ਪੀਐੱਮਇੰਡੀਆ

ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਨੇ ਅੱਜ ਕੇਂਦਰੀ ਬਜਟ 2020 ਨੂੰ ਵਿਜ਼ਨ ਅਧਾਰਿਤ ਅਤੇ ਐਕਸ਼ਨ ਓਰੀਐਂਟਿਡ ਦੱਸਿਆ ।

ਕੇਂਦਰੀ ਬਜਟ ਨੂੰ ਲੋਕਸਭਾ ਵਿੱਚ ਪੇਸ਼ ਕੀਤੇ ਜਾਣ ਤੋਂ ਬਾਅਦ ਆਪਣੇ ਰਿਮਾਰਕਸ ਵਿੱਚ ਪ੍ਰਧਾਨ ਮੰਤਰੀ ਨੇ ਕਿਹਾ, “ਬਜਟ ਵਿੱਚ ਐਲਾਨਿਆ ਗਿਆ ਨਵਾਂ ਸੁਧਾਰ ਨਾ ਕੇਵਲ ਅਰਥਵਿਵਸਥਾ ਨੂੰ ਹੁਲਾਰਾ ਦੇਣ ਵਾਲਾ ਹੈ ਬਲਕਿ ਦੇਸ਼ ਦੇ ਹਰ ਨਾਗਰਿਕ ਦੇ ਆਰਥਿਕ ਸਸ਼ਕਤੀਕਰਨ ਦਾ ਟੀਚਾ ਵੀ ਰੱਖਦਾ ਹੈ।”

 “ ਇਹ ਬਜਟ ਨਵੇਂ ਦਹਾਕੇ ਵਿੱਚ ਅਰਥਵਿਵਸਥਾ ਨੂੰ ਹੋਰ ਮਜ਼ਬੂਤ ਕਰਨ ਦੀ ਦਿਸ਼ਾ ਵਿੱਚ ਵੀ ਕੰਮ ਕਰਦਾ ਹੈ ।”

ਰੋਜ਼ਗਾਰ ਸਿਰਜਣ ‘ਤੇ ਫੋਕਸ

ਪ੍ਰਧਾਨ ਮੰਤਰੀ ਨੇ ਕਿਹਾ, ਕਿ ਬਜਟ ਵਿੱਚ ਵੱਡੇ ਪੈਮਾਨੇ ‘ਤੇ ਰੋਜ਼ਗਾਰ ਸਿਰਜਣ ਵਾਲੇ ਖੇਤੀਬਾੜੀ, ਬੁਨਿਆਦੀ ਢਾਂਚਾ, ਟੈਕਸਟਾਈਲ ਅਤੇ ਟੈਕਨੋਲੋਜੀ ਵਰਗੇ ਖੇਤਰਾਂ ‘ਤੇ ਵਿਸ਼ੇਸ਼ ਧਿਆਨ ਦਿੱਤਾ ਗਿਆ ਹੈ। 16 ਐਕਸ਼ਨ ਪੁਆਇੰਟਸ ਨਾਲ ਗ੍ਰਾਮੀਣ ਖੇਤਰ ਵਿੱਚ ਰੋਜ਼ਗਾਰ ਸਿਰਜਣਾ ਨੂੰ ਵਧਾਉਣ ਦੇ ਨਾਲ ਕਿਸਾਨਾਂ ਦੀ ਆਮਦਨ ਨੂੰ ਦੁੱਗਣਾ ਕਰਨ ਵਿੱਚ ਮਦਦ ਕਰੇਗੀ।

ਉਨ੍ਹਾਂ ਕਿਹਾ, “ ਕੇਂਦਰੀ ਬਜਟ ਖੇਤੀਬਾੜੀ ਖੇਤਰ ਲਈ ਇੱਕ ਏਕੀਕ੍ਰਿਤ ਦ੍ਰਿਸ਼ਟੀਕੋਣ ਨੂੰ ਅਪਣਾਉਂਦਾ ਹੈ, ਜਿੱਥੇ ਖੇਤੀ ਦੇ ਪਰੰਪਰਿਕ ਤਰੀਕਿਆਂ ਦੇ ਇਲਾਵਾ ਬਾਗਬਾਨੀ, ਮੱਛੀ ਪਾਲਣ ਅਤੇ ਪਸ਼ੂਪਾਲਣ  ਵਿੱਚ ਵੈਲਊ ਐਡੀਸ਼ਨ ‘ਤੇ ਵੀ ਜ਼ੋਰ ਦਿੱਤਾ ਗਿਆ ਹੈ ਜਿਸ ਨਾਲ ਰੋਜ਼ਗਾਰ ਨੂੰ ਹੁਲਾਰਾ ਮਿਲੇਗਾ।………. “ਨੀਲੀ ਅਰਥਵਿਵਸਥਾ ਵਿਚਲੇ ਪ੍ਰਯਤਨ ਫਿਸ਼ ਪ੍ਰੋਸੈੱਸਿੰਗ ਅਤੇ ਮਾਰਕੀਟਿੰਗ ਵਿੱਚ ਯੁਵਾਵਾਂ ਲਈ ਜ਼ਿਆਦਾ ਰੋਜ਼ਗਾਰ ਲਿਆਉਣਗੇ ।”

ਕੱਪੜਾ ਖੇਤਰ

ਪ੍ਰਧਾਨ ਮੰਤਰੀ ਨੇ ਕਿਹਾ, ਕਿ ਤਕਨੀਕੀ ਟੈਕਸਟਾਈਲਜ਼ ਵਿੱਚ ਨਵੀਆਂ ਮਸ਼ੀਨਾਂ ‘ਤੇ ਫੈਸਲਾ ਲਿਆ ਗਿਆ ਸੀ।  ਉਨ੍ਹਾਂ ਨੇ ਕਿਹਾ ਕਿ ਬਜਟ ਵਿੱਚ ਮਾਨਵ ਨਿਰਮਿਤ ਫਾਈਬਰ ਦੇ ਉਤਪਾਦਨ ਨੂੰ ਵਧਾਉਣ ਲਈ ਕੱਚੇ ਮਾਲ ਤੇ ਡਿਊਟੀ ਸਟ੍ਰਕਚਰ ਵਿੱਚ ਸੁਧਾਰਾਂ ਦਾ ਵੀ ਐਲਾਨ ਕੀਤਾ ਗਿਆ ਹੈ। ਪ੍ਰਧਾਨ ਮੰਤਰੀ ਨੇ ਕਿਹਾ, ਪਿਛਲੇ 3 ਦਹਾਕਿਆਂ ਤੋਂ ਇਸ ਵਿੱਚ ਸੁਧਾਰ ਦੀ ਮੰਗ ਕੀਤੀ ਜਾ ਰਹੀ ਸੀ।

ਹੈਲਥ ਸੈਕਟਰ

ਪ੍ਰਧਾਨ ਮੰਤਰੀ ਨੇ ਕਿਹਾ, “ਆਯੁਸ਼ਮਾਨ ਭਾਰਤ ਪ੍ਰੋਗਰਾਮ ਨੇ ਦੇਸ਼ ਵਿੱਚ ਹੈਲਥ ਸੈਕਟਰ ਦਾ ਵਿਸਤਾਰ ਕੀਤਾ ਹੈ। ਇਸ ਨੇ ਦੇਸ਼ ਵਿੱਚ ਚਿਕਿਤਸਾ ਉਪਕਰਨਾਂ ਦੇ ਨਿਰਮਾਣ ਦੀ ਜ਼ਰੂਰਤ ਦੇ ਨਾਲ – ਨਾਲ ਅਧਿਕ ਮਾਨਵ ਸੰਸਾਧਨਾਂ ਲਈ ਗੁੰਜਾਇਸ਼ ਵੀ ਬਣਾਈ ਹੈ ਅਤੇ ਸਰਕਾਰ ਨੇ ਇਸ ਦਿਸ਼ਾ ਵਿੱਚ ਕਈ ਫੈਸਲੇ ਕੀਤੇ ਹਨ।”

ਟੈਕਨੋਲੋਜੀ ਸੈਕਟਰ

ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਸਰਕਾਰ ਨੇ ਟੈਕਨੋਲੋਜੀ ਖੇਤਰ ਵਿੱਚ ਰੋਜ਼ਗਾਰ ਸਿਰਜਣ ਨੂੰ ਹੁਲਾਰਾ ਦੇਣ ਲਈ ਕਈ ਵਿਸ਼ੇਸ਼ ਉਪਾਅ ਕੀਤੇ ਹਨ। ਉਨ੍ਹਾਂ ਕਿਹਾ, “ਅਸੀਂ ਸਮਾਰਟ ਸ਼ਹਿਰਾਂ, ਇਲੈਕਟ੍ਰੌਨਿਕ ਵਸਤਾਂ ਦੇ ਨਿਰਮਾਣ, ਡੇਟਾ ਸੈਂਟਰ ਪਾਰਕ, ਬਾਇਓ ਟੈਕਨੋਲੋਜੀ ਅਤੇ ਕੁਆਂਟਮ ਟੈਕਨੋਲੋਜੀ ਦੇ ਖੇਤਰ ਵਿੱਚ ਕਈ ਨੀਤੀਗਤ ਪਹਿਲਾਂ ਕੀਤੀਆਂ ਹਨ। ਇਸ ਦੇ ਨਾਲ ਭਾਰਤ ਗਲੋਬਲ ਵੈਲਿਊ ਚੇਨ ਦਾ ਇੱਕ ਅਨਿੱਖੜਵਾਂ ਅੰਗ ਬਣ ਜਾਵੇਗਾ।”

ਉਨ੍ਹਾਂ ਕਿਹਾ, “ਬਜਟ ਵਿੱਚ ਡਿਗਰੀ ਕੋਰਸਾਂ ਵਿੱਚ ਅਪ੍ਰੈਂਟਿਸਸ਼ਿਪ, ਸਥਾਨਕ ਸੰਸਥਾਨਾਂ ਵਿੱਚ ਇਨਟਰਨਸ਼ਿਪ ਅਤੇ ਔਨਲਾਈਨ ਡਿਗਰੀ ਕੋਰਸਾਂ ਨੂੰ ਸ਼ਾਮਲ ਕੀਤੇ ਜਾਣ ਵਰਗੀਆਂ ਨਵੀਆਂ ਅਤੇ ਇਨੋਵੇਟਿਵ ਪਹਿਲਾਂ ਦੇ ਰਾਹੀਂ ਨੌਜਵਾਨਾਂ ਦੇ ਕੌਸ਼ਲ ਵਿਕਾਸ ‘ਤੇ ਧਿਆਨ ਕੇਂਦਰਿਤ ਕੀਤਾ ਗਿਆ ਹੈ।”

ਉਨ੍ਹਾਂ ਕਿਹਾ ਕਿ ਸੂਖਮ, ਲਘੂ ਅਤੇ ਦਰਮਿਆਨੇ ਉੱਦਮਾਂ ਅਤੇ ਨਿਰਯਾਤ ਖੇਤਰ ਨੂੰ ਰੋਜ਼ਗਾਰ ਸਿਰਜਣ ਦਾ ਵੱਡਾ ਮਾਧਿਅਮ ਦੱਸਦੇ ਹੋਏ ਕਿਹਾ ਕਿ ਬਜਟ ਵਿੱਚ ਲਘੂ ਉਦਯੋਗਾਂ ਦੇ ਵਿੱਤ ਪੋਸ਼ਣ ਨਾਲ ਨਿਰਯਾਤ  ਨੂੰ ਵਧਾਉਣ ‘ਤੇ ਧਿਆਨ ਕੇਂਦਰਿਤ ਕੀਤਾ ਗਿਆ ਹੈ।

ਬੁਨਿਆਦੀ ਢਾਂਚਾ

ਉਨ੍ਹਾਂ ਕਿਹਾ ਕਿ ਇੱਕ ਆਧੁਨਿਕ ਭਾਰਤ ਨੂੰ ਆਧੁਨਿਕ ਬੁਨਿਆਦੀ ਢਾਂਚੇ ਦੀ ਜ਼ਰੂਰਤ ਹੈ ਅਤੇ ਇਹ ਖੇਤਰ ਇੱਕ ਵੱਡਾ ਰੋਜ਼ਗਾਰ ਸਿਰਜਕ ਹੈ।

ਉਨ੍ਹਾਂ ਕਿਹਾ, “6500 ਤੋਂ ਅਧਿਕ ਪ੍ਰੋਜੈਕਟਾਂ ਵਿੱਚ 100 ਲੱਖ ਕਰੋੜ ਤੋਂ ਅਧਿਕ ਦਾ ਨਿਵੇਸ਼ ਕੀਤਾ ਜਾ ਰਿਹਾ ਹੈ ਅਤੇ ਇਹ ਇੱਕ ਵਿਆਪਕ ਰੋਜ਼ਗਾਰ ਸਿਰਜਣ ਸਮਰੱਥਾ ਦਾ ਨਿਰਮਾਣ ਕਰੇਗਾ। ਰਾਸ਼ਟਰੀ ਲੌਜਿਸਟਿਕਸ ਨੀਤੀ ਵਪਾਰ, ਉਦਯੋਗ ਅਤੇ ਰੋਜ਼ਗਾਰ ਵਿੱਚ ਵੀ ਸਹਾਇਤਾ ਕਰੇਗੀ।”

ਉਨ੍ਹਾਂ ਕਿਹਾ, “100 ਨਵੇਂ ਹਵਾਈ ਅੱਡਿਆਂ ਨੂੰ ਵਿਕਸਿਤ ਕਰਨ ਦਾ ਐਲਾਨ ਦੇਸ਼ ਵਿੱਚ ਟੂਰਜ਼ਿਮ ਨੂੰ ਹੁਲਾਰਾ ਦੇਵੇਗਾ ਅਤੇ ਇਸ ਦੇ ਨਾਲ ਨਾਲ ਰੋਜ਼ਗਾਰ ਸਿਰਜਣ ਲਈ ਵੱਡੀ ਸੰਭਾਵਨਾ ਪੈਦਾ ਹੋਵੇਗੀ। ”

ਨਿਵੇਸ਼

ਪ੍ਰਧਾਨ ਮੰਤਰੀ ਨੇ ਕਿਹਾ, ਕਿ ਬਜਟ ਵਿੱਚ ਨਿਵੇਸ਼ ਨੂੰ ਹੁਲਾਰਾ ਦੇਣ ਲਈ ਕਈ ਇਤਿਹਾਸਿਕ ਕਦਮ ਉਠਾਏ ਗਏ ਹਨ ਜੋ ਕਿ ਰੋਜ਼ਗਾਰ ਲਈ ਇੱਕ ਪ੍ਰਮੁੱਖ ਵਾਹਕ ਹੈ।

ਉਨ੍ਹਾਂ ਕਿਹਾ, ਬ੍ਰੌਂਡ ਮਾਰਕਿਟ ਨੂੰ ਮਜ਼ਬੂਤ ਬਣਾਉਣ ਅਤੇ ਬੁਨਿਆਦੀ ਪ੍ਰੋਜੈਕਟਾਂ ਦੇ ਦੀਰਘਕਾਲੀ ਵਿੱਤ ਪੋਸ਼ਣ ਲਈ ਕਈ ਕਦਮ ਉਠਾਏ ਗਏ ਹਨ। ਇਸੇ ਪ੍ਰਕਾਰ ਲਾਭਾਂਸ਼ ਵਿਤਰਣ ਟੈਕਸ ਦੀ ਸਮਾਪਤੀ ਦੇ ਬਾਅਦ ਕੰਪਨੀਆਂ ਦੇ ਕੋਲ ਅੱਗੇ ਦੇ ਨਿਵੇਸ਼ ਲਈ 25,000 ਕਰੋੜ ਰੁਪਏ ਤੋਂ ਰਾਸ਼ੀ ਹੋਵੇਗੀ ।”

 ਉਨ੍ਹਾਂ ਕਿਹਾ, “ਐੱਫਡੀਆਈ ਆਕਰਸ਼ਿਤ ਕਰਨ ਲਈ ਵੀ ਕਈ ਟੈਕਸ ਰਿਆਇਤਾਂ ਦਾ ਐਲਾਨ ਕੀਤਾ ਗਿਆ।”

ਉਨ੍ਹਾਂ ਕਿਹਾ, “ਅਜਿਹੇ ਹੀ ਟੈਕਸ ਲਾਭ ਸਟਾਰਟ – ਅੱਪ ਅਤੇ ਰੀਅਲ ਅਸਟੇਟ ਸੈਕਟਰ ਨੂੰ ਵੀ ਉਪਲੱਬਧ ਕਰਵਾਏ ਗਏ ਸਨ।”

ਟੈਕਸੇਸ਼ਨ ਵਿੱਚ ਵਿਸ਼ਵਾਸ ‘ਤੇ ਫੋਕਸ

ਪ੍ਰਧਾਨ ਮੰਤਰੀ ਨੇ ਕਿਹਾ, ਕਿ ਸਰਕਾਰ ਅਜਿਹੇ ਵਾਤਾਵਰਨ ਦਾ ਨਿਰਮਾਣ ਕਰ ਰਹੀ ਹੈ ਜਿੱਥੇ ਕੋਈ ਵਿਵਾਦ ਨਹੀਂ ਹੋਵੇਗਾ ਅਤੇ ਇਨਕਮ ਟੈਕਸੇਸ਼ਨ ਵਿੱਚ ਭਰੋਸਾ ਹੋਵੇਗਾ।

ਉਨ੍ਹਾਂ ਕਿਹਾ, “ਕੰਪਨੀ ਕਾਨੂੰਨ ਵਿੱਚ ਛੋਟੀਆਂ ਗਲਤੀਆਂ ਨੂੰ ਵੀ ਅਪਰਾਧਿਕ ਮੰਨਿਆ ਜਾਂਦਾ ਸੀ, ਹੁਣ ਅਸੀਂ ਅਜਿਹੇ ਕਾਰਜਾਂ ਨੂੰ  ਗ਼ੈਰ-ਅਪਰਾਧਿਕ ਮੰਨਣ ਦਾ ਵੱਡਾ ਫ਼ੈਸਲਾ ਕੀਤਾ ਹੈ।”

“ਅਸੀਂ ਕਰਦਾਤਾ ਚਾਰਟਰ ਲਾਂਚ ਕਰ ਰਹੇ ਹਾਂ ਜੋ ਕਰਦਾਤਿਆਂ ਦੇ ਅਧਿਕਾਰਾਂ ਨੂੰ ਸੂਚੀਬੱਧ ਕਰੇਗਾ।”

ਪ੍ਰਧਾਨ ਮੰਤਰੀ ਨੇ ਕਿਹਾ, ਕਿ ਭਰੋਸਾ ਵਧਾਉਣ ਦੀ ਇਸ ਦਿਸ਼ਾ ਵਿੱਚ ਬਜਟ ਨੇ ਐਲਾਨ ਕੀਤਾ ਹੈ ਕਿ ਹੁਣ ਉਨ੍ਹਾਂ ਐੱਮਐੱਸਐੱਮਈ ਦਾ ਆਡਿਟ ਕਰਨਾ ਜ਼ਰੂਰੀ ਨਹੀਂ ਹੈ ਜਿਨ੍ਹਾਂ ਦਾ ਟਰਨ ਓਵਰ 5 ਕਰੋੜ ਰੁਪਏ ਤੱਕ ਹੈ।

ਉਨ੍ਹਾਂ ਕਿਹਾ,  “ਪਹਿਲਾਂ ਇਹ ਸੀਮਾ ਇੱਕ ਕਰੋੜ ਰੁਪਏ ਤੱਕ ਸੀ, ਲੇਕਿਨ ਹੁਣ ਇਸ ਨੂੰ ਵਧਾ ਕੇ 5 ਕਰੋੜ ਰੁਪਏ ਕਰ ਦਿੱਤਾ ਗਿਆ ਹੈ।”

ਸਰਕਾਰੀ ਨੌਕਰੀਆਂ ਲਈ ਸੰਯੁਕਤ ਪਰੀਖਿਆ

ਉਨ੍ਹਾਂ ਕਿਹਾ, “ਵਰਤਮਾਨ ਵਿੱਚ ਦੇਸ਼ ਦੇ ਨੌਜਵਾਨਾਂ ਨੂੰ ਕਈ ਸਰਕਾਰੀ ਨੌਕਰੀਆਂ ਲਈ ਕਈ ਪਰੀਖਿਆਵਾਂ ਦੇਣੀਆਂ ਪੈਂਦੀਆਂ ਹਨ। ਇਸ ਵਿੱਚ ਪ੍ਰਣਾਲੀਗਤ ਬਦਲਾਅ ਲਿਆਉਣ ਲਈ, ਰਾਸ਼ਟਰੀ ਨਿਯੁਕਤੀ ਏਜੰਸੀ ਹੁਣ ਬੈਂਕਾਂ, ਰੇਲਵੇ ਜਾਂ ਕਿਸੇ ਹੋਰ ਸਰਕਾਰੀ ਨੌਕਰੀ ਲਈ ਇੱਕ ਔਨਲਾਈਨ ਕੌਮਨ ਪ੍ਰੀਖਿਆ ਆਯੋਜਿਤ ਕਰੇਗੀ।”

ਨਿਊਨਤਮ ਸਰਕਾਰ ਅਧਿਕਤਮ ਸ਼ਾਸਨ

ਪ੍ਰਧਾਨ ਮੰਤਰੀ ਨੇ ਕਿਹਾ, ਕਿ ਫੇਸਲੈੱਸ ਅਪੀਲ, ਸਰਲ ਡਾਇਰੈਕਟ, ਪੀਐੱਸਯੂਸ ਦੇ ਨਿਵੇਸ਼ ਵਿੱਚ ਤੇਜ਼ੀ ਲਿਆਉਣ ਦੇ ਯਤਨ, ਸਮਾਨ ਖਰੀਦ ਪ੍ਰਣਾਲੀ, ਆਟੋ ਐਨਰੋਲਮੈਂਟ ਵਰਗੇ ਕਦਮਾਂ ਦਾ ਉਦੇਸ਼ ਨਿਊਨਤਮ ਸਰਕਾਰ ਅਧਿਕਤਮ ਸ਼ਾਸਨ ਹੈ।

ਈਜ਼ ਆਵ੍ ਬਿਜ਼ਨਸ ਐਂਡ ਈਜ਼ ਆਵ੍ ਲਿਵਿੰਗ

ਪ੍ਰਧਾਨ ਮੰਤਰੀ ਨੇ ਇਹ ਵੀ ਕਿਹਾ ਕਿ ਬਜਟ ਵਿੱਚ ਬ੍ਰੌਂਡਬੈਂਡ ਇੰਟਰਨੈੱਟ ਰਾਹੀਂ ਇੱਕ ਲੱਖ ਤੋਂ ਅਧਿਕ ਗ੍ਰਾਮ ਪੰਚਾਇਤਾਂ ਵਿੱਚ ਆਂਗਨਵਾੜੀਆਂ, ਸਕੂਲਾਂ, ਵੈਲਨੈੱਸ ਸੈਂਟਰਾਂ ਅਤੇ ਪੁਲਿਸ ਸਟੇਸ਼ਨਾਂ ਨੂੰ ਜੋੜਨ ਦਾ ਐਲਾਨ ਕੀਤਾ ।

ਉਨ੍ਹਾਂ ਕਿਹਾ, ਇਹ “ਈਜ਼ ਆਵ੍ ਡੂਇੰਗ ਐਂਡ ਈਜ਼ ਆਵ੍ ਲਿਵਿੰਗ” ਵਿੱਚ ਸਹਾਇਤਾ ਕਰੇਗੀ।

ਉਨ੍ਹਾਂ ਕਿਹਾ, “ਇਹ ਬ੍ਰੌਂਡ ਬੈਂਡ ਰਾਹੀਂ ਕਈ ਦੂਰ-ਦੁਰਾਡੇ ਪਿੰਡਾਂ ਨੂੰ ਵੀ ਕਨੈਕਟ ਕਰੇਗੀ।”

ਉਨ੍ਹਾਂ ਕੇਂਦਰੀ ਬਜਟ 2020 ਦਾ ਸਾਰ ਅਜਿਹੇ ਬਜਟ ਦੇ ਰੂਪ ਵਿੱਚ ਦੱਸਿਆ ਜੋ ਆਮਦਨ ਅਤੇ ਨਿਵੇਸ਼, ਮੰਗ ਅਤੇ ਉਪਭੋਗ ਨੂੰ ਮਜ਼ਬੂਤ ਬਣਾਏਗਾ: ਅਜਿਹਾ ਬਜਟ ਜੋ ਵਿੱਤੀ ਪ੍ਰਣਾਲੀ ਅਤੇ ਕਰਜ਼ ਪ੍ਰਵਾਹ ਵਿੱਚ ਨਵੀਂ ਪ੍ਰੇਰਣਾ ਦਾ ਸੰਚਾਰ ਕਰੇਗਾ।

Sharing my views on the #JanJanKaBudget https://t.co/ipsAaMO0lJ

— Narendra Modi (@narendramodi) February 1, 2020

 ****

ਵੀਆਰਆਰਕੇ/ਏਕੇਪੀ