ਪੀਐੱਮਇੰਡੀਆ

ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਨੇ ਅੱਜ ਸਪੇਨ ਸਰਕਾਰ ਦੇ ਰਾਸ਼ਟਰਪਤੀ ਸ਼੍ਰੀ ਮਰੀਆਨੋ ਰਜੌਏ( Mariano Rajoy) ਨਾਲ ਮੈਡਰਿਡ ਵਿਖੇ ਗੱਲਬਾਤ ਕੀਤੀ ।

ਆਪਣੀ ਪ੍ਰਾਰੰਭਕ ਟਿੱਪਣੀ ਵਿੱਚ ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਅੱਜ ਦੀ ਗੱਲਬਾਤ ਦੋਹਾਂ ਦੇਸ਼ਾਂ ਵਿਚਲੇ ਸੰਬੰਧਾਂ ਨੂੰ ਅੱਗੇ ਵਧਾਉਣ ਵਿੱਚ ਸਹਾਈ ਹੋਵੇਗੀ । ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਇਸ ਅੰਤਰ-ਸੰਬੰਧਤ ਅਤੇ ਅੰਤਰ-ਨਿਰਭਰ ਸੰਸਾਰ ਵਿੱਚ ਸਪੇਨ ਅਤੇ ਭਾਰਤ ਆਪਣੇ ਆਪਸੀ ਸਾਂਝੇ ਫਾਇਦਿਆਂ ਲਈ ਅਤੇ ਦੁਨੀਆਂ ਦੇ ਭਲੇ ਲਈ ਇਕੱਠੇ ਕੰਮ ਕਰ ਸਕਦੇ ਹਨ । ਉਹਨਾਂ ਵਰਣਨ ਕੀਤਾ ਕਿ ਰਾਸ਼ਟਰਪਤੀ ਰਜੌਏ ਇੱਕ ਦੂਰ-ਅੰਦੇਸ਼ੀ ਨੇਤਾ ਦੱਸਿਆ।

ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਭਾਰਤ ਅਤੇ ਸਪੇਨ ਦੋਹਾਂ ਨੇ ਹੀ ਆਤੰਕ ਦੇ ਅੱਤਿਆਚਾਰ ਦਾ ਸਾਹਮਣਾ ਕੀਤਾ ਹੈ ਅਤੇ ਦੋਵੇਂ ਇਸ ਨਾਲ ਲੜਨ ਤੇ ਫੋਕਸ ਕਰਨਗੇ । ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਭਾਰਤ ਅਤੇ ਸਪੇਨ ਦੋਵੇ ਪ੍ਰਭਾਵਸ਼ਾਲੀ ਆਰਥਕ ਵਿਕਾਸ ਵਿੱਚ ਰੁਝੇ ਹੋਏ ਹਨ । ਉਹਨਾਂ ਕਿਹਾ ਕਿ ਮੂਲ ਢਾਂਚੇ, ਰੇਲਵੇ ਅਤੇ ਸਮਾਰਟ ਸਿਟੀਜ਼ ਸ਼ਹਿਰਾਂ (smart cities) ਵਿੱਚ ਸਹਿਯੋਗ ਦੀ ਬਹੁਤ ਗੁੰਜਾਇਸ਼ ਹੈ ।

ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ‘ਨਵੇਂ ਭਾਰਤ’ ਦੇ ਸੁਪਨੇ ਨੂੰ ਭਾਰਤ ਅਤੇ ਸਪੇਨ ਵਿਚਕਾਰ ਰਿਸ਼ਤਿਆਂ ਵਿੱਚ ‘ਨਵੇਂ ਸੰਵੇਗ’ ਵੱਲੋਂ ਅੱਗੇ ਵਧਾਇਆ ਜਾਵੇਗਾ ।

ਦੋਹਾਂ ਮੁਲਕਾਂ ਵਿਚਕਾਰ ਸੱਤ ਸਮਝੌਤਿਆਂ ਦਾ ਅਦਾਨ -ਪ੍ਰਦਾਨ ਹੋਇਆ ਜਿਸ ਵਿੱਚ ਊਰਜਾ, ਸੁਰੱਖਿਆ ਅਤੇ ਸਥਾਨਕ ਹਵਾਬਾਜ਼ੀ ਆਦਿ ਸ਼ਾਮਲ ਹਨ ।

ਬਾਦ ਵਿੱਚ ਪ੍ਰਧਾਨ ਮੰਤਰੀ ਮੋਦੀ ਸਪੇਨ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ (CEOs) ਨੂੰ ਵੀ ਮਿਲੇ । ਮੀਟਿੰਗ ਦੌਰਾਨ ਉਹਨਾਂ ਨੇ ਕਿਹਾ ਕਿ ਹੋਰ ਅਗਾਂਹ ਵਧਣ ਵਾਸਤੇ ਭਾਰਤ ਵਿੱਚ ਸਪੇਨੀ ਨਿਵੇਸ਼ ਦੇ ਹੋਰ ਤਰੱਕੀ ਕਰਨ ਦੀ ਬਹੁਤ ਸੰਭਾਵਨਾ ਹੈ । ਉਹਨਾਂ ਨੇ ਮੂਲ-ਢਾਂਚਾ, ਅਖੁੱਟ ਯੋਗ ਊਰਜਾ, ਫੂਡ, ਆਟੋ, ਰਸਾਇਣ ਅਤੇ ਕੱਪੜੇ ਆਦਿ ਸੈਕਟਰਾਂ ਦਾ ਵਿਸ਼ੇਸ਼ ਰੂਪ ਵਿੱਚ ਜ਼ਿਕਰ ਕੀਤਾ । ਉਹਨਾਂ ਸਮਾਰਟ ਸਿਟੀਜ਼ ਸ਼ਹਿਰਾਂ ਦੀ ਪਹਿਲਕਦਮੀ ਵਿੱਚ ਹਿੱਸਾ ਲੈਣ ਲਈ ਸਪੇਨ ਨੂੰ ਸੱਦਾ ਦਿੱਤਾ । ਉਹਨਾਂ ਨੇ ਭਾਰਤ ਵਿੱਚ ਕੀਤੇ ਜਾ ਰਹੇ ਜੀ.ਐਸ.ਟੀ ਸਮੇਤ ਹੋਰ ਸਾਰੇ ਆਰਥਕ ਸੁਧਾਰਾਂ ਬਾਰੇ ਵਿਸ਼ਾਲ ਜਾਣਕਾਰੀ ਦਿੱਤੀ । ਉਹਨਾਂ ਦਾਅਵਾ ਕੀਤਾ ਕਿ ਉਹਨਾਂ ਵੱਲੋਂ ਸ਼ੁਰੂ ਕੀਤੀਆਂ ‘ਮੇਕ ਇਨ ਇੰਡੀਆ’ ‘ਡਿਜੀਟਲ ਇੰਡੀਆਂ ਅਤੇ ਸਟਾਰਟ ਅੱਪ ਇੰਡੀਆਂ’ ਜਿਹੀਆਂ ਪਹਿਲਕਦਮੀਆਂ ਅੰਤਰਰਾਸ਼ਟਰੀ ਨਿਵੇਸ਼ ਵਾਸਤੇ ਖਿੱਚ ਦਾ ਕੇਂਦਰ ਬਣੀਆਂ ਹੋਈਆਂ ਹਨ ।

ਪ੍ਰਧਾਨ ਮੰਤਰੀ, ਬਾਦਸ਼ਾਹ ਫੇਲਿਪ ਛੇਵੇਂ (King Felipe VI) ਨੂੰ ਵੀ ਮਿਲਣ ਗਏ ।

AKT/SH