ਪੀਐੱਮਇੰਡੀਆ

ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਦੀ ਪ੍ਰਧਾਨਗੀ ਹੇਠ ਕੇਂਦਰੀ ਕੈਬਨਿਟ ਨੇ 2026-27 ਤੋਂ 2030-31 ਦੀ ਮਿਆਦ ਲਈ 36,441 ਕਰੋੜ ਰੁਪਏ ਦੇ ਸੰਯੁਕਤ ਖਰਚ ਨਾਲ ਵਿਸਤ੍ਰਿਤ ਖੇਲੋ ਇੰਡੀਆ ਯੋਜਨਾ ਅਤੇ ਨੈਸ਼ਨਲ ਸਪੋਰਟਸ ਫੈੱਡਰੇਸ਼ਨਾਂ (ANSFs) ਨੂੰ ਵਧੀ ਹੋਈ ਸਹਾਇਤਾ ਨੂੰ ਪ੍ਰਵਾਨਗੀ ਦੇ ਦਿੱਤੀ ਹੈ। ਇਹ ਯੁਵਾ ਵਿਕਾਸ ਅਤੇ ਰਾਸ਼ਟਰ ਨਿਰਮਾਣ ਲਈ ਖੇਡਾਂ ਦੀ ਸ਼ਕਤੀ ਦੀ ਵਰਤੋਂ ਕਰਨ ਦੀ ਸਰਕਾਰ ਦੀ ਵਚਨਬੱਧਤਾ ਦੀ ਪੁਸ਼ਟੀ ਕਰਦਾ ਹੈ।

ਇਹ ਆਜ਼ਾਦੀ ਤੋਂ ਬਾਅਦ ਦੇਸ਼ ਦਾ ਸਭ ਤੋਂ ਮਹੱਤਵਾਕਾਂਖੀ ਖੇਡ ਵਿਕਾਸ ਪ੍ਰੋਗਰਾਮ ਹੈ। ਦੇਸ਼ ਦੇ ਨੌਜਵਾਨਾਂ ਦੀਆਂ ਖੇਡਾਂ ਪ੍ਰਤੀ ਇੱਛਾਵਾਂ ਨੂੰ ਕਾਫ਼ੀ ਹੁਲਾਰਾ ਦਿੱਤਾ ਗਿਆ ਹੈ ਅਤੇ ਆਉਣ ਵਾਲੇ ਦਹਾਕੇ ਵਿੱਚ ਇਸ ਦਾ ਪਰਿਵਰਤਨਸ਼ੀਲ ਪ੍ਰਭਾਵ ਪਵੇਗਾ।

ਪ੍ਰਵਾਨਿਤ ਖਰਚ ਪਿਛਲੀ ਖੇਲੋ ਇੰਡੀਆ ਯੋਜਨਾ ਦੇ ਮੁਕਾਬਲੇ ਵਿੱਚ ਲਗਭਗ ਅੱਠ ਗੁਣਾ ਹੈ, ਜੋ ਕਿ ਖੇਡਾਂ ਨੂੰ ਯੁਵਾ ਵਿਕਾਸ, ਰਾਸ਼ਟਰ ਨਿਰਮਾਣ ਅਤੇ ਭਾਰਤ ਦੀ ਇੱਕ ਵਿਸ਼ਵਵਿਆਪੀ ਖੇਡ ਮਹਾਂਸ਼ਕਤੀ ਵਜੋਂ ਉਭਾਰ ਦਾ ਅਧਾਰ ਬਣਾਉਣ ਦੀ ਸਰਕਾਰ ਦੀ ਵਚਨਬੱਧਤਾ ਨੂੰ ਦਰਸਾਉਂਦਾ ਹੈ।

ਸੋਧੀ ਹੋਈ ਯੋਜਨਾ ਨੂੰ ਸਕੂਲ ਦੇ ਖੇਡ ਦੇ ਮੈਦਾਨਾਂ ਅਤੇ ਪਿੰਡਾਂ ਦੇ ਖੇਡ ਮੈਦਾਨਾਂ ਤੋਂ ਲੈ ਕੇ ਓਲੰਪਿਕ ਪੋਡੀਅਮ ਤੱਕ ਹਰੇਕ ਪ੍ਰਤਿਭਾਸ਼ਾਲੀ ਨੌਜਵਾਨ ਭਾਰਤੀ ਲਈ ਇੱਕ ਸਹਿਜ ਮਾਰਗ ਬਣਾਉਣ ਲਈ ਡਿਜ਼ਾਈਨ ਕੀਤੀ ਗਈ ਹੈ। ਇਹ ਯਕੀਨੀ ਬਣਾਉਣ ਦੀ ਕੋਸ਼ਿਸ਼ ਕਰਦੀ ਹੈ ਕਿ ਭੂਗੋਲ, ਆਰਥਿਕ ਪਿਛੋਕੜ ਜਾਂ ਮੌਕਿਆਂ ਦੀ ਘਾਟ ਕਾਰਨ ਕੋਈ ਵੀ ਖੇਡ ਪ੍ਰਤਿਭਾ ਨਜ਼ਰਅੰਦਾਜ਼ ਨਾ ਕੀਤੀ ਜਾਵੇ।

ਖੇਲੋ ਇੰਡੀਆ ਨੀਤੀ 2025 ਅਤੇ ਰਾਸ਼ਟਰੀ ਸਿੱਖਿਆ ਨੀਤੀ 2020 ਦੇ ਦ੍ਰਿਸ਼ਟੀਕੋਣ ਦੇ ਅਨੁਸਾਰ, ਇਹ ਯੋਜਨਾ 2030 ਕੌਮਨਵੈਲਥ ਗੇਮਸ ਅਤੇ ਓਲੰਪਿਕ ਤੇ ਪੈਰਾਲੰਪਿਕ ਗੇਮਸ ਦੀ ਮੇਜ਼ਬਾਨੀ ਕਰਨ ਲਈ ਦੇਸ਼ ਦੀ ਦਾਅਵੇਦਾਰੀ ਸਮੇਤ ਭਾਰਤ ਦੀਆਂ ਲੰਬੇ ਸਮੇਂ ਦੀਆਂ ਖੇਡ ਇੱਛਾਵਾਂ ਲਈ ਇੱਕ ਮਜ਼ਬੂਤ ​​ਨੀਂਹ ਰੱਖਦੇ ਹੋਏ ਖੇਡਾਂ ਨੂੰ ਸਿੱਖਿਆ, ਤੰਦਰੁਸਤੀ, ਤਕਨਾਲੋਜੀ ਅਤੇ ਸ਼੍ਰੇਸ਼ਠ ਪ੍ਰਦਰਸ਼ਨ ਸਿਖਲਾਈ ਨਾਲ ਖੇਡਾਂ ਨੂੰ ਜੋੜਦੀ ਹੈ। 

ਹਰ ਪ੍ਰਤਿਭਾਸ਼ਾਲੀ ਨੌਜਵਾਨ ਲਈ ਉੱਤਮਤਾ ਦਾ ਮਾਰਗ:

ਪਹਿਲੀ ਵਾਰ, ਪ੍ਰਤਿਭਾ ਦੀ ਪਛਾਣ ਅਤੇ ਵਿਗਿਆਨਕ ਸਿਖਲਾਈ ਤੋਂ ਲੈ ਕੇ ਅੰਤਰਰਾਸ਼ਟਰੀ ਮੁਕਾਬਲੇ ਅਤੇ ਓਲੰਪਿਕ ਦੀ ਤਿਆਰੀ ਤੱਕ, ਹਰ ਪੱਧਰ ‘ਤੇ ਨੌਜਵਾਨ ਖਿਡਾਰੀਆਂ ਦਾ ਸਮਰਥਨ ਕਰਨ ਲਈ ਇੱਕ ਵਿਆਪਕ ਐਥਲੀਟ ਵਿਕਾਸ ਮਾਰਗ ਬਣਾਇਆ ਗਿਆ ਹੈ।

ਇਹ ਯੋਜਨਾ ਇੱਕ ਏਕੀਕ੍ਰਿਤ ਦੇਸ਼ ਵਿਆਪੀ ਖੇਡ ਈਕੋਸਿਸਟਮ ਸਥਾਪਿਤ ਕਰਦੀ ਹੈ ਜਿਸ ਵਿੱਚ ਨੈਸ਼ਨਲ ਸੈਂਟਰ ਆਫ਼ ਐਕਸੀਲੈਂਸ (NCOEs), ਖੇਲੋ ਇੰਡੀਆ ਸੈਂਟਰਜ਼ ਆਫ਼ ਐਕਸੀਲੈਂਸ (KICOEs), ਸਪੋਰਟਸ ਅਥਾਰਿਟੀ ਆਫ਼ ਇੰਡੀਆ ਟ੍ਰੇਨਿੰਗ ਸੈਂਟਰ (STCs), ਖੇਲੋ ਇੰਡੀਆ ਮਾਨਤਾ ਪ੍ਰਾਪਤ ਅਕੈਡਮੀਆਂ (KIAAs), ਖੇਲੋ ਇੰਡੀਆ ਸੈਂਟਰ (KICs) ਅਤੇ ਹਥਿਆਰਬੰਦ ਬਲਾਂ ਦੀਆਂ ਯੂਥ ਸਪੋਰਟਸ ਕੰਪਨੀਆਂ (YSCs) ਸ਼ਾਮਲ ਹਨ। ਨਾਲ ਹੀ, ਇਹ ਸੰਸਥਾਵਾਂ ਦੇਸ਼ ਭਰ ਵਿੱਚ ਵਿਸ਼ਵ ਪੱਧਰੀ ਕੋਚਿੰਗ, ਖੇਡ ਵਿਗਿਆਨ ਸਹਾਇਤਾ ਅਤੇ ਆਧੁਨਿਕ ਬੁਨਿਆਦੀ ਢਾਂਚਾ ਪ੍ਰਦਾਨ ਕਰਨਗੀਆਂ।

ਸਕੂਲੀ ਸਪੋਰਟਸ ਈਕੋਸਿਸਟਮ ਨੂੰ ਮਜ਼ਬੂਤ ​​ਕਰਨ ਲਈ, ਸਰਕਾਰ ਨੇ ਦੋ ਨਵੀਆਂ ਪਹਿਲਕਦਮੀਆਂ- ਖੇਲੋ ਇੰਡੀਆ ਫੀਡਰ ਸਕੂਲ (KIFS) ਅਤੇ ਖੇਲੋ ਇੰਡੀਆ ਉਤਕ੍ਰਿਸ਼ਟ ਵਿਦਿਆਲਿਆ (KIUVs) ਸ਼ੁਰੂ ਕੀਤੀਆਂ ਹਨ, ਜੋ ਖੇਡਾਂ ਨੂੰ ਮੁੱਖਧਾਰਾ ਦੀ ਸਿੱਖਿਆ ਨਾਲ ਜੋੜਨਗੀਆਂ ਅਤੇ ਪ੍ਰਤਿਭਾਸ਼ਾਲੀ ਬੱਚਿਆਂ ਦੀ ਸ਼ੁਰੂਆਤੀ ਪਛਾਣ ਅਤੇ ਯੋਜਨਾਬੱਧ ਪਾਲਣ-ਪੋਸ਼ਣ ਨੂੰ ਸਮਰੱਥ ਬਣਾਉਣਗੀਆਂ।

ਭਾਰਤ ਦੇ ਐਥਲੀਟ ਪੂਲ ਦਾ ਲਗਭਗ ਦਸ ਗੁਣਾ ਵਿਸਤਾਰ:

ਇਸ ਯੋਜਨਾ ਦੇ ਤਹਿਤ ਇੱਕ ਵੱਡਾ ਸੁਧਾਰ ਮੌਜੂਦਾ ਖੇਲੋ ਇੰਡੀਆ ਐਥਲੀਟ ਪ੍ਰੋਗਰਾਮ ਦੇ ਨਾਲ-ਨਾਲ ਇਮਰਜਿੰਗ ਖੇਲੋ ਇੰਡੀਆ ਐਥਲੀਟ (e-KIA) ਸ਼੍ਰੇਣੀ ਦਾ ਨਿਰਮਾਣ ਹੈ। ਇਹ ਢਾਂਚਾਗਤ ਐਥਲੀਟ ਵਿਕਾਸ ਈਕੋਸਿਸਟਮ ਦਾ ਲਗਭਗ ਦਸ ਗੁਣਾ ਵਿਸਤਾਰ ਕਰੇਗਾ, ਜਿਸ ਨਾਲ ਹਜ਼ਾਰਾਂ ਵਧੇਰੇ ਨੌਜਵਾਨ ਐਥਲੀਟਾਂ ਨੂੰ ਪੇਸ਼ੇਵਰ ਕੋਚਿੰਗ, ਵਿਗਿਆਨਕ ਸਹਾਇਤਾ ਅਤੇ ਲੰਬੇ ਸਮੇਂ ਦੀ ਸਲਾਹ ਦਿੱਤੀ ਜਾਵੇਗੀ।

ਪ੍ਰਤਿਭਾ ਪਛਾਣ ਵਿਕਾਸ ਕਮੇਟੀਆਂ, ਖੇਤਰੀ ਕਮੇਟੀਆਂ, ਪ੍ਰਤਿਭਾ ਸਕਾਊਟਸ, ਉੱਚ ਪ੍ਰਦਰਸ਼ਨ ਨਿਰਦੇਸ਼ਕਾਂ ਅਤੇ ਉੱਚ ਪ੍ਰਦਰਸ਼ਨ ਪ੍ਰਬੰਧਕਾਂ ਨੂੰ ਸ਼ਾਮਲ ਕਰਦੇ ਹੋਏ ਇੱਕ ਮਜ਼ਬੂਤ ​​ਦੇਸ਼-ਵਿਆਪੀ ਪ੍ਰਤਿਭਾ ਪਛਾਣ ਦਾ ਢਾਂਚਾ, ਦੇਸ਼ ਭਰ ਵਿੱਚ ਹੋਣਹਾਰ ਐਥਲੀਟਾਂ ਦੀ ਨਿਰੰਤਰ ਪਛਾਣ, ਟ੍ਰੈਕਿੰਗ ਅਤੇ ਵਿਕਾਸ ਨੂੰ ਯਕੀਨੀ ਬਣਾਏਗਾ।

ਇਹ ਯੋਜਨਾ ਜ਼ਮੀਨੀ ਪੱਧਰ ਦੇ ਮੁਕਾਬਲਿਆਂ ਤੋਂ ਲੈ ਕੇ ਖੇਲੋ ਇੰਡੀਆ ਅਤੇ ਬਾਅਦ ਵਿੱਚ ਟਾਰਗੇਟ ਓਲੰਪਿਕ ਪੋਡੀਅਮ ਸਕੀਮ (TOPS) ਤੱਕ ਇੱਕ ਸਪਸ਼ਟ ਤਰੱਕੀ ਦਾ ਮਾਰਗ ਵੀ ਸਥਾਪਿਤ ਕਰਦੀ ਹੈ, ਜਿਸ ਨਾਲ ਯੋਗ ਐਥਲੀਟਾਂ ਨੂੰ ਉੱਚ ਪੱਧਰ ‘ਤੇ ਮੈਡਲਾਂ ਲਈ ਮੁਕਾਬਲਾ ਕਰਨ ਲਈ ਵਿਸ਼ਵ-ਪੱਧਰੀ ਟ੍ਰੇਨਿੰਗ, ਅੰਤਰਰਾਸ਼ਟਰੀ ਅਨੁਭਵ ਅਤੇ ਵਿਆਪਕ ਸਮਰਥਨ ਪ੍ਰਾਪਤ ਕਰਨ ਦੇ ਯੋਗ ਬਣਾਇਆ ਜਾ ਸਕੇ। 

ਹੋਰ ਮੁਕਾਬਲੇ, ਵਧੇਰੇ ਮੌਕੇ:

ਇਸ ਗੱਲ ਨੂੰ ਮਹੱਤਤਾ ਦਿੰਦੇ ਹੋਏ ਕਿ ਖੇਡ ਉੱਤਮਤਾ ਨਿਯਮਿਤ ਮੁਕਾਬਲੇ ‘ਤੇ ਨਿਰਭਰ ਕਰਦੀ ਹੈ, ਸੋਧੀ ਹੋਈ ਯੋਜਨਾ ਭਾਰਤ ਦੇ ਘਰੇਲੂ ਮੁਕਾਬਲੇ ਦੇ ਈਕੋਸਿਸਟਮ ਨੂੰ ਮਹੱਤਵਪੂਰਨ ਤੌਰ ‘ਤੇ ਮਜ਼ਬੂਤ ​​ਕਰਦੀ ਹੈ। ਇਹ ਨੌਜਵਾਨ ਐਥਲੀਟਾਂ ਨੂੰ ਨਿਰੰਤਰ ਪ੍ਰਤੀਯੋਗੀ ਐਕਸਪੋਜ਼ਰ ਪ੍ਰਦਾਨ ਕਰਨ ਲਈ ਨੈਸ਼ਨਲ ਚੈਂਪੀਅਨਸ਼ਿਪਾਂ ਦੇ ਨਾਲ-ਨਾਲ ਸਕੂਲ, ਯੂਨੀਵਰਸਿਟੀ, ਖੇਤਰੀ ਅਤੇ ਖੇਡ-ਵਿਸ਼ੇਸ਼ ਲੀਗਾਂ ਦਾ ਸਮਰਥਨ ਕਰਦੀ ਹੈ।

ਸ਼ਾਂਤੀ, ਸਮਾਵੇਸ਼ ਅਤੇ ਭਾਈਚਾਰਕ ਵਿਕਾਸ ਲਈ ਇੱਕ ਸਾਧਨ ਵਜੋਂ ਮਹਿਲਾ ਐਥਲੀਟਾਂ, ਪੈਰਾ-ਐਥਲੀਟਾਂ, ਸਵਦੇਸ਼ੀ ਖੇਡਾਂ ਅਤੇ ਖੇਡਾਂ ਲਈ ਮੌਕਿਆਂ ਦਾ ਵਿਸਤਾਰ ਕਰਨ ‘ਤੇ ਵਿਸ਼ੇਸ਼ ਜ਼ੋਰ ਦਿੱਤਾ ਗਿਆ ਹੈ। ਇਸ ਯੋਜਨਾ ਵਿੱਚ ਰਾਸ਼ਟਰੀ ਖੇਡਾਂ ਦੇ ਆਯੋਜਨ ਅਤੇ ਭਾਰਤ ਵਿੱਚ  ਪ੍ਰਮੁੱਖ ਅੰਤਰਰਾਸ਼ਟਰੀ ਖੇਡ ਸਮਾਗਮਾਂ ਦੀ ਮੇਜ਼ਬਾਨੀ ਲਈ ਵੀ ਸਹਾਇਤਾ ਪ੍ਰਦਾਨ ਕੀਤੀ ਜਾਂਦੀ ਹੈ।

ਇੱਕ ਤੰਦਰੁਸਤ ਅਤੇ ਸਿਹਤਮੰਦ ਭਾਰਤ ਦਾ ਨਿਰਮਾਣ:

ਵਿਸ਼ੇਸ਼ ਤੌਰ ‘ਤੇ ਨੌਜਵਾਨਾਂ ਦਰਮਿਆਨ ਫਿਟਨੈੱਸ ਨੂੰ ਇੱਕ ਵਿਸ਼ਵਵਿਆਪੀ ਅੰਦੋਲਨ ਵਜੋਂ ਹੁਲਾਰਾ ਦੇਣ ਲਈ ਫਿੱਟ ਇੰਡੀਆ ਮੂਵਮੈਂਟ ਦਾ ਕਾਫੀ ਵਿਸਥਾਰ ਕੀਤਾ ਜਾਵੇਗਾ। ਮੁਹਿੰਮਾਂ ਸਰਗਰਮ ਜੀਵਨ ਸ਼ੈਲੀ, ਖੇਡਾਂ ਵਿੱਚ ਔਰਤਾਂ ਦੀ ਭਾਗੀਦਾਰੀ, ਸਰਹੱਦੀ ਅਤੇ ਦੂਰ-ਦੁਰਾਡੇ ਖੇਤਰਾਂ ਤੱਕ ਪਹੁੰਚ, ਅਤੇ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਵਿਰੁੱਧ ਖੇਡ-ਅਧਾਰਿਤ ਪਹਿਲਕਦਮੀਆਂ ਨੂੰ ਉਤਸ਼ਾਹਿਤ ਕਰਨਗੀਆਂ, ਖੇਡਾਂ ਨੂੰ ਸਮਾਜਿਕ ਤਬਦੀਲੀ ਲਈ ਇੱਕ ਵਾਹਕ ਦੇ ਰੂਪ ਵਿੱਚ ਮਜ਼ਬੂਤ ​​ਕਰਨਗੀਆਂ। 

ਕੋਚਾਂ, ਤਕਨਾਲੋਜੀ ਅਤੇ ਨਵੀਨਤਾ ਵਿੱਚ ਨਿਵੇਸ਼:

ਇਹ ਸਵੀਕਾਰਦੇ ਹੋਏ ਕਿ ਐਥਲੀਟ ਸਿਰਫ਼ ਵਿਸ਼ਵ ਪੱਧਰੀ ਸਮਰਥਨ ਪ੍ਰਣਾਲੀਆਂ ਨਾਲ ਹੀ ਉੱਤਮਤਾ ਪ੍ਰਾਪਤ ਕਰ ਸਕਦੇ ਹਨ, ਸਰਕਾਰ ਕੋਚਿੰਗ ਯੋਗਤਾਵਾਂ ਨੂੰ ਮਿਆਰੀ ਬਣਾਉਣ, ਪੇਸ਼ੇਵਰ ਮਿਆਰਾਂ ਨੂੰ ਬਿਹਤਰ ਬਣਾਉਣ ਅਤੇ ਦੇਸ਼ ਭਰ ਵਿੱਚ ਕੋਚਾਂ ਅਤੇ ਸਹਾਇਕ ਸਟਾਫ ਦੀ ਸਮਰੱਥਾ ਨੂੰ ਮਜ਼ਬੂਤ ​​ਕਰਨ ਲਈ ਰਾਸ਼ਟਰੀ ਕੋਚ ਮਾਨਤਾ ਬੋਰਡ (NCAB) ਦੀ ਸਥਾਪਨਾ ਕਰੇਗੀ।

ਇਸ ਯੋਜਨਾ ਵਿੱਚ ਐਥਲੀਟ ਡੇਟਾਬੇਸ, ਬੁਨਿਆਦੀ ਢਾਂਚਾ, ਮੁਕਾਬਲੇ, ਕੋਚਿੰਗ ਸਰੋਤ, ਪ੍ਰਤਿਭਾ ਮੁਲਾਂਕਣ, ਫੰਡਿੰਗ ਅਤੇ ਫਿੱਟ ਇੰਡੀਆ ਭਾਗੀਦਾਰੀ ਨੂੰ ਏਕੀਕ੍ਰਿਤ ਕਰਨ ਵਾਲੇ ਇੱਕ ਏਕੀਕ੍ਰਿਤ ਡਿਜੀਟਲ ਸਪੋਰਟਸ ਪਲੈਟਫਾਰਮ ਦੀ ਵੀ ਕਲਪਨਾ ਕੀਤੀ ਗਈ ਹੈ। ਇਹ ਪਲੈਟਫਾਰਮ ਡੇਟਾ-ਅਧਾਰਿਤ ਯੋਜਨਾਬੰਦੀ, ਪਾਰਦਰਸ਼ੀ ਸ਼ਾਸਨ ਅਤੇ ਵਿਅਕਤੀਗਤ ਐਥਲੀਟ ਵਿਕਾਸ ਨੂੰ ਸਮਰੱਥ ਬਣਾਏਗਾ।

ਖੇਡ ਉੱਤਮਤਾ ਲਈ ਮਜ਼ਬੂਤ ​​ਭਾਈਵਾਲੀ:

ਸਰਕਾਰ ਖੇਡ ਦੇ ਬੁਨਿਆਦੀ ਢਾਂਚੇ, ਪ੍ਰਤਿਭਾ ਵਿਕਾਸ ਅਤੇ ਐਥਲੀਟਾਂ ਦੇ ਸਮਰਥਨ ਵਿੱਚ ਨਿਵੇਸ਼, ਨਵੀਨਤਾ ਅਤੇ ਮੁਹਾਰਤ ਦਾ ਲਾਭ ਉਠਾਉਣ ਲਈ ਨਿਜੀ ਅਕੈਡਮੀਆਂ, ਕਾਰਪੋਰੇਟ ਭਾਈਵਾਲਾਂ ਅਤੇ ਹੋਰ ਸੰਸਥਾਵਾਂ ਨਾਲ ਸਹਿਯੋਗ ਨੂੰ ਹੋਰ ਮਜ਼ਬੂਤ ਕਰੇਗੀ, ਜਿਸ ਨਾਲ ਜਨਤਕ ਅਤੇ ਨਿਜੀ ਦੋਵੇਂ ਭਾਈਵਾਲੀ ਦੁਆਰਾ ਸੰਚਾਲਿਤ ਅਸਲ ਵਿੱਚ ਨੈਸ਼ਨਲ ਸਪੋਰਟਸ ਈਕੋਸਿਸਟਮ ਦਾ ਨਿਰਮਾਣ ਹੋਵੇਗਾ।

ਭਾਰਤ ਦੀਆਂ ਵਿਸ਼ਵਵਿਆਪੀ ਖੇਡ ਇੱਛਾਵਾਂ ਦਾ ਸਮਰਥਨ:

 ਸੋਧੀ ਹੋਈ ਖੇਲੋ ਇੰਡੀਆ ਸਕੀਮ ਦੇ ਪੂਰਕ ਵਜੋਂ, ਸਰਕਾਰ ਨੇ 2026-31 ਦੀ ਮਿਆਦ ਲਈ ਆਲ ਇੰਡੀਆ ਨੈਸ਼ਨਲ ਸਪੋਰਟਸ ਫੈੱਡਰੇਸ਼ਨਾਂ (ANSFs) ਲਈ ਇੱਕ ਵਧੇਰੇ ਸੁਚਾਰੂ ਸਹਾਇਤਾ ਯੋਜਨਾ ਨੂੰ ਵੀ ਮਨਜ਼ੂਰੀ ਦੇ ਦਿੱਤੀ ਹੈ। ਇਹ ਯੋਜਨਾ ਕੋਚਿੰਗ, ਖੇਡ ਵਿਗਿਆਨ, ਆਧੁਨਿਕ ਉਪਕਰਣ, ਅੰਤਰਰਾਸ਼ਟਰੀ ਪ੍ਰਦਰਸ਼ਨ, ਕੋਚਿੰਗ ਕੈਂਪ, ਵਿਦੇਸ਼ੀ ਮਾਹਰਾਂ ਦੀ ਭਾਗੀਦਾਰੀ ਅਤੇ ਪ੍ਰਮੁੱਖ ਅੰਤਰਰਾਸ਼ਟਰੀ ਮੁਕਾਬਲਿਆਂ ਵਿੱਚ ਭਾਗੀਦਾਰੀ ਲਈ ਫੰਡਿੰਗ ਰਾਹੀਂ ਭਾਰਤੀ ਐਥਲੀਟਾਂ ਅਤੇ ਟੀਮਾਂ ਦਾ ਸਮਰਥਨ ਕਰੇਗੀ। ਇਹ ਗਲੋਬਲ ਸਾਊਥ ਦੇ ਦੇਸ਼ਾਂ ਨਾਲ ਖੇਡ ਸਹਿਯੋਗ ਦਾ ਵੀ ਸਮਰਥਨ ਕਰੇਗੀ ਅਤੇ ਅੰਤਰਰਾਸ਼ਟਰੀ ਪੱਧਰ ‘ਤੇ ਭਾਰਤ ਦੀਆਂ ਸਵਦੇਸ਼ੀ ਖੇਡਾਂ ਨੂੰ ਉਤਸ਼ਾਹਿਤ ਕਰੇਗੀ।

ਵਿਕਸਿਤ ਭਾਰਤ ਲਈ ਇੱਕ ਰਾਸ਼ਟਰੀ ਮਿਸ਼ਨ:

ਸੋਧੀ ਹੋਈ ਖੇਲੋ ਇੰਡੀਆ ਯੋਜਨਾ ਭਾਰਤ ਦੇ ਖੇਡ ਭਵਿੱਖ ਵਿੱਚ ਕੀਤੇ ਗਏ ਹੁਣ ਤੱਕ ਦੇ ਸਭ ਤੋਂ ਵੱਡੇ ਨਿਵੇਸ਼ਾਂ ਵਿੱਚੋਂ ਇੱਕ ਦੀ ਪ੍ਰਤੀਨਿਧਤਾ ਕਰਦੀ ਹੈ। ਇੱਕ ਖੇਡ ਪ੍ਰੋਗਰਾਮ ਤੋਂ ਵੱਧ, ਇਹ ਮੌਕੇ, ਆਤਮ-ਵਿਸ਼ਵਾਸ ਅਤੇ ਉੱਤਮਤਾ ਨਾਲ ਨੌਜਵਾਨ ਭਾਰਤੀਆਂ ਨੂੰ ਮਜ਼ਬੂਤ ਬਣਾਉਣ ਦਾ ਇੱਕ ਰਾਸ਼ਟਰੀ ਮਿਸ਼ਨ ਹੈ।

ਜ਼ਮੀਨੀ ਪੱਧਰ ਦੀਆਂ ਪ੍ਰਤਿਭਾਵਾਂ ਤੋਂ ਲੈ ਕੇ ਵਿਸ਼ਵਵਿਆਪੀ ਖੇਡ ਸਫਲਤਾ ਤੱਕ ਇੱਕ ਸਹਿਜ ਮਾਰਗ ਬਣਾ ਕੇ, ਇਸ ਯੋਜਨਾ ਦਾ ਉਦੇਸ਼ ਚੈਂਪੀਅਨਾਂ ਦਾ ਪਾਲਣ-ਪੋਸ਼ਣ ਕਰਨਾ, ਫਿਟਨੈੱਸ ਦੀ ਸੰਸਕ੍ਰਿਤੀ ਨੂੰ ਪ੍ਰੇਰਿਤ ਕਰਨਾ, ਭਾਰਤ ਦੇ ਸਪੋਰਟਸ ਈਕੋਸਿਸਟਮ ਨੂੰ ਮਜ਼ਬੂਤ ​​ਕਰਨਾ ਅਤੇ ਦੇਸ਼ ਨੂੰ ਦੁਨੀਆ ਦੇ ਮੋਹਰੀ ਖੇਡ ਦੇਸ਼ਾਂ ਵਿੱਚ ਸਥਾਪਿਤ ਕਰਨਾ ਹੈ ਕਿਉਂਕਿ ਇਹ ਵਿਕਸਿਤ ਭਾਰਤ@2047 ਦੇ ਦ੍ਰਿਸ਼ਟੀਕੋਣ ਵੱਲ ਅੱਗੇ ਵਧ ਰਿਹਾ ਹੈ। 

****

ਐੱਮਜੇਪੀਐੱਸ/ਏਕੇ