ, ਦੋਸਤੋ, ਕੋਈ ਅਜਿਹਾ ਦੋਸਤ, ਅਜਿਹੀ ਬੈਂਕ ਨਹੀਂ ਮਿਲ ਸਕਦੀ ਜਿਵੇਂ ਭਾਰਤ ਨੂੰ ਆਬੇ ਸਾਨ ਵਰਗਾ ਦੋਸਤ ਮਿਲਿਆ ਹੈ। ਜੇ ਕੋਈ ਇਹ ਕਹੇ ਕਿ ਬਿਨਾਂ ਵਿਆਜ ਦੇ ਹੀ ਲੋਨ ਲੈ ਲਓ ਅਤੇ 10, 20 ਨਹੀਂ ਸਗੋਂ 50 ਸਾਲ ਵਿੱਚ ਅਦਾ ਕਰਨਾ ਹੈ ਤਾਂ ਕੌਣ ਯਕੀਨ ਕਰੇਗਾ? ਲੋਕਾਂ ਨੂੰ ਅਜਿਹੇ ਬੈਂਕ ਨਹੀਂ ਮਿਲ ਰਹੇ ਪਰ ਭਾਰਤ ਨੂੰ ਅਜਿਹਾ ਦੋਸਤ ਮਿਲਿਆ ਹੈ ਜਿਸ ਨੇ ਬੁਲਟ ਟ੍ਰੇਨ ਲਈ 88,000 ਕਰੋੜ ਰੁਪਏ  Eighty Eight Thousand Crore rupees ਸਿਰਫ 0.1% ਵਿਆਜ ਦਰ ਉੱਤੇ ਇਸ ਬੁਲਟ ਟ੍ਰੇਨ ਲਈ ਪੈਸਾ ਦੇਣ ਦਾ ਫੈਸਲਾ ਕੀਤਾ ਹੈ।

ਮੈਂ ਹੈਰਾਨ ਹਾਂ ਜਦੋਂ ਮੈਂ ਗੁਜਰਾਤ ਵਿੱਚ ਸੀ ਤਾਂ ਮੈਂ ਬੁਲਟ ਟ੍ਰੇਨ ਦੀ ਜਦੋਂ  ਗੱਲ ਕਰਦਾ ਸੀ ਤਾਂ ਮੈਨੂੰ ਪੁੱਛਿਆ ਜਾਂਦਾ ਸੀ ਮੋਦੀ ਗੱਲਾਂ ਕਰਦਾ ਹੈ ਬੁਲਟ ਕਦੋਂ ਲਿਆਉਣਗੇ, ਕਦੋਂ ਲਿਆਵਾਂਗੇ, ਕਦੋਂ ਲਿਆਵਾਂਗੇ।  ਹੁਣ ਜਦੋਂ ਲਿਆਣੀ ਸ਼ੁਰੂ ਕਰ ਦਿੱਤੀ ਹੈ ਤਾਂ ਪੁੱਛ ਰਹੇ ਹਨ ਕਿਉਂ ਲਿਆਏ? ਕਿਉਂ ਲਿਆਏ? ਭਰਾਵੋ ਭੈਣੋ ਇਹ ਬੁਲਟ ਟ੍ਰੇਨ ਜਪਾਨ ਦੀ ਭਾਰਤ ਨੂੰ ਬਹੁਤ ਵੱਡੀ ਸੁਗਾਤ ਹੈ ਅਤੇ ਇੱਕ ਤਰ੍ਹਾਂ ਨਾਲ ਮੁਫ਼ਤ ਵਿੱਚ ਇਹ ਪੂਰਾ ਪ੍ਰੋਜੈਕਟ ਬਣਦਾ ਜਾ ਰਿਹਾ ਹੈ ਅਤੇ ਮੈਂ ਜਪਾਨ ਦਾ ਫਿਰ ਤੋਂ ਬਹੁਤ ਬਹੁਤ ਧੰਨਵਾਦ ਕਰਦਾ ਹਾਂ ਜੋ ਇਸ ਪ੍ਰੋਜੈਕਟ ਲਈ ਤਕਨੀਕ ਅਤੇ ਆਰਥਿਕ ਮਦਦ ਨਾਲ ਭਾਰਤ ਦੇ ਸਹਿਯੋਗ ਲਈ ਅੱਜ ਸਾਡੇ ਨਾਲ ਜੁੜਿਆ ਹੈ, ਅੱਗੇ ਆਇਆ ਹੈ।

 ਭਰਾਵੋ ਅਤੇ ਭੈਣੋ ਇਸ High-Speed Railway System   ਨਾਲ ਦੋ ਥਾਵਾਂ ਦਰਮਿਆਨ ਨਾ ਸਿਰਫ ਦੂਰੀ ਘੱਟ ਹੋਵੇਗੀ ਸਗੋਂ 500 ਕਿਲੋਮੀਟਰ ਦੂਰ  ਵੱਸੇ ਸ਼ਹਿਰਾਂ ਦੇ ਲੋਕ ਵੀ ਹੋਰ ਨੇੜੇ ਆ ਜਾਣਗੇ ਅਤੇ ਇਸੇ ਲਈ ਮੈਂ ਤਾਂ ਕਹਾਂਗਾ ਕਿ ਇਹ ਟ੍ਰੇਨ ਆਮਰੂ ਅਹਿਮਦਾਬਾਦ ਤੋਂ ਆਮਚੀ ਮੁੰਬਈ ਜਾਵੇਗੀ। ਜਦੋਂ ਇਹ ਪ੍ਰੋਜੈਕਟ ਪੂਰਾ ਹੋਵੇਗਾ ਤਾਂ ਮੁੰਬਈ ਅਤੇ ਅਹਿਮਦਾਬਾਦ ਦੀ ਦੂਰੀ 2 ਤੋਂ 3 ਘੰਟੇ ਦੇ ਅੰਦਰ-ਅੰਦਰ ਪੂਰੀ ਕੀਤੀ ਜਾ ਸਕੇਗੀ। ਜੇ ਅਸੀਂ ਹਵਾਈ ਯਾਤਰਾ ਨਾਲ ਇਸ ਦੀ ਤੁਲਨਾ ਕਰੀਏ ਤਾਂ ਜਿੰਨਾ ਸਮਾਂ ਇੱਥੋਂ  ਏਅਰਪੋਰਟ ਜਾਣ ਵਿੱਚ, ਉੱਥੋਂ  ਦੀਆਂ ਕਾਰਵਾਈਆਂ ਪੂਰੀਆਂ ਕਰਨ ਵਿੱਚ ਅਤੇ ਹਵਾਈ ਯਾਤਰਾ ਤੋਂ ਬਾਅਦ ਆਪਣੇ ਘਰ ਜਾਂ ਦਫ਼ਤਰ ਪਹੁੰਚਣ ਵਿੱਚ ਲਗਦਾ ਹੈ, ਉਸ ਤੋਂ ਵੀ ਅੱਧੇ ਸਮੇਂ ਵਿੱਚ High-Speed Railway  ਰਾਹੀਂ ਮੁੰਬਈ ਜਾ ਸਕਦੇ ਹਾਂ। ਤੁਸੀਂ ਕਲਪਨਾ ਕਰ ਸਕਦੇ ਹੋ ਕਿੰਨੀ ਵੱਡੀ ਤਬਦੀਲੀ ਆਵੇਗੀ, ਲੋਕਾਂ ਦਾ ਕਿੰਨਾ ਸਮਾਂ ਬਚੇਗਾ। ਮੁੰਬਈ ਅਹਿਮਦਾਬਾਦ ਸੜਕ ਰੂਟ ਉੱਤੇ ਜੋ ਹਜ਼ਾਰਾਂ ਗੱਡੀਆਂ ਹਰ ਰੋਜ਼ ਚਲਦੀਆਂ ਹਨ, ਉਨ੍ਹਾਂ ਵਿੱਚ ਵੀ ਕਮੀ ਆਵੇਗੀ ਅਤੇ ਇਸ ਦਾ ਚੌਗਿਰਦੇ ਉੱਤੇ ਵੀ Positive impact ਹੋਵੇਗਾ ਅਤੇ ਜਦੋਂ ਈਂਧਣ  ਬਚੇਗਾ ਤਾਂ ਵਿਦੇਸ਼ੀ ਪੂੰਜੀ ਵੀ ਬਚੇਗੀ ਕਿਉਂਕਿ ਸਾਨੂੰ ਸਾਰਾ ਈਂਧਣ  ਵਿਦੇਸ਼ਾਂ ਤੋਂ ਲੈਣਾ ਪੈਂਦਾ ਹੈ।

 ਸਾਥੀਓ, ਇਸ ਪ੍ਰੋਜੈਕਟ ਨਾਲ Mumbai-Ahmedabad Route   ਉੱਤੇ ਇੱਕ ਨਵਾਂ Economic System   ਵੀ ਵਿਕਸਤ ਹੋ ਰਿਹਾ ਹੈ। ਦੋਹਾਂ ਸ਼ਹਿਰਾਂ ਦਰਮਿਆਨ ਦਾ  ਪੂਰਾ ਇਲਾਕਾ ਇੱਕ ਤਰ੍ਹਾਂ ਨਾਲ  Single Economic Zone    ਵਿੱਚ ਤਬਦੀਲ ਹੋ ਜਾਵੇਗਾ। High-speed Corridor ਨਾਲ ਨਾ ਸਿਰਫ ਆਵਾਜਾਈ ਤੇਜ਼ ਹੋਵੇਗੀ ਸਗੋਂ  trade   ਨੂੰ  ਵੀ ਉਤਸ਼ਾਹ ਮਿਲੇਗਾ। ਵੱਧ ਤੋਂ ਵੱਧ ਖੇਤਰਾਂ ਦਰਮਿਆਨ ਆਪਸੀ ਸੰਪਰਕ ਵਧੇਗਾ ਅਤੇ ਇਸ ਨਾਲ ਭਾਵੇਂ  transfer of manpower  ਹੋਵੇ ਜਾਂ ਸਮਾਨ ਦੀ ਢੁਆਈ ਹੋਵੇ, ਇਹ ਬਹੁਤ ਹੀ ਸਰਲ ਅਤੇ ਆਸਾਨ ਹੋ ਜਾਵੇਗੀ। ਇਸ ਨਾਲ ਦੇਸ਼ ਦਾ ਵਿਕਾਸ ਵੀ ਹੋਵੇਗਾ ਅਤੇ ਮੈਂ ਜਿਵੇਂ ਪਹਿਲਾਂ ਕਿਹਾ, ਦੇਸ਼ ਨੂੰ ਇੱਕ ਨਵੀਂ ਰਫਤਾਰ ਮਿਲੇਗੀ।

 ਇੱਕ ਧਾਰਨਾ ਜਿਹੀ ਬਣ ਗਈ ਹੈ ਕਿ ਜਿੰਨੀ ਵੀ ਨਵੀਂ ਟੈਕਨੋਲੋਜੀ ਆਉਂਦੀ ਹੈ ਉਹ ਸਿਰਫ ਅਮੀਰਾਂ ਲਈ ਆਉਂਦੀ ਹੈ, ਜਦਕਿ ਤਜ਼ਰਬਾ ਕੁਝ ਹੋਰ ਹੁੰਦਾ ਹੈ। ਟੈਕਨੋਲੋਜੀ ਗ਼ਰੀਬਾਂ ਦੀ empowerment   ਲਈ ਜੇ ਵਰਤੀ ਜਾਂਦੀ ਹੈ ਤਾਂ ਗ਼ਰੀਬੀ ਦੇ ਖ਼ਿਲਾਫ਼ ਲੜਾਈ ਬੜੀ ਤੇਜ਼ੀ ਨਾਲ ਅਸੀਂ ਜਿੱਤ ਸਕਦੇ ਹਾਂ ਅਤੇ ਇਸ ਲਈ ਸਾਡਾ ਉਦੇਸ਼ ਹੈ ਇਸ technology  ਦੀ maximum  ਵਰਤੋਂ ਕਰਦੇ ਹੋਏ ਇਸ ਨੂੰ ਏਨਾ affordable   ਬਣਾ ਦਿੱਤਾ ਜਾਵੇ ਕਿ ਦੇਸ਼ ਦੇ ਗ਼ਰੀਬ ਦੀ ਜ਼ਿੰਦਗੀ ਨਾਲ ਉਹ ਜੁੜ ਜਾਵੇ। ਮੈਂ ਮੰਨਦਾ ਹਾਂ ਕਿ technology  ਦਾ ਲਾਭ ਤਾਂ ਹੀ ਹੈ ਜਦੋਂ ਦੇਸ਼ ਦਾ ਆਮ ਸ਼ਹਿਰੀ ਵੀ ਇਸ ਦੀ ਭਲੀ ਭਾਂਤ ਵਰਤੋਂ ਕਰ ਸਕੇ। ਅੱਜ ਜਦੋਂ ਅਸੀਂ  Railways  ਵਿੱਚ ਨਵੀਂ ਅਤੇ ਅਤਿ ਆਧੁਨਿਕ ਟੈਕਨੋਲੋਜੀ ਨੂੰ ਅਸੀਂ ਜੋੜ ਰਹੇ ਹਾਂ ਤਾਂ ਸਾਡਾ ਪੂਰਾ ਯਤਨ ਹੈ ਕਿ ਦੇਸ਼ ਦੇ ਆਮ ਮਨੁੱਖ ਨੂੰ  new technology  ਦਾ ਲਾਭ ਮਿਲਣਾ ਚਾਹੀਦਾ ਹੈ। ਇਸ ਪ੍ਰੋਜੈਕਟ ਦੌਰਾਨ  Technology Transfer   ਨਾਲ ਰੇਲਵੇ ਨੂੰ ਫਾਇਦਾ ਹੋਵੇਗਾ। ਖੇਤਰ ਦੇ  Technicians, Vendors, Manufactures   ਉਨ੍ਹਾਂ ਨੂੰ ਵੀ ਲਾਭ ਮਿਲੇਗਾ ਅਤੇ ਇੱਕ ਪਾਸੇ ਪੂਰਾ ਨੈੱਟਵਰਕ ਜੋ ਹੈ ਰੇਲਵੇ ਦਾ, ਉਸ ਨੂੰ ਨਵੇਂਪਣ ਵੱਲ ਅੱਗੇ ਜਾਣਾ ਪਵੇਗਾ ਅਤੇ ਉਸ ਨੂੰ ਲਾਭ ਮਿਲੇਗਾ।

ਸਾਥੀਓ ਟੈਕਨੋਲੋਜੀ ਭਾਵੇਂ ਸਾਨੂੰ ਜਪਾਨ ਤੋਂ ਮਿਲ ਰਹੀ ਹੈ ਪਰ ਬੁਲਟ ਟ੍ਰੇਨ ਲਈ ਵਧੇਰੇ ਸੋਮੇ ਭਾਰਤ ਵਿੱਚ ਹੀ ਜੁਟਾਏ ਜਾਣਗੇ ਅਤੇ ਇਸ ਲਈ ਸਾਡੀਆਂ ਸਨਅਤਾਂ ਨੂੰ ਵੀ World Class Equipment Manufacturing  ਕਰਨੇ ਪੈਣਗੇ ਅਤੇ ਉਨ੍ਹਾਂ ਦੀ ਸਮੇਂ ਉੱਤੇ ਸਪਲਾਈ ਵੀ ਕਰਨੀ ਪਵੇਗੀ।  ‘Zero Effect, Zero Effect’ manufacturing  ਉੱਤੇ ਜ਼ੋਰ ਦੇਣਾ ਪਵੇਗਾ। ਇਸ ਨਾਲ  ‘Make in India’  ਨੂੰ ਵੀ ਮਜ਼ਬੂਤੀ ਮਿਲੇਗੀ।   Direct or Indirect Employment  ਦੇ ਹਜ਼ਾਰਾਂ ਮੌਕੇ ਵੀ ਇਹ ਪ੍ਰੋਜੈਕਟ ਆਪਣੇ ਨਾਲ ਲੈ ਕੇ ਆ ਰਿਹਾ ਹੈ।

 ਸਾਥੀਓ ਦੇਸ਼ ਵਿੱਚ Integrated Transport System ‘New India’   ਦੀ ਲੋੜ ਹੈ।  ‘New India’   ਦਾ ਸੁਪਨਾ ਹੈ ਅਤੇ ਇਸ ਲਈ ਅਸੀਂ ਦੇਸ਼ ਦੇ Feature Proofing   ਉੱਤੇ ਧਿਆਨ ਦੇ ਰਹੇ ਹਾਂ ਤਾਂ ਕਿ ਆਉਣ  ਵਾਲੀਆਂ ਪੀੜ੍ਹੀਆਂ ਦੇ ਹਿਸਾਬ ਨਾਲ Infrastructure   ਦਾ ਨਿਰਮਾਣ ਕੀਤਾ ਜਾ ਸਕੇ।  Railways ਹੋਵੇ,  Highways  ਹੋਣ,  Waterways  ਹੋਣ ਜਾਂ  Airways   ਹੋਣ ਅਸੀਂ ਸਾਰੇ ਖੇਤਰਾਂ ਵਿੱਚ ਇੱਕੋ ਜਿਹੇ  Infrastructure   ਉੱਤੇ ਜ਼ੋਰ ਦਿੱਤਾ ਹੈ ਅਤੇ ਉਮੀਦ ਤੋਂ ਤੇਜ਼ ਗਤੀ ਨਾਲ ਕੰਮਾਂ ਨੂੰ ਅੱਗੇ ਵਧਾ ਰਹੇ ਹਾਂ। ਅਸੀਂ ਅੱਜ ਪਹਿਲਾਂ ਤੋਂ ਜ਼ਿਆਦਾ ਤੇਜ਼ ਗਤੀ ਨਾਲ ਸੜਕਾਂ ਦਾ ਨਿਰਮਾਣ ਕਰ ਰਹੇ ਹਾਂ।  GST   ਦਾ ਫਾਇਦਾ ਦੇਸ਼ ਦੇ  Transport System   ਨੂੰ ਵੀ ਮਿਲਿਆ ਹੈ ਅਤੇ ਟਰੱਕਾਂ ਵਲੋਂ ਤੈਅ ਕੀਤੀ ਜਾਣ ਵਾਲੀ ਦੂਰੀ 30% ਵਧੀ ਹੈ। ਜੇ ਪਹਿਲਾਂ Foods ਲੈ ਕੇ ਜਾਣ ਵਾਲਾ ਇੱਕ ਟਰੱਕ ਇੱਕ ਦਿਨ ਵਿੱਚ 200 ਕਿਲੋਮੀਟਰ ਜਾਂਦਾ ਸੀ ਤਾਂ GST   ਆਉਣ ਤੋਂ ਬਾਅਦ  check-post   ਦੀਆਂ ਮੁਸੀਬਤਾਂ ਦੂਰ ਹੋਣ ਤੋਂ ਬਾਅਦ ਅੱਜ ਇਹੋ ਟਰੱਕ 200 ਕਿਲੋਮੀਟਰ ਦੀ ਬਜਾਏ 250 ਕਿਲੋਮੀਟਰ ਤੋਂ ਵੀ ਜ਼ਿਆਦਾ ਯਾਤਰਾ ਇੱਕ ਦਿਨ ਵਿੱਚ ਕਰ ਲੈਂਦਾ ਹੈ ਯਾਨੀ ਪੂਰੀ  economy   ਵਿੱਚ ਗਤੀ ਵਿੱਚ 30% ਦਾ ਵਾਧਾ ਇਕੋ ਇੱਕ GST   ਦੇ ਫੈਸਲੇ ਕਾਰਨ ਸੰਭਵ ਹੋਇਆ ਹੈ ਅਤੇ ਉਸ ਕਾਰਨ ਲੋਕਾਂ ਨੂੰ ਸਸਤਾ ਸਮਾਨ ਪਹੁੰਚਾਉਣ ਦੀ ਸੰਭਾਵਨਾ ਬਣਨ ਵਾਲੀ ਹੈ।

 ਸਰਕਾਰ ਜਲ ਮਾਰਗਾਂ ਨੂੰ ਟ੍ਰਾਂਸਪੋਰਟ ਲਈ ਢੁਕਵੇਂ ਤਰੀਕੇ ਦੇ ਰੂਪ ਵਿੱਚ ਵਿਕਸਿਤ ਕਰਨ ਲਈ ਹੁਣ ਵੀ ਵਚਨਬੱਧ ਹੈ। ਇਸੇ ਦਿਸ਼ਾ ਵਿੱਚ ਅੱਗੇ ਵਧਦੇ ਹੋਏ 106 ਨਦੀਆਂ  ਨੂੰ    National Waterways   ਦੇ ਰੂਪ ਵਿੱਚ ਵਿਕਸਿਤ ਕਰਨ ਦਾ ਕੰਮ ਕਰਨ ਦੀ ਦਿਸ਼ਾ ਵਿੱਚ  ਅਸੀਂ ਅੱਗੇ ਵਧਾ ਰਹੇ ਹਾਂ। ਭਾਰਤ ਵਿੱਚ Aviation Sector    ਵੀ ਨਵੀਆਂ ਸੰਭਾਵਨਾਵਾਂ ਲੈ ਕੇ ਆ ਰਿਹਾ ਹੈ। ਪਿਛਲੇ 3 ਸਾਲਾਂ ਵਿੱਚ Domestic Flyers   ਦੀ ਗਿਣਤੀ ਵਿੱਚ ਹਵਾਈ ਜਹਾਜ਼ ਵਿੱਚ ਸਫਰ ਕਰਨ ਵਾਲਿਆਂ ਦੀ ਗਿਣਤੀ ਵਿੱਚ ਤਕਰੀਬਨ 3 ਕਰੋੜ ਯਾਤਰੀਆਂ ਦਾ ਵਾਧਾ ਹੋਇਆ ਹੈ। Aviation Sector  ਨੂੰ ਮਜ਼ਬੂਤ ਕਰਨ ਲਈ ਪਹਿਲੀ ਵਾਰੀ National Aviation Policy   ਅਸੀਂ ਬਣਾਈ ਹੈ। ਦਰਮਿਆਨੇ ਵਰਗ ਦੇ ਜੀਵਨ ਵਿੱਚ  ‘ਉਡਾਨ ਯੋਜਨਾ’ ਰਾਹੀਂ ਤਬਦੀਲੀ ਲਿਆਂਦੀ ਜਾ ਰਹੀ ਹੈ। ਇਸ ਯੋਜਨਾ ਦੇ ਤਹਿਤ ਦੇਸ਼ ਦੇ 70 ਛੋਟੇ ਸ਼ਹਿਰਾਂ ਨੂੰ ਜੋੜਿਆ ਜਾ ਰਿਹਾ ਹੈ ਤਾਂ ਕਿ ਦੇਸ਼ ਦਾ ਆਮ ਸ਼ਹਿਰੀ ਕਦੀ ਸਸਤੀਆਂ ਹਵਾਈ ਸੇਵਾਵਾਂ ਦਾ ਫਾਇਦਾ ਉਠਾ ਸਕੇ।

 ਮੌਜੂਦਾ ਰੇਲ ਵਿਵਸਥਾ ਨੂੰ ਸੁਧਾਰਨ ਅਤੇ ਆਧੁਨਿਕ ਤਕਨੀਕ ਦੇ ਆਧਾਰ ਉੱਤੇ ਨਵੇਂ ਰੇਲ ਨੈੱਟਵਰਕ ਦੇ ਨਿਰਮਾਣ ਦੋਹਾਂ ਵੱਲ ਬਰਾਬਰ ਧਿਆਨ ਦਿੱਤਾ ਜਾ ਰਿਹਾ ਹੈ। ਅਸੀਂ ਰੇਲਵੇ ਟ੍ਰੈਕ, ਉਸ ਦੀ  doubling   ਕਰਨ, electrification   ਕਰਨ ਇਸ ਕੰਮ ਨੂੰ ਵੀ ਤੇਜ਼ੀ ਨਾਲ ਅੱਗੇ ਵਧਾਇਆ ਹੈ ਅਤੇ ਪਹਿਲਾਂ ਤੋਂ ਵੀ ਜ਼ਿਆਦਾ ਤੇਜ਼ ਗਤੀ ਨਾਲ ਕੰਮ ਹੋ ਰਿਹਾ ਹੈ। ਜਿੰਨੇ ਨਿਵੇਸ਼ ਰੇਲਵੇ ਵਿੱਚ ਇਸ ਵੇਲੇ ਇਹ  ਸਰਕਾਰ ਕਰ ਰਹੀ ਹੈ, ਓਨਾ ਉਸ ਤੋਂ ਪਹਿਲਾਂ ਕਦੇ ਵੀ ਨਹੀਂ ਹੋਇਆ। ਨਿਵੇਸ਼ ਵਧਾਉਣ ਦੇ ਨਾਲ ਹੀ ਹੁਣ ਦਹਾਕਿਆਂ ਤੋਂ ਲਟਕੇ ਹੋਏ Projects  ਨੂੰ ਪੂਰਾ ਕਰਨ ਉੱਤੇ ਜ਼ੋਰ ਦਿੱਤਾ ਜਾ ਰਿਹਾ ਹੈ। ਭਾਰਤੀ ਰੇਲਵੇ ਦੀ ਸਮਰੱਥਾ ਵਿੱਚ ਵਾਧਾ ਅਤੇ ਮਾਲ ਢੁਆਈ ਵਿੱਚ ਅਸਾਨੀ ਲਈ ਭਾਰਤ ਸਰਕਾਰ ਲਗਾਤਾਰ ਯਤਨਸ਼ੀਲ ਹੈ।

 ਮੁੰਬਈ ਦੇ ‘ਜਵਾਹਰਲਾਲ ਪੋਰਟ’ ਤੋਂ ਲੈ ਕੇ ਯੂ ਪੀ ਦੇ ਦਾਦਰੀ ਤੱਕ Western Dedicated Freight Corridor  ਬਣਾਇਆ ਜਾ ਰਿਹਾ ਹੈ। ਇਸੇ ਤਰ੍ਹਾਂ ਕੋਲਕਾਤਾ ਤੋਂ ਲੁਧਿਆਣਾ ਤੱਕ   Eastern Dedicated Freight Corridor   ਦਾ ਨਿਰਮਾਣ ਕੀਤਾ ਜਾ ਰਿਹਾ ਹੈ। ਅਗਲੇ ਤਿੰਨ ਸਾਢੇ ਤਿੰਨ ਸਾਲ ਵਿੱਚ ਇਹ ਪ੍ਰੋਜੈਕਟ ਪੂਰਾ ਕਰ ਲੈਣ ਦੀ ਅਸੀਂ ਕੋਸ਼ਿਸ਼ ਕਰ ਰਹੇ ਹਾਂ। ਇਹ ਪ੍ਰੋਜੈਕਟ ਪੂਰਾ ਹੋਣ ਤੋਂ ਬਾਅਦ ਜੋ congestion  ਹੈ ਉਹ ਘੱਟ ਹੋਵੇਗੀ, ਯਾਤਰੀ ਟ੍ਰੇਨਾਂ ਦਾ ਸਮਾਂ ਬਚੇਗਾ ਅਤੇ ਰੇਲਵੇ ਦੀ transport  ਸਮਰੱਥਾ ਵੀ ਵਧੇਗੀ।

 ਸਾਥੀਓ High-speed Rail Project  ਆਧੁਨਿਕ ਰੇਲਵੇ ਨਿਰਮਾਣ ਦੇ vision   ਦਾ integral part   ਹੈ। ਮੈਨੂੰ ਬਹੁਤ ਖੁਸ਼ੀ ਹੈ ਕਿ ਅੱਜ ਇਸ ਦਾ ਭੂਮੀ-ਪੂਜਨ  ਹੋਇਆ ਹੈ। ਅਤੇ ਮੇਰੇ ਪਿਆਰੇ ਭੈਣੋ ਅਤੇ ਭਰਾਵੋ, ਮੇਰੇ ਪਿਆਰੇ ਦੇਸ਼ਵਾਸੀਓ, ਭੂਮੀ-ਪੂਜਨ  ਅੱਜ ਹੋਇਆ ਹੈ। ਅਜ਼ਾਦੀ ਦੇ 70 ਸਾਲ ਹੋਏ ਹਨ, ਸਾਬਰਮਤੀ ਆਸ਼ਰਮ ਦੀ ਸਦੀ ਮਨਾ ਰਹੇ ਹਾਂ, ਮਨ ਵਿੱਚ ਇੱਛਾ ਹੈ, ਸੁਪਨਾ ਹੈ  ਜਦੋਂ ਅਜ਼ਾਦੀ ਦੇ 75 ਸਾਲ ਹੋਣ, 2022-23 ਵਿੱਚ ਅਸੀਂ ਇਸ ਰੇਲ ਦਾ ਕੰਮ ਪੂਰਾ ਕਰੀਏ ਅਤੇ ਜਿਵੇਂ ਆਬੇ ਸਾਨ ਨੇ ਕਿਹਾ ਹੈ ਅਸੀਂ ਦੋਵੇਂ ਬੈਠ ਕੇ, ਉਸ ਵਿੱਚ ਯਾਤਰਾ ਕਰਕੇ ਉਸ ਦਾ ਉਦਘਾਟਨ ਕਰੀਏ। ਜਪਾਨ ਅਤੇ ਭਾਰਤ ਨੇ ਇੱਕ ਵਾਰੀ ਧਾਰ ਲਈ ਹੈ ਤਾਂ ਇਹ ਵੀ ਅਸੀਂ ਕਰਕੇ ਰਹਾਂਗੇ, ਇਹ ਮੈਂ ਤੁਹਾਨੂੰ ਯਕੀਨ ਦਿਵਾਉਂਦਾ ਹਾਂ।

 ਇਸ Project  ਦੇ ਨਾਲ ਨਾਲ  High-speed Rail Experts    ਤਿਆਰ ਕਰਨ ਲਈ ਬਡੋਦਰਾ ਵਿੱਚ  High-speed Training Institute   ਦੀ ਵੀ ਸਥਾਪਨਾ ਕੀਤੀ ਜਾ ਰਹੀ ਹੈ। ਇਹ ਬਹੁਤ ਅਹਿਮ ਪ੍ਰੋਜੈਕਟ ਮੈਂ ਮੰਨਦਾ ਹਾਂ। ਬਡੋਦਰਾ ਸਾਲਾਂ ਤੋਂ ਰੇਲਵੇ ਦਾ ਇੱਕ ਬਹੁਤ ਅਹਿਮ ਯੂਨਿਟ ਰਿਹਾ ਹੈ। ਹੁਣ ਜਪਾਨ ਉੱਥੇ  High-speed Railway  ਲਈ, ਜਿਸ ਤਰ੍ਹਾਂ ਦੀ  manpower  ਦੀ ਲੋੜ ਹੈ, ਨਵੀਂ ਟੈਕਨੋਲੋਜੀ ਨੂੰ ਸਿਖਾਉਣ ਦੀ ਲੋੜ ਹੈ, ਭਾਰਤ ਦੇ ਨੌਜਵਾਨਾ ਨੂੰ, ਖਾਸ ਤੌਰ ਤੇ ਗੁਜਰਾਤ ਦੇ ਨੌਜਵਾਨਾਂ ਨੂੰ ਇਹ ਮੌਕਾ ਮਿਲੇਗਾ ਅਤੇ ਜਦੋਂ  Human Resource Skill Development  ਹੁੰਦੀ ਹੈ ਤਾਂ ਦੇਸ਼ ਦੀ ਤਾਕਤ ਕਈ ਗੁਣਾ ਵਧ ਜਾਂਦੀ ਹੈ ਜੋ ਇੱਕ high-speed   ਤੋਂ ਵੀ ਜ਼ਿਆਦਾ ਹੁੰਦੀ ਹੈ। ਉਹ ਕੰਮ ਹੁਣ ਬਡੋਦਰਾ ਦੀ ਧਰਤੀ ਉੱਤੇ ਹੋਵੇਗਾ, ਜਪਾਨ ਦੀ ਮਦਦ ਨਾਲ ਹੋਵੇਗਾ ਅਤੇ ਆਧੁਨਿਕ ਤੋਂ ਆਧੁਨਿਕ ਰੇਲਵੇ ਇੰਜੀਨੀਅਰਿੰਗ ਦਾ ਕੰਮ ਹੈ, ਉਸ ਦੇ ਲਈ ਭਾਰਤ ਦੇ ਨੌਜਵਾਨਾਂ ਨੂੰ ਤਿਆਰ ਕੀਤਾ ਜਾਵੇਗਾ। ਤੁਸੀਂ ਕਲਪਨਾ ਕਰ ਸਕਦੇ ਹੋ ਕਿ ਨਵੇਂ ਭਾਰਤ ਲਈ ਕਿੰਨੇ ਵੱਡੇ ਸਮਰੱਥ ਮਨੁੱਖੀ ਦਲ ਨੂੰ ਤਿਆਰ ਕਰਨ ਦਾ ਕੰਮ ਇਸ ਇੱਕ  Institution  ਰਾਹੀਂ ਹੋਣ ਵਾਲਾ ਹੈ। ਮੇਰੇ ਲਈ ਜਿੰਨੀ ਅਹਿਮੀਅਤ  High-speed Railway   ਦੇ ਭੂਮੀ-ਪੂਜਨ  ਦੀ ਹੈ, ਉਸ ਤੋਂ ਵੀ ਕਿਤੇ ਵੱਧ ਅਹਿਮੀਅਤ ਦੇਸ਼ ਦੇ ਨੌਜਵਾਨਾਂ ਨੂੰ ਇਹ ਆਧੁਨਿਕ  training ਦੇਣ ਦੀ ਹੈ, ਇਹ ਜੋ   Institution ਦਾ ਭੂਮੀ-ਪੂਜਨ  ਹੋ ਰਿਹਾ ਹੈ ਅਤੇ ਇਹ 21ਵੀਂ ਸਦੀ ਦੇ ਭਾਰਤ ਦੀ ਮਜ਼ਬੂਤ ਨੀਂਹ ਰੱਖਣ ਦਾ ਕੰਮ ਇਸ ਨਾਲ ਹੋਣ ਵਾਲਾ ਹੈ।

 ਮੈਂ ਇਸ ਪ੍ਰੋਜੈਕਟ ਨਾਲ ਜੁੜੇ ਭਾਰਤ ਅਤੇ ਜਪਾਨ ਦੇ ਸਾਰੇ ਪ੍ਰਤੀਨਿਧਾਂ, ਮੁਲਾਜ਼ਮਾਂ ਨੂੰ ਇੱਕ ਵਾਰੀ ਫਿਰ ਬਹੁਤ-ਬਹੁਤ ਵਧਾਈ ਦਿੰਦਾ ਹਾਂ, ਉਨ੍ਹਾਂ ਦਾ ਧੰਨਵਾਦ ਕਰਦਾ ਹਾਂ। ਉਨ੍ਹਾਂ ਦੇ ਯਤਨ ਨਾਲ ਇਹ ਪ੍ਰੋਜੈਕਟ ਇੱਥੇ ਪਹੁੰਚਿਆ ਹੈ ਅਤੇ ਹੁਣ ਜ਼ਮੀਨ ਉੱਤੇ ਇਸ ਦਾ ਅਸਲੀ ਕੰਮ ਸ਼ੁਰੂ ਹੋ ਰਿਹਾ ਹੈ। ਮੈਨੂੰ ਪੂਰਾ ਭਰੋਸਾ ਹੈ ਕਿ ਮਿਲ ਕੇ ਇਸ ਪ੍ਰੋਜੈਕਟ ਨੂੰ ਸਮੇਂ ਤੋਂ ਪਹਿਲਾਂ ਪੂਰਾ ਕਰਨ ਦੀ ਕੋਸ਼ਿਸ਼ ਕਰਾਂਗੇ ਅਤੇ ਕਰ ਕੇ ਦਿਖਾਵਾਂਗੇ। ਇੱਕ ਵਾਰੀ ਫਿਰ ਤੋਂ ਜਪਾਨ ਦੇ ਪ੍ਰਧਾਨ ਮੰਤਰੀ ਅਤੇ ਮੇਰੇ ਪਰਮ ਮਿੱਤਰ ਸ਼੍ਰੀਮਾਨ ਸ਼ਿੰਜ਼ੋ ਆਬੇ, ਸ਼੍ਰੀਮਾਨ ਆਬੇ ਸਾਨ, ਉਨ੍ਹਾਂ ਦਾ ਮੈਂ ਦਿਲੋਂ ਧੰਨਵਾਦ ਪ੍ਰਗਟ ਕਰਦਾ ਹਾਂ ਅਤੇ ਭਾਰਤ ਦਾ ਰੇਲ ਨੈੱਟਵਰਕ ਏਨਾ ਵੱਡਾ ਹੈ ਜਿੰਨੀ ਕਿ ਜਪਾਨ ਦੀ ਕੁਲ ਅਬਾਦੀ ਹੈ। ਸਾਡੇ ਦੇਸ਼ ਵਿੱਚ ਇੱਕ ਹਫ਼ਤੇ ਵਿੱਚ ਜਪਾਨ ਦੀ ਜਿੰਨੀ ਅਬਾਦੀ ਹੈ, ਓਨੇ ਹੀ ਲੋਕ ਰੇਲ ਵਿੱਚ ਸਫਰ ਕਰਦੇ ਹਨ। ਕਿੰਨੀ ਵਿਸ਼ਾਲਤਾ, ਕਿੰਨੀ ਸਮਰੱਥਾ, ਸਾਡੇ ਕੋਲ scope  ਹੈ,  speed   ਹੈ, ਤੁਹਾਡੇ ਕੋਲ skill  ਹੈ ਅਤੇ ਅਸੀਂ ਮਿਲ ਕੇ ਇਸ ਨਵੇਂ ਭਾਰਤ ਨੂੰ ਨਵੀਂ ਗਤੀ ਦੇਣ ਦੀ ਦਿਸ਼ਾ ਵਿੱਚ ਅੱਗੇ ਵਧਾਂਗੇ।

 ਮੈਂ ਫਿਰ ਇੱਕ ਵਾਰੀ ਗੁਜਰਾਤ ਵਾਸੀਆਂ ਨੇ ਜੋ ਸ਼ਾਨਦਾਰ ਸਵਾਗਤ ਸਨਮਾਨ ਕੀਤਾ ਹੈ, ਜਪਾਨ ਦੇ ਪ੍ਰਧਾਨ ਮੰਤਰੀ ਦੀ  ਸ਼ੋਭਾ ਅਨੁਸਾਰ ਕੀਤਾ ਹੈ, ਉਸ ਲਈ ਗੁਜਰਾਤ ਦਾ ਦਿਲੋਂ ਧੰਨਵਾਦ ਕਰਦਾ ਹਾਂ। ਮੈਂ ਗੁਜਰਾਤ ਅਤੇ ਮਹਾਰਾਸ਼ਟਰ ਸਰਕਾਰ ਦੋਹਾਂ ਨੂੰ ਵਧਾਈ ਦਿੰਦਾ ਹਾਂ, ਇਸ ਕੰਮ ‘ਚ ਇਨ੍ਹਾਂ ਦੋਹਾਂ ਸਰਕਾਰਾਂ ਨੇ ਮਿਲ ਕੇ ਭਾਰਤ ਸਰਕਾਰ ਅਤੇ ਜਪਾਨ ਸਰਕਾਰ ਨਾਲ  ਮਿਲ ਕੇ ਸਾਰੀ ਦੁਨੀਆ ਨੂੰ ਇੱਕ ਤੋਂ ਬਾਅਦ ਇੱਕ  High-speed  ਨਾਲ ਨਿਪਟਾਉਂਦੇ ਗਏ ਅਤੇ ਪੂਰੀ ਵਿਵਸਥਾ ਨੂੰ ਅੱਗੇ ਵਧਾਇਆ। ਅਤੇ ਇਸ ਲਈ ਮੈਂ ਗੁਜਰਾਤ ਦੇ ਮੁੱਖ ਮੰਤਰੀ ਦਾ, ਮਹਾਰਾਸ਼ਟਰ ਦੇ ਮੁੱਖ ਮੰਤਰੀ ਦਾ ਵੀ ਦਿਲੋਂ ਧੰਨਵਾਦ ਕਰਦਾ ਹਾਂ।

 ਬਹੁਤ-ਬਹੁਤ ਧੰਨਵਾਦ।

  ***

ਅਤੁਲ ਤਿਵਾਰੀ, ਅਮਿਤ ਕੁਮਾਰ, ਮਮਤਾ