ਪੀਐੱਮਇੰਡੀਆ

ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਦੀ ਅਗਵਾਈ ਵਿੱਚ ਕੇਂਦਰੀ ਮੰਤਰੀ ਮੰਡਲ ਨੇ ਅੱਜ ਡਾਕ ਵਿਭਾਗ ਦੇ ਗ੍ਰਾਮੀਣ ਡਾਕ ਸੇਵਕਾਂ (ਜੀਡੀਐੱਸ) ਦੇ ਵੇਤਨ ਭੱਤਿਆਂ ਵਿੱਚ ਸੋਧ ਨੂੰ ਪ੍ਰਵਾਨਗੀ ਦੇ ਦਿੱਤੀ ਹੈ।

ਵੇਤਨ ਭੱਤਿਆਂ ਵਿੱਚ ਸੋਧ ਲਈ ਸਾਲ 2018-19 ਦੌਰਾਨ 1257.75 ਕਰੋਡ਼ ਰੁਪਏ (860.95 ਕਰੋੜ ਰੁਪਏ ਦੇ ਗੈਰ ਆਵਰਤੀ (Non Recurring) ਖਰਚ ਅਤੇ 396.80 ਕਰੋੜ ਰੁਪਏ ਦੇ ਆਵਰਤੀ ਖ਼ਰਚ) ਖ਼ਰਚ ਹੋਣ ਦਾ ਅਨੁਮਾਨ ਹੈ।

ਵੇਤਨ ਭੱਤਿਆਂ ਵਿੱਚ ਇਸ ਸੋਧ ਨਾਲ 3.07 ਲੱਖ ਗ੍ਰਾਮੀਣ ਡਾਕ ਸੇਵਕਾਂ ਨੂੰ ਲਾਭ ਹੋਵੇਗਾ।

ਵੇਰਵਾ:

1. ਸਮੇਂ ਨਾਲ ਸਬੰਧਤ ਲਗਾਤਾਰਤਾ (Continuity) ਭੱਤਾ (ਟੀਆਰਸੀਏ) ਢਾਂਚਾ ਅਤੇ ਸਲੈਬ ਨੂੰ ਤਰਕਸੰਗਤ ਬਣਾਇਆ ਗਿਆ ਹੈ। ਕੁੱਲ ਜੀਡੀਐੱਸ ਨੂੰ ਇਨ੍ਹਾਂ ਦੋ ਸ਼੍ਰੇਣੀਆਂ ਤਹਿਤ ਲਿਆਂਦਾ ਗਿਆ ਹੈ-ਬਰਾਂਚ ਪੋਸਟ ਮਾਸਟਰ (ਬੀਪੀਐੱਮ) ਅਤੇ ਬਰਾਂਚ ਪੋਸਟਮਾਸਟਰ ਤੋਂ ਇਲਾਵਾ ਜਿਵੇਂ ਸਹਾਇਕ ਬਰਾਂਚ ਪੋਸਟਰ ਮਾਸਟਰ (ਏਬੀਪੀਐੱਮ)।

2. ਮੌਜੂਦਾ 11 ਟੀਆਰਸੀਏ ਸਲੈਬ ਨੂੰ ਕੇਵਲ ਤਿੰਨ ਸਲੈਬਾਂ ਤਹਿਤ ਲਿਆਂਦਾ ਗਿਆ ਹੈ ਜਿਨ੍ਹਾਂ ਵਿੱਚ ਬੀਪੀਐੱਮ ਅਤੇ ਬੀਪੀਐੱਮ ਤੋਂ ਇਲਾਵਾ ਕਰਮਚਾਰੀਆਂ ਲਈ ਦੋ ਪੱਧਰ ਹੋਣਗੇ।

3. ਸਮੇਂ ਨਾਲ ਸਬੰਧਿਤ ਲਗਾਤਾਰਤਾ ਭੱਤੇ (ਟੀਆਰਸੀਏ) ਦੀ ਰੂਪਰੇਖਾ ਇਸ ਪ੍ਰਕਾਰ ਹੋਵੇਗੀ:

4. ਮਹਿੰਗਾਈ ਭੱਤੇ ਦਾ ਭੁਗਤਾਨ ਅਲੱਗ ਤੋਂ ਜਾਰੀ ਰਹੇਗਾ ਅਤੇ ਕੇਂਦਰੀ ਕਰਮਚਾਰੀਆਂ ਵਾਂਗ ਉਸ ਵਿੱਚ ਸਮੇਂ ਸਮੇਂ ’ਤੇ ਤਬਦੀਲੀ ਹੁੰਦੀ ਰਹੇਗੀ।

5. ਨਵੀਂ ਯੋਜਨਾ ਤਹਿਤ 7000 ਰੁਪਏ ਦੀ ਸੀਮਾ ਤੱਕ ਟੀਆਰਸੀਏ+ਡੀਏ ਦੀ ਗਣਨਾ ਨਾਲ ਅਨੁਗ੍ਰਹਿ (ਐਕਸ ਗ੍ਰੇਸ਼ੀਆ) ਬੋਨਸ ਜਾਰੀ ਰੱਖਣ ਦਾ ਫੈਸਲਾ ਲਿਆ ਗਿਆ ਹੈ।

6. 01.01.2016 ਤੋਂ ਸੋਧੇ ਵੇਤਨ ਨਾਲ ਲਾਗੂ ਹੋਣ ਦੀ ਮਿਤੀ ਤੱਕ ਦੇ ਸਮੇਂ ਲਈ ਬਕਾਏ ਦੀ ਗਣਨਾ 2.57 ਗੁਣਕ ਨਾਲ ਵਧੇ ਹੋਏ ਬੇਸਿਕ ਟੀਆਰਸੀਏ ਅਨੁਸਾਰ ਦਿੱਤੀ ਜਾਏਗੀ। ਬਕਾਏ ਦਾ ਭੁਗਤਾਨ ਯਕਮੁਸ਼ਤ ਕੀਤਾ ਜਾਏਗਾ।

7. ਸਲਾਨਾ ਵਾਧਾ 3% ਦੀ ਦਰ ਨਾਲ ਹੋਏਗਾ ਅਤੇ ਉਹ ਹਰ ਸਾਲ ਪਹਿਲੀ ਜਨਵਰੀ ਜਾਂ ਪਹਿਲੀ ਜੁਲਾਈ ਨੂੰ ਦਿੱਤਾ ਜਾ ਸਕਦਾ ਹੈ ਜੋ ਜੀਡੀਐੱਸ ਦੀ ਲਿਖਤੀ ਬੇਨਤੀ ’ਤੇ ਅਧਾਰਿਤ ਹੋਵੇਗਾ।

8.  ਇੱਕ ਨਵੇਂ ਜੋਖ਼ਮ ਅਤੇ ਕਠਿਨਾਈ ਭੱਤੇ ਨੂੰ ਵੀ ਲਾਗੂ ਕੀਤਾ ਗਿਆ ਹੈ। ਹੋਰ ਭੱਤੇ ਜਿਵੇਂ ਕਿ ਦਫ਼ਤਰ ਦੇਖਭਾਲ ਭੱਤਾ, ਏਕੀਕ੍ਰਿਤ ਡਿਊਟੀ ਭੱਤਾ, ਨਕਦੀ ਲਿਆਉਣ-ਲੈ ਜਾਣ ਦਾ ਖਰਚ, ਸਾਈਕਲ ਰੱਖ-ਰਖਾਅ ਦਾ ਭੱਤਾ, ਕਿਸ਼ਤੀ ਭੱਤਾ ਅਤੇ ਨਿਰਧਾਰਤ ਸਟੇਸ਼ਨਰੀ ਖਰਚ ਵਿੱਚ ਸੋਧ ਕੀਤੀ ਗਈ ਹੈ।

ਲਾਗੂ ਕਰਨ ਦੀ ਰਣਨੀਤੀ ਅਤੇ ਟੀਚੇ

ਗ੍ਰਾਮੀਣ ਡਾਕ ਸੇਵਕਾਂ ਦੇ ਵੇਤਨ ਭੱਤਿਆਂ ਵਿੱਚ ਸੋਧ ਕਰਨ ਨਾਲ ਗ੍ਰਾਮੀਣ ਖੇਤਰਾਂ ਵਿੱਚ ਕੁਸ਼ਲ ਅਤੇ ਸਸਤੀਆਂ ਬੁਨਿਆਦੀ ਡਾਕ ਸੁਵਿਧਾਵਾਂ ਨੂੰ ਬਿਹਤਰ ਕਰਨ ਵਿੱਚ ਮਦਦ ਮਿਲੇਗੀ। ਪ੍ਰਸਤਾਵਿਤ ਵੇਤਨ ਵਾਧੇ ਨਾਲ ਉਹ ਆਪਣੀ ਸਮਾਜਕ-ਆਰਥਕ ਸਥਿਤੀ ਨੂੰ ਸੁਧਾਰਨ ਦੇ ਸਮਰੱਥ ਹੋਣਗੇ।

ਪ੍ਰਭਾਵ:

ਡਾਕਘਰਾਂ ਦੀ ਗ੍ਰਾਮੀਣ ਸੰਖਿਆ ਪਿੰਡਾਂ ਅਤੇ ਦੂਰ-ਦਰਾਜ ਦੇ ਖੇਤਰਾਂ ਵਿੱਚ ਸੰਚਾਰ ਅਤੇ ਵਿੱਤੀ ਸੇਵਾਵਾਂ ਦਾ ਅਧਾਰ ਹੈ। ਗਾਹਕਾਂ ਨੂੰ ਭੁਗਤਾਨ ਲਈ ਪੋਸਟ ਮਾਸਟਰ ਨੂੰ ਕਾਫ਼ੀ ਰਕਮ ਦਾ ਹਿਸਾਬ-ਕਿਤਾਬ ਰੱਖਣਾ ਪੈਂਦਾ ਹੈ ਅਤੇ ਇਸ ਲਈ ਉਨ੍ਹਾਂ ਦੇ ਕੰਮ ਦੀ ਜ਼ਿੰਮੇਵਾਰੀ ਪਹਿਲਾਂ ਤੋਂ ਹੀ ਨਿਰਧਾਰਤ ਹੈ। ਇਸ ਵੇਤਨ ਵਾਧੇ ਨਾਲ ਉਨ੍ਹਾਂ ਵਿੱਚ ਜ਼ਿੰਮੇਵਾਰੀ ਦੀ ਭਾਵਨਾ ਹੋਰ ਵਧੇਗੀ। ਕੁੱਲ ਮਿਲਾ ਕੇ ਗ੍ਰਾਮੀਣ ਅਬਾਦੀ ਦਰਮਿਆਨ ਵਿੱਤੀ ਸ਼ਮੂਲੀਅਤ ਦੀ ਪ੍ਰਕਿਰਿਆ ਵਿੱਚ ਭਾਰਤੀ ਡਾਕ ਭੁਗਤਾਨ ਬੈਂਕ (ਆਈਪੀਪੀਬੀ), ਸੀਡੀਐੱਸ ਨੈੱਟਵਰਕ ਦੀ ਅਹਿਮ ਭੂਮਿਕਾ ਹੋਣ ਦੀ ਉਮੀਦ ਹੈ।

****

ਏਕੇਟੀ/ਵੀਬੀਏ/ਐੱਸਐੱਚ