ਪੀਐੱਮਇੰਡੀਆ

ਅਫ਼ਰੀਕਾ  ਵਿੱਚ ਬ੍ਰਿਕਸ  :

ਚੌਥੀ ਸਨਅਤੀ ਕ੍ਰਾਂਤੀ ਵਿੱਚ ਸੰਮਿਲਤ ਵਿਕਾਸ ਅਤੇ ਸਾਂਝੀ ਖੁਸ਼ਹਾਲੀ ਲਈ ਸਹਿਯੋਗ

ਸੈਂਡਟਨ ਕਨਵੈਨਸ਼ਨ ਸੈਂਟਰ

ਜੋਹਾਨਸਬਰਗ, ਦੱਖਣੀ ਅਫ਼ਰੀਕਾ

25 ਤੋਂ 27 ਜੁਲਾਈ, 2018

10ਵਾਂ ਬ੍ਰਿਕਸ ਸਿਖ਼ਰ ਸੰਮੇਲਨ

ਜੋਹਾਨਸਬਰਗ ਐਲਾਨਨਾਮਾ

I.ਭੂਮਿਕਾ

1. ਅਸੀਂ, ਫੈਡਰੇਟਿਵ ਰਿਪਬਲਿਕ ਆਵ੍ ਬ੍ਰਾਜ਼ੀਲ, ਰਸ਼ੀਅਨ ਫੈਡਰੇਸ਼ਨ, ਭਾਰਤੀ ਗਣਰਾਜ, ਪੀਪਲਜ਼ ਰਿਪਬਲਿਕ ਆਵ੍ ਚਾਈਨਾ ਅਤੇ ਰਿਪਬਲਿਕ ਆਵ੍ ਸਾਊਥ ਅਫ਼ਰੀਕਾ  ਦੇ ਦੇਸ਼ਾਂ ਅਤੇ ਸਰਕਾਰਾਂ ਦੇ ਮੁਖੀ 25-27 ਜੁਲਾਈ, 2018 ਨੂੰ ਜੋਹਾਨਸਬਰਗ ਵਿਖੇ 10ਵੇਂ ਬ੍ਰਿਕਸ ਸਿਖ਼ਰ ਸੰਮੇਲਨ ਵਿੱਚ ਇਕੱਠੇ ਹੋਏ। 10ਵਾਂ ਬ੍ਰਿਕਸ ਸਿਖ਼ਰ ਸੰਮੇਲਨ, ਜੋ ਕਿ ਬ੍ਰਿਕਸ ਦੇ ਇਤਿਹਾਸ ਵਿੱਚ ਇੱਕ  ਮੀਲ ਪੱਥਰ ਹੈ, ਦਾ ਆਯੋਜਨ ”ਅਫ਼ਰੀਕਾ  ਵਿੱਚ ਬ੍ਰਿਕਸ : ਚੌਥੀ ਸਨਅਤੀ ਕ੍ਰਾਂਤੀ ਵਿੱਚ ਸੰਮਿਲਤ ਵਿਕਾਸ ਅਤੇ ਸਾਂਝੀ ਖੁਸ਼ਹਾਲੀ ਲਈ ਸਹਿਯੋਗ” ਦੇ ਵਿਸ਼ੇ ਉੱਤੇ ਆਯੋਜਿਤ ਕੀਤਾ ਗਿਆ।

2. ਅਸੀਂ ਨੈਲਸਨ ਮੰਡੇਲਾ ਦੀ ਜਨਮ ਸ਼ਤਾਬਦੀ ਦੇ ਮੌਕੇ ਉੱਤੇ ਮਿਲ ਰਹੇ ਹਾਂ ਅਤੇ ਅਸੀਂ ਉਨ੍ਹਾਂ ਦੀਆਂ ਕਦਰਾਂ ਕੀਮਤਾਂ, ਸਿਧਾਂਤਾਂ ਅਤੇ ਮਨੁੱਖਤਾ ਦੀ ਸੇਵਾ ਪ੍ਰਤੀ ਉਨ੍ਹਾਂ ਦੇ ਸਮਰਪਣ ਨੂੰ ਮਾਨਤਾ ਦਿੰਦੇ ਹਾਂ ਅਤੇ ਲੋਕਤੰਤਰ ਪ੍ਰਤੀ ਅੰਤਰਰਾਸ਼ਟਰੀ ਪੱਧਰ ਉੱਤੇ ਸੰਘਰਸ਼ ਅਤੇ ਦੁਨੀਆ ਭਰ ਵਿੱਚ ਸ਼ਾਂਤੀ ਅਤੇ ਸੱਭਿਆਚਾਰ ਨੂੰ ਉਤਸ਼ਾਹਿਤ ਕਰਨ ਲਈ ਉਨ੍ਹਾਂ ਦੀ ਦੇਣ ਨੂੰ ਮੰਨਦੇ ਹਾਂ।

3. ਅਸੀਂ ਟੈਕਨੋਲੋਜੀ ਅਧਾਰਤ ਸਨਅਤੀਕਰਨ ਅਤੇ ਵਿਕਾਸ ਦੇ ਸੰਦਰਭ ਵਿੱਚ ਦੱਖਣੀ ਅਫ਼ਰੀਕਾ  ਦੇ ਵਿਕਾਸ, ਸੰਮਿਲਤ ਅਤੇ ਸਾਂਝੀ ਖੁਸ਼ਹਾਲੀ ਲਈ ਆਯੋਜਿਤ ਕੀਤੇ ਗਏ ਜੋਹਾਨਸਬਰਗ ਸਿਖ਼ਰ ਸੰਮੇਲਨ ਦੀ ਪ੍ਰਸ਼ੰਸਾ ਕਰਦੇ ਹਾਂ।

4. ਅਸੀਂ ਦੇਸ਼ਾਂ ਅਤੇ ਸਰਕਾਰਾਂ ਦੇ ਮੁਖੀ ਪਿਛਲੇ 10 ਸਾਲਾਂ ਵਿੱਚ ਬ੍ਰਿਕਸ ਵੱਲੋਂ ਹਾਸਲ ਕੀਤੀਆਂ ਪ੍ਰਾਪਤੀਆਂ ਉੱਤੇ ਤਸੱਲੀ ਪ੍ਰਗਟਾਉਂਦੇ ਹਾਂ ਕਿਉਂਕਿ ਬ੍ਰਿਕਸ ਨੇ ਸ਼ਾਂਤੀ, ਇੱਕ ਸੁਰਤਾ, ਸਾਂਝੇ ਵਿਕਾਸ ਅਤੇ ਖੁਸ਼ਹਾਲੀ ਪ੍ਰਤੀ ਸਹਿਯੋਗ ਵਿੱਚ ਮਜ਼ਬੂਤ ਪ੍ਰਦਰਸ਼ਨ ਕੀਤਾ ਹੈ  ਅਤੇ ਇਨ੍ਹਾਂ ਨੂੰ ਹੋਰ ਮਜ਼ਬੂਤ ਕਰਨ ਲਈ ਕੰਮ ਕੀਤਾ ਹੈ।

5. ਅਸੀਂ ਸਾਂਝੇ ਸਨਮਾਨ, ਸਰਬ ਸੱਤਧਾਰੀ ਸਮਾਨਤਾ, ਲੋਕਤੰਤਰ, ਸੰਮਿਲਤ ਅਤੇ ਮਜ਼ਬੂਤ ਸਹਿਯੋਗ ਦੇ ਸਿਧਾਂਤ ਪ੍ਰਤੀ ਆਪਣੀ ਵਚਨਬੱਧਤਾ ਨੂੰ ਦੁਹਰਾਉਂਦੇ ਹਾਂ। ਕਿਉਂਕਿ ਅਸੀਂ ਨਿਰੰਤਰ ਹੋਏ ਬ੍ਰਿਕਸ ਸਿਖ਼ਰ ਸੰਮੇਲਨਾਂ ਵਿੱਚ ਮਜ਼ਬੂਤੀ ਹਾਸਲ ਕੀਤੀ ਹੈ ਅਤੇ ਅਸੀਂ ਅੱਗੋਂ ਵੀ ਵਾਅਦਾ ਕਰਦੇ ਹਾਂ ਕਿ ਆਪਣੀ ਰਣਨੀਤਿਕ ਭਾਈਵਾਲੀ ਨੂੰ ਲੋਕਾਂ ਦੇ ਲਾਭ ਲਈ ਵਧਾਵਾਂਗੇ। ਅਜਿਹਾ ਸ਼ਾਂਤੀ, ਇੱਕ ਨਿਰਪੱਖ ਅੰਤਰਰਾਸ਼ਟਰੀ ਢਾਂਚੇ, ਨਿਰੰਤਰ ਵਾਧੇ ਅਤੇ ਸੰਮਿਲਤ ਵਿਕਾਸ ਰਾਹੀਂ ਕੀਤਾ ਜਾਵੇਗਾ ਅਤੇ ਅਜਿਹਾ ਆਰਥਿਕਤਾ, ਸ਼ਾਂਤੀ ਅਤੇ ਸੁਰੱਖਿਆ ਅਤੇ ਲੋਕਾਂ ਦੇ  ਲੋਕਾਂ ਨਾਲ ਆਦਾਨ-ਪ੍ਰਦਾਨ ਦੇ ਖੇਤਰ ਵਿੱਚ  ਤਿੰਨ ਥੰਮਾਂ ਵਾਲੇ ਸਹਿਯੋਗ ਨੂੰ ਮਜ਼ਬੂਤ ਕਰਕੇ ਕੀਤਾ ਜਾਵੇਗਾ।

6. ਅਸੀਂ ਵਾਅਦਾ ਕਰਦੇ ਹਾਂ ਕਿ ਸ਼ਾਂਤੀ ਅਤੇ ਸਥਿਰਤਾ ਦੀ ਦੁਨੀਆ ਲਈ ਕੰਮ ਕਰਾਂਗੇ ਅਤੇ ਸੰਯੁਕਤ ਰਾਸ਼ਟਰ ਦੀ ਕੇਂਦਰੀ ਭੂਮਿਕਾ ਦੀ ਸਹਾਇਤਾ ਕਰਾਂਗੇ ਜਿਸ ਦੇ ਉਦੇਸ਼ਾਂ ਅਤੇ ਸਿਧਾਂਤਾਂ ਦਾ ਯੂਐਨ ਚਾਰਟਰ ਵਿੱਚ ਜ਼ਿਕਰ ਕੀਤਾ ਗਿਆ ਹੈ ਅਤੇ ਅੰਤਰਰਾਸ਼ਟਰੀ ਕਾਨੂੰਨਾਂ ਨੂੰ ਸਨਮਾਨ ਦੇਵਾਂਗੇ ਅਤੇ ਲੋਕਤੰਤਰ ਨੂੰ ਅਤੇ ਕਾਨੂੰਨ ਦੇ ਸ਼ਾਸਨ ਨੂੰ ਉਤਸ਼ਾਹਿਤ ਕਰਾਂਗੇ। ਅਸੀਂ ਆਪਣਾ ਵਾਅਦਾ ਦੁਹਰਾਉਂਦੇ ਹਾਂ ਕਿ 2030 ਦੇ ਨਿਰੰਤਰ ਵਿਕਾਸ ਦੇ ਟੀਚਿਆਂ ਨੂੰ ਹਾਸਲ  ਕਰਨ ਲਈ ਮਿਲ ਕੇ ਕੰਮ ਕਰਾਂਗੇ ਅਤੇ ਬਹੁਪੱਖੀਵਾਦ ਨੂੰ ਉਤਸ਼ਾਹਿਤ ਕਰਾਂਗੇ ਕਿਉਂਕਿ ਅਸੀਂ ਵਧੇਰੇ ਨੁਮਾਇੰਦਗੀ ਵਾਲੇ, ਲੋਕਰਾਜੀ, ਬਰਾਬਰੀ ਵਾਲੇ,  ਨਿਰਪੱਖ ਅਤੇ ਨਿਆਂਪੂਰਣ ਸਿਆਸੀ ਅਤੇ ਆਰਥਿਕ  ਢਾਂਚੇ ਲਈ ਕੰਮ ਕਰਾਂਗੇ।

7. ਅਸੀਂ ਬਹੁਪੱਖੀਵਾਦ ਅਤੇ ਕਾਨੂੰਨ ਦੇ ਸ਼ਾਸਨ ਨੂੰ ਅੰਤਰਰਾਸ਼ਟਰੀ ਸਬੰਧਾਂ ਵਿੱਚ ਲਾਗੂ ਕਰਨ ਲਈ ਆਪਣੇ ਤਹੱਈਏ ਨੂੰ ਦੁਹਰਾਉਂਦੇ ਹਾਂ ਅਤੇ ਨਾਲ ਹੀ ਇੱਕ ਨਿਰਪੱਖ, ਨਿਆਂਪੂਰਨ, ਬਰਾਬਰੀ ਵਾਲੇ, ਲੋਕਰਾਜੀ ਅਤੇ ਨੁਮਾਇੰਦਗੀ ਵਾਲੇ ਅੰਤਰਰਾਸ਼ਟਰੀ ਢਾਂਚੇ ਨੂੰ ਉਤਸ਼ਾਹਿਤ ਕਰਨ ਲਈ ਯਤਨਸ਼ੀਲ ਰਹਾਂਗੇ।

8. ਅਸੀਂ ਬਹੁਪੱਖੀਵਾਦ ਪ੍ਰਤੀ ਆਪਣੀ ਹਮਾਇਤ ਨੂੰ ਮੁੜ ਦੁਹਰਾਉਂਦੇ ਹਾਂ ਅਤੇ ਨਾਲ ਹੀ ਅੰਤਰਰਾਸ਼ਟਰੀ ਮਾਮਲਿਆਂ ਵਿੱਚ ਸੰਯੁਕਤ ਰਾਸ਼ਟਰ ਦੀ ਕੇਂਦਰੀ ਭੂਮਿਕਾ ਦੇ ਹਮਾਇਤੀ ਹਾਂ ਅਤੇ ਸੰਯੁਕਤ ਰਾਸ਼ਟਰ ਦੇ ਚਾਰਟਰ ਵਿੱਚ ਵਰਣਿਤ ਸਿਧਾਂਤਾਂ, ਅੰਤਰਰਾਸ਼ਟਰੀ ਕਾਨੂੰਨ ਪ੍ਰਤੀ ਸਨਮਾਨ, ਲੋਕਰਾਜ ਅਤੇ ਅੰਤਰਰਾਸ਼ਟਰੀ  ਸਬੰਧਾਂ ਵਿੱਚ ਕਾਨੂੰਨ ਦੇ ਸ਼ਾਸਨ ਨੂੰ ਉਤਸ਼ਾਹਿਤ ਕਰਨ, ਅਤੇ ਸਾਂਝੀਆਂ ਰਵਾਇਤੀ ਅਤੇ ਗੈਰ ਰਵਾਇਤੀ ਸੁਰੱਖਿਆ ਚੁਣੌਤੀਆਂ ਨਾਲ ਨਜਿੱਠਣ ਲਈ ਯਤਨਸ਼ੀਲ ਰਹਾਂਗੇ।

9. ਅਸੀਂ ਜੋਹਾਨਸਬਰਗ ਸਿਖ਼ਰ ਸੰਮੇਲਨ ਦੌਰਾਨ ਬ੍ਰਿਕਸ-ਅਫ਼ਰੀਕਾ ਆਊਟਰੀਚ ਅਤੇ ਉੱਭਰ ਰਹੀਆਂ ਮਾਰਕੀਟਾਂ ਅਤੇ ਵਿਕਾਸਸ਼ੀਲ ਦੇਸ਼ਾਂ ਨਾਲ ਦੂਸਰੇ ਬ੍ਰਿਕਸ ਪਲੱਸ ਸਹਿਯੋਗ (ਈਐਮਡੀਸੀਜ਼) ਦਾ ਸਵਾਗਤ ਕਰਦੇ ਹਾਂ।

10. ਅਸੀਂ ਮੰਤਰੀਆਂ ਦੀਆਂ ਹੋਈਆਂ ਮੀਟਿੰਗਾਂ (ਅਨੁਲੱਗ-1) ਦੇ ਨਤੀਜੇ ਉੱਤੇ ਤਸੱਲੀ ਪ੍ਰਗਟਾਉਂਦੇ ਹਾਂ ਅਤੇ ਚਾਹੁੰਦੇ ਹਾਂ ਕਿ ਬਾਕੀ ਰਹਿੰਦੀਆਂ ਮੀਟਿੰਗਾਂ 2018 ਬ੍ਰਿਕਸ ਕੈਲੰਡਰ ਅਨੁਸਾਰ ਹੋਣ।

॥ ਬਹੁਪੱਖੀਵਾਦ ਨੂੰ ਮਜ਼ਬੂਤ ਕਰਨਾ, ਵਿਸ਼ਵ ਪ੍ਰਬੰਧਨ ਵਿੱਚ ਸੁਧਾਰ ਅਤੇ ਸਾਂਝੀਆਂ ਚੁਣੌਤੀਆਂ ਨਾਲ ਨਜਿੱਠਣਾ

11. ਅਸੀਂ ਸੰਯੁਕਤ ਰਾਸ਼ਟਰ ਪ੍ਰਤੀ ਆਪਣੀ ਵਚਨਬੱਧਤਾ ਨੂੰ ਦੁਹਰਾਉਂਦੇ ਹਾਂ ਕਿਉਂਕਿ ਇਸ ਸਰਬ ਬਹੁਪੱਖੀਵਾਦੀ ਸੰਗਠਨ ਨੂੰ ਅੰਤਰਰਾਸ਼ਟਰੀ ਸ਼ਾਂਤੀ ਅਤੇ ਸੁਰੱਖਿਆ ਕਾਇਮ ਰੱਖਣ, ਵਿਸ਼ਵ ਵਿਕਾਸ ਨੂੰ ਅੱਗੇ ਵਧਾਉਣ ਅਤੇ ਮਨੁੱਖੀ ਅਧਿਕਾਰਾਂ ਦੀ ਰਾਖੀ ਕਰਨ ਦਾ ਫਤਵਾ ਮਿਲਿਆ ਹੋਇਆ ਹੈ।

12. ਅਸੀਂ ਸੰਯੁਕਤ ਰਾਸ਼ਟਰ ਦੇ ਚਾਰਟਰ ਵਿੱਚ ਜੋ ਉਦੇਸ਼ ਅਤੇ ਸਿਧਾਂਤ ਵਰਣਿਤ ਕੀਤੇ ਗਏ ਹਨ ਉਨ੍ਹਾਂ ਪ੍ਰਤੀ ਆਪਣੀ ਵਚਨਬੱਧਤਾ ਦੁਹਰਾਉਂਦੇ ਹਾਂ ਕਿਉਂਕਿ ਵਿਸ਼ਵ ਦੇ ਇਸ ਅੰਤਰ -ਸਰਕਾਰੀ ਸੰਗਠਨ ਨੂੰ ਅੰਤਰਰਾਸ਼ਟਰੀ ਸ਼ਾਂਤੀ ਅਤੇ ਸੁਰੱਖਿਆ ਕਾਇਮ ਰੱਖਣ, ਨਿਰੰਤਰ ਵਿਕਾਸ ਵੱਲ ਵਧਣ ਅਤੇ ਮਨੁੱਖੀ ਅਧਿਕਾਰਾਂ ਅਤੇ ਮੁਢਲੀ ਆਜ਼ਾਦੀ ਦੀ ਰਾਖੀ ਕਰਨ ਦੀ ਜ਼ਿੰਮੇਵਾਰੀ ਮਿਲੀ ਹੋਈ ਹੈ।

13. ਅਸੀਂ ਵਿਸ਼ਵ ਪ੍ਰਬੰਧਨ ਦੀਆਂ ਬਹੁਪੱਖੀਵਾਦੀ ਸੰਸਥਾਵਾਂ ਨੂੰ ਮਜ਼ਬੂਤ ਕਰਨ ਦਾ ਵਾਅਦਾ ਦੁਹਰਾਉਂਦੇ ਹਾਂ ਤਾਂ ਕਿ ਇਹ ਯਕੀਨੀ ਬਣ ਸਕੇ ਕਿ ਉਹ ਵਿਸ਼ਵ ਚੁਣੌਤੀਆਂ ਨਾਲ ਵਿਸਤ੍ਰਿਤ ਢੰਗ ਨਾਲ ਨਜਿੱਠਣਾ ਯਕੀਨੀ ਬਣਾ ਸਕਣ।

14. ਅਸੀਂ ਵਿਸਤ੍ਰਿਤ ਬਹੁਪੱਖੀਵਾਦੀ ਸਿਸਟਮ ਦੇ ਟੀਚਿਆਂ ਦੀ ਮਦਦ ਕਰਨ ਵਾਲੀਆਂ ਖੇਤਰੀ ਪਹਿਲਕਦਮੀਆਂ ਦੀ ਅੰਦਰੂਨੀ ਤਾਕਤ ਨੂੰ ਮਾਨਤਾ ਦਿੰਦੇ ਹਾਂ।

15. ਅਸੀਂ ਮੁੜ ਸੰਯੁਕਤ ਰਾਸ਼ਟਰ ਦੇ ਚਾਰਟਰ ਵਿੱਚ ਵਰਣਿਤ ਸਰਬਵਿਆਪੀ ਸਾਂਝੇ ਸੁਰੱਖਿਆ ਸਿਸਟਮ ਦੀ ਕੇਂਦਰਤਾ ਵਿੱਚ ਆਪਣੀ ਵਚਨਬੱਧਤਾ ਦੁਹਰਾਉਂਦੇ ਹਾਂ। ਅਸੀਂ ਅੰਤਰਰਾਸ਼ਟਰੀ ਕਾਨੂੰਨ ਉੱਤੇ ਅਧਾਰਤ ਅੰਤਰਰਾਸ਼ਟਰੀ  ਸਿਸਟਮ ਲਈ ਕੰਮ ਕਰਨ ਦੀ ਅਹਿਮੀਅਤ ਨੂੰ ਮਾਨਤਾ ਦਿੰਦੇ ਹਾਂ, ਜਿਸ ਵਿੱਚ ਸੰਯੁਕਤ ਰਾਸ਼ਟਰ ਚਾਰਟਰ ਇੱਕ ਅਹਿਮ ਅਧਾਰ ਵਜੋਂ ਕੰਮ ਕਰ ਰਿਹਾ ਹੋਵੇ, ਜਿਸ ਨੇ ਕਿ ਬਹੁਧੁਰੀ ਢਾਂਚੇ ਵਿੱਚ ਸਹਿਯੋਗ ਪੈਦਾ ਕੀਤਾ ਹੋਵੇ। ਅਸੀਂ ਨੋਟ ਕੀਤਾ ਹੈ ਕਿ ਸੰਯੁਕਤ ਰਾਸ਼ਟਰ ਵਿੱਚ ਅਫ਼ਰੀਕੀ  ਦੇਸ਼ਾਂ ਦੀ ਲੰਬੇ ਸਮੇਂ ਤੋਂ ਢੁਕਵੀਂ ਨੁਮਾਇੰਦਗੀ ਯਕੀਨੀ ਬਣਾਉਣ ਦਾ ਕੰਮ ਲਟਕ ਰਿਹਾ ਹੈ, ਖਾਸ ਤੌਰ ਤੇ ਸ਼ਾਂਤੀ ਅਤੇ ਸੁਰੱਖਿਆ ਦੇ ਮਾਮਲਿਆਂ ਵਿੱਚ।

16. ਅੰਤਰਰਾਸ਼ਟਰੀ ਚੁਣੌਤੀਆਂ ਦਾ ਸਾਹਮਣਾ ਕਰਨ ਵਿੱਚ ਸਾਡੇ ਸਹਿਕਾਰੀ ਯਤਨਾਂ ਦੀ ਲੋੜ ਨੂੰ ਵੇਖਦੇ ਹੋਏ ਅਸੀਂ ਇੱਕ ਵਧੇਰੇ ਨਿਰਪੱਖ, ਨਿਆਂਪੂਰਨ ਅਤੇ ਨੁਮਾਇੰਦਗੀ ਭਰਿਆ ਬਹੁਧਰੁਵੀ (Multipolar) ਅੰਤਰਰਾਸ਼ਟਰੀ ਢਾਂਚਾ ਕਾਇਮ ਕਰਨ ਦਾ ਵਾਅਦਾ ਦੁਹਰਾਉਂਦੇ ਹਾਂ ਜੋ ਕਿ ਮਨੁੱਖਤਾ ਦੇ ਲਾਭ ਲਈ ਹੋਵੇ, ਜਿਸ ਵਿੱਚ ਕਿ ਤਾਕਤ ਦੀ ਵਰਤੋਂ ਉੱਤੇ ਆਮ ਤੌਰ ਤੇ ਰੋਕ ਰਹੇਗੀ ਅਤੇ ਜਿਸ ਵਿੱਚ ਇੱਕ ਤਰਫਾ ਤੌਰ ਤੇ ਯੂਐਨ ਚਾਰਟਰ ਤੋਂ ਬਾਹਰ ਜਾ ਕੇ ਦਬਾਅ ਪਾਉਣ ਵਾਲੇ ਕਦਮ ਚੁੱਕਣ ਦੀ ਮਨਾਹੀ ਰਹੇਗੀ। ਅਸੀਂ ਸ਼ਾਂਤੀ ਅਤੇ ਸੁਰੱਖਿਆ ਦੀ ਅਖੰਡਤਾ ਦੇ ਸੁਭਾਅ ਉੱਤੇ ਜ਼ੋਰ ਦਿੰਦੇ ਹਾਂ ਅਤੇ  ਦੁਹਰਾਉਂਦੇ ਹਾਂ ਕਿ ਕੋਈ ਵੀ ਦੇਸ਼ ਹੋਰਨਾਂ ਦੀ ਸੁਰੱਖਿਆ ਦੇ ਖਰਚੇ ਦੇ ਨਾਂ ਉੱਤੇ ਆਪਣੀ ਸੁਰੱਖਿਆ ਵਿੱਚ ਵਾਧਾ ਨਾ ਕਰੇ।

17. ਅਸੀਂ 2005 ਦੇ ਵਿਸ਼ਵ ਸਿਖ਼ਰ ਸੰਮੇਲਨ ਦੇ ਨਤੀਜੇ ਵਾਲੇ ਦਸਤਾਵੇਜ਼ ਨੂੰ ਯਾਦ ਕਰਦੇ ਹਾਂ ਅਤੇ ਸੰਯੁਕਤ ਰਾਸ਼ਟਰ, ਜਿਸ ਵਿੱਚ ਸੁਰੱਖਿਆ ਪਰਿਸ਼ਦ ਵੀ ਸ਼ਾਮਲ ਹੈ, ਦੇ ਵਿਸਤ੍ਰਿਤ ਸੁਧਾਰਾਂ ਦੀ ਲੋੜ ਉੱਤੇ ਜ਼ੋਰ ਦਿੰਦੇ ਹਾਂ ਤਾਂ ਕਿ ਇਸ ਨੂੰ ਵਧੇਰੇ ਨੁਮਾਇੰਦਗੀ ਵਾਲਾ, ਪ੍ਰਭਾਵੀ ਅਤੇ ਨਿਪੁੰਨ ਬਣਾਇਆ ਜਾ ਸਕੇ ਅਤੇ ਇਸ ਵਿੱਚ ਵਿਕਾਸਸ਼ੀਲ ਦੇਸ਼ਾਂ ਦੀ ਨੁਮਾਇੰਦਗੀ ਨੂੰ ਵਧਾਇਆ ਜਾ ਸਕੇ ਤਾਂ ਕਿ ਇਹ ਵਿਸ਼ਵ ਚੁਣੌਤੀਆਂ ਨਾਲ ਢੁਕਵੇਂ ਢੰਗ ਨਾਲ ਨਜਿੱਠ ਸਕੇ। ਚੀਨ ਅਤੇ ਰੂਸ ਨੇ ਇਸ ਦੇ ਦਰਜੇ ਪ੍ਰਤੀ ਅਹਿਮੀਅਤ ਉੱਤੇ ਜ਼ੋਰ ਦਿੱਤਾ ਹੈ ਅਤੇ ਨਾਲ ਹੀ ਬ੍ਰਾਜ਼ੀਲ, ਭਾਰਤ ਅਤੇ ਦੱਖਣੀ ਅਫ਼ਰੀਕਾ  ਦੀ ਅੰਤਰਰਾਸ਼ਟਰੀ  ਮਾਮਲਿਆਂ ਵਿੱਚ ਭੂਮਿਕਾ ਬਾਰੇ ਦੱਸਿਆ ਅਤੇ ਕਿਹਾ ਕਿ ਇਹ ਦੇਸ਼ ਸੰਯੁਕਤ ਰਾਸ਼ਟਰ ਵਿੱਚ ਇੱਕ ਵੱਡੀ ਭੂਮਿਕਾ ਨਿਭਾਉਣ ਦੇ ਚਾਹਵਾਨ ਹਨ।

18. ਅਸੀਂ ਸੰਯੁਕਤ ਰਾਸ਼ਟਰ ਨੂੰ ਆਪਣੇ ਫਤਵੇ ਲਾਗੂ ਕਰਨ ਲਈ ਵਧੇਰੇ ਪ੍ਰਭਾਵੀ ਅਤੇ ਨਿਪੁੰਨ ਬਣਾਉਣ ਦੇ ਨਿਰੰਤਰ ਯਤਨਾਂ ਦੀ ਅਹਿਮੀਅਤ ਨੂੰ ਸਮਝਦੇ ਹਾਂ। ਅਸੀਂ ਵਧੀਆ ਸੋਮਿਆਂ ਵਾਲਾ ਸੰਯੁਕਤ ਰਾਸ਼ਟਰ ਬਣਾਉਣ, ਇਸ ਦੇ ਪ੍ਰਸ਼ਾਸਨ ਅਤੇ ਬਜਟ ਦੇ ਮਾਮਲੇ ਵਿੱਚ, ਸੰਯੁਕਤ ਰਾਸ਼ਟਰ ਦੇ ਮੈਂਬਰ ਦੇਸ਼ਾਂ ਦੇ ਆਚਰਣ ਅਧਾਰਤ ਵਤੀਰੇ ਦੀ ਰਾਖੀ ਕਰਨ ਅਤੇ ਸੰਗਠਨ ਨੂੰ ਮਜ਼ਬੂਤ ਕਰਨਾ ਯਕੀਨੀ ਬਣਾਉਣ ਲਈ ਬ੍ਰਿਕਸ ਦੇਸ਼ਾਂ ਵਿੱਚ ਸਹਿਯੋਗ ਨੂੰ ਹੋਰ ਉਤਸ਼ਾਹਿਤ ਕਰਾਂਗੇ।

19. ਅਸੀਂ ਬ੍ਰਿਕਸ ਦੇ ਮੈਂਬਰ ਦੇਸ਼ਾਂ ਵਿੱਚ ਨਿਰੰਤਰ ਸਹਿਯੋਗ ਨੂੰ ਵਧਾਉਣ ਲਈ ਆਪਣੀ ਹਮਾਇਤ ਪ੍ਰਗਟਾਉਂਦੇ ਹਾਂ। ਇਹ ਸਹਿਯੋਗ ਸਾਂਝੇ ਹਿੱਤਾਂ ਦੇ ਮਾਮਲਿਆਂ, ਜਿਸ ਵਿੱਚ ਬਹੁਉਦੇਸ਼ੀ ਮਿਸ਼ਨਾਂ ਲਈ ਲਗਾਤਾਰ ਵਟਾਂਦਰਾ ਸ਼ਾਮਲ ਹੈ, ਵਿੱਚ ਹੋਵੇਗਾ।

20. ਅਸੀਂ 2030 ਦੇ ਟਿਕਾਊ ਵਿਕਾਸ ਅਤੇ ਟਿਕਾਊ ਵਿਕਾਸ ਦੇ ਟੀਚਿਆਂ (ਐਸਡੀਜੀਜ਼) ਦੇ ਏਜੰਡੇ ਨੂੰ ਪੂਰੀ ਤਰ੍ਹਾਂ ਲਾਗੂ ਕਰਨ, ਬਰਾਬਰ, ਸੰਮਿਲਤ ,ਖੁੱਲੇ, ਸਰਬਪੱਖੀ ਖੋਜ ਅਧਾਰਤ ਅਤੇ ਨਿਰੰਤਰ ਵਿਕਾਸ, ਇਸ ਦੀਆਂ ਤਿੰਨ ਦਿਸ਼ਾਵਾਂ – ਆਰਥਿਕ, ਸਮਾਜਿਕ ਅਤੇ ਵਾਤਾਵਰਣ ਪੱਖੀ-ਲਈ  ਸੰਤੁਲਿਤ ਅਤੇ ਸੰਗਠਿਤ ਢੰਗ ਨਾਲ 2030 ਤੱਕ ਗਰੀਬੀ ਖਤਮ ਕਰਨ ਦੇ ਅਸਲ ਟੀਚੇ ਦੀ ਪ੍ਰਾਪਤੀ ਲਈ ਆਪਣੀ ਵਚਨਬੱਧਤਾ ਦੁਹਰਾਉਂਦੇ ਹਾਂ। । ਅਸੀਂ ਸੰਯੁਕਤ ਰਾਸ਼ਟਰ ਦੀ ਅਹਿਮ ਭੂਮਿਕਾ, ਜਿਸ ਵਿੱਚ ਨਿਰੰਤਰ ਵਿਕਾਸ ਬਾਰੇ ਉੱਚ ਪੱਧਰੀ ਸਿਆਸੀ ਫੋਰਮ (ਐੱਚਐੱਲਪੀਐੱਫ) ਵੀ ਸ਼ਾਮਲ  ਹੈ,  ਨੂੰ ਹਮਾਇਤ ਪ੍ਰਤੀ ਵਚਨਬੱਧਤਾ ਦੁਹਰਾਉਂਦੇ ਹਾਂ ਅਤੇ 2030 ਦੇ ਏਜੰਡੇ ਨੂੰ ਵਿਸ਼ਵ ਪੱਧਰ ਉੱਤੇ ਲਾਗੂ ਕਰਨ ਲਈ ਮੈਂਬਰ ਦੇਸ਼ਾਂ ਵਿੱਚ  ਤਾਲਮੇਲ ਕਰਨ  ਅਤੇ ਯੂ ਐਨ ਵਿਕਾਸ ਸਿਸਟਮ ਵਿੱਚ ਸੋਧ ਕਰਨ ਦੇ ਚਾਹਵਾਨ ਹਾਂ। ਅਸੀਂ ਵਿਕਸਤ  ਦੇਸ਼ਾਂ ਨੂੰ ਬੇਨਤੀ ਕਰਦੇ ਹਾਂ ਕਿ ਉਹ ਆਪਣੀ ਸਰਕਾਰੀ ਵਿਕਾਸ ਸਹਾਇਤਾ (ਓ ਡੀ ਏ) ਦੇ ਵਾਅਦਿਆਂ ਦਾ ਪੂਰੀ ਤਰ੍ਹਾਂ ਸਨਮਾਨ ਕਰਨ ਅਤੇ ਵਿਕਾਸ਼ਸ਼ੀਲ ਦੇਸ਼ਾਂ ਨੂੰ ਵਾਧੂ ਵਿਕਾਸ ਸੋਮੇ ਮੁਹੱਈਆ ਕਰਵਾਉਣ।

21. ਮੌਸਮ ਦੀ ਤਬਦੀਲੀ ਬਾਰੇ ਅਸੀਂ ਪੈਰਿਸ ਸਮਝੌਤੇ ਤਹਿਤ ਕੰਮ ਦੇ ਪ੍ਰੋਗਰਾਮ ਨੂੰ ਅੰਤਮ ਰੂਪ ਦੇਣ ਵਿੱਚ ਹੋਈ ਪ੍ਰਗਤੀ ਦੀ ਪ੍ਰਸ਼ੰਸਾ ਕਰਦੇ ਹਾਂ ਅਤੇ ਇੱਛਾ ਜਤਾਉਂਦੇ ਹਾਂ ਕਿ ਉਸਾਰੂ ਢੰਗ ਨਾਲ ਹੋਰ ਪਾਰਟੀਆਂ ਨਾਲ ਇਸ ਸਬੰਧੀ ਗੱਲਬਾਤ ਨੂੰ  ਮੌਸਮ ਤਬਦੀਲੀ ਬਾਰੇ ਸੰਯੁਕਤ ਰਾਸ਼ਟਰ ਢਾਂਚਾ ਕਨਵੈਨਸ਼ਨ (ਯੂਐੱਨਐੱਫਸੀਸੀਸੀ) ਦੀਆਂ  ਧਿਰਾਂ ਦੀ 24ਵੀਂ ਕਨਵੈਨਸ਼ਨ (ਯੂਐੱਨਐੱਫਸੀਸੀਸੀ-ਕਾਪ24) , ਜੋ ਕਿ ਪੋਲੈਂਡ ਦੇ ਸ਼ਹਿਰ ਕੋਟਾਵਾਈਸ ਵਿਖੇ ਦਸੰਬਰ 2018 ਵਿੱਚ ਹੋ ਰਹੀ ਹੈ, ਅੱਗੇ ਵਧਾਇਆ ਜਾਵੇ। ਅਸੀਂ ਸਭ ਦੇਸ਼ਾਂ ਨੂੰ ਬੇਨਤੀ ਕਰਦੇ ਹਾਂ ਕਿ ਉਹ ਪੈਰਿਸ ਸਮਝੌਤੇ, ਜੋ ਕਿ ਯੂਐੱਨਐੱਫਸੀਸੀਸੀ ਦੇ ਸਿਧਾਂਤਾਂ ਤਹਿਤ ਪਾਸ ਕੀਤਾ ਗਿਆ ਹੈ, ਜਿਸ ਵਿੱਚ ਆਮ ਸਿਧਾਂਤ ਸ਼ਾਮਲ  ਹਨ ਪਰ ਜ਼ਿੰਮੇਵਾਰੀਆਂ ਵੱਖ-ਵੱਖ ਹਨ ਅਤੇ ਸਮਰੱਥਾਵਾਂ  ਵੱਖ-ਵੱਖ ਹਨ,  ਨੂੰ ਪੂਰੀ ਤਰ੍ਹਾਂ ਲਾਗੂ ਕਰਨ। ਅਸੀਂ ਵਿਕਸਤ ਦੇਸ਼ਾਂ ਨੂੰ ਅਪੀਲ ਕਰਦੇ ਹਾਂ ਕਿ ਉਹ ਵਿਕਾਸਸ਼ੀਲ ਦੇਸ਼ਾਂ ਨੂੰ ਵਿੱਤੀ, ਟੈਕਨੋਲੋਜੀਕਲ ਅਤੇ ਸਮਰੱਥਾ ਉਸਾਰੀ ਲਈ ਮਦਦ ਪ੍ਰਦਾਨ ਕਰਨ ਤਾਂ ਕਿ ਉਹ ਮੌਸਮ ਦੀ ਤਬਦੀਲੀ ਨੂੰ ਅਨੁਕੂਲ ਅਤੇ ਸਾਂਤ ਕਰਨ ਸਬੰਧੀ ਆਪਣੀ ਸਮਰੱਥਾ ਵਿੱਚ ਵਾਧਾ ਕਰ ਸਕਣ।

22. ਅਸੀਂ ਊਰਜਾ ਖੇਤਰ, ਖਾਸ ਕਰਕੇ ਵਾਤਾਵਰਣ ਸਬੰਧੀ ਟਿਕਾਊ ਊਰਜਾ ਸਿਸਟਮ ਦੀ ਤਬਦੀਲੀ ਲਈ ਬ੍ਰਿਕਸ ਸਹਿਯੋਗ ਨੂੰ ਮਜ਼ਬੂਤ ਕਰ ਰਹੇ ਹਾਂ, ਜੋ ਕਿ ਟਿਕਾਊ ਵਿਸ਼ਵ ਵਿਕਾਸ ਏਜੰਡੇ, ਸੰਤੁਲਿਤ ਆਰਥਿਕ ਵਿਕਾਸ ਅਤੇ ਸ਼ਹਿਰੀਆਂ ਦੇ ਸਮੂਹਕ ਆਰਥਿਕ, ਸਮਾਜਿਕ ਵਿਕਾਸ ਦੇ ਏਜੰਡੇ `ਤੇ ਵੀ ਹੈ। ਅਸੀਂ ਸਰਵਵਿਆਪੀ ਊਰਜਾ ਪਹੁੰਚ, ਊਰਜਾ ਸੁਰੱਖਿਆ, ਊਰਜਾ ਪਹੁੰਚਯੋਗਤਾ, ਘੱਟ ਪ੍ਰਦੂਸ਼ਣ ਅਤੇ ਵਾਤਾਵਰਣ ਦੀ ਸੰਭਾਲ ਲਈ ਯਤਨਸ਼ੀਲ ਹਾਂ। ਅਸੀਂ ਦੁਹਰਾਉਂਦੇ ਹਾਂ ਕਿ ਊਰਜਾ ਸਪਲਾਈ ਸੋਮਿਆਂ ਦੀ ਵਿਭਿੰਨਤਾ,  ਜਿਸ ਵਿੱਚ  ਅਖੁੱਟ ਅਤੇ ਘੱਟ ਕਾਰਬਨ ਵਾਲੇ ਊਰਜਾ ਸੋਮੇ ਸ਼ਾਮਲ  ਹਨ, ਊਰਜਾ ਖੇਤਰ ਵਿੱਚ ਨਿਵੇਸ਼ ਅਤੇ ਊਰਜਾ ਢਾਂਚੇ, ਊਰਜਾ ਸਨਅਤ ਅਤੇ ਮਾਰਕੀਟ ਵਿਕਾਸ ਅਤੇ ਪ੍ਰਾਇਮਰੀ ਊਰਜਾ ਸੋਮਿਆਂ ਤੱਕ ਪਹੁੰਚ ਲਈ ਅੰਦਰੂਨੀ ਬ੍ਰਿਕਸ ਸਹਿਯੋਗ  ਊਰਜਾ ਸੁਰੱਖਿਆ ਨੂੰ ਸਹਾਰਾ ਦੇਣ ਲਈ ਜਾਰੀ ਰਹੇਗਾ।

23. ਅਸੀਂ ਊਰਜਾ ਸਮਰੱਥਾ ਦੀ ਅਹਿਮੀਅਤ ਨੂੰ ਮੰਨਦੇ ਹਾਂ ਅਤੇ ਨਾਲ ਹੀ ਊਰਜਾ ਨਿਪੁੰਨਤਾ ਵਾਲੇ ਜੀਵਨ ਢੰਗ ਦੀ ਲੋਕਪ੍ਰਿਅਤਾ ਨੂੰ ਵੀ ਮਾਨਤਾ ਦਿੰਦੇ ਹਾਂ, ਜਿਸ ਤਹਿਤ ਊਰਜਾ ਸੁਰੱਖਿਆ, ਉਦਯੋਗਿਕ ਮੁਕਾਬਲੇਬਾਜ਼ੀ, ਗੈਸਾਂ ਦੇ ਰਿਸਾਵ ਵਿੱਚ ਕਮੀ, ਆਰਥਿਕ ਵਾਧਾ, ਨੌਕਰੀਆਂ ਪੈਦਾ ਕਰਨ ਵਾਲੇ ਅਤੇ ਹੋਰ ਖੇਤਰ ਸ਼ਾਮਲ  ਹਨ।

24. ਅਸੀਂ ਇਸ ਗੱਲ ਨੂੰ ਮੰਨਦੇ ਹਾਂ ਕਿ ਬ੍ਰਿਕਸ ਦੇਸ਼ਾਂ ਦੇ ਊਰਜਾ ਮੰਤਰੀ ਬ੍ਰਿਕਸ ਊਰਜਾ ਖੋਜ ਸਹਿਯੋਗ ਪਲੇਟਫਾਰਮ ਕਾਇਮ ਕਰਨ ਅਤੇ ਇਸ ਦੇ ਨਿਯਮ, ਸ਼ਰਤਾਂ ਨੂੰ ਤਿਆਰ ਕਰਨ ਲਈ ਸਹਿਮਤ ਹੋਏ ਅਤੇ ਅਸੀਂ ਇਸ ਸਬੰਧ ਵਿੱਚ ਚੱਲ ਰਹੀ ਗੱਲਬਾਤ ਨੂੰ ਵੀ ਧਿਆਨ ਵਿੱਚ ਰੱਖਿਆ ਹੈ।

25. ਅਸੀਂ ਬ੍ਰਿਕਸ ਖੇਤੀ ਖੋਜ ਪਲੇਟਫਾਰਮ (ਏਆਰਪੀ) ਦੀ ਸਥਾਪਨਾ ਲਈ ਭਾਰਤ ਵੱਲੋਂ 2016 ਵਿੱਚ ਜੋ ਕਾਰਵਾਈ ਆਰੰਭੀ ਗਈ ਸੀ, ਉਸ ਦੀ ਪੂਰੀ ਹਮਾਇਤ ਕਰਦੇ ਹਾਂ। ਅਸੀਂ ਸਰਬਵਿਆਪੀ ਨਿਰੰਤਰਤਾ ਅਤੇ ਮੁਕਾਬਲੇਬਾਜ਼ੀ ਵਿੱਚ ਖੋਜ, ਵਿਕਾਸ ਅਤੇ ਇਨੋਵੇਸ਼ਨ ਦੀ ਜੋ ਮੁਢਲੀ ਅਹਿਮੀਅਤ ਹੈ, ਉਸ ਦੀ ਪ੍ਰਸ਼ੰਸਾ ਕਰਦੇ ਹਾਂ। ਅਸੀਂ ਬ੍ਰਿਕਸ ਦੇਸ਼ਾਂ ਦੇ ਖੇਤੀ ਖੋਜ ਸਹਿਯੋਗ ਨੈੱਟਵਰਕਾਂ ਨੂੰ ਮਜ਼ਬੂਤ ਕਰਨ ਦੇ ਚਾਹਵਾਨ ਹਾਂ ਤਾਂ ਕਿ ਬਦਲਦੇ ਮੌਸਮ ਕਰਕੇ ਸਮੂਹਕ ਖੇਤੀ ਅਤੇ ਖੁਰਾਕ ਸਿਸਟਮ ਦੀ ਮੁੜ ਉੱਭਰਨ ਦੀ ਸ਼ਕਤੀ ਵਿੱਚ ਵਾਧਾ ਹੋ ਸਕੇ। ਅਸੀਂ ਏਆਰਪੀ ਦੇ ਉਦੇਸ਼ਾਂ ਅਤੇ ਟੀਚਿਆਂ ਨੂੰ ਲਾਗੂ ਕਰਨ ਲਈ ਅਗਲੇਰੇ ਕਦਮ ਚੁੱਕਣ ਨੂੰ ਮਾਨਤਾ ਦਿੰਦੇ ਹਾਂ। ਅਸੀਂ ਅੰਤਰ ਬ੍ਰਿਕਸ ਸਹਿਯੋਗ ਨੂੰ ਤੇਜ਼ ਕਰਨ, ਜਿਸ ਵਿੱਚ ਖੇਤੀ ਖੋਜ ਪਲੇਟਫਾਰਮ ਅਤੇ ਮੁਢਲਾ ਖੇਤੀ ਸੂਚਨਾ ਵਟਾਂਦਰਾ ਸਿਸਟਮ (ਬੀਏਆਈਈਐਸ) ਵੀ ਸ਼ਾਮਲ ਹੈ, ਲਈ ਵਚਨਬੱਧ ਹਾਂ।

26. ਅਸੀਂ ਚੌਥੀ ਬ੍ਰਿਕਸ ਵਾਤਾਵਰਣ ਮੰਤਰੀਆਂ ਦੀ ਮੀਟਿੰਗ ਦੇ ਨਤੀਜਿਆਂ ਨੂੰ ਮਾਨਤਾ ਦਿੰਦੇ ਹਾਂ। ਇਹ ਮੀਟਿੰਗ ”ਬ੍ਰਿਕਸ ਵਿੱਚ ਨਿਰੰਤਰ ਖਪਤ ਅਤੇ ਉਤਪਾਦਨ (ਐੱਸਸੀਪੀ) ਵਿੱਚ ਸਰਕੁਲਰ ਅਰਥ ਵਿਵਸਥਾ ਬਾਰੇ ਸਹਿਯੋਗ ਨੂੰ ਮਜ਼ਬੂਤ ਕਰਨ” ਦੇ ਵਿਸ਼ੇ ਉੱਤੇ ਆਯੋਜਿਤ ਕੀਤੀ ਗਈ ਸੀ। ਅਸੀਂ ਵੇਖਿਆ ਹੈ ਕਿ ਸਰਕੁਲਰ ਅਰਥ ਵਿਵਸਥਾ ਬਾਰੇ ਪਹੁੰਚ ਕੂੜਾ ਕਰਕਟ ਨੂੰ ਘਟਾਉਣ ਦੀ ਅਥਾਹ ਸਮਰੱਥਾ ਦੀ ਨੁਮਾਇੰਦਗੀ ਕਰਦੀ ਹੈ, ਵਾਤਾਵਰਣ ਸਬੰਧੀ ਟਿਕਾਊ ਅਮਲਾਂ ਨੂੰ ਤਿਆਰ ਕਰਦੀ ਹੈ, ਸਾਡੀਆਂ ਆਰਥਿਕਤਾਵਾਂ ਵਿੱਚ ਵਿਭਿੰਨਤਾ ਲਿਆਉਂਦੀ ਹੈ ਅਤੇ ਆਰਥਿਕ ਵਿਕਾਸ ਅਤੇ ਨੌਕਰੀਆਂ ਪੈਦਾ ਕਰਨ ਵਿੱਚ ਮਦਦ ਵੀ ਕਰਦੀ ਹੈ।

27. ਅਸੀਂ ਲਗਾਤਾਰ ਹੋਈਆਂ ਬ੍ਰਿਕਸ ਵਾਤਾਵਰਣ ਮੰਤਰੀਆਂ ਦੀਆਂ ਮੀਟਿੰਗਾਂ ਦੇ ਸਿੱਟਿਆਂ, ਜਿਸ ਵਿੱਚ ਵਾਤਾਵਰਣ ਮਿੱਤਰ ਟੈਕਨੋਲੋਜੀ ਪਲੇਟਫਾਰਮ ਨੂੰ ਕਾਇਮ ਕਰਨਾ, ਦਰਿਆਵਾਂ ਦੀ ਸਫ਼ਾਈ ਬਾਰੇ ਛਾਤਾ ਪ੍ਰੋਗਰਾਮ ਅਤੇ ਸ਼ਹਿਰੀ ਵਾਤਾਵਰਣ ਨਿਰੰਤਰਤਾ ਪਹਿਲਕਦਮੀ ਲਈ ਭਾਈਵਾਲੀ ਸ਼ਾਮਲ ਹੈ, ਨੂੰ ਮਾਨਤਾ ਦਿੰਦੇ ਹਾਂ। ਬ੍ਰਿਕਸ ਵਾਤਾਵਰਣ ਪੱਖੀ ਠੋਸ ਟੈਕਨੋਲੋਜੀ (ਬੈਸਟ) ਸਹਿਯੋਗ ਪਲੇਟਫਾਰਮ ਦੀ ਸਥਾਪਨਾ ਵਿੱਚ ਹੋਈ ਪ੍ਰਗਤੀ ਨੂੰ ਵੀ ਮਾਨਤਾ ਦਿੰਦੇ ਹਾਂ ਜੋ ਕਿ ਪ੍ਰੈਕਟੀਕਲ ਅਤੇ ਨਤੀਜਾ ਪੱਖੀ ਹੈ ਅਤੇ ਜਿਸ ਵਿੱਚ ਹਿੱਸੇਦਾਰ, ਵਿਗਿਆਨਕ ਸੰਗਠਨ, ਸਿਵਲ ਸੁਸਾਇਟੀਆਂ, ਨਿੱਜੀ ਖੇਤਰ ਅਤੇ ਵਿੱਤੀ ਸੰਸਥਾਵਾਂ ਸ਼ਾਮਲ  ਹਨ।

28. ਅਸੀਂ ਪਾਣੀ ਦੇ ਖੇਤਰ ਵਿੱਚ ਸਹਿਯੋਗ ਵਧਾਉਣ ਬਾਰੇ ਵਚਨਬੱਧਤਾ ਦਾ ਸਵਾਗਤ ਕਰਦੇ ਹਾਂ। ਇਹ ਵਚਨਬੱਧਤਾ ਸੰਗਠਿਤ ਢੰਗ ਨਾਲ ਨਿਰੰਤਰ ਵਿਕਾਸ ਦੇ ਅਧਾਰ `ਤੇ ਹੈ ਜਿਸ ਵਿੱਚ ਪਾਣੀ ਦੀ ਪਹੁੰਚ, ਹੜ੍ਹਾਂ ਤੋਂ ਸੁਰੱਖਿਆ, ਸੋਕਾ ਪ੍ਰਬੰਧਨ, ਪਾਣੀ ਸਪਲਾਈ ਅਤੇ ਸਫ਼ਾਈ, ਪਾਣੀ ਅਤੇ ਵਾਤਾਵਰਣ, ਪਾਣੀ ਦੇ ਪ੍ਰਦੂਸ਼ਣ ਤੋਂ ਬਚਾਅ ਅਤੇ ਕੰਟਰੋਲ ਦੀ ਸਿਲਸਿਲੇਵਾਰ ਸਹੂਲਤ, ਦਰਿਆ ਅਤੇ ਝੀਲਾਂ ਦੇ ਈਕੋਸਿਸਟਮ ਦੀ ਬਹਾਲੀ ਅਤੇ ਸੰਭਾਲ, ਈਕੋਸਿਸਟਮ ਦੀ ਰਾਖੀ ਅਤੇ ਪਾਣੀ ਦੇ ਸੋਮਿਆਂ ਦੇ ਪ੍ਰਬੰਧਨ ਨਾਲ ਸਬੰਧਤ ਹੈ।

29. ਅਸੀਂ ਬਫੈਲੋ ਸ਼ਹਿਰ ਵਿੱਚ ਤਬਾਹੀ ਪ੍ਰਬੰਧਨ ਬਾਰੇ ਬ੍ਰਿਕਸ ਦੇਸ਼ਾਂ ਦੇ ਮੁਖੀਆਂ ਦੀ ਜੋ ਮੀਟਿੰਗ ਹੋਈ ਸੀ, ਜਿਸ ਵਿੱਚ ਕਿ 2018-2020 ਲਈ ਕਾਰਜਯੋਜਨਾ ਨੂੰ ਅਪਣਾਇਆ ਗਿਆ ਸੀ ਅਤੇ ਫਿਰ ਬ੍ਰਿਕਸ ਸਾਂਝੀ ਟਾਸਕ ਫੋਰਸ ਦੀ ਪਹਿਲੀ ਮੀਟਿੰਗ ਵੀ ਹੋਈ ਸੀ ਜਿਸ ਵਿੱਚ ਇਸ ਖੇਤਰ ਵਿੱਚ ਸਹਿਯੋਗ ਨੂੰ ਹੋਰ ਵਧਾਉਣ ਬਾਰੇ ਗੱਲਬਾਤ ਹੋਈ ਸੀ, ਨੂੰ ਵੀ ਮਾਨਤਾ ਦਿੰਦੇ ਹਾਂ।

30. ਅਸੀਂ ਬ੍ਰਿਕਸ ਦੇਸ਼ਾਂ ਵਿੱਚ ਜੈਵਿਕ ਵਿਭਿੰਨਤਾ ਸੰਭਾਲ, ਨਿਰੰਤਰ ਵਰਤੋਂ ਅਤੇ ਬਰਾਬਰ ਦੀ ਪਹੁੰਚ ਅਤੇ ਬਾਇਓਲੌਜੀਕਲ ਸੋਮਿਆਂ ਦਾ ਲਾਭ ਉਠਾਉਣ ਬਾਰੇ ਜੋ ਸਹਿਯੋਗ ਵਧਾਉਣ ਦੀ ਇੱਛਾ ਹੈ, ਉਸ ਉੱਤੇ ਭਰੋਸਾ ਦੁਹਰਾਉਂਦੇ ਹਾਂ ਅਤੇ ਨਾਲ ਹੀ ਜੈਵਿਕ ਵਿਭਿੰਨਤਾ ਨਾਲ ਸਬੰਧਤ ਅੰਤਰਰਾਸ਼ਟਰੀ ਕਨਵੈਨਸ਼ਨਾਂ ਅਤੇ ਫੋਰਮਾਂ ਜਿਨ੍ਹਾਂ ਵਿੱਚ ਸਾਡੇ ਰਾਸ਼ਟਰੀ ਪਾਰਕਾਂ ਦੇ ਅਧਿਕਾਰੀਆਂ ਵਿੱਚ ਖਤਮ ਹੋ ਰਹੀਆਂ ਪ੍ਰਜਾਤੀਆਂ ਬਾਰੇ ਜੋ ਡਰ ਪਾਇਆ ਜਾ ਰਿਹਾ ਹੈ, ਬਾਰੇ ਸਹਿਯੋਗ ਨੂੰ ਵਧਾਉਣ ਲਈ ਤਿਆਰ ਹਾਂ।

31. ਅਸੀਂ ਬ੍ਰਿਕਸ ਦੇਸ਼ਾਂ ਵਿੱਚ ਸਮੁੰਦਰੀ ਆਰਥਿਕਤਾ ਵਿੱਚ ਸਹਿਯੋਗ ਦੀ ਵੱਡੀ ਸਮਰੱਥਾ ਨੂੰ ਮੰਨਦੇ ਹਾਂ ਜੋ ਕਿ ਬਹੁ ਖੇਤਰਾਂ ਨੂੰ ਆਪਣੇ ਵੱਲ ਖਿੱਚਦੀ ਹੈ। ਇਨ੍ਹਾਂ ਵਿੱਚ ਸਮੁੰਦਰੀ ਟ੍ਰਾਂਸਪੋਰਟ, ਜਹਾਜ਼ ਬਣਾਉਣ, ਸਮੁੰਦਰ ਦੇ ਅੰਦਰ ਤੇਲ ਦੀ ਖੋਜ, ਮੱਛੀ ਪਾਲਣ, ਬੰਦਰਗਾਹ ਵਿਕਾਸ, ਖੋਜ ਅਤੇ ਟੈਕਨੋਲੋਜੀ , ਸਮੁੰਦਰੀ ਸੋਮਿਆਂ ਦੀ ਸੰਭਾਲ ਅਤੇ ਨਿਰੰਤਰ ਵਰਤੋਂ, ਸਮੁੰਦਰੀ ਅਤੇ ਸਮੁੰਦਰ ਕੰਢੇ ਦੇ ਸੈਰ ਸਪਾਟੇ, ਵਿੱਤੀ ਅਤੇ ਬੀਮਾ ਸੇਵਾਵਾਂ ਅਤੇ ਦਰਿਆਈ ਕੰਢੇ ਦੇ ਸਨਅਤੀ ਖੇਤਰਾਂ ਦਾ ਵਿਕਾਸ ਸ਼ਾਮਲ ਹੈ

32. ਅਸੀਂ ਅਬਾਦੀ ਸਬੰਧੀ ਮਾਮਲਿਆਂ 2015-2020 ਵਿੱਚ ਸਹਿਯੋਗ ਦੇ ਬ੍ਰਿਕਸ ਦੇ ਏਜੰਡੇ ਨੂੰ ਲਗਾਤਾਰ ਲਾਗੂ ਕਰਨ ਲਈ ਵਚਨਬੱਧ ਹਾਂ। ਇਸ ਬਾਰੇ 2014 ਵਿੱਚ ਅਬਾਦੀ ਸਬੰਧੀ ਮਾਮਲਿਆਂ ਦੇ ਮੰਤਰੀਆਂ ਦਰਮਿਆਨ ਸਹਿਮਤੀ ਬਣੀ ਸੀ, ਕਿਉਂਕਿ ਬ੍ਰਿਕਸ ਦੇਸ਼ਾਂ ਵਿੱਚ ਜੋ ਅਬਾਦੀ ਸਬੰਧੀ ਉਮਰ ਦਾ ਢਾਂਚਾ ਹੈ ਉਸ ਵਿੱਚ ਤਬਦੀਲੀ ਆ ਰਹੀ ਹੈ ਅਤੇ ਉਹ ਕਈ ਚੁਣੌਤੀਆਂ ਅਤੇ ਮੌਕੇ ਖੜੇ ਕਰਦਾ ਹੈ, ਵਿਸ਼ੇਸ਼ ਤੌਰ ਤੇ ਲਿੰਗਕ ਨਾਬਰਾਬਰੀ ਅਤੇ ਮਹਿਲਾਵਾਂ ਦੇ ਅਧਿਕਾਰਾਂ, ਨੌਜਵਾਨਾਂ ਦੇ ਵਿਕਾਸ, ਰੁਜ਼ਗਾਰ ਅਤੇ ਕੰਮ ਦਾ ਭਵਿੱਖ, ਸ਼ਹਿਰੀਕਰਨ, ਪ੍ਰਵਾਸ ਅਤੇ ਉਮਰ ਵਿੱਚ ਵਾਧੇ ਬਾਰੇ।

33. ਅਸੀਂ ਲਗਾਤਾਰ ਜਾਰੀ ਦਹਿਸ਼ਤਪਸੰਦਾਂ ਦੇ ਹਮਲਿਆਂ, ਜਿਨ੍ਹਾਂ ਵਿੱਚੋਂ ਕੁਝ ਬ੍ਰਿਕਸ ਦੇਸ਼ਾਂ ਵਿੱਚ ਵੀ ਹੋ ਰਹੇ ਹਨ, ਦੀ ਆਲੋਚਨਾ ਕਰਦੇ ਹਾਂ। ਅਸੀਂ ਹਰ ਤਰ੍ਹਾਂ ਦੇ ਦਹਿਸ਼ਤਵਾਦ , ਭਾਵੇਂ ਕਿਤੇ ਵੀ ਅਤੇ ਜਿਸ ਕਿਸੇ ਵੱਲੋਂ ਵੀ ਕੀਤਾ ਜਾਵੇ, ਦੀ ਨਿੰਦਾ ਕਰਦੇ ਹਾਂ। ਅਸੀਂ ਯੂਐਨ ਦੀ ਸਰਪ੍ਰਸਤੀ ਹੇਠ ਦਹਿਸ਼ਤਵਾਦ ਦੇ ਮੁਕਾਬਲੇ ਲਈ ਮਜ਼ਬੂਤ ਅੰਤਰਰਾਸ਼ਟਰੀ ਕਾਨੂੰਨੀ ਅਧਾਰ ਉੱਤੇ ਸਾਂਝੇ ਯਤਨਾਂ ਦੀ ਬੇਨਤੀ ਕਰਦੇ ਹਾਂ ਅਤੇ ਸਾਡਾ ਵਿਚਾਰ ਹੈ ਕਿ ਦਹਿਸ਼ਤਵਾਦ ਨਾਲ ਨਜਿੱਠਣ ਲਈ ਇੱਕ ਵਿਸਤ੍ਰਿਤ ਪਹੁੰਚ ਦੀ ਲੋੜ ਹੈ। ਅਸੀਂ ਸਾਰੇ ਦੇਸ਼ਾਂ ਨੂੰ ਜ਼ਿੰਮੇਵਾਰੀ ਦੀ ਯਾਦ ਦਿਵਾਉਂਦੇ ਹਾਂ ਕਿ ਉਹ ਦਹਿਸ਼ਤਵਾਦੀ ਨੈੱਟਵਰਕਾਂ ਦੀ ਆਰਥਿਕ ਸਹਾਇਤਾ ਅਤੇ  ਦਹਿਸ਼ਤੀ ਕਾਰਵਾਈਆਂ ਆਪਣੇ ਖੇਤਰਾਂ ਤੋਂ ਨਾ ਹੋਣ ਦੇਣ।

34. ਅਸੀਂ ਅੰਤਰਰਾਸ਼ਟਰੀ ਭਾਈਚਾਰੇ ਨੂੰ ਸੱਦਾ ਦਿੰਦੇ ਹਾਂ ਕਿ ਉਹ ਦਹਿਸ਼ਤਵਾਦ ਦੇ ਟਾਕਰੇ ਲਈ ਇੱਕ ਜਾਇਜ਼ ਤੌਰ ਤੇ ਵਿਸ਼ਾਲ ਅੰਤਰਰਾਸ਼ਟਰੀ ਢਾਂਚਾ ਕਾਇਮ ਕਰੇ ਅਤੇ ਇਸ ਸਬੰਧ ਵਿੱਚ ਸੰਯੁਕਤ ਰਾਸ਼ਟਰ ਦੀ ਕੇਂਦਰੀ ਤਾਲਮੇਲ ਵਾਲੀ ਭੂਮਿਕਾ ਦੀ ਹਮਾਇਤ ਕਰੇ। ਅਸੀਂ ਇਸ ਗੱਲ ਤੇ ਜ਼ੋਰ ਦਿੰਦੇ ਹਾਂ ਕਿ ਦਹਿਸ਼ਤਵਾਦ ਸਬੰਧੀ ਲੜਾਈ ਅੰਤਰਰਾਸ਼ਟਰੀ  ਕਾਨੂੰਨ, ਜਿਸ ਵਿੱਚ ਸੰਯੁਕਤ ਰਾਸ਼ਟਰ ਦਾ ਚਾਰਟਰ, ਅੰਤਰਰਾਸ਼ਟਰੀ  ਸ਼ਰਨਾਰਥੀ ਅਤੇ ਮਾਨਵਤਾ ਪ੍ਰਤੀ ਕਾਨੂੰਨ, ਮਨੁੱਖੀ ਅਧਿਕਾਰ ਅਤੇ ਮੌਲਿਕ ਅਜ਼ਾਦੀਆਂ ਸ਼ਾਮਲ  ਹਨ, ਤਹਿਤ  ਲੜੀ ਜਾਣੀ ਚਾਹੀਦੀ ਹੈ। ਅਸੀਂ ਸੰਯੁਕਤ ਰਾਸ਼ਟਰ ਦੇ ਦਹਿਸ਼ਤਵਾਦ ਦੇ ਮੁਕਾਬਲੇ ਲਈ ਬਣੇ ਢਾਂਚੇ ਦੇ ਪ੍ਰਭਾਵ ਨੂੰ ਵਧਾਉਣ ਪ੍ਰਤੀ ਵਚਨਬੱਧ ਹਾਂ। ਅਸੀਂ ਸੰਯੁਕਤ ਰਾਸ਼ਟਰ ਜਨਰਲ ਅਸੈਂਬਲੀ ਵੱਲੋਂ ਅੰਤਰਰਾਸ਼ਟਰੀ  ਦਹਿਸ਼ਤਵਾਦ ਬਾਰੇ ਵਿਸਤ੍ਰਿਤ ਕਨਵੈਨਸ਼ਨ (ਸੀਸੀਆਈਟੀ) ਨੂੰ ਅੰਤਮ ਰੂਪ ਦੇਣ ਅਤੇ ਉਸ ਨੂੰ ਅਪਣਾਉਣ ਉੱਤੇ ਜ਼ੋਰ ਦਿੰਦੇ ਹਾਂ।

35. ਰਸਾਇਣਕ ਅਤੇ ਜੈਵਿਕ ਦਹਿਸ਼ਤਵਾਦ ਦੀ ਚੁਣੌਤੀ ਨਾਲ ਨਜਿੱਠਣ ਲਈ ਅਸੀਂ ਰਸਾਇਣਕ ਅਤੇ ਜੈਵਿਕ ਦਹਿਸ਼ਤਵਾਦ ਦੇ ਕਾਰਜਾਂ ਨੂੰ ਦਬਾਉਣ ਲਈ ਇੱਕ ਅੰਤਰਰਾਸ਼ਟਰੀ ਕਨਵੈਨਸ਼ਨ, ਜਿਸ ਵਿੱਚ ਨਿਸ਼ਸਤਰੀਕਰਨ ਬਾਰੇ ਕਾਨਫਰੰਸ ਵੀ ਸ਼ਾਮਲ ਹੈ, ਲਈ ਬਹੁਪੱਖੀ ਗੱਲਬਾਤ ਸ਼ੁਰੂ ਕਰਨ ਦੇ ਹਮਾਇਤੀ ਹਾਂ।

36. ਸਾਡਾ ਪੱਕਾ ਵਿਸ਼ਵਾਸ ਹੈ ਕਿ ਜੋ ਵੀ ਲੋਕ ਦਹਿਸ਼ਤਪਸੰਦੀ ਵਾਲੀਆਂ ਕਾਰਵਾਈਆਂ ਕਰਦੇ ਹਨ, ਉਨ੍ਹਾਂ ਦਾ ਪ੍ਰਬੰਧ ਕਰਨ ਜਾਂ ਉਨ੍ਹਾਂ ਦੀ ਸਹਾਇਤਾ ਕਰਨ ਲਈ ਜ਼ਿੰਮੇਵਾਰ ਹਨ, ਉਨ੍ਹਾਂ ਨੂੰ ਜਵਾਬਦੇਹ ਠਹਿਰਾਇਆ ਜਾਵੇ। ਅਸੀਂ ਸਾਰੇ ਦੇਸ਼ਾਂ ਨੂੰ ਬੇਨਤੀ ਕਰਦੇ ਹਾਂ ਕਿ ਉਹ ਦਹਿਸ਼ਤਵਾਦ ਦੇ ਮੁਕਾਬਲੇ ਲਈ ਇਕ ਵਿਸਤ੍ਰਿਤ ਪਹੁੰਚ ਅਪਣਾਉਣ, ਜਿਸ ਵਿੱਚ ਗਰਮ ਖਿਆਲੀ ਤੱਤਾਂ ਦਾ ਮੁਕਾਬਲਾ,   ਉਨ੍ਹਾਂ ਦੀ ਭਰਤੀ, ਯਾਤਰਾ ਜਾਂ ਵਿਦੇਸ਼ੀ ਦਹਿਸ਼ਤਵਾਦੀ ਲੜਾਕਿਆਂ ਦਾ ਮੁਕਾਬਲਾ ਕਰਨ, ਦਹਿਸ਼ਤਵਾਦੀ ਫਾਈਨੈਂਸਿੰਗ ਦੇ ਸੋਮਿਆਂ ਅਤੇ ਚੈਨਲਾਂ ਉੱਤੇ ਰੋਕ ਲਗਾਉਣ, ਜਿਸ ਵਿੱਚ ਉਦਾਹਰਣ ਵਜੋਂ ਮਨੀ ਲਾਂਡਰਿੰਗ, ਹਥਿਆਰਾਂ ਦੀ ਸਪਲਾਈ, ਨਸ਼ਿਆਂ ਦੀ ਸਮਗਲਿੰਗ ਅਤੇ ਹੋਰ ਜੁਰਮ ਭਰੀਆਂ ਸਰਗਰਮੀਆਂ ਵਰਗੇ  ਸੰਗਠਿਤ ਜੁਰਮ ਸ਼ਾਮਲ  ਹਨ, ਦਹਿਸ਼ਤਪਸੰਦਾਂ ਦੇ ਟਿਕਾਣਿਆਂ ਨੂੰ ਨਸ਼ਟ ਕਰਨਾ ਅਤੇ ਆਧੁਨਿਕ ਸੂਚਨਾ ਅਤੇ ਟੈਕਨੋਲੋਜੀ  (ਆਈ ਸੀ ਟੀਜ਼) ਦੀ ਮਦਦ ਨਾਲ ਦਹਿਸ਼ਤਪਸੰਦਾਂ ਵਲੋਂ ਇੰਟਰਨੈੱਟ ਦੀ ਵਰਤੋਂ ਨੂੰ ਰੋਕਣਾ ਵਗੈਰਾ ਸ਼ਾਮਲ  ਹੈ।

37. ਅਸੀਂ ਆਈਸੀਟੀਜ਼ ਦੀ ਵਰਤੋਂ ਵਿੱਚ ਸੁਰੱਖਿਆ ਯਕੀਨੀ ਬਣਾਉਣ ਲਈ ਸੰਯੁਕਤ ਰਾਸ਼ਟਰ ਦੇ ਨਿਯਮਾਂ, ਮਿਆਰਾਂ ਅਤੇ ਸਿਧਾਂਤਾਂ ਅਨੁਸਾਰ ਦੇਸ਼ਾਂ ਦੇ ਵਤੀਰੇ ਦੀ ਅਹਿਮੀਅਤ ਉਤੇ ਭਰੋਸਾ ਪ੍ਰਗਟਾਉਂਦੇ ਹਾਂ।

38. ਆਈਸੀਟੀਜ਼ ਵਿੱਚ ਜੋ ਤਰੱਕੀ ਹੋਈ ਹੈ ਅਤੇ ਨਵੇਂ ਮੌਕੇ ਪੈਦਾ ਹੋਏ ਹਨ, ਵਿਸ਼ੇਸ਼ ਤੌਰ ਤੇ ਚੌਥੀ ਸਨਅਤੀ ਕ੍ਰਾਂਤੀ ਦੇ ਸੰਦਰਭ ਵਿੱਚ, ਅਸੀਂ ਉਨ੍ਹਾਂ ਦੇ ਲਾਭਾਂ ਨੂੰ ਗਲੇ ਅਪਣਾਉਂਦੇ ਹਾਂ। ਪਰ ਇਹ ਤਰੱਕੀ ਆਪਣੇ ਨਾਲ ਨਵੀਆਂ ਚੁਣੌਤੀਆਂ ਅਤੇ ਧਮਕੀਆਂ ਵੀ ਲੈ ਕੇ ਆਈ ਹੈ ਕਿ ਆਈਸੀਟੀਜ਼ ਦੀ ਅਪਰਾਧਿਕ ਸਰਗਰਮੀਆਂ ਲਈ ਵਧ ਰਹੀ ਵਰਤੋਂ, ਆਈਈਸੀਟੀਜ਼ ਦੀ ਰਾਜਾਂ ਅਤੇ ਗੈਰ-ਰਾਜੀ ਕਲਾਕਾਰਾਂ ਵਲੋਂ ਕੀਤੀ ਜਾ ਰਹੀ ਗਲਤ ਵਰਤੋਂ ਦਾ ਸਿੱਟਾ ਹੈ। ਇਸ ਸਬੰਧ ਵਿੱਚ ਆਈਸੀਟੀਜ਼ ਦੀ ਦਹਿਸ਼ਤਪਸੰਦਾਂ  ਵਲੋਂ ਕੀਤੀ ਜਾ ਰਹੀ ਅਪਰਾਧਿਕ ਦੁਰਵਰਤੋਂ ਨੂੰ ਰੋਕਣ ਲਈ ਅਸੀਂ ਅੰਤਰਰਾਸ਼ਟਰੀ  ਸਹਿਯੋਗ ਦੀ ਅਹਿਮੀਅਤ ਉੱਤੇ ਜ਼ੋਰ ਦਿੰਦੇ ਹਾਂ ਅਤੇ ਦੁਹਰਾਉਂਦੇ ਹਾਂ ਕਿ ਇਕ ਯੂਨੀਵਰਸਲ ਰੈਗੂਲੇਟਰੀ ਅਥਾਰਟੀ ਕਾਇਮ ਕੀਤੀ ਜਾਵੇ ਜੋ ਕਿ ਸੰਯੁਕਤ ਰਾਸ਼ਟਰ ਤਹਿਤ  ਦਹਿਸ਼ਤਪਸੰਦਾਂ ਦੀਆਂ ਅਪਰਾਧਿਕ ਸਰਗਰਮੀਆਂ  ਦਾ ਟਾਕਰਾ ਕਰ ਸਕੇ। ਆਈਸੀਟੀਜ਼ ਜਾਂ ਕਿਸੇ ਵੀ ਹੋਰ ਸਾਂਝੇ ਤੌਰ ਤੇ ਸਹਿਮਤ ਢਾਂਚੇ ਦੀ ਵਰਤੋਂ ਵਿੱਚ ਸੁਰੱਖਿਆ ਯਕੀਨੀ ਬਣਾਉਣ ਲਈ ਵਿਹਾਰਕ  ਸਹਿਯੋਗ ਦੇ ਬ੍ਰਿਕਸ ਰੋਡਮੈਪ ਦੀ ਤਿਆਰੀ  ਵਿੱਚ ਜੋ ਤਰੱਕੀ ਹੋਈ ਹੈ, ਅਸੀਂ ਉਸ ਦੀ ਸ਼ਲਾਘਾ  ਕਰਦੇ ਹਾਂ । ਅਸੀਂ ਬ੍ਰਿਕਸ ਦੇ ਮੈਂਬਰ ਦੇਸ਼ਾਂ ਵਿੱਚ ਆਈਸੀਟੀਜ਼ ਦੀ ਵਰਤੋਂ ਵਿੱਚ ਸੁਰੱਖਿਆ ਯਕੀਨੀ ਬਣਾਉਣ ਲਈ ਸਹਿਯੋਗ ਦਾ ਢਾਂਚਾ ਤਿਆਰ ਕਰਨ ਬਾਰੇ ਜੋ ਸਹਿਮਤੀ ਬਣੀ ਹੈ ,ਉਸਦੀ ਅਹਿਮੀਅਤ ਨੂੰ ਸਮਝਦੇ ਹਾਂ ਅਤੇ ਇਸ ਸਬੰਧ ਵਿੱਚ ਬ੍ਰਿਕਸ ਦੇ ਮੈਂਬਰ ਦੇਸ਼, ਬ੍ਰਿਕਸ ਅੰਤਰ-ਸਰਕਾਰੀ ਸਮਝੌਤੇ ਬਾਰੇ ਵਿਚਾਰ ਲਈ ਕੰਮ ਕਰਨਗੇ।

III.  ਅੰਤਰਰਾਸ਼ਟਰੀ ਸ਼ਾਂਤੀ ਅਤੇ ਸੁਰੱਖਿਆ ਵਿੱਚ ਬ੍ਰਿਕਸ ਸਹਿਯੋਗ ਨੂੰ ਮਜ਼ਬੂਤ ਅਤੇ ਪੱਕਾ ਕਰਨਾ

39. ਅਸੀਂ ਝਗੜਿਆਂ ਦੇ ਸਿਆਸੀ ਅਤੇ ਡਿਪਲੋਮੈਟਿਕ ਢੰਗਾਂ ਨਾਲ ਸ਼ਾਂਤੀਪੂਰਣ ਨਿਪਟਾਰੇ ਲਈ ਸਾਂਝੇ ਯਤਨ ਕਰਨ ਦੇ ਆਪਣੇ ਵਚਨ ਨੂੰ ਦੁਹਰਾਉਂਦੇ ਹਾਂ ਅਤੇ ਸੰਯੁਕਤ ਰਾਸ਼ਟਰ ਸੁਰੱਖਿਆ ਪਰਿਸ਼ਦ ਦੀ ਅੰਤਰਰਾਸ਼ਟਰੀ ਸ਼ਾਂਤੀ ਅਤੇ ਸੁਰੱਖਿਆ  ਕਾਇਮ ਰੱਖਣ ਵਿੱਚ ਨਿਭਾਈ ਜਾ ਰਹੀ ਮੁੱਢਲੀ ਭੂਮਿਕਾ ਨੂੰ ਮਾਨਤਾ ਦਿੰਦੇ ਹਾਂ।

40. ਮੱਧ-ਪੂਰਬੀ ਖੇਤਰ ਵਿੱਚ ਵਧ ਰਹੇ ਤਨਾਅ ਉੱਤੇ ਅਸੀਂ ਚਿੰਤਾ ਪ੍ਰਗਟਾਉਂਦੇ ਹਾਂ ਅਤੇ ਸਾਡਾ ਵਿਚਾਰ ਹੈ ਕਿ ਕਿਸੇ ਵੀ ਝਗੜੇ ਵਿੱਚ ਗੈਰਕਾਨੂੰਨੀ ਤਾਕਤ ਦੀ ਵਰਤੋਂ ਜਾਂ ਬਾਹਰੀ ਤਾਕਤ ਦੇ ਦਖਲ ਦੀ ਕੋਈ ਗੁੰਜਾਇਸ਼ ਨਹੀਂ ਹੈ ਅਤੇ ਸਦੀਵੀ ਸ਼ਾਂਤੀ ਤਾਂ ਹੀ ਕਾਇਮ ਹੋ ਸਕਦੀ ਹੈ ਜੇ ਵਿਸਤ੍ਰਿਤ ਅਧਾਰ ਵਾਲੀ ਸੰਮਿਲਤ ਕੌਮੀ ਗੱਲਬਾਤ ਕੀਤੀ ਜਾਵੇ ਜਿਸ ਵਿੱਚ ਹਰ ਦੇਸ਼ ਦੀ ਆਜ਼ਾਦੀ ਦੇ ਸਨਮਾਨ , ਖੇਤਰੀ ਅਖੰਡਤਾ ਅਤੇ ਖੇਤਰ ਦੇ ਹਰ ਦੇਸ਼ ਦੀ ਪ੍ਰਭੂਸਤਾ ਦਾ ਧਿਆਨ ਰੱਖਿਆ ਜਾਵੇ। ਅਸੀਂ ਸਹਿਮਤ ਹਾਂ ਕਿ ਖੇਤਰ ਦੇ ਹਰ ਦੇਸ਼ ਵਿੱਚ ਖ਼ਾਸ ਕਰਕੇ ਇਸਰਾਈਲ-ਫਲਸਤੀਨ ਸਥਿਤੀ ਦੇ ਮਾਮਲੇ ਵਿੱਚ,  ਸ਼ਹਿਰੀਆਂ ਦੀਆਂ ਜਾਇਜ਼ ਖਾਹਿਸ਼ਾਂ  ਹਨ ਕਿ ਉਹ ਸਿਵਲ, ਸਿਆਸੀ, ਆਰਥਿਕ ਅਤੇ ਸਭਿਆਚਾਰਕ ਅਧਿਕਾਰਾਂ ਨੂੰ ਮਾਣਨ। 

41. ਅਸੀਂ ਸਹਿਮਤ ਹਾਂ ਕਿ ਮੱਧ ਪੂਰਬ ਅਤੇ ਉੱਤਰੀ ਅਫਰੀਕਾ ਦੇ ਹੋਰ ਖੇਤਰਾਂ ਵਿੱਚ ਜੋ ਝਗੜੇ ਚੱਲ ਰਹੇ ਹਨ ਉਨ੍ਹਾਂ ਦਾ ਹੱਲ ਕੱਢਣ ਵਿੱਚ ਸਮਾਂ ਜ਼ਾਇਆ ਨਾ ਕੀਤਾ ਜਾਵੇ, ਖਾਸ ਤੌਰ ਤੇ ਫਲਸਤੀਨ ਅਤੇ ਇਸਰਾਈਲ ਦੇ ਝਗੜੇ ਦੇ ਮਾਮਲੇ ਵਿੱਚ। ਅਸੀਂ ਇਹ ਚਾਹੁੰਦੇ ਹਾਂ ਕਿ ਇਸਰਾਈਲ -ਫਲਸਤੀਨ ਝਗੜੇ ਦਾ ਨਿਆਂਪੂਰਨ, ਲੰਬੇ ਸਮੇਂ ਤੱਕ ਚੱਲਣ ਵਾਲਾ ਅਤੇ ਵਿਸਤ੍ਰਿਤ ਹੱਲ ਲੱਭਿਆ ਜਾਵੇ ਤਾਂ ਕਿ ਮੱਧ ਪੂਰਬ ਵਿੱਚ ਸੰਯੁਕਤ ਰਾਸ਼ਟਰ ਦੇ ਸਬੰਧਤ ਮਤਿਆਂ, ਮੈਡਰਿਡ ਸਿਧਾਂਤਾਂ, ਅਰਬ ਸ਼ਾਂਤੀ ਪਹਿਲਕਦਮੀਆਂ ਅਤੇ ਵੱਖ ਵੱਖ ਧਿਰਾਂ ਦੇ ਪਿਛਲੇ ਹੋਏ ਸਮਝੌਤਿਆਂ ਅਨੁਸਾਰ ਸ਼ਾਂਤੀ ਕਾਇਮ ਹੋ ਸਕੇ ਅਤੇ ਇੱਕ ਸੁਤੰਤਰ ਖੇਤਰੀ ਅਖੰਡਤਾ ਵਾਲਾ ਫਲਸਤੀਨੀ ਰਾਜ ਇਸਰਾਈਲ ਨਾਲ ਸ਼ਾਂਤੀ ਅਤੇ ਸੁਰੱਖਿਆ ਦੇ ਮਾਹੌਲ ਵਿੱਚ ਰਹਿ ਸਕੇ। ਅਸੀਂ ਦੁਹਰਾਉਂਦੇ ਹਾਂ ਕਿ ਯੇਰੂਸ਼ਲਮ ਦਾ ਦਰਜਾ ਅੰਤਮ ਦਰਜਿਆਂ ਦੇ ਮਾਮਲੇ ਵਿੱਚੋਂ ਇੱਕ ਹੈ ਜਿਸ ਦਾ ਕਿ ਇਸਰਾਈਲ ਅਤੇ ਫਲਸਤੀਨ ਦੀ ਗੱਲਬਾਤ ਵਿੱਚ ਹੱਲ ਕੱਢਿਆ ਜਾਣਾ ਚਾਹੀਦਾ ਹੈ। ਗਾਜ਼ਾ ਦੀ ਸਥਿਤੀ ਬਾਰੇ ਸਾਡਾ ਸਟੈਂਡ ਹੈ ਕਿ ਅਸੀਂ ਸੰਯੁਕਤ ਰਾਸ਼ਟਰ ਜਨਰਲ ਅਸੈਂਬਲੀ ਦੇ ਫਲਸਤੀਨੀ ਅਬਾਦੀ ਦੀ ਰਾਖੀ ਦੇ ਮਤੇ (ਏ/ਆਰਈਐਸ/ਈਐਸ-10/20) ਦੀ ਹਮਾਇਤ ਕਰਦੇ ਹਾਂ ਅਤੇ ਇਸ ਨੂੰ ਪੂਰੀ ਤਰ੍ਹਾਂ ਲਾਗੂ ਕਰਨ ਉੱਤੇ ਜ਼ੋਰ ਦਿੰਦੇ ਹਾਂ।

42. ਅਸੀਂ ਨੀਅਰ ਈਸਟ ਵਿੱਚ ਫਲਸਤੀਨੀ ਸ਼ਰਨਾਰਥੀਆਂ ਲਈ ਸੰਯੁਕਤ ਰਾਸ਼ਟਰ ਸਹਾਇਤਾ ਅਤੇ ਕਾਰਜ ਏਜੰਸੀ (ਯੂਐਨਆਰਡਬਲਿਊਏ) ਨੂੰ ਆਪਣੀ ਪੂਰੀ ਹਮਾਇਤ ਦਿੰਦੇ ਹਾਂ। ਅਸੀਂ 5.3 ਮਿਲੀਅਨ ਫਲਸਤੀਨੀ ਸ਼ਰਨਾਰਥੀਆਂ ਨੂੰ ਸਿਹਤ, ਸਿੱਖਿਆ ਅਤੇ ਹੋਰ ਮੁਢਲੀਆਂ ਸੇਵਾਵਾਂ ਪ੍ਰਦਾਨ ਕਰਨ ਵਿੱਚ ਇਸ ਦੀ ਭੂਮਿਕਾ ਦੀ ਪ੍ਰਸ਼ੰਸਾ ਕਰਦੇ ਹਾਂ ਅਤੇ ਖੇਤਰ ਵਿੱਚ ਸਥਿਰਤਾ ਲਿਆਉਣ ਲਈ ਇਸ ਦੀ ਸਬੰਧਤਾ ਨੂੰ ਮਾਨਤਾ ਦਿੰਦੇ ਹਾਂ ਅਤੇ ਏਜੰਸੀ ਲਈ ਹੋਰ ਲੋੜੀਂਦੀ, ਕਾਫੀ ਅਤੇ ਨਿਰੰਤਰ ਚੱਲਣ ਵਾਲੀ ਫੰਡਿੰਗ ਯਕੀਨੀ ਬਣਾਉਣ ਉੱਤੇ ਜ਼ੋਰ ਦਿੰਦੇ ਹਾਂ।

43. ਯਮਨ ਗਣਰਾਜ ਵਿੱਚ ਲੰਬੇ ਸਮੇਂ ਤੋਂ ਚੱਲ ਰਿਹਾ ਸੰਘਰਸ਼ ਅਤੇ ਪ੍ਰਮੁੱਖ ਮਨੁੱਖਤਾਵਾਦੀ ਸੰਕਟ ਵੀ ਚਿੰਤਾ ਦਾ ਕਾਰਨ ਹੈ। ਅਸੀਂ ਯਮਨ ਦੇ ਸਭ ਹਿੱਸਿਆਂ ਵਿੱਚ ਬਿਨਾ ਰੁਕਾਵਟ ਦੇ ਮਨੁੱਖਤਾਵਾਦੀ ਮਦਦ ਪਹੁੰਚਣ ਦੀ ਹਮਾਇਤ ਦੁਹਰਾਉਂਦੇ ਹਾਂ ਅਤੇ ਅੰਤਰਰਾਸ਼ਟਰੀ  ਭਾਈਚਾਰੇ ਨੂੰ ਬੇਨਤੀ ਕਰਦੇ ਹਾਂ ਕਿ ਤੇਜ਼ੀ ਨਾਲ ਲੋੜੀਂਦੀ ਸਹਾਇਤਾ ਪ੍ਰਦਾਨ ਕਰੇ। ਅਸੀਂ ਸਭ ਧਿਰਾਂ ਨੂੰ ਬੇਨਤੀ ਕਰਦੇ ਹਾਂ ਕਿ ਅੰਤਰਰਾਸ਼ਟਰੀ  ਕਾਨੂੰਨਾਂ ਦਾ ਪੂਰਾ ਸਨਮਾਨ ਕਰਨ, ਦੁਸ਼ਮਣੀ ਨੂੰ ਖਤਮ ਕਰਨ ਅਤੇ ਸੰਯੁਕਤ ਰਾਸ਼ਟਰ ਦੀ ਸ਼ਾਂਤੀ ਵਾਰਤਾ ਵਿੱਚ ਸ਼ਾਮਲ  ਹੋਣ ਜਿਸ ਨਾਲ ਇੱਕ ਸੰਮਿਲਤ ਯਮਨ ਦੀ ਅਗਵਾਈ ਵਾਲੀ ਵਾਰਤਾ ਸ਼ੁਰੂ ਹੋ ਸਕੇ ਅਤੇ ਝਗੜੇ ਦਾ ਸਿਆਸੀ ਹੱਲ ਨਿਕਲ ਸਕੇ।

44. ਅਸੀਂ ਖਾੜੀ ਖੇਤਰ ਵਿੱਚ ਮੌਜੂਦਾ ਡਿਪਲੋਮੈਟਿਕ ਸੰਕਟ ਵਿੱਚ ਸ਼ਾਮਲ ਸਾਰੀਆਂ ਪਾਰਟੀਆਂ ਨੂੰ ਸੱਦਾ ਦਿੰਦੇ ਹਾਂ ਕਿ ਉਹ ਆਪਣੇ ਮੱਤਭੇਦਾਂ ਨੂੰ ਗੱਲਬਾਤ ਰਾਹੀਂ ਦੂਰ ਕਰਨ ਅਤੇ ਕੁਵੈਤ ਵੱਲੋਂ ਇਸ ਸਬੰਧ ਵਿੱਚ ਕੀਤੇ ਜਾ ਰਹੇ ਯਤਨਾਂ ਦਾ ਸਵਾਗਤ ਕਰਦੇ ਹਾਂ।

45. ਅਸੀਂ ”ਅਫਗਾਨ ਦੀ ਅਗਵਾਈ, ਅਫਗਾਨ ਦੀ ਮਲਕੀਅਤ” ਵਾਲੇ ਰਾਸ਼ਟਰੀ ਸ਼ਾਂਤੀ ਅਤੇ ਸਮਝੌਤਾ ਅਮਲ ਦੀ ਹਮਾਇਤ ਕਰਦੇ ਹਾਂ। ਅਸੀਂ ਅਫਗਾਨਿਸਤਾਨ ਦੀ ਵਿਗੜ ਰਹੀ ਸਥਿਤੀ, ਖਾਸ ਕਰਕੇ ਅਫਗਾਨ ਰਾਸ਼ਟਰੀ ਸੁਰੱਖਿਆ ਫੋਰਸਾਂ, ਸਰਕਾਰ ਅਤੇ ਸ਼ਹਿਰੀਆਂ ਉੱਤੇ ਵੱਧ ਰਹੇ ਹਮਲਿਆਂ ਉੱਤੇ ਚਿੰਤਾ ਪ੍ਰਗਟਾਉਂਦੇ ਹਾਂ। ਅਸੀਂ ਅੰਤਰਰਾਸ਼ਟਰੀ ਭਾਈਚਾਰੇ ਨੂੰ ਕਹਿੰਦੇ ਹਾਂ ਕਿ ਅਫਗਾਨਿਸਤਾਨ ਦੀ ਸਰਕਾਰ ਅਤੇ ਲੋਕਾਂ ਦੀ ਸ਼ਾਂਤੀ ਕਾਇਮ ਕਰਨ ਦੇ ਟੀਚੇ ਵਿੱਚ ਮਦਦ ਕਰਨ। ਅਸੀਂ ਅਕਤੂਬਰ, 2018 ਵਿੱਚ ਉਥੇ ਹੋ ਰਹੀਆਂ ਸੰਸਦੀ ਚੋਣਾਂ ਅਤੇ 2019 ਵਿੱਚ ਹੋ ਰਹੀਆਂ ਰਾਸ਼ਟਰਪਤੀ ਚੋਣਾਂ ਦਾ ਸਵਾਗਤ ਕਰਦੇ ਹਾਂ।

46. ਅਸੀਂ ਸੀਰੀਆ ਵਿੱਚ ਜਾਰੀ ਸੰਘਰਸ਼ ਲਈ ਸਿਆਸੀ ਮਤੇ ਪ੍ਰਤੀ ਵਚਨਬੱਧਤਾ ਨੂੰ ਦੁਹਰਾਉਂਦੇ ਹਾਂ। ਇਸ ਮਤੇ ਰਾਹੀਂ ”ਸੀਰੀਆ ਦੀ ਅਗਵਾਈ ਵਿੱਚ ਸੀਰੀਆ ਦੀ ਮਲਕੀਅਤ” ਦੇ ਸਿਆਸੀ ਅਮਲ ਦਾ ਪ੍ਰਬੰਧ ਹੈ ਜੋ ਕਿ ਦੇਸ਼ ਦੀ ਪ੍ਰਭੂਸੱਤਾ, ਆਜ਼ਾਦੀ ਅਤੇ ਖੇਤਰੀ ਅਖੰਡਤਾ ਨਾਲ ਸਬੰਧਤ ਹੈ ਅਤੇ ਇਹ ਸੰਯੁਕਤ ਰਾਸ਼ਟਰ ਸੁਰੱਖਿਆ ਪਰਿਸ਼ਦ ਦੇ ਮਤਾ ਨੰਬਰ 2254 (2015) ਦੇ ਹਿਸਾਬ ਨਾਲ ਹੈ ਅਤੇ ਇਸ ਵਿੱਚ ਸੋਚੀ ਵਿੱਚ ਹੋਈ ਸੀਰੀਆ ਦੀ ਰਾਸ਼ਟਰੀ ਗੱਲਬਾਤ ਨੂੰ ਧਿਆਨ ਵਿੱਚ ਰੱਖਿਆ ਗਿਆ ਹੈ। ਅਸੀਂ ਜਨੇਵਾ ਅਮਲ ਅਤੇ ਸੰਯੁਕਤ ਰਾਸ਼ਟਰ ਵੱਲੋਂ ਕੀਤੀ ਗਈ ਵਿਚੋਲਗੀ ਦੀ ਪੇਸ਼ਕਸ਼ ਨੂੰ ਆਪਣੀ ਹਮਾਇਤ ਦਿੰਦੇ ਹਾਂ ਅਤੇ ਨਾਲ ਹੀ ਅਸਟਾਨਾ ਅਮਲ ਨੂੰ ਵੀ ਹਮਾਇਤ ਦਿੰਦੇ ਹਾਂ ਜਿਸ ਵਿੱਚ ਜ਼ਮੀਨ ਉੱਤੇ ਹਾਂ-ਪੱਖੀ ਸੰਕੇਤ ਨਜ਼ਰ ਆਏ ਸਨ ਅਤੇ ਦੋਹਾਂ ਪਹਿਲਕਦਮੀਆਂ ਵਿੱਚ ਸੰਪੂਰਕਤਾ ਉੱਤੇ ਜ਼ੋਰ ਦਿੱਤਾ ਸੀ। ਅਸੀਂ ਸੀਰੀਆ ਮਸਲੇ ਦੇ ਸ਼ਾਂਤੀਪੂਰਨ ਹੱਲ ਲਈ ਵਚਨਬੱਧਤਾ ਨੂੰ ਦੁਹਰਾਉਂਦੇ ਹਾਂ ਅਤੇ ਅਸੀਂ ਉਨ੍ਹਾਂ ਕਦਮਾਂ ਦੇ ਵਿਰੋਧੀ ਹਾਂ ਜੋ ਕਿ ਸੰਯੁਕਤ ਰਾਸ਼ਟਰ ਚਾਰਟਰ ਅਤੇ ਸੰਯੁਕਤ ਰਾਸ਼ਟਰ ਸੁਰੱਖਿਆ ਪਰਿਸ਼ਦ (ਯੂਐਨਐੱਸਸੀ) ਦੇ ਅਧਿਕਾਰਾਂ ਵਿਰੁੱਧ ਚਲਾਏ ਜਾ ਰਹੇ ਹਨ ਅਤੇ ਜੋ ਸਿਆਸੀ ਅਮਲ ਨੂੰ ਅੱਗੇ ਵਧਣ ਵਿੱਚ ਕੋਈ ਹਿੱਸਾ ਨਹੀਂ ਪਾ ਰਹੇ। ਅਸੀਂ ਸੀਰੀਆ ਵਿੱਚ ਦਹਿਸ਼ਤਪਸੰਦ ਸੰਗਠਨਾਂ ਵਿਰੁੱਧ ਚੱਲ ਰਹੀ ਜੰਗ ਵਿੱਚ ਏਕਤਾ ਦੀ ਅਹਿਮੀਅਤ ਨੂੰ ਉਘਾੜਿਆ ਹੈ। ਅਸੀਂ ਕਿਸੇ ਵੀ ਧਿਰ ਵੱਲੋਂ, ਕਿਸੇ ਵੀ ਉਦੇਸ਼ ਲਈ ਅਤੇ ਕਿਸੇ ਵੀ ਹਾਲਾਤ ਵਿੱਚ ਰਸਾਇਣਕ ਹਥਿਆਰਾਂ ਦੀ ਵਰਤੋਂ ਦੀ ਸਖਤ ਆਲੋਚਨਾ ਕਰਦੇ ਹਾਂ ਅਤੇ ਅਜਿਹੀਆਂ ਕਥਿਤ ਘਟਨਾਵਾਂ ਪ੍ਰਤੀ ਆਪਣੀ ਵਿਸਤ੍ਰਿਤ, ਹਾਂ-ਪੱਖੀ, ਸੁਤੰਤਰ ਅਤੇ ਪਾਰਦਰਸ਼ੀ ਜਾਂਚ ਉੱਤੇ ਜ਼ੋਰ ਦਿੰਦੇ ਹਾਂ। ਅਸੀਂ ਸੀਰੀਆ ਦੇ ਲੋਕਾਂ ਲਈ, ਉਥੋਂ ਦੀਆਂ ਮੁੜ ਉਸਾਰੀ ਦੀਆਂ ਜ਼ਰੂਰਤਾਂ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਲੋੜੀਂਦੀ ਮਨੁੱਖਤਾਵਾਦੀ ਮਦਦ ਵਧਾਉਣ ਉੱਤੇ ਜ਼ੋਰ ਦਿੰਦੇ ਹਾਂ।

47. ਈੇਰਾਨ ਦੇ ਪ੍ਰਮਾਣੂ ਪ੍ਰੋਗਰਾਮ ਬਾਰੇ ਸਾਂਝੀ ਵਿਸਤ੍ਰਿਤ ਕਾਰਵਾਈ ਯੋਜਨਾ (ਜੇਸੀਪੀਓਏ) ਨੂੰ ਯਾਦ ਕਰਦਿਆਂ ਅਸੀਂ ਸਾਰੀਆਂ ਪਾਰਟੀਆਂ ਨੂੰ ਕਹਿੰਦੇ ਹਾਂ ਕਿ ਉਹ ਆਪਣੀਆਂ ਜ਼ਿੰਮੇਵਾਰੀਆਂ ਨੂੰ ਸਮਝਣ ਅਤੇ ਜੇਸੀਪੀਓਏ ਨੂੰ ਪੂਰੀ ਤਰ੍ਹਾਂ ਅਤੇ ਪ੍ਰਭਾਵੀ ਢੰਗਾਂ ਨਾਲ ਲਾਗੂ ਕਰਨ ਤਾਂ ਕਿ ਅੰਤਰਰਾਸ਼ਟਰੀ ਅਤੇ ਖੇਤਰੀ ਸ਼ਾਂਤੀ ਅਤੇ ਸੁਰੱਖਿਆ ਨੂੰ ਹਲਾਸ਼ੇਰੀ ਮਿਲ ਸਕੇ।

48. ਅਸੀਂ ਕੋਰੀਆਈ ਖੇਤਰ ਵਿੱਚ ਪ੍ਰਮਾਣੂ ਹਥਿਆਰਾਂ ਨੂੰ ਖਤਮ ਕਰਨ ਅਤੇ ਉੱਤਰ ਪੂਰਬੀ ਏਸ਼ੀਆ ਵਿੱਚ ਸ਼ਾਂਤੀ ਅਤੇ ਸਥਿਰਤਾ ਕਾਇਮ ਰੱਖਣ ਲਈ ਜੋ ਹਾਲੀਆ ਕਾਰਵਾਈਆਂ ਹੋਈਆਂ ਹਨ ਉਨ੍ਹਾਂ ਦਾ ਸਵਾਗਤ ਕਰਦੇ ਹਾਂ। ਅਸੀਂ ਸਥਿਤੀ ਦਾ ਇੱਕ ਸ਼ਾਂਤੀਪੂਰਨ, ਡਿਪਲੋਮੈਟਿਕ ਅਤੇ ਸਿਆਸੀ ਹੱਲ ਲੱਭਣ ਵਿੱਚ ਆਪਣਾ ਭਰੋਸਾ ਦੁਹਰਾਉਂਦੇ ਹਾਂ।

49. ਅਸੀਂ ਬਾਹਰਲੇ ਪੁਲਾੜ ਵਿੱਚ ਅਤੇ ਬਾਹਰਲੇ ਪੁਲਾੜ ਲਈ ਫੌਜੀ ਸੰਘਰਸ਼ ਦਾ ਅਖਾੜਾ ਬਣਨ ਦੀ ਸੰਭਾਵਨਾ ਪ੍ਰਤੀ ਆਪਣੀ ਚਿੰਤਾ ਪ੍ਰਗਟਾਉਂਦੇ ਹਾਂ। ਅਸੀਂ ਦੁਹਰਾਉਂਦੇ ਹਾਂ ਕਿ ਇਸ ਹਥਿਆਰ ਦੌੜ, ਜਿਸ ਵਿੱਚ ਬਾਹਰਲੇ ਪੁਲਾੜ ਵਿੱਚ ਹਥਿਆਰ ਰੱਖਣਾ ਵੀ ਸ਼ਾਮਲ ਹੈ, ਤੋਂ ਬਚਾਅ ਕਰਕੇ ਅੰਤਰਰਾਸ਼ਟਰੀ ਸ਼ਾਤੀ ਅਤੇ ਸੁਰੱਖਿਆ ਦੇ ਖਤਰੇ ਨੂੰ ਟਾਲ ਸਕਦੇ ਹਾਂ। ਅਸੀਂ ਬਾਹਰਲੇ ਪੁਲਾੜ ਦੀ ਸ਼ਾਂਤੀਪੂਰਨ ਉਦੇਸ਼ਾਂ ਲਈ ਵਰਤੋਂ ਲਈ ਮੌਜੂਦਾ ਕਾਨੂੰਨੀ ਢਾਂਚੇ ਦੀ ਸਖਤੀ ਨਾਲ ਪਾਲਣਾ ਕਰਨ ਉੱਤੇ ਜ਼ੋਰ ਦਿੰਦੇ ਹਾਂ। ਅਸੀਂ ਮੁੜ ਕਹਿੰਦੇ ਹਾਂ ਕਿ ਇਸ ਹਕੂਮਤ  ਨੂੰ ਹੋਰ ਮਜ਼ਬੂਤ ਕੀਤੇ ਜਾਣ ਦੀ ਲੋੜ ਹੈ।  ਅਸੀਂ ਸਰਕਾਰੀ ਮਾਹਿਰਾਂ ਦੇ ਕਾਇਮ ਕੀਤੇ ਗਏ ਉਸ ਗਰੁੱਪ ਦਾ ਸਵਾਗਤ ਕਰਦੇ ਹਾਂ ਜੋ ਕਿ ਬਾਹਰਲੇ ਪੁਲਾੜ ਵਿੱਚ ਹਥਿਆਰਾਂ ਦੀ ਦੌੜ ਨੂੰ ਰੋਕਣ ਅਤੇ ਬਾਹਰਲੇ ਪੁਲਾੜ ਵਿੱਚ ਹਥਿਆਰਾਂ ਨੂੰ ਰੱਖਣ ਉੱਤੇ ਕਾਨੂੰਨੀ ਤੌਰ ਤੇ ਪਾਬੰਦੀ ਲਗਾਉਣ ਵਾਲੇ ਕਦਮਾਂ ਉੱਤੇ ਵਿਚਾਰ ਕਰਨ ਲਈ ਬਣਿਆ ਹੈ। ਅਸੀਂ ਜ਼ੋਰ ਦਿੰਦੇ ਹਾਂ ਕਿ ਵਿਹਾਰਕ ਪਾਰਦਰਸ਼ਤਾ ਅਤੇ ਭਰੋਸਾ ਵਧਾਉਣ ਦੇ ਕਦਮ ਬਾਹਰਲੇ ਪੁਲਾੜ ਵਿੱਚ ਹਥਿਆਰ ਨਾ ਰੱਖਣ ਵਿੱਚ ਅਹਿਮ ਭੂਮਿਕਾ ਨਿਭਾ ਸਕਦੇ ਹਨ। ਅਸੀਂ ਦੁਹਰਾਉਂਦੇ ਹਾਂ ਕਿ ਨਿਸ਼ਸਤਰੀਕਰਨ ਬਾਰੇ ਕਾਨਫਰੰਸ, ਜੋ ਕਿ ਨਿਸ਼ਸਤਰੀਕਰਨ ਰੋਕਣ ਬਾਰੇ ਇਕਹਿਰਾ ਬਹੁਪੱਖੀ  ਫੋਰਮ ਹੈ, ਦੀ ਬਹੁਉਦੇਸ਼ੀ ਸਮਝੌਤੇ ਜਾਂ ਸਮਝੌਤਿਆਂ ਲਈ ਗੱਲਬਾਤ ਵਿੱਚ ਮੁੱਖ ਭੂਮਿਕਾ ਹੈ, ਜੋ ਕਿ ਸਭ ਪਹਿਲੂਆਂ ਤੋਂ ਬਾਹਰਲੇ ਪੁਲਾੜ ਵਿੱਚ  ਹਥਿਆਰਾਂ ਦੀ ਦੌੜ ਰੋਕਣ ਵਿੱਚ ਅਹਿਮ ਭੂਮਿਕਾ ਨਿਭਾ ਸਕਦਾ ਹੈ।

50. ਅਸੀਂ ਦੱਖਣੀ ਅਫਰੀਕਾ ਵੱਲੋਂ ਬ੍ਰਿਕਸ ਦੇ ਵਿਦੇਸ਼ ਮਾਮਲਿਆਂ / ਅੰਤਰਰਾਸ਼ਟਰੀ ਸਬੰਧਾਂ ਬਾਰੇ ਮੰਤਰੀਆਂ ਦੀ 4 ਜੂਨ, 2018 ਨੂੰ ਪ੍ਰੀਟੋਰੀਆ ਵਿੱਚ ਮੀਟਿੰਗ ਦੀ ਮੇਜ਼ਬਾਨੀ ਕਰਨ ਦਾ ਸਵਾਗਤ ਕਰਦੇ ਹਾਂ। ਮੰਤਰੀਆਂ ਨੇ ਇਸ ਮੀਟਿੰਗ ਵਿੱਚ ਵਿਸ਼ਵ ਦੇ ਪ੍ਰਮੁੱਖ ਸਿਆਸੀ, ਸੁਰੱਖਿਆ, ਸਬੰਧੀ ਆਰਥਿਕ ਅਤੇ ਵਿੱਤੀ ਮੁੱਦਿਆਂ ਉੱਤੇ ਅਤੇ ਬ੍ਰਿਕਸ ਸਹਿਯੋਗ ਨੂੰ ਮਜ਼ਬੂਤ ਕਰਨ ਬਾਰੇ ਚਰਚਾ ਕੀਤੀ। ਅਸੀਂ ਸੰਯੁਕਤ ਰਾਸ਼ਟਰ ਜਨਰਲ ਅਸੈਂਬਲੀ ਦੇ 73ਵੇਂ ਸੈਸ਼ਨ ਦੇ ਹਾਸ਼ੀਏ ਉੱਤੇ ਬ੍ਰਿਕਸ ਦੇਸ਼ਾਂ ਦੇ ਵਿਦੇਸ਼ ਮੰਤਰੀਆਂ /ਅੰਤਰਰਾਸ਼ਟਰੀ ਸਬੰਧਾਂ ਬਾਰੇ ਮੰਤਰੀਆਂ ਦੀ ਹੋਣ ਵਾਲੀ ਮੀਟਿੰਗ ਦੀ ਉਡੀਕ ਕਰ ਰਹੇ ਹਾਂ।

51. ਅਸੀਂ ਸੁਰੱਖਿਆ ਬਾਰੇ ਬ੍ਰਿਕਸ ਦੇ ਉੱਚ ਨੁਮਾਇੰਦਿਆਂ ਦੀ 28 ਅਤੇ 29 ਜੂਨ, 2018 ਨੂੰ ਡਰਬਨ ਵਿੱਚ ਹੋਈ ਮੀਟਿੰਗ ਦਾ ਸਵਾਗਤ ਕਰਦੇ ਹਾਂ ਅਤੇ ਬ੍ਰਿਕਸ ਦੀ ਵਿਸ਼ਵ ਸੁਰੱਖਿਆ ਮਾਹੌਲ, ਦਹਿਸ਼ਤਵਾਦ ਦੇ ਟਾਕਰੇ, ਆਈਸੀਟੀਜ਼ ਦੀ ਵਰਤੋਂ ਵਿੱਚ ਸੁਰੱਖਿਆ, ਪ੍ਰਮੁੱਖ ਅੰਤਰਰਾਸ਼ਟਰੀ ਅਤੇ ਖੇਤਰੀ ਹਾਟ ਸਪਾਟਸ, ਬਹੁਰਾਸ਼ਟਰੀ ਸੰਗਠਿਤ ਜੁਰਮ, ਸ਼ਾਂਤੀ ਕਾਇਮ ਰੱਖਣ ਅਤੇ ਰਾਸ਼ਟਰੀ ਸੁਰੱਖਿਆ ਅਤੇ ਵਿਕਾਸ ਦੇ ਮੁੱਦਿਆਂ ਵਿੱਚ ਸੰਪਰਕ ਬਾਰੇ ਚਰਚਾ ਲਈ ਉਸਦੀ ਪ੍ਰਸ਼ੰਸਾ ਕਰਦੇ ਹਾਂ।

52. ਅਸੀਂ ਅੰਤਰਰਾਸ਼ਟਰੀ ਸ਼ਾਂਤੀ ਅਤੇ ਸੁਰੱਖਿਆ ਵਿੱਚ ਸੰਯੁਕਤ ਰਾਸ਼ਟਰ ਦੇ ਸ਼ਾਂਤੀ ਕਾਇਮ ਰੱਖਣ ਦੇ ਯਤਨਾਂ ਅਤੇ ਇਸ ਸਬੰਧ ਵਿੱਚ ਬ੍ਰਿਕਸ ਦੇਸ਼ਾਂ ਦੀ ਅਹਿਮ ਭੂਮਿਕਾ ਉੱਤੇ ਜ਼ੋਰ ਦਿੰਦੇ ਹਾਂ। ਅਸੀਂ ਬ੍ਰਿਕਸ ਦੇਸ਼ਾਂ ਦੀ ਲੋੜ ਨੂੰ ਇਸ ਲਈ ਮਹਿਸੂਸ ਕਰਦੇ ਹਾਂ ਤਾਂ ਕਿ ਸੰਯੁਕਤ ਰਾਸ਼ਟਰ ਅਤੇ ਦੱਖਣੀ ਅਫਰੀਕਾ ਪਹਿਲਕਦਮੀ ਵਿੱਚ ਸ਼ਾਂਤੀ ਕਾਇਮ ਰੱਖਣ ਦੇ ਯਤਨਾਂ ਵਿੱਚ ਮਦਦ ਮਿਲ ਸਕੇ ਅਤੇ ਆਪਸੀ ਸੰਚਾਰ ਅਤੇ ਸਹਿਯੋਗ ਨੂੰ ਹੋਰ ਵਧਾਇਆ ਜਾ ਸਕੇ।

53. ਅਸੀਂ ਅਫ਼ਰੀਕੀ ਯੂਨੀਅਨ ਦੇ ਯਤਨਾਂ ਦੀ ਪ੍ਰਸ਼ੰਸਾ ਕਰਦੇ ਹਾਂ ਜੋ ਕਿ ਮਹਾਂਦੀਪ ਵਿੱਚ ਝਗੜਿਆਂ ਨੂੰ ਹੱਲ ਕਰਨ ਅਤੇ ਉਨ੍ਹਾਂ ਦਾ ਪ੍ਰਬੰਧ ਕਰਨ ਦੇ ਉਦੇਸ਼ ਨਾਲ ਕੀਤੇ ਜਾ ਰਹੇ ਹਨ। ਅਸੀਂ ਸੰਯੁਕਤ ਰਾਸ਼ਟਰ ਸੁਰੱਖਿਆ ਪਰਿਸ਼ਦ ਅਤੇ ਅਫ਼ਰੀਕੀ ਯੂਨੀਅਨ ਸ਼ਾਂਤੀ ਅਤੇ ਸੁਰੱਖਿਆ ਪਰਿਸ਼ਦ ਵਿੱਚ ਸਹਿਯੋਗ ਨੂੰ ਮਜ਼ਬੂਤ ਕਰਨ ਦਾ ਵੀ ਸਵਾਗਤ ਕਰਦੇ ਹਾਂ। ਅਸੀਂ ਅਫ਼ਰੀਕੀ  ਯੂਨੀਅਨ ਦੇ ਉਸ ਵਾਅਦੇ ਦੀ ਪ੍ਰਸ਼ੰਸਾ ਕਰਦੇ ਹਾਂ ਜੋ ਕਿ ”2020  ਤੱਕ ਤੋਪਾਂ ਨੂੰ ਚੁੱਪ ਕਰਵਾਉਣ” ਲਈ ਕੀਤਾ ਗਿਆ ਅਤੇ ਅਫਰੀਕਨ ਪੀਸ ਐਂਡ ਸਕਿਓਰਟੀ ਆਰਕੀਟੈਕਚਰ ਨੂੰ ਮਜ਼ਬੂਤ ਕਰਨ ਦੇ ਯਤਨਾਂ ਨੂੰ ਹਮਾਇਤ ਦਿੰਦੇ ਹਾਂ।

1. ਸਰਬਵਿਆਪੀ ਆਰਥਕ ਵਸੂਲੀ ਲਈ ਬ੍ਰਿਕਸ ਭਾਈਵਾਲੀ, ਵਿੱਤ ਅਤੇ ਆਰਥਕ ਸਰਬਵਿਆਪੀ ਪ੍ਰਬੰਧਨ ਸੰਸਥਾਵਾਂ ਵਿੱਚ ਸੁਧਾਰ ਅਤੇ ਚੌਥੀ ਸਨਅਤੀ ਕ੍ਰਾਂਤੀ

54. ਅਸੀਂ ਇਸ ਗੱਲ ਦਾ ਸਵਾਗਤ ਕਰਦੇ ਹਾਂ ਕਿ ਗਲੋਬਲ ਅਰਥ ਵਿਵਸਥਾ ਵਿੱਚ ਸੁਧਾਰ ਹੋ ਰਿਹਾ ਹੈ। ਇਹ ਵੀ ਮਹਿਸੂਸ ਕੀਤਾ ਗਿਆ ਹੈ ਕਿ ਵਿਕਾਸ ਘੱਟ ਸਮਕਾਲੀਨ ਹੈ ਅਤੇ ਹੇਠਲੇ ਪੱਧਰ ਦੇ ਜੋਖ਼ਮ ਅਜੇ ਵੀ ਮੌਜੂਦ ਹਨ। ਅਜਿਹਾ ਕਈ ਤਰ੍ਹਾਂ ਦੀਆਂ ਚੁਣੌਤੀਆਂ ਵਿੱਚ ਝਲਕਦਾ ਹੈ ਜਿਨ੍ਹਾਂ ਵਿੱਚ ਵੱਧ ਰਹੇ ਵਪਾਰ ਝਗੜੇ, ਭੂ-ਸਿਆਸੀ ਜੋਖ਼ਮ, ਵਸਤਾਂ ਦੀਆਂ ਕੀਮਤਾਂ ਵਿੱਚ ਤੇਜ਼ੀ, ਉੱਚ ਨਿੱਜੀ ਅਤੇ ਜਨਤਕ ਕਰਜ਼ਾ , ਨਾਬਰਾਬਰੀ ਅਤੇ ਨਾਕਾਫੀ ਸੰਮਿਲਤ ਵਿਕਾਸ ਸ਼ਾਮਲ ਹਨ। ਅਸੀਂ ਇਸ ਗੱਲ ਨੂੰ ਯਕੀਨੀ ਬਣਾਉਣ ਦੀ ਅਹਿਮੀਅਤ ਨੂੰ ਸਮਝਦੇ ਹਾਂ ਕਿ ਵਿਕਾਸ ਦੇ ਲਾਭ ਵਧੇਰੇ ਸੰਮਿਲਤ ਢੰਗ ਨਾਲ ਸਾਂਝੇ ਕੀਤੇ ਜਾਣ। ਅਸੀਂ ਵਿਸ਼ਵ ਵਪਾਰ ਦੇ ਵਾਧੇ  ਲਈੇ  ਹੋਰ ਵਧੇਰੇ ਅਨੁਕੂਲ ਬਾਹਰੀ ਮਾਹੌਲ ਦੀ ਅਹਿਮੀਅਤ ਉੱਤੇ ਜ਼ੋਰ ਦਿੰਦੇ ਹਾਂ ।

55. ਬ੍ਰਿਕਸ ਆਰਥਿਕਤਾਵਾਂ ਗਲੋਬਲ ਆਰਥਕ ਪ੍ਰਸਾਰ ਅਤੇ ਨਜ਼ਰੀਏ ਦੀ ਹਮਾਇਤ ਕਰਦੀਆਂ ਹਨ।  ਅਸੀਂ ਵਿੱਤੀ,  ਮਾਲੀ ਅਤੇ ਢਾਂਚਾਗਤ ਨੀਤੀਆਂ ਦੀ ਵਰਤੋਂ ਦੇ ਹਮਾਇਤੀ ਹਾਂ ਤਾਂਕਿ ਇਕ ਮਜ਼ਬੂਤ,  ਟਿਕਾਊ, ਸੰਤੁਲਤ ਅਤੇ ਸ਼ਮੂਲੀਅਤ ਵਾਲਾ ਵਿਕਾਸ ਹੋ ਸਕੇ। ਅਸੀਂ ਇਸ ਗੱਲ ਉੱਤੇ ਚਿੰਤਤ ਹਾਂ ਕਿ ਕੁਝ ਪ੍ਰਮੁੱਖ ਅਗਾਂਹਵਧੂ ਆਰਥਕ ਤਾਵਾਂ ਕੁਝ ਉਭਰ ਰਹੀਆਂ ਆਰਥਕ ਤਾਵਾਂ ਵਿੱਚ  ਵਿੱਤੀ  ਵਿਸਫੋਟ ਪੈਦਾ ਕਰ ਸਕਦੀਆਂ ਹਨ ਅਤੇ ਉਨ੍ਹਾਂ ਦੇ ਵਿਕਾਸ ਦੀਆਂ ਸੰਭਾਵਨਾਵਾਂ ਨੂੰ ਪ੍ਰਭਾਵਿਤ ਕਰ ਸਕਦੀਆਂ ਹਨ। ਅਸੀਂ ਪ੍ਰਮੁੱਖ ਵਿਕਸਤ ਅਤੇ ਉਭਰ ਰਹੀਆਂ ਮਾਰਕੀਟ ਆਰਥਕਤਾਵਾਂ ਨੂੰ ਸੱਦਾ ਦਿੰਦੇ ਹਾਂ ਕਿ ਉਹ ਨੀਤੀ ਸੰਬੰਧੀ ਗੱਲਬਾਤ ਅਤੇ ਤਾਲਮੇਲ ਨੂੰ ਜਾਰੀ ਰੱਖਣ, ਅਜਿਹਾ ਜੀ-20, ਐੱਫਐੱਸਬੀ ਅਤੇ ਹੋਰ ਫੋਰਮਾਂ ਦੇ ਸੰਦਰਭ ਵਿੱਚ ਕੀਤਾ ਜਾਵੇ ਤਾਂਕਿ ਉਨ੍ਹਾਂ ਦੇ ਸਮਰੱਥਾ ਜੋਖ਼ਮਾਂ ਦਾ ਹੱਲ ਕੱਢਿਆ ਜਾ ਸਕੇ।

56. ਜੋਹਾਨਸਬਰਗ ਸਿਖ਼ਰ ਸੰਮੇਲਨ ਵਿੱਚ ਜੋ ਚੌਥੀ ਸਨਅਤੀ ਕ੍ਰਾਂਤੀ ਉਤੇ ਧਿਆਨ ਕੇਂਦ੍ਰਿਤ ਕੀਤਾ ਗਿਆ ਸੀ, ਉਸ ਨੂੰ ਯਾਦ ਕਰਦਿਆਂ ਅਤੇ ਸਾਇੰਸ ਅਤੇ ਟੈਕਨੋਲੋਜੀ ਅਤੇ ਸਨਅਤੀ ਮੰਤਰੀਆਂ ਦੀਆਂ ਬ੍ਰਿਕਸ ਮੀਟਿੰਗਾਂ ਦੇ ਨਤੀਜਿਆਂ ਨੂੰ ਵੇਖਦਿਆਂ ਅਸੀਂ ਨਵੀਂ ਸਨਅਤੀ ਕ੍ਰਾਂਤੀ (ਪਾਰਟ ਐੱਨਆਈਆਰ) ਵਿੱਚ ਬ੍ਰਿਕਸ ਭਾਈਵਾਲੀ ਦੀ ਸਥਾਪਨਾ ਦੀ ਪ੍ਰਸ਼ੰਸਾ ਕਰਦੇ ਹਾਂ। ਪਾਰਟ ਐੱਨਆਈਆਰ ਦੇ ਪੂਰੀ ਤਰ੍ਹਾਂ ਚਾਲੂ ਹੋ ਜਾਣ ਤੋਂ ਬਾਅਦ ਇਕ ਸਲਾਹਕਾਰੀ  ਗਰੁੱਪ ਕਾਇਮ ਕੀਤਾ ਜਾਵੇਗਾ। ਇਸ ਗਰੁੱਪ ਵਿੱਚ ਬ੍ਰਿਕਸ ਦੇ ਸਨਅਤ ਮੰਤਰੀਆਂ ਦੇ ਸਬੰਧਿਤ ਨੁਮਾਇੰਦੇ ਸ਼ਾਮਲ  ਹੋਣਗੇ ਜਿਨ੍ਹਾਂ ਦੀ ਚੋਣ ਸਬੰਧਿਤ ਮੰਤਰੀਆਂ ਨਾਲ ਸਲਾਹ ਕਰਕੇ ਕੀਤੀ ਜਾਵੇਗੀ। ਇਨ੍ਹਾਂ ਵੱਲੋਂ ਫਿਰ ਨਿਯਮ ਤੇ ਸ਼ਰਤਾਂ ਅਤੇ ਚੌਥੀ ਸਨਅਤੀ ਕ੍ਰਾਂਤੀ ਨਾਲ ਮੇਲ ਖਾਂਦੀ ਕਾਰਜਯੋਜਨਾ ਤੈਅ ਕੀਤੀ ਜਾਵੇਗੀ। ਪਾਰਟ ਐੱਨਆਈਆਰ ਦਾ ਉਦੇਸ਼ ਡਿਜੀਟੀਲਾਈਜ਼ੇਸ਼ਨ, ਸਨਅਤੀਕਰਨ, ਨਵੀਂ ਖੋਜ, ਸ਼ਮੂਲੀਅਤ ਅਤੇ ਨਿਵੇਸ਼ ਵਿੱਚ ਬ੍ਰਿਕਸ ਸਹਿਯੋਗ ਨੂੰ ਮਜ਼ਬੂਤ ਕਰਨਾ , ਮੌਕਿਆਂ ਨੂੰ ਵੱਧ ਤੋਂ ਵੱਧ ਕਰਨਾ ਅਤੇ ਚੌਥੀ ਸਨਅਤੀ ਕ੍ਰਾਂਤੀ ਤੋਂ ਪੈਦਾ ਹੋਣ ਵਾਲੀਆਂ ਚੁਣੌਤੀਆਂ ਨਾਲ ਨਜਿੱਠਣਾ ਹੋਵੇਗਾ। ਇਸ ਲਈ  ਮੁਕਾਬਲੇ ਦੇ ਲਾਭਾਂ ਵਿੱਚ ਵਾਧਾ ਕਰਨਾ,  ਆਰਥਕ  ਵਿਕਾਸ ਵਿੱਚ ਤੇਜ਼ੀ ਲਿਆਉਣਾ, ਬ੍ਰਿਕਸ ਦੇਸ਼ਾਂ ਦਾ ਆਰਥਕ  ਕਾਇਆਪਲਟ ਕਰਨਾ ਪਵੇਗਾ ਅਤੇ ਨਿਰੰਤਰ ਜਾਰੀ ਰਹਿਣ ਵਾਲੀ ਸਨਅਤੀ ਉਤਪਾਦਨ ਦੀ ਸਮਰੱਥਾ ਵਧਾਉਣੀ ਪਵੇਗੀ , ਵਿਗਿਆਨ ਪਾਰਕਾਂ ਅਤੇ ਟੈਕਨੋਲੋਜੀ  ਬਿਜ਼ਨਸ ਇਨਕਿਊਬੇਟਰ ਦਾ ਢਾਂਚਾ ਕਾਇਮ ਕਰਨਾ ਪਵੇਗਾ ਅਤੇ ਛੋਟੇ ਅਤੇ ਦਰਮਿਆਨੇ ਸਾਈਜ਼ ਦੇ ਅਦਾਰੇ ਟੈਕਨੋਲੋਜੀ  ਅਧਾਰਿਤ ਇਲਾਕਿਆਂ ਵਿੱਚ ਕਾਇਮ ਕਰਨੇ ਪੈਣਗੇ। ਸਾਡਾ ਵਿਸ਼ਵਾਸ ਹੈ ਕਿ ਵਿਗਿਆਨ ਪਾਰਕਾਂ, ਟੈਕਨੋਲੋਜੀ  ਬਿਜ਼ਨਸ ਇਨਕਿਊਬੇਟਰ ਅਤੇ ਛੋਟੇ ਅਤੇ ਦਰਮਿਆਨੇ ਸਾਈਜ਼ ਦੇ ਅਦਾਰੇ ਕਾਇਮ ਕਰਨਾ ਇਸ ਦਿਸ਼ਾ ਵਿੱਚ ਇੱਕ ਵਧੀਆ ਕਦਮ ਸਿੱਧ ਹੋਵੇਗਾ।

57. ਅਸੀਂ ਇੰਟਰਨੈੱਟ ਵੱਲੋਂ ਵਿਸ਼ਵ ਪੱਧਰ ਉੱਤੇ ਆਰਥਕ , ਸਮਾਜਿਕ ਅਤੇ ਸੱਭਿਆਚਾਰਕ ਵਿਕਾਸ ਲਈ ਨਿਭਾਏ ਜਾਂਦੇ ਸਕਾਰਾਤਮਕ ਰੋਲ ਨੂੰ ਮਾਨਤਾ ਦਿੰਦੇ ਹਾਂ। ਇਸ ਸਬੰਧ ਵਿੱਚ ਅਸੀਂ ਮਿਲ ਕੇ ਕੰਮ ਕਰਨ ਲਈ ਤਿਆਰ ਹਾਂ। ਇਹ ਕੰਮ ਮੌਜੂਦਾ ਢਾਂਚੇ ਅਧੀਨ ਕੀਤਾ ਜਾਵੇਗਾ ਤਾਂ ਕਿ ਆਈਸੀਟੀਜ਼ ਦੀ ਸੁਰੱਖਿਅਤ, ਖੁੱਲ੍ਹੀ, ਸ਼ਾਂਤੀਪੂਰਨ ਅਤੇ ਸਹੀ ਵਰਤੋਂ ਹੋ ਸਕੇ ਅਤੇ ਸਾਰੇ ਦੇਸ਼ ਇਸ ਵਿੱਚ ਹਿੱਸਾ ਲੈ ਸਕਣ। ਇਹ ਹਿੱਸਾ ਬਰਾਬਰੀ ਦੇ ਅਧਾਰ ਉੱਤੇ ਲਿਆ ਜਾਵੇਗਾ ਅਤੇ ਇਸ ਰਾਹੀਂ ਇੰਟਰਨੈੱਟ ਦੇ ਕੰਮਕਾਜ ਅਤੇ ਇਸ ਦੇ ਪ੍ਰਬੰਧਨ ਬਾਰੇ ਪਤਾ ਲਗਾਇਆ ਜਾਵੇਗਾ। ਅਜਿਹਾ ਕਰਦੇ ਸਮੇਂ ਇਸ ਗੱਲ ਨੂੰ ਧਿਆਨ ਵਿੱਚ ਰੱਖਿਆ ਜਾਵੇਗਾ ਕਿ ਸਬੰਧਤ ਭਾਈਵਾਲਾਂ ਨੂੰ ਉਨ੍ਹਾਂ ਦੀ ਭੂਮਿਕਾ ਅਤੇ ਜ਼ਿੰਮੇਵਾਰੀ ਲਈ ਤਿਆਰ ਕੀਤਾ ਜਾਵੇ।

58. ਅਸੀਂ ਨਿਰੰਤਰ ਵਿਕਾਸ ਲਈ ਬ੍ਰਿਕਸ ਵਿਗਿਆਨਕ, ਤਕਨੀਕੀ, ਖੋਜ ਵਾਲੇ ਅਤੇ ਉੱਦਮਤਾ ਭਰੇ ਸਹਿਯੋਗ ਨੂੰ ਮਾਨਤਾ ਦਿੰਦੇ ਹਾਂ ਅਤੇ ਨਾਲ ਹੀ ਸੰਮਿਲਤ ਵਿਕਾਸ ਵਿੱਚ ਵਾਧੇ ਦੇ ਚਾਹਵਾਨ ਹਾਂ। ਅਸੀਂ ਵਿਗਿਆਨ, ਟੈਕਨੋਲੋਜੀ ਅਤੇ ਖੋਜ ਵਿੱਚ ਬ੍ਰਿਕਸ ਸਹਿਯੋਗ ਦੇ ਚਾਹਵਾਨ ਹਾਂ ਅਤੇ ਇਸ ਖੇਤਰ ਵਿੱਚ ਸਾਂਝੇ ਕੰਮ ਨੂੰ ਵਿਸ਼ੇਸ਼ ਅਹਿਮੀਅਤ ਦਿੰਦੇ ਹਾਂ। ਅਸੀਂ ਤਾਲਮੇਲ ਵਾਲੇ ਬ੍ਰਿਕਸ ਵਿਗਿਆਨਕ ਪ੍ਰੋਜੈਕਟਾਂ ਨੂੰ ਲਾਗੂ ਕਰਨ ਦੀ ਕੀਮਤ ਸਮਝਦੇ ਹਾਂ ਜਿਨ੍ਹਾਂ ਦਾ ਉਦੇਸ਼ ਬ੍ਰਿਕਸ ਵਿਗਿਆਨ, ਟੈਕਨੋਲੋਜੀ ਅਤੇ ਖੋਜ ਸਮਰੱਥਾ ਵਿੱਚ ਵਾਧਾ ਕਰਨਾ ਹੈ ਅਤੇ ਅਜਿਹਾ ਚੌਥੀ ਸਨਅਤੀ ਕ੍ਰਾਂਤੀ ਦੀਆਂ ਚੁਣੌਤੀਆਂ ਨਾਲ ਨਜਿੱਠਣ ਦੇ ਸਾਡੇ ਸਾਂਝੇ ਯਤਨਾਂ ਦਾ ਇੱਕ ਹਿੱਸਾ ਹੈ।

59. ਅਸੀਂ ਚੱਲ ਰਹੇ ਬ੍ਰਿਕਸ ਆਈਪੀਆਰ ਸਹਿਯੋਗ ਵਿੱਚ ਹੋ ਰਹੀ ਤਰੱਕੀ ਦੀ ਸ਼ਲਾਘਾ ਕਰਦੇ ਹਾਂ। ਅਸੀਂ ਟੈਕਨੋਲੋਜੀ ਦੇ ਵਿਕਾਸ ਅਤੇ ਤਬਾਦਲੇ ਦੀ ਅਹਿਮੀਅਤ ਨੂੰ ਮਾਨਤਾ ਦਿੰਦੇ ਹਾਂ, ਜਿਸ ਵਿੱਚ ਵਿਕਾਸਸ਼ੀਲ ਦੇਸ਼ ਵੀ ਸ਼ਾਮਲ ਹਨ ਜੋ ਕਿ ਲੰਬੀ ਮਿਆਦ ਦੇ ਨਿਰੰਤਰ ਅਤੇ ਸੰਤੁਲਤ ਸਰਬਵਿਆਪੀ ਵਿਕਾਸ ਵਿੱਚ ਹਿੱਸਾ ਪਾ ਰਹੇ ਹਨ ਅਤੇ ਇਸ ਸਬੰਧ ਵਿੱਚ ਬੌਧਿਕ ਸੰਪਤੀ ਅਧਿਕਾਰਾਂ ਦੀ ਅਹਿਮੀਅਤ ਨੂੰ ਮਜ਼ਬੂਤ ਕਰਨ ਉੱਤੇ ਜ਼ੋਰ ਦੇਣਾ ਹੈ ਜੋ ਕਿ ਸਮੁੱਚੇ ਸਮਾਜ ਲਈ ਨਵੀਂ ਟੈਕਨੋਲੋਜੀ  ਦੀ ਖੋਜ ਵਿੱਚ ਹਿੱਸਾ ਪਾਉਂਦੇ ਹਨ।

60. ਸਾਨੂੰ ਇਹ ਯਕੀਨ ਹੈ ਕਿ ਟੈਕਨੋਲੋਜੀ ਅਤੇ ਵਪਾਰ, ਸੰਮਿਲਤ ਵਿਕਾਸ ਦੇ ਅਹਿਮ ਸੋਮੇ ਹਨ ਜਿਨ੍ਹਾਂ ਵਿੱਚ ਨਿਰੰਤਰ ਅਤੇ ਬਰਾਬਰੀ ਦੇ ਢੰਗ ਨਾਲ ਚੱਲਣ ਵਾਲਾ ਆਰਥਕ  ਏਕੀਕਰਣ ਅਤੇ ਵਿਸ਼ਵ ਕੀਮਤ ਲੜੀ ਦੀ ਇਕਸਾਰਤਾ ਸ਼ਾਮਲ  ਹੈ। ਟੈਕਨੋਲੋਜੀਕਲ ਤਰੱਕੀ ਦੇ ਵਸਤਾਂ ਅਤੇ ਸੇਵਾਵਾਂ ਦੇ ਉਤਪਾਦਨ ਅਤੇ ਲੋਕਾਂ ਦੀ ਆਮਦਨ ਦੇ ਮਾਮਲੇ ਵਿੱਚ ਵਿਸਤ੍ਰਿਤ ਪ੍ਰਭਾਵ ਹਨ। ਢੁੱਕਵੀਆਂ ਨੀਤੀਆਂ ਅਤੇ ਕਦਮ ਚੁੱਕਣ ਦੀ ਲੋੜ ਹੈ ਤਾਂ ਕਿ ਇਹ ਯਕੀਨੀ ਬਣ ਸਕੇ ਕਿ ਵਿਕਾਸਸ਼ੀਲ ਦੇਸ਼ਾਂ ਨੂੰ ਟੈਕਨੋਲੋਜੀਕਲ ਤਰੱਕੀ ਦੇ ਲਾਭਾਂ ਦਾ ਫਾਇਦਾ ਹੋ ਸਕੇ ਅਤੇ ਉਹ ਇਸ ਨੂੰ ਸ਼ੁਰੂ ਤੋਂ ਨਾ ਅਪਣਾਉਣ ਕਾਰਣ ਨੁਕਸਾਨ ਵਿੱਚ ਨਾ ਰਹਿਣ। ਇਹ ਜ਼ਰੂਰੀ ਹੈ ਕਿ ਡਿਜੀਟਲ ਵੰਡ ਦੇ ਪਾੜੇ ਨੂੰ ਪੂਰਨ ਲਈ ਪ੍ਰਭਾਵੀ ਨੀਤੀਆਂ ਵਿਕਸਿਤ ਕੀਤੀਆਂ ਜਾਣ ਜਿਨ੍ਹਾਂ ਵਿੱਚ ਮਦਦਗਾਰ ਲੋਕਾਂ ਰਾਹੀਂ ਨਵੀਆਂ ਟੈਕਨੋਲੋਜੀਆਂ ਨੂੰ ਅਪਣਾਉਣਾ ਅਤੇ ਸਮਝਣਾ ਸ਼ਾਮਲ  ਹੈ ਅਤੇ ਜਿਸ ਰਾਹੀਂ ਇਹ ਯਕੀਨੀ ਬਣ ਸਕੇ ਕਿ ਸਬੰਧਤ ਟੈਕਨੋਲੋਜੀਆਂ ਦੇ ਤਬਾਦਲੇ ਲਈ ਪ੍ਰਭਾਵੀ ਢੰਗ ਤਰੀਕਾ ਅਪਣਾਇਆ ਗਿਆ ਹੈ।

61. ਅਸੀਂ ਮਜ਼ਬੂਤੀ ਨਾਲ ਇਹ ਮੰਨਦੇ ਹਾਂ ਕਿ ਨਵੀਂ ਮੁਹਾਰਤ ਜਿਸ ਦੀ ਵੱਧ ਰਹੀ ਟੈਕਨੋਲੋਜੀ ਅਤੇ ਗਿਆਨ ਅਧਾਰਿਤ ਆਰਥਿਕਤਾ ਅਤੇ ਪੁਰਾਣੇ ਵਰਕਰਾਂ ਦੇ ਮੁਹਾਰਤ ਢਾਂਚੇ ਵਿੱਚ ਜੋ ਬੇਜੋੜਤਾ ਹੈ, ਨਾਲ ਨਜਿੱਠਣ ਦਾ ਕੰਮ ਕਾਫੀ ਨਾਜ਼ੁਕ ਹੈ। ਮੌਜੂਦਾ ਦਿਨਾਂ ਦੀ ਆਰਥਕ ਤਬਦੀਲੀ ਦੀ ਗਤੀ, ਪੱਧਰ ਅਤੇ ਦਾਇਰਾ ਇਸ ਨੂੰ ਵਧੇਰੇ ਚੁਣੌਤੀਪੂਰਨ ਬਣਾਉਂਦਾ ਹੈ। ਇਸ ਸਬੰਧ ਵਿੱਚ ਅਸੀਂ ਉਨ੍ਹਾਂ ਕਦਮਾਂ ਦੀ ਹਮਾਇਤ ਕਰਦੇ ਹਾਂ ਜਿਨ੍ਹਾਂ ਵਿੱਚ ਜੀ-20 ਪਹਿਲਕਦਮੀਆਂ ਲਈ ਨੀਤੀ ਸਿਫਾਰਸ਼ਾਂ ਸ਼ਾਮਲ  ਹਨ ਅਤੇ ਇਹ ਕੁਆਲਟੀ ਅਪ੍ਰੈਂਟਿਸਸ਼ਿਪ ਨੂੰ ਉਤਸ਼ਾਹਿਤ ਕਰਨ ਵਾਲੀ ਪਹਿਲ ਹੈ ਅਤੇ ਗਰੀਬੀ ਦੇ ਖਾਤਮੇ ਅਤੇ ਕਮੀ ਲਈ ਮੁਹਾਰਤ ਰਾਹੀਂ ਬ੍ਰਿਕਸ ਦੀ ਕਾਰਜ ਯੋਜਨਾ ਹੈ ਜਿਸ ਨਾਲ ਕਿ ਵਿਸ਼ਵ ਵਿੱਚ ਵੋਕੇਸ਼ਨਲ ਟ੍ਰੇਨਿੰਗ, ਜ਼ਿੰਦਗੀ ਭਰ ਦੀ ਸਿੱਖਿਆ ਅਤੇ ਟ੍ਰੇਨਿੰਗ ਜੋ ਕਿ ਵਿਕਸਤ ਹੋ ਰਹੀ ਆਰਥਿਕਤਾ ਦੀ ਤੇਜ਼ੀ ਨਾਲ ਤਬਦੀਲ ਹੋ ਰਹੀ ਮੰਗ ਨਾਲ ਸੰਬੰਧਿਤ ਹੈ।

62. ਅਸੀਂ ਨਿਯਮ ਅਧਾਰਿਤ ਕੇਂਦਰਿਤਾ, ਪਾਰਦਰਸ਼ਤਾ, ਗੈਰ ਵਿਤਕਰੇ ਵਾਲੇ, ਖੁੱਲ੍ਹੇ ਅਤੇ ਸੰਮਿਲਤ ਬਹੁ-ਪੱਖੀ ਵਪਾਰ ਸਿਸਟਮ ਉੱਤੇ ਜ਼ੋਰ ਦਿੰਦੇ ਹਾਂ ਜਿਵੇਂ ਕਿ ਵਿਸ਼ਵ ਵਪਾਰ ਸੰਗਠਨ (ਡਬਲਿਊਟੀਓ) ਵਿੱਚ ਦਰਸਾਇਆ ਗਿਆ ਹੈ ਜਿਸ ਵਿੱਚ ਕਿ ਅਨੁਮਾਨ ਲਗਾਉਣ ਯੋਗ ਵਪਾਰ ਮਾਹੌਲ ਅਤੇ ਡਬਲਿਊਟੀਓ ਦੀ ਕੇਂਦਰਿਤਾ ਨੂੰ ਉਤਸ਼ਾਹਿਤ ਕੀਤਾ ਜਾਂਦਾ ਹੈ ਅਤੇ ਅਸੀਂ ਵਿਕਾਸ ਮਾਪ ਦੀ ਅਹਿਮੀਅਤ ਨੂੰ ਮਾਨਤਾ ਦਿੰਦੇ ਹਾਂ ਅਤੇ ਬਹੁ-ਪੱਖੀ ਵਪਾਰ ਸਿਸਟਮ ਨੂੰ ਮਜ਼ਬੂਤ ਕਰਨ ਲਈ ਸਾਰੇ ਯਤਨ ਕਰਾਂਗੇ।

63. ਅਸੀਂ ਮੰਨਦੇ ਹਾਂ ਕਿ ਬਹੁ-ਪੱਖੀ ਵਪਾਰ ਸਿਸਟਮ ਨੂੰ ਭਾਰੀ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਅਸੀਂ ਇੱਕ ਖੁੱਲ੍ਹੀ ਵਿਸ਼ਵ ਆਰਥਿਕਤਾ ਦੀ ਅਹਿਮੀਅਤ ਨੂੰ ਸਮਝਦੇ ਹਾਂ ਜਿਸ ਵਿੱਚ ਸਾਰੇ ਦੇਸ਼ਾਂ ਅਤੇ ਲੋਕਾਂ ਨੂੰ ਵਿਸ਼ਵੀਕਰਨ ਦੇ ਲਾਭਾਂ ਵਿੱਚੋਂ ਹਿੱਸਾ ਮਿਲਦਾ ਹੈ, ਜੋ ਕਿ ਸੰਮਿਲਤ ਹੋਣੀ ਚਾਹੀਦੀ ਹੈ ਅਤੇ ਨਿਰੰਤਰ ਵਿਕਾਸ ਅਤੇ ਸਾਰੇ ਦੇਸ਼ਾਂ ਦੀ ਖੁਸ਼ਹਾਲੀ ਦੀ ਮਦਦਗਾਰ ਹੋਣੀ ਚਾਹੀਦੀ ਹੈ। ਅਸੀਂ ਸਾਰੇ ਡਬਲਿਊਟੀਓ ਮੈਂਬਰਾਂ ਨੂੰ ਬੇਨਤੀ ਕਰਦੇ ਹਾਂ ਕਿ ਉਹ ਡਬਲਿਊਟੀਓ ਨਿਯਮਾਂ ਨੂੰ ਮੰਨਣ ਅਤੇ ਉਸ ਵੱਲੋਂ ਬਹੁ-ਪੱਖੀ ਵਪਾਰ ਸਿਸਟਮ ਵਿੱਚ ਕੀਤੇ ਵਾਅਦਿਆਂ ਨੂੰ ਪੂਰਾ ਕਰਨ।

64. ਸਾਨੂੰ ਯਾਦ ਹੈ ਕਿ ਡਬਲਿਊਟੀਓ ਝਗੜਾ ਨਿਪਟਾਰਾ ਸਿਸਟਮ ਬਹੁ-ਪੱਖੀ ਵਪਾਰ ਸਿਸਟਮ ਵਿੱਚ ਇੱਕ ਮਹੱਤਵਪੂਰਨ ਅਧਾਰ ਹੈ ਅਤੇ ਇਸ ਨੂੰ ਵਿਸ਼ਵ ਵਪਾਰ ਵਿੱਚ ਸੁਰੱਖਿਆ ਅਤੇ ਭਵਿੱਖਬਾਣੀ ਕਰਨ ਲਈ ਤਿਆਰ ਕੀਤਾ ਗਿਆ ਹੈ। ਅਸੀਂ ਬੜੀ ਚਿੰਤਾ ਨਾਲ ਨੋਟ ਕੀਤਾ ਹੈ ਕਿ ਨਵੀਂ ਅਪੀਲੀ ਸੰਸਥਾ ਦੇ ਮੈਂਬਰਾਂ ਦੇ ਚੋਣ ਅਮਲ ਵਿੱਚ ਡੈੱਡਲਾਕ ਬਣਿਆ ਹੋਇਆ ਹੈ ਜੋ ਕਿ ਝਗੜਾ ਨਿਪਟਾਰਾ ਸਿਸਟਮ ਦੇ ਕੰਮ ਨੂੰ ਪ੍ਰਭਾਵਿਤ ਕਰ ਸਕਦਾ ਹੈ ਅਤੇ ਸਾਰੇ ਮੈਂਬਰਾਂ ਦੇ ਅਧਿਕਾਰਾਂ ਅਤੇ ਫਰਜ਼ਾਂ ਨੂੰ ਨੁਕਸਾਨ ਪਹੁੰਚਾ ਸਕਦਾ ਹੈ। ਇਸ ਲਈ ਅਸੀਂ ਸਾਰੇ ਮੈਂਬਰਾਂ ਨੂੰ ਬੇਨਤੀ ਕਰਦੇ ਹਾਂ ਕਿ ਉਹ ਪਹਿਲ ਦੇ ਅਧਾਰ ਤੇ ਇਸ ਚੁਣੌਤੀ ਨੂੰ ਨਜਿੱਠਣ ਲਈ ਉਸਾਰੂ ਢੰਗ ਨਾਲ ਕੰਮ ਕਰਨ।

65. ਅਸੀਂ ਡਬਲਿਊਟੀਓ ਦੇ ਸਮਝੌਤਾ ਗੱਲਬਾਤ ਕਾਰਜਾਂ ਦੀ ਲੋੜ ਨੂੰ ਮਹਿਸੂਸ ਕਰਦੇ ਹਾਂ। ਇਸ ਲਈ ਅਸੀਂ ਇਸ ਗੱਲ ਲਈ ਸਹਿਮਤ ਹਾਂ ਕਿ ਬਹੁ-ਪੱਖੀ ਵਪਾਰ ਸਿਸਟਮ ਦੇ ਮੌਜੂਦਾ ਕਾਨੂੰਨੀ ਢਾਂਚੇ ਦੇ ਹੋਰ ਵਿਕਾਸ ਲਈ ਡਬਲਿਊਟੀਓ ਅਧੀਨ ਉਸਾਰੂ ਢੰਗ ਨਾਲ ਕੰਮ ਕੀਤਾ ਜਾਵੇ ਅਤੇ ਸਭ ਡਬਲਿਊਟੀਓ ਮੈਂਬਰਾਂ ਦੀਆਂ ਚਿੰਤਾਵਾਂ ਅਤੇ ਹਿੱਤਾਂ ਨੂੰ ਧਿਆਨ ਵਿੱਚ ਰੱਖਿਆ ਜਾਵੇ ਜਿਨ੍ਹਾਂ ਵਿੱਚ ਵਿਕਾਸਸ਼ੀਲ ਦੇਸ਼ਾਂ ਦੇ ਮੈਂਬਰ ਵੀ ਸ਼ਾਮਲ ਹਨ।

66. ਅਸੀਂ ਬੁਨਿਆਦੀ ਢਾਂਚਾ ਵਿਕਾਸ ਅਤੇ ਅਫਰੀਕਾ ਵਿੱਚ ਕੁਨੈਕਟੀਵਿਟੀ ਦੀ ਅਹਿਮੀਅਤ ਨੂੰ ਮੰਨਦੇ ਹਾਂ ਅਤੇ ਅਫਰੀਕੀ ਯੂਨੀਅਨ ਵੱਲੋਂ ਜੋ ਪੁਲਾਂਘਾਂ ਮਹਾਂਦੀਪ ਦੇ ਢਾਂਚੇ ਸਬੰਧੀ ਚੁਣੌਤੀਆਂ ਨਾਲ ਨਜਿੱਠਣ ਲਈ ਅਫਰੀਕੀ ਵਿਕਾਸ ਲਈ ਨਵੇਂ ਭਾਈਵਾਲਾਂ (ਨੇਪੈਡ) ਅਤੇ ਅਫਰੀਕਾ ਵਿੱਚ ਢਾਂਚਾ ਵਿਕਾਸ ਸਬੰਧੀ ਪ੍ਰੋਗਰਾਮ (ਪੀਡਾ) ਰਾਹੀਂ ਪੁੱਟੀਆਂ ਗਈਆਂ ਹਨ, ਨੂੰ ਮਾਨਤਾ ਦਿੰਦੇ ਹਾਂ। ਅਸੀਂ ਢਾਂਚਾ ਨਿਵੇਸ਼ ਵਿੱਚ ਤੇਜ਼ੀ ਲਿਆਉਣ ਦੀ ਅਹਿਮੀਅਤ ਦੀ ਹਮਾਇਤ ਕਰਦੇ ਹਾਂ। ਇਹ ਤੇਜ਼ੀ ਸਨਅਤੀ ਵਿਕਾਸ, ਨੌਕਰੀਆਂ ਪੈਦਾ ਕਰਨ, ਮੁਹਾਰਤ ਵਿਕਾਸ, ਖੁਰਾਕ ਅਤੇ ਪੌਸ਼ਟਿਕ ਸੁਰੱਖਿਆ ਅਤੇ ਗਰੀਬੀ ਦੇ ਖਾਤਮੇ ਅਤੇ ਅਫਰੀਕਾ ਦੇ ਨਿਰੰਤਰ ਵਿਕਾਸ ਦੇ ਕੰਮ ਵਿੱਚ ਆ ਰਹੀ ਹੈ। ਇਸ ਲਈ ਅਸੀਂ ਅਫਰੀਕਾ ਵਿੱਚ ਨਿਰੰਤਰ ਢਾਂਚਾ ਵਿਕਾਸ ਦੀ ਹਮਾਇਤ ਨੂੰ ਦੁਹਰਾਉਂਦੇ ਹਾਂ, ਜਿਸ ਵਿੱਚ ਕਿ ਢਾਂਚਾ ਫਾਇਨਾਂਸਿੰਗ ਘਾਟੇ ਨਾਲ ਨਜਿੱਠਣਾ ਵੀ ਸ਼ਾਮਲ ਹੈ।

67. ਅਸੀਂ ਅਫਰੀਕਾ ਦੇ ਸਨਅਤੀਕਰਨ ਅਤੇ ਅਫਰੀਕੀ ਯੂਨੀਅਨ ਦੇ ਏਜੰਡਾ 2063 ਦੀ ਪੂਰਤੀ ਦੀ ਲੋੜ ਪ੍ਰਤੀ ਪੂਰੀ ਤਰ੍ਹਾਂ ਜਾਣੂ ਹਾਂ ਅਤੇ ਅਫਰੀਕੀ ਦੇਸ਼ਾਂ ਅਤੇ ਅਫਰੀਕੀ ਯੂਨੀਅਨ ਦੀ ਸ਼ਲਾਘਾ ਕਰਦੇ ਹਾਂ ਕਿ ਉਨ੍ਹਾਂ ਨੇ ਅਫਰੀਕਨ ਕਾਂਟੀਨੈਂਟਲ ਫਰੀ ਟਰੇਡ ਏਰੀਆ (ਏਐਫਸੀਐਫਟੀਏ) ਉੱਤੇ ਦਸਤਖਤ ਕੀਤੇ ਹਨ। ਏਐਫਸੀਐਫਟੀਏ ਮਹਾਂਦੀਪ ਦੀ ਆਰਥਕ ਇੱਕਮੁੱਠਤਾ ਲਈ ਇੱਕ ਅਹਿਮ ਕਦਮ ਹੈ ਅਤੇ ਇਸ ਨਾਲ ਅੰਤਰ ਅਫਰੀਕੀ ਵਪਾਰ ਦੀ ਵਿਸ਼ਾਲ ਸਮਰੱਥਾ ਦੇ ਤਾਲੇ ਖੁੱਲ੍ਹਣਗੇ ਅਤੇ ਸਮਾਜਿਕ ਆਰਥਕ  ਚੁਣੌਤੀਆਂ ਨਾਲ ਨਜਿੱਠਿਆ ਜਾ ਸਕੇਗਾ। ਇਸ ਸਬੰਧ ਵਿੱਚ ਅਸੀਂ ਏਜੰਡਾ 2063 ਲਈ ਅਤੇ ਮਹਾਂਦੀਪੀ ਸੰਗਠਨ ਦੇ ਏਕੀਕਰਨ ਅਤੇ ਵਿਕਾਸ ਨੂੰ ਉਤਸ਼ਾਹਿਤ ਕਰਨ ਲਈ ਆਪਣੀ ਹਮਾਇਤ ਦੁਹਰਾਉਂਦੇ ਹਾਂ।

68. ਅਸੀਂ ਇੱਕ ਮਜ਼ਬੂਤ ਸਰਬਵਿਆਪੀ ਵਿੱਤੀ ਸੁਰੱਖਿਆ ਨੈੱਟ, ਜਿਸ ਵਿੱਚ ਕਿ ਢੁੱਕਵੇਂ ਸੋਮਿਆਂ ਦਾ ਪ੍ਰਬੰਧ ਹੋਵੇ, ਕੋਟਾ ਅਧਾਰਿਤ ਕੌਮਾਂਤਰੀ ਮੁਦਰਾ ਫੰਡ (ਆਈਐਮਐਫ) ਇਸ ਦੇ ਕੇਂਦਰ ਵਿੱਚ ਹੋਵੇ, ਦੇ ਹਮਾਇਤੀ ਹਾਂ। ਇਸ ਸਬੰਧ ਵਿੱਚ ਅਸੀਂ ਕੋਟੇ ਦੇ ਆਈਐਮਐਫ ਦੇ 15ਵੇਂ ਜਾਇਜ਼ੇ ਪ੍ਰਤੀ ਆਪਣੀ ਵਚਨਬੱਧਤਾ ਦੁਹਰਾਉਂਦੇ ਹਾਂ। ਇਸ ਵਿੱਚ ਇੱਕ ਨਵੇਂ ਕੋਟਾ ਫਾਰਮੂਲੇ ਦਾ ਪ੍ਰਬੰਧ ਹੈ ਅਤੇ ਨਾਲ ਹੀ 2019 ਦੀਆਂ ਬਸੰਤ ਸਮੇਂ ਤੱਕ ਦੀਆਂ ਮੀਟਿੰਗਾਂ ਤੱਕ ਗ਼ਰੀਬ ਦੇਸ਼ਾਂ ਦੀ ਅਵਾਜ਼ ਦੀ ਸੁਰੱਖਿਆ ਦਾ ਵੀ ਪ੍ਰਬੰਧ ਹੈ। ਇਹ ਕੰਮ 2019 ਦੀਆਂ ਸਲਾਨਾ ਮੀਟਿੰਗਾਂ ਤੱਕ ਹੋ ਜਾਣਾ ਚਾਹੀਦਾ ਹੈ। ਆਈਐੱਮਐੱਫ ਦੇ ਪ੍ਰਬੰਧਕੀ ਸੁਧਾਰ ਨਾਲ ਗ਼ਰੀਬ ਮੈਂਬਰ ਦੇਸ਼ਾਂ, ਜਿਨ੍ਹਾਂ ਵਿੱਚ ਉਪਸਹਾਰਾ ਅਫਰੀਕੀ ਦੇਸ਼ ਵੀ ਸ਼ਾਮਲ ਹਨ, ਦੀ ਆਵਾਜ਼ ਅਤੇ ਨੁਮਾਇੰਦਗੀ ਨੂੰ ਮਜ਼ਬੂਤੀ ਮਿਲਣੀ ਚਾਹੀਦੀ ਹੈ।

69. ਅਸੀਂ ਦੱਖਣੀ ਅਫਰੀਕਾ ਦੇ ਰਿਜ਼ਰਵ ਬੈਂਕ ਦੇ ਗਵਰਨਰ ਲਸੈੱਟਜਾਗਾਨਯੋਗੋ ਨੂੰ ਕੌਮਾਂਤਰੀ ਅਤੇ ਵਿੱਤ ਕਮੇਟੀ ਦਾ ਚੇਅਰਮੈਨ ਨਿਯੁਕਤ ਕੀਤੇ ਜਾਣ ਦਾ ਸਵਾਗਤ ਕਰਦੇ ਹਾਂ ਅਤੇ ਵਧਾਈ ਦਿੰਦੇ ਹਾਂ।

70. ਬ੍ਰਿਕਸ ਕਾਨਟਿਨਜੈਂਟ ਰਿਜ਼ਰਵ ਅਰੇਂਜਮੈਂਟ (ਸੀਆਰਏ) ਦੇ ਕੰਮਕਾਜ ਲਈ ਤਿਆਰ ਹੋਣ ਅਤੇ ਇਸ ਦੇ ਮਜ਼ਬੂਤ ਹੋਣ ਲਈ ਚੁੱਕੇ ਗਏ ਕਦਮਾਂ ਨੂੰ ਅਸੀਂ ਵੇਖਿਆ ਹੈ ਅਤੇ ਸੀਆਰਏ ਢਾਂਚੇ ਦੇ ਡੀਲਿੰਕਡ ਹਿੱਸੇ ਦੀ ਸਫਲ ਟੈਸਟ ਦੌੜ ਪੂਰੀ ਹੋਣ ਦਾ ਸਵਾਗਤ ਕਰਦੇ ਹਾਂ। ਅਸੀ ਸੀਆਰਏ ਅਤੇ ਆਈਐੱਮਐੱਫ ਵਿੱਚ ਸਹਿਯੋਗ ਨੂੰ ਉਤਸ਼ਾਹਿਤ ਕਰਦੇ ਹਾਂ।

71. ਅਸੀਂ ਬ੍ਰਿਕਸ ਲੋਕਲ ਕਰੰਸੀ ਬਾਂਡ ਫੰਡ ਸਥਾਪਤ ਕੀਤੇ ਜਾਣ ਉੱਤੇ ਤਸੱਲੀ ਪ੍ਰਗਟਾਈ ਹੈ ਅਤੇ ਹੁਣ ਇਸ ਦੇ ਕੰਮਕਾਜ ਦੇ ਸ਼ੁਰੂ ਹੋਣ ਦੀ ਉਡੀਕ ਕਰ ਰਹੇ ਹਾਂ।

72. ਅਸੀਂ ਬ੍ਰਿਕਸ ਦੇਸ਼ਾਂ ਵਿੱਚ ਬਾਂਡ ਜਾਰੀ ਕਰਨ ਦੇ ਮਾਮਲੇ ਵਿੱਚ ਅਕਾਊਂਟਿੰਗ ਸਟੈਂਡਰਡਜ਼ ਅਤੇ ਆਡਿਟਿੰਗ ਓਵਰਸਾਈਟ ਵਿੱਚ ਤਬਦੀਲੀ ਲਈ ਸਹਿਯੋਗ ਨੂੰ ਹੋਰ ਮਜ਼ਬੂਤ ਕਰਨ ਲਈ ਸਹਿਮਤ ਹਾਂ ਅਤੇ ਇਸ ਸਬੰਧ ਵਿੱਚ ਹੋਰ ਖੇਤਰਾਂ ਵਿੱਚ ਸਹਿਯੋਗ ਵਧਾਉਣ ਲਈ ਤਿਆਰ ਹਾਂ।

73. ਅਸੀਂ ਡਿਜੀਟਲ ਅਰਥਵਿਵਸਥਾ ਦੇ ਵਿਕਾਸ ਦੇ ਸੰਦਰਭ ਵਿੱਚ ਡਿਸਟ੍ਰੀਬਿਊਟਿਡ ਲੈਜਰ ਐਂਡ ਬਲਾਕਚੇਨ ਟੈਕਨਾਲੋਜੀ ਦੇ ਖੇਤਰ ਵਿੱਚ ਸਾਂਝੀ ਖੋਜ ਬਾਰੇ ਸਹਿਮਤੀ ਪੱਤਰ ਉੱਤੇ ਦਸਤਖਤ ਦਾ ਸਵਾਗਤ ਕਰਦੇ ਹਾਂ। ਸਾਨੂੰ ਭਰੋਸਾ ਹੈ ਕਿ ਇਹ ਕੰਮ ਇੰਟਰਨੈੱਟ ਆਰਥਿਕਤਾ ਨੂੰ ਅਪਣਾਉਣ ਵਿੱਚ ਸਾਡੇ ਸਹਿਯੋਗ ਵਿੱਚ ਹਿੱਸਾ ਪਾਵੇਗਾ।

74. ਢਾਂਚਾ, ਨਿਵੇਸ਼ ਅਤੇ ਅੰਤਰਰਾਸ਼ਟਰੀ ਵਿਕਾਸ ਸਹਾਇਤਾ ਪ੍ਰੋਜੈਕਟ ਟਿਕਾਊ ਆਰਥਿਕ ਵਿਕਾਸ ਅਤੇ ਤਰੱਕੀ ਦੇ ਅਧਾਰ ਹਨ। ਇਸ ਨਾਲ ਉਤਪਾਦਿਕਤਾ ਵਿੱਚ ਤੇਜ਼ੀ ਆਉੰਦੀ ਹੈ ਅਤੇ ਏਕੀਕਰਨ ਵਿੱਚ ਵਾਧਾ ਹੁੰਦਾ ਹੈ। ਅਸੀਂ ਢਾਂਚਾ ਵਿਕਾਸ ਦੀ ਅਹਿਮੀਅਤ ਉੱਤੇ ਜ਼ੋਰ ਦਿੰਦੇ ਹਾਂ ਅਤੇ ਆਰਥਿਕ ਸਬੰਧਾਂ ਨੂੰ ਵਧਾਉਣ ਵਿੱਚ ਏਕੀਕਰਨ ਦੀ ਅਹਿਮੀਅਤ ਸਮਝਦੇ ਹਾਂ।

75. ਅਸੀਂ ਬਹੁ-ਪੱਖੀ ਵਿਕਾਸ ਬੈਂਕ (ਐੱਮਡੀਬੀਜ਼), ਵਿਸ਼ੇਸ਼ ਤੌਰ ਤੇ ਨਿਊ ਡਿਵੈਲਪਮੈਂਟ ਬੈਂਕ (ਐੱਨਡੀਬੀ) ਦੀ ਭੂਮਿਕਾ ਨੂੰ ਸਮਝਦੇ ਹਾਂ ਅਤੇ ਇਹ ਜਨਤਕ ਢਾਂਚੇ ਅਤੇ ਨਿਵੇਸ਼ ਲਈ ਨਿੱਜੀ ਖੇਤਰ ਦੀ ਬੈਂਕਿੰਗ ਵਿੱਚ ਉੱਤਪ੍ਰੇਰਕ ਵਜੋਂ ਭੂਮਿਕਾ ਨਿਭਾ ਰਿਹਾ ਹੈ।

76. ਸਾਡੇ ਦੇਸ਼ਾਂ ਵਿੱਚ ਐੱਨਡੀਬੀ ਵੱਲੋਂ ਸਮਾਜਿਕ, ਆਰਥਿਕ ਅਤੇ ਵਾਤਾਵਰਣ ਸਬੰਧੀ ਸੰਭਾਵਨਾਵਾਂ ਵਿੱਚ ਸਰੋਤ ਮੁਹੱਈਆ ਕਰਵਾਉਣ ਵਿੱਚ ਹੋਈ ਤਰੱਕੀ ਉੱਤੇ ਸਾਨੂੰ ਤਸੱਲੀ ਹੈ ਅਤੇ ਅਸੀਂ ਆਸ ਕਰਦੇ ਹਾਂ ਕਿ ਜਲਦੀ ਹੀ ਪ੍ਰੋਜੈਕਟ ਤਿਆਰੀ ਫੰਡ ਨੂੰ ਜਾਰੀ ਕਰ ਦਿੱਤਾ ਜਾਵੇਗਾ। ਅਸੀਂ ਸਾਓ ਪਾਲੋ (SaoPaulo), ਬ੍ਰਾਜ਼ੀਲ ਵਿੱਚ ਅਮਰੀਕਾ ਦੇ ਖੇਤਰੀ ਦਫ਼ਤਰ, ਜੋ ਕਿ ਅਫ਼ਰੀਕੀ  ਖੇਤਰੀ ਕੇਂਦਰ ਦੇ ਨੇੜੇ ਹੀ ਚੱਲ ਰਿਹਾ ਹੈ, ਦਾ ਸਵਾਗਤ ਕਰਦੇ ਹਾਂ ਅਤੇ ਇਹ ਕੇਂਦਰ ਐਨਡੀਬੀ ਨੂੰ ਇਨ੍ਹਾਂ ਮਹਾਂਦੀਪਾਂ ਵਿੱਚ ਮਜ਼ਬੂਤੀ ਪ੍ਰਦਾਨ ਕਰੇਗਾ। ਅਸੀਂ ਵੇਖਿਆ ਹੈ ਕਿ ਐੱਨਡੀਬੀ ਦੇ ਬੋਰਡ ਆਵ੍ ਗਵਰਨਰਜ਼ ਨੇ ਵਿਕਾਸ ਵਿੱਤ ਬਾਰੇ ਨਵੀਆਂ ਪਹੁੰਚਾਂ ਉੱਤੇ 28-29 ਮਈ ਨੂੰ ਚੀਨ ਦੇ ਸ਼ੰਘਾਈ ਸ਼ਹਿਰ ਵਿੱਚ ਆਯੋਜਿਤ ਆਪਣੀ ਤੀਸਰੀ ਸਲਾਨਾ ਮੀਟਿੰਗ ਵਿੱਚ ਵਿਚਾਰ ਵਟਾਂਦਰਾ ਕੀਤਾ। ਇਸ ਮੀਟਿੰਗ ਵਿੱਚ ਬਦਲ ਰਹੇ ਵਿਸ਼ਵ ਹਾਲਾਤ ਵਿੱਚ ਐਨਡੀਬੀ ਦੇ ਭਵਿੱਖ ਦੇ ਵਿਕਾਸ ਬਾਰੇ ਚਰਚਾ ਹੋਈ।

77. ਅਸੀਂ ਬ੍ਰਿਕਸ ਦੇ ਵਿੱਤੀ ਸਹਿਯੋਗ ਨੂੰ ਵਧਾਉਣ ਦੀ ਅਹਿਮੀਅਤ ਉੱਤੇ ਜ਼ੋਰ ਦਿੰਦੇ ਹਾਂ ਤਾਂ ਕਿ ਉਹ ਅਸਲ ਆਰਥਿਕਤਾ ਦੀ ਵਧੀਆ ਸੇਵਾ ਕਰ ਸਕੇ ਅਤੇ ਬ੍ਰਿਕਸ ਦੇਸ਼ਾਂ ਦੀਆਂ ਵਿਕਾਸ ਜ਼ਰੂਰਤਾਂ ਨੂੰ ਪੂਰਾ ਕਰ ਸਕੇ। ਇਸ ਸਬੰਧ ਵਿੱਚ ਅਸੀਂ ਵਿੱਤੀ ਸੰਸਥਾਵਾਂ ਦੇ ਢਾਂਚੇ ਨੂੰ ਉਤਸ਼ਾਹਿਤ ਕਰਕੇ ਵਿੱਤੀ ਮਾਰਕੀਟ ਏਕੀਕਰਨ ਪ੍ਰਤੀ ਆਪਣੀ ਵਚਨਬੱਧਤਾ ਦੁਹਰਾਉਂਦੇ ਹਾਂ ਅਤੇ ਬ੍ਰਿਕਸ ਦੇਸ਼ਾਂ ਵਿੱਚ ਵਿੱਤੀ ਸੇਵਾਵਾਂ ਦੀ ਕਵਰੇਜ ਉੱਤੇ ਜ਼ੋਰ ਦਿੰਦੇ ਹਾਂ। ਅਜਿਹਾ ਹਰ ਦੇਸ਼ ਦੇ ਮੌਜੂਦਾ ਰੈਗੂਲੇਟਰੀ ਢਾਂਚੇ ਅਤੇ ਡਬਲਿਊਟੀਓ ਗੈਟਸ(WTO-GATS) ਜ਼ਿੰਮੇਵਾਰੀਆਂ ਨੂੰ ਧਿਆਨ ਵਿੱਚ ਰੱਖ ਕੇ ਕੀਤਾ ਜਾਵੇਗਾ ਅਤੇ ਇਹ ਯਕੀਨੀ ਬਣਾਇਆ ਜਾਵੇਗਾ ਕਿ ਵਿੱਤੀ ਖੇਤਰ ਦੇ ਰੈਗੂਲੇਟਰਾਂ ਵਿੱਚ ਵਧੀਆ ਸੰਚਾਰ ਅਤੇ ਸਹਿਯੋਗ ਬਣਿਆ ਰਹੇ। ਅਸੀਂ ਹਰ ਕੇਂਦਰੀ ਬੈਂਕ ਦੀ ਕਾਨੂੰਨੀ ਲੋੜ ਅਨੁਸਾਰ ਕਰੰਸੀ ਅਪ੍ਰੇਸ਼ਨ ਵਿੱਚ ਵਾਧਾ ਜਾਰੀ ਰੱਖਾਂਗੇ ਅਤੇ ਨਾਲ ਹੀ ਸਹਿਯੋਗ ਦੇ ਹੋਰ ਢੰਗਾਂ ਦਾ ਪਤਾ ਲਗਾਵਾਂਗੇ। ਅਸੀਂ ਗਰੀਨ ਫਾਇਨਾਂਸਿੰਗ ਦਾ ਪ੍ਰਸਾਰ ਕਰਾਂਗੇ ਤਾਂ ਕਿ ਬ੍ਰਿਕਸ ਦੇਸ਼ਾਂ ਵਿੱਚ ਨਿਰੰਤਰ ਵਿਕਾਸ ਨੂੰ ਉਤਸ਼ਾਹਿਤ ਕੀਤਾ ਜਾ ਸਕੇ।

78. ਅਸੀਂ ਨਾਜਾਇਜ਼ ਵਿੱਤੀ ਪ੍ਰਵਾਹ ਨੂੰ ਰੋਕਣ ਲਈ ਰਾਸ਼ਟਰੀ ਸਹਿਯੋਗ ਵਿੱਚ ਵਾਧੇ ਪ੍ਰਤੀ ਆਪਣੀ ਵਚਨਬੱਧਤਾ ਦੁਹਰਾਉਂਦੇ ਹਾਂ ਜਿਸ ਵਿੱਚ ਵਿੱਤੀ ਐਕਸ਼ਨ ਟਾਸਕ ਫੋਰਸ (ਐੱਫਏਟੀਐੱਫ) ਅਤੇ ਵਿਸ਼ਵ ਕਸਟਮਜ਼ ਆਰਗੇਨਾਈਜ਼ੇਸ਼ਨ ਨਾਲ ਸਹਿਯੋਗ ਸ਼ਾਮਲ ਹੈ । ਇਸ ਸਬੰਧ ਵਿੱਚ ਅਸੀਂ ਆਪਸੀ ਵਟਾਂਦਰੇ ਅਤੇ ਡਾਟਾ ਸਾਂਝਾ ਕਰਨ ਦੀ ਅਹਿਮੀਅਤ ਨੂੰ ਸਮਝਦੇ ਹਾਂ। ਅਸੀਂ ਐੱਫਏਟੀਐੱਫ ਦੇ ਟੀਚਿਆਂ ਨੂੰ ਸਹੀ ਠਹਿਰਾਉਣ ਅਤੇ ਉਨ੍ਹਾਂ ਦੀ ਹਮਾਇਤ ਕਰਨ ਦੀ ਅਹਿਮੀਅਤ ਉੱਤੇ ਜ਼ੋਰ ਦਿੰਦੇ ਹਾਂ ਅਤੇ ਨਾਲ ਹੀ ਮਨੀ ਲਾਂਡਰਿੰਗ ਦੇ ਟਾਕਰੇ ਲਈ ਅਤੇ ਐੱਫਏਟੀਐੱਫ ਵਿੱਚ ਦਹਿਸ਼ਤਵਾਦ ਨੂੰ ਪੈਸਾ ਮੁਹੱਈਆ ਕਰਵਾਉਣ ਵਾਲਿਆਂ ਵਿਰੁੱਧ ਅਤੇ ਪ੍ਰਫੁੱਲੀਕਰਨ ਦਾ ਮੁਕਾਬਲਾ ਕਰਨ ਵਿੱਚ ਆਪਣੇ ਮਿਆਰਾਂ ਵਿੱਚ ਸੁਧਾਰ ਦੇ ਹਮਾਇਤੀ ਹਾਂ।

79. ਭ੍ਰਿਸ਼ਟਾਚਾਰ ਇਕ ਵਿਸ਼ਵ ਚੁਣੌਤੀ ਰਿਹਾ ਹੈ ਜਿਸ ਦੇ ਲੰਬੇ ਸਮੇਂ ਤੱਕ ਚੱਲਣ ਵਾਲੇ ਪ੍ਰਭਾਵ ਹੁੰਦੇ ਹਨ, ਜਿਨ੍ਹਾਂ ਵਿੱਚ ਰਾਜਾਂ ਦੇ ਕਾਨੂੰਨੀ ਸਿਸਟਮ ਨੂੰ ਘੱਟ ਕਰਕੇ ਦਰਸਾਉਣਾ ਸ਼ਾਮਲ ਹੈ। ਇਹ ਆਰਥਿਕ ਵਿਕਾਸ ਲਈ ਵੀ ਇੱਕ ਚੁਣੌਤੀ  ਹੈ ਕਿਉਂਕਿ ਇਹ ਦੇਸ਼ ਵਿੱਚ ਲੋੜੀਂਦੇ ਸਥਾਨਕ ਅਤੇ ਵਿਦੇਸ਼ੀ ਨਿਵੇਸ਼ ਨੂੰ ਨਿਰਉਤਸ਼ਾਹਿਤ ਕਰਦਾ ਹੈ। ਅਸੀਂ ਭ੍ਰਿਸ਼ਟਾਚਾਰ ਬਾਰੇ ਸੰਯੁਕਤ ਰਾਸ਼ਟਰ ਦੀ ਕਨਵੈਨਸ਼ਨ ਦੇ ਅਧਿਆਏ-4 ਵਿੱਚ ਵਰਣਿਤ ਅੰਤਰਰਾਸ਼ਟਰੀ ਸਹਿਯੋਗ ਪ੍ਰਤੀ ਆਪਣੀ ਵਚਨਬੱਧਤਾ ਦੁਹਰਾਉਂਦੇ ਹਾਂ। ਇਸ ਸੰਦਰਭ ਵਿੱਚ ਅਸੀਂ ਭ੍ਰਿਸ਼ਟਾਚਾਰ ਵਿਰੋਧੀ ਸਹਿਯੋਗ ਬਾਰੇ ਬ੍ਰਿਕਸ ਦੇ ਕਾਰਜਕਾਰੀ ਗਰੁੱਪ ਦੇ ਸੰਦਰਭ ਵਿੱਚ ਅੰਤਰਰਾਸ਼ਟਰੀ ਸਹਿਯੋਗ ਨੂੰ ਮਜ਼ਬੂਤ ਕਰਨ ਦੇ ਇੱਛੁਕ ਹਾਂ। ਆਪਣੇ ਘਰੇਲੂ ਕਾਨੂੰਨੀ ਸਿਸਟਮ ਨੂੰ ਵੇਖਦੇ ਹੋਏ ਅਸੀਂ ਭ੍ਰਿਸ਼ਟਾਚਾਰ ਵਿਰੋਧੀ ਕਾਨੂੰਨ ਨੂੰ ਲਾਗੂ ਕਰਨ, ਭਗੌੜਿਆਂ, ਆਰਥਿਕ ਅਤੇ ਭ੍ਰਿਸ਼ਟਾਚਾਰ ਦੇ ਦੋਸ਼ੀਆਂ ਦੀ ਵਾਪਸੀ ਅਤੇ ਹੋਰ ਸਬੰਧਤ ਅਪਰਾਧਿਕ ਮਾਮਲਿਆਂ ਵਿੱਚ ਸਹਿਯੋਗ ਕਰਾਂਗੇ ਅਤੇ ਅੰਤਰਰਾਸ਼ਟਰੀ ਭਾਈਚਾਰੇ ਨੂੰ ਅਪੀਲ ਕਰਾਂਗੇ ਕਿ ਉਹ ਭ੍ਰਿਸ਼ਟਾਚਾਰੀ ਵਿਅਕਤੀਆਂ ਨੂੰ ਉਨ੍ਹਾਂ ਦੇ ਭ੍ਰਿਸ਼ਟਾਚਾਰ ਦੇ ਕੇਸਾਂ ਵਿੱਚ ਉਨ੍ਹਾਂ ਨੂੰ ਪਨਾਹ ਨਾ ਦੇਣ। ਅਸੀਂ ਤਜਰਬੇ ਨੂੰ ਸਾਂਝਾ ਕਰਨ ਅਤੇ ਵਟਾਂਦਰੇ ਨੂੰ ਬ੍ਰਿਕਸ ਭ੍ਰਿਸ਼ਟਾਚਾਰ ਵਿਰੋਧੀ ਸਹਿਯੋਗ ਨੂੰ ਮਜ਼ਬੂਤ ਕਰਨ ਦੀ ਕੁੰਜੀ ਮੰਨਦੇ ਹਾਂ ਅਤੇ ਇਸ ਸਬੰਧ ਵਿੱਚ ਅਸੀਂ  ਆਪਣੇ ਯਤਨ ਜਾਰੀ ਰੱਖਾਂਗੇ ਜਿਵੇ ਕਿ ਅਸੀਂ ਪਿਛਲੇ ਸਾਲਾਂ ਵਿੱਚ ਕੀਤਾ ਹੈ। ਅਸੀਂ ਹਰ ਇੱਕ ਨੂੰ ਯੂਐੱਨਸੀਏਸੀ ਨੂੰ ਲਾਗੂ ਕਰਨ ਲਈ ਹਮਾਇਤ ਦੀ ਪੇਸ਼ਕਸ਼ ਕਰਾਂਗੇ ਅਤੇ ਸੂਚਨਾ ਅਤੇ ਵਟਾਂਦਰੇ ਲਈ ਪਲੇਟਫਾਰਮ ਕਾਇਮ ਕਰਾਂਗੇ। ਅਸੀਂ ਅਫ਼ਰੀਕੀ  ਯੂਨੀਅਨ ਵੱਲੋਂ 2018 ਦੇ ਸਾਲ ਨੂੰ ਭ੍ਰਿਸ਼ਟਾਚਾਰ ਦੇ ਟਾਕਰੇ ਦਾ ਸਾਲ ਐਲਾਨਣ ਦੀ ਪ੍ਰਸ਼ੰਸਾ ਕਰਦੇ ਹਾਂ।

80. ਬ੍ਰਿਕਸ ਆਰਥਿਕ ਭਾਈਵਾਲੀ ਸਬੰਧੀ ਨੀਤੀ ਨੂੰ ਲਾਗੂ ਕਰਨ ਦੇ ਮਾਮਲੇ ਵਿੱਚ ਅਸੀਂ ਬ੍ਰਿਕਸ ਦੇ ਵਪਾਰ ਮੰਤਰੀਆਂ ਦੀ 8ਵੀਂ ਮੀਟਿੰਗ ਦੇ ਹਾਂ-ਪੱਖੀ ਨਤੀਜਿਆਂ ਦਾ ਸਵਾਗਤ ਕਰਦੇ ਹਾਂ। ਇਸ ਨੂੰ ਬ੍ਰਿਕਸ ਕਾਨਟੈਕਟ ਗਰੁਪ ਆਨ ਇਕਨਾਮਿਕ ਐਂਡ ਟਰੇਡ ਇਸ਼ੂਜ਼ (ਸੀਜੀਈਟੀਆਈ) ਤੋਂ ਹਮਾਇਤ ਹਾਸਲ ਹੋਈ ਸੀ। ਅਸੀਂ ਆਰਥਿਕ ਅਤੇ ਵਪਾਰਕ ਸਹਿਯੋਗ ਬਾਰੇ ਬ੍ਰਿਕਸ ਦੇ ਐਕਸ਼ਨ ਏਜੰਡੇ ਨੂੰ ਲਾਗੂ ਕਰਨ ਵਿੱਚ ਹੋਈ ਪ੍ਰਗਤੀ ਦਾ ਵੀ ਸਵਾਗਤ ਕਰਦੇ ਹਾਂ। ਅਸੀਂ ਅਜਿਹੇ ਕਦਮਾਂ, ਜੋ ਵਧੇਰੇ ਸ਼ਮੂਲੀਅਤ ਅਤੇ ਸਾਡੀਆਂ ਫਰਮਾਂ ਦੀ ਗਲੋਬਲ ਵੈਲਯੂ ਚੇਨਜ਼ ਵਿੱਚ ਉੱਪਰ ਵੱਲ ਵੱਧ ਰਹੀ ਗਤੀਸ਼ੀਲਤਾ, ਵਿਸ਼ੇਸ਼ ਤੌਰ ਤੇ ਸਨਅਤ ਅਤੇ ਖੇਤੀਬਾੜੀ, ਸੂਖਮ, ਛੋਟੇ ਅਤੇ ਦਰਮਿਆਨੇ ਉੱਦਮਾਂ (ਐੱਮਐੱਸਐੱਮਈਜ਼) ਵਿੱਚ, ਜਿਨ੍ਹਾਂ ਵਿੱਚ ਨੀਤੀ ਸਥਾਨ ਦੀ ਰਾਖੀ ਹੋ ਸਕੇ ਤਾਂ ਕਿ ਉਦਯੋਗਿਕ ਵਿਕਾਸ ਨੂੰ ਹੱਲਾਸ਼ੇਰੀ ਮਿਲੇ, ਨੂੰ ਉਤਸ਼ਾਹਿਤ ਕਰਦੇ ਹਾਂ। ਬ੍ਰਿਕਸ ਦੇਸ਼ਾਂ ਦਰਮਿਆਨ ਵਧ ਰਹੇ ਵੈਲਯੂ ਐਡਿਡ ਵਪਾਰ ਦੀ ਅਹਿਮੀਅਤ ਨੂੰ ਕਬੂਲ ਕਰਦੇ ਹੋਏ ਅਸੀਂ ਵਪਾਰ ਮੰਤਰੀਆਂ ਵੱਲੋਂ ਸੀਜੀਈਟੀਆਈਜ਼ ਦੇ ਵਪਾਰ ਉਤਸ਼ਾਹੀ ਕਾਰਜ ਗਰੁੱਪ ਅਤੇ ਬ੍ਰਿਕਸ ਦੇ ਈ-ਕਾਮਰਸ ਕਾਰਜ ਗਰੁਪ ਦੀ ਮੀਟਿੰਗ ਬੁਲਾਉਣ ਦੀ ਸ਼ਲਾਘਾ ਕਰਦੇ ਹਾਂ। ਅਸੀਂ ਅੰਤਰ ਬ੍ਰਿਕਸ ਵੈਲਯੂ ਐਡਿਡ ਵਪਾਰ ਨੂੰ ਉਤਸ਼ਾਹਿਤ ਕਰਨ ਲਈ ਬ੍ਰਿਕਸ ਦੇ ਸਾਂਝੇ ਵਪਾਰ ਅਧਿਐਨ ਦੀ ਸਥਾਪਨਾ ਦੀ ਪ੍ਰਸ਼ੰਸਾ ਕਰਦੇ ਹਾਂ। ਅਸੀਂ ਬ੍ਰਿਕਸ ਦੇ ਵਪਾਰ ਮੰਤਰੀਆਂ ਦੀ ਮੀਟਿੰਗ ਦੇ ਹਾਂ-ਪੱਖੀ ਨਤੀਜਿਆਂ ਦਾ ਸਵਾਗਤ ਕਰਦੇ ਹਾਂ, ਜਿਸ ਵਿੱਚ ਆਈਪੀਆਰ, ਈ-ਕਾਮਰਸ, ਸੇਵਾ ਵਿੱਚ ਵਪਾਰ ਅਤੇ ਈ-ਕਾਮਰਸ ਵਿੱਚ ਸਹਿਯੋਗ ਨੂੰ ਮਜ਼ਬੂਤ ਕਰਨ, ਮਿਆਰਾਂ ਅਤੇ ਤਕਨੀਕੀ ਰੈਗੂਲੇਸ਼ਨਾਂ, ਐੱਮਐੱਸਐੱਮਈਜ਼ ਅਤੇ ਮਾਡਲ ਈ-ਪੋਰਟ ਬਾਰੇ ਚਰਚਾ ਹੋਈ।

81. ਅਸੀਂ ਖੇਤਰੀ ਜਹਾਜ਼ਰਾਨੀ ਬਾਰੇ ਬ੍ਰਿਕਸ ਸਹਿਮਤੀ ਪੱਤਰ ਉੱਤੇ ਦਸਤਖਤ ਕੀਤੇ ਜਾਣ ਦਾ ਸਵਾਗਤ ਕਰਦੇ ਹਾਂ। ਅਸੀਂ ਮੰਨਦੇ ਹਾਂ ਕਿ ਕਨੈਕਟੀਵਿਟੀ ਅਤੇ ਢਾਂਚੇ ਦੇ ਖੇਤਰ ਵਿੱਚ ਬ੍ਰਿਕਸ ਸਹਿਯੋਗ ਨੂੰ ਮਜ਼ੂਬਤ ਕਰਨ ਦੇ ਮਾਮਲੇ ਵਿੱਚ ਇਹ ਇੱਕ ਅਹਿਮ ਮੀਲ ਪੱਥਰ ਹੈ।

82. ਬ੍ਰਿਕਸ ਕਸਟਮਜ਼ ਕੋਅਪਰੇਸ਼ਨ ਬਾਰੇ ਰਣਨੀਤਕ ਢਾਂਚੇ ਨੂੰ ਲਾਗੂ ਕਰਨ ਵਿੱਚ ਬ੍ਰਿਕਸ ਕਸਟਮਜ਼ ਪ੍ਰਸ਼ਾਸਨ ਦੇ ਸਹਿਯੋਗ ਦੇ ਨਤੀਜਿਆਂ ਦੀ ਅਸੀਂ ਪ੍ਰਸੰਸ਼ਾ ਕਰਦੇ ਅਤੇ ਇਸ ਦੇ ਲੰਬੀ ਮਿਆਦ ਦੇ ਟੀਚਿਆਂ, ਜਿਨ੍ਹਾਂ ਵਿੱਚ ਜਲਦੀ ਸਿੱਟਾ ਨਿਕਲਣ ਅਤੇ ਬ੍ਰਿਕਸ ਕਸਟਮਜ਼ ਮਿਊਚਲ ਐਡਮਨਿਸਟ੍ਰੇਟਿਵ ਅਸਿਸਟੈਂਸ ਐਗਰੀਮੈਂਟ ਦੀ ਫੋਰਸ ਵਿੱਚ ਸ਼ਾਮਲ ਹੋਣ ਦਾ ਸਵਾਗਤ ਕਰਦੇ ਹਾਂ ਤਾਂਕਿ ਬ੍ਰਿਕਸ ਅਧਿਕਾਰਤ ਆਰਥਿਕ ਆਪਰੇਟਰ ਪ੍ਰੋਗਰਾਮ 2022 ਦੋ ਅੰਤ ਤੱਕ ਚਾਲੂ ਹੋ ਜਾਵੇ ਜਿਸ ਵਿੱਚ ਕੰਟਰੋਲਸ ਅਤੇ ਇਕਨਾਮਿਕ ਆਪਰੇਟਰਾਂ ਨੂੰ ਸਾਂਝੀ ਮਾਨਤਾ ਮਿਲਣਾ ਵੀ ਸ਼ਾਮਲ ਹੈ। ਇਸ ਸਬੰਧ ਵਿੱਚ ਅਸੀਂ ਬ੍ਰਿਕਸ ਕਸਟਮਜ਼ ਕਾਰਜ ਯੋਜਨਾ ਦਾ ਵੀ ਸਵਾਗਤ ਕਰਦੇ ਹਾਂ ਜਿਸ ਵਿੱਚ ਉਨ੍ਹਾਂ ਕਾਰਵਾਈਆਂ ਦੀ ਪਛਾਣ ਕੀਤੀ ਗਈ ਹੈ ਜੋ ਕਿ ਸਾਂਝੇ ਤੌਰ ਉਤੇ ਬ੍ਰਿਕਸ ਕਸਟਮਜ਼ ਪ੍ਰਸ਼ਾਸਨ ਵਲੋਂ ਸੰਖੇਪ , ਦਰਮਿਆਨੇ ਅਤੇ ਲੰਬੇ ਸਮੇਂ ਵਿੱਚ ਮਿੱਥੇ ਟੀਚੇ ਹਾਸਲ ਕਰਨ ਲਈ ਕੀਤੀਆਂ ਜਾਣੀਆਂ ਹਨ ਅਤੇ ਬ੍ਰਿਕਸ ਕਸਟਮਜ਼ ਟਰੇਨਿੰਗ ਸੈਂਟਰਾਂ ਦੀ ਸਥਾਪਨਾ ਹੋਣੀ ਹੈ। ਅਸੀਂ ਬ੍ਰਿਕਸ ਕਸਟਮਜ਼ ਸਹਿਯੋਗ ਕਮੇਟੀ ਦੀ ਸਮਰੱਥਾ ਨੂੰ ਵੀ ਮਾਨਤਾ ਦਿੰਦੇ ਹਾਂ ਅਤੇ ਸਾਰੇ ਸਬੰਧਿਤ ਬਹੁਪੱਖੀ ਫੋਰਮਾਂ ਉੱਤੇ ਅੰਦਰੂਨੀ ਬ੍ਰਿਕਸ ਸਹਿਯੋਗ ਵਿੱਚ ਵਾਧਾ ਹੋਣ, ਜਿਸ ਵਿੱਚ ਵਪਾਰ ਦੀ ਸਹੂਲਤ, ਕਾਨੂੰਨਾਂ ਨੂੰ ਲਾਗੂ ਕਰਨ, ਐਡਵਾਂਸਡ ਸੂਚਨਾ ਟੈਕਨਾਲੋਜੀਆਂ ਦੀ ਵਰਤੋਂ ਅਤੇ ਸਮਰੱਥਾ ਦਾ ਵਿਕਾਸ ਹੋਣਾ ਵੀ ਸ਼ਾਮਲ ਹੈ।

83. ਬ੍ਰਿਕਸ ਦੇ ਮਾਲ ਅਧਿਕਾਰੀਆਂ ਵਲੋਂ ਸਭ ਅੰਤਰਰਾਸ਼ਟਰੀ ਪਹਿਲਕਦਮੀਆਂ ਨੂੰ ਜੋ ਹਮਾਇਤ ਇਕ ਵਿਸ਼ਵ ਪੱਧਰੀ ਨਿਰਪੱਖ ਅਤੇ ਸਰਬਵਿਆਪੀ ਪਾਰਦਰਸ਼ੀ ਟੈਕਸ ਸਿਸਟਮ ਤੱਕ ਪਹੁੰਚਣ ਦੀਆਂ ਪਹਿਲਕਦਮੀਆਂ ਨੂੰ ਦਿੱਤੀ ਜਾ ਰਹੀ ਹੈ, ਅਸੀਂ ਉਨਾਂ ਨੂੰ ਪ੍ਰਵਾਨ ਕਰਦੇ  ਹਾਂ। ਅਸੀਂ ਡਿਜੀਟਲ ਆਰਥਿਕਤਾ ਦੀਆਂ ਉਲਝਣਾਂ ਨਾਲ ਨਜਿੱਠਣ ਲਈ  ਆਪਣਾ ਵਾਅਦਾ ਦੁਹਰਾਉਂਦੇ ਹਾਂ ਅਤੇ ਇਸ ਸੰਦਰਭ ਵਿੱਚ ਹੀ ਅੰਤਰਰਾਸ਼ਟਰੀ ਟੈਕਸ ਸਿਸਟਮ ਦੀ ਨਿਰਪੱਖਤਾ ਯਕੀਨੀ ਬਣਾਉਣ , ਵਿਸ਼ੇਸ਼ ਤੌਰ ਤੇ ਅਧਾਰ ਦੇ ਖੋਰੇ  ਨੂੰ ਰੋਕਣ ਅਤੇ ਮੁਨਾਫੇ ਦੇ ਤਬਦੀਲ ਹੋਣ , ਟੈਕਸ ਸੂਚਨਾ ਦੇ ਵਟਾਂਦਰੇ, ਦੋਵੇਂ ਬੇਨਤੀ ਉੱਤੇ ਅਤੇ ਆਟੋਮੈਟੀਕਲੀ,  ਅਤੇ ਵਿਕਾਸਸ਼ੀਲ ਦੇਸ਼ਾਂ ਲਈ ਲੋੜ ਅਧਾਰਤ ਸਮਰੱਥਾ ਦੇ ਵਿਕਾਸ ਦੇ ਚਾਹਵਾਨ ਹਾਂ।  ਅਸੀਂ ਵਟਾਂਦਰਿਆਂ ਨੂੰ ਹੋਰ ਵਧਾਉਣ, ਤਜਰਬਿਆਂ ਨੂੰ ਸਾਂਝਾ ਕਰਨ , ਵਧੀਆ ਰਵਾਇਤਾਂ , ਆਪਸੀ ਗਿਆਨ ਅਤੇ ਟੈਕਸੇਸ਼ਨ ਮਾਮਲਿਆਂ ਵਿੱਚ ਵਿਅਕਤੀਆਂ ਦੇ ਵਟਾਂਦਰੇ  ਲਈ ਵਚਨਬੱਧ ਹਾਂ। ਅਸੀਂ ਬ੍ਰਿਕਸ ਮਾਲ ਅਧਿਕਾਰੀਆਂ ਦਰਮਿਆਨ ਸਮਰੱਥਾ ਵਿਕਾਸ ਢਾਂਚੇ ਦੀ ਸਥਾਪਨਾ ਦਾ ਸਵਾਗਤ ਕਰਦੇ ਹਾਂ।

84. ਅਸੀਂ ਬ੍ਰਿਕਸ ਵਪਾਰਕ ਕੌਂਸਲ ਦੇ ਯੋਗਦਾਨ ਅਤੇ ਉਸ ਦੀ 5ਵੀਂ ਸਲਾਨਾ ਰਿਪੋਰਟ ਅਤੇ ਨਾਲ ਹੀ ਬ੍ਰਿਕਸ ਵਪਾਰ ਫੋਰਮ ਨੂੰ ਪ੍ਰਵਾਨ ਕਰਦੇ ਹਾਂ ਤਾਂਕਿ ਢਾਂਚਾ, ਨਿਰਮਾਣ, ਊਰਜਾ, ਖੇਤੀ ਵਪਾਰ, ਵਿੱਤੀ ਸੇਵਾਵਾਂ, ਖੇਤਰੀ ਜਹਾਜ਼ਰਾਨੀ, ਤਕਨੀਕੀ ਮਿਆਰਾਂ ਦੀ ਕਤਾਰਬੰਦੀ ਅਤੇ ਮੁਹਾਰਤ ਵਿਕਾਸ ਵਿੱਚ ਵਾਧਾ ਹੋ ਸਕੇ । ਅਸੀਂ ਡਿਜੀਟਲ ਇਕੌਨੋਮੀ ਕਾਰਜਕਾਰੀ ਗਰੁੱਪ ਦੀ ਸਥਾਪਨਾ ਦਾ ਸਵਾਗਤ ਕਰਦੇ ਹਾਂ ਜੋ ਕਿ ਬ੍ਰਿਕਸ ਵਪਾਰ ਕੌਂਸਲ ਦੇ ਢਾਂਚੇ ਅਧੀਨ ਕਾਇਮ ਕੀਤਾ ਗਿਆ ਹੈ।

85. ਸੈਰ ਸਪਾਟੇ ਦੀ ਆਰਥਿਕ ਅਤੇ ਸਮਾਜਕ ਵਿਕਾਸ ਵਿੱਚ ਨਿਰੰਤਰ ਵਿਸ਼ਾਲ ਸਮਰੱਥਾ ਨੂੰ ਮਹਿਸੂਸ ਕਰਦੇ ਹੋਏ ਅਸੀਂ ਬ੍ਰਿਕਸ ਦੇ ਕਾਜਕਾਰੀ ਗਰੁੱਪ ਦੀ ਸੈਰ ਸਪਾਟੇ ਬਾਰੇ ਪਹਿਲਕਦਮੀ ਦਾ ਸਵਾਗਤ ਕਰਦੇ ਹਾਂ, ਤਾਂਕਿ ਬ੍ਰਿਕਸ ਦੇਸ਼ਾਂ ਵਿੱਚ ਵਧੇਰੇ ਸਹਿਯੋਗ ਕਾਇਮ ਹੋ ਸਕੇ ਅਤੇ ਆਰਥਿਕ ਵਿਕਾਸ ਹੋ ਸਕੇ ਅਤੇ ਲੋਕਾਂ ਤੋਂ ਲੋਕਾਂ ਤੱਕ ਦੇ ਸਬੰਧ ਬਿਹਤਰ ਬਣ ਸਕਣ। ਬ੍ਰਿਕਸ ਦੇ ਸੈਰ ਸਪਾਟੇ ਦੀ ਕਾਰਜ ਧਾਰਾ, ਗਿਆਨ , ਤਜਰਬੇ ਅਤੇ ਯਾਤਰਾ ਵਪਾਰ , ਹਵਾਈ ਕੁਨੈਕਟਿਵਟੀ, ਸੈਰ ਸਪਾਟਾ ਢਾਂਚੇ , ਸਭਿਆਚਾਰ ਅਤੇ ਮੈਡੀਕਲ ਸੈਰ ਸਪਾਟੇ, ਸੈਰ ਸਪਾਟਾ ਮਾਰਕੀਟਿੰਗ ਵਿੱਚ ਰੁਕਾਵਟਾਂ, ਸੈਰ ਸਪਾਟਾ ਸੁਰੱਖਿਆ ਅਤੇ ਸਹਾਇਤਾ-ਵਿੱਤੀ, ਬੀਮਾ ਅਤੇ ਮੈਡੀਕਲ  ਦਾ ਵਟਾਂਦਰਾ ਹੋਵੇਗਾ। ਅਸੀਂ ਤਸੱਲੀ ਨਾਲ ਨੋਟ ਕੀਤਾ ਹੈ ਕਿ ਅੰਦਰੂਨੀ-ਬ੍ਰਿਕਸ ਸੈਰ ਸਪਾਟੇ ਵਿੱਚ ਵਿਸ਼ਵ ਆਰਥਿਕ ਗਿਰਾਵਟ ਦੇ ਬਾਵਜੂਦ ਵਾਧਾ ਹੋਇਆ ਹੈ।

1. ਲੋਕਾਂ ਦਾ ਲੋਕਾਂ ਨਾਲ ਸਹਿਯੋਗ (PEOPLE-TO-PEOPLE COOPERATION)

86. ਬ੍ਰਿਕਸ ਵਿੱਚ ਲੋਕਾਂ ਦੀ ਕੇਂਦਰਿਤਾ ਅਤੇ ਇਸ ਦੇ ਪ੍ਰੋਗਰਾਮਾਂ ਉੱਤੇ ਜ਼ੋਰ ਦਿੰਦੇ ਹੋਏ ਅਸੀਂ ਖੇਡਾਂ, ਨੌਜਵਾਨਾਂ, ਫਿਲਮਾਂ, ਸਭਿਆਚਾਰ, ਵਿੱਦਿਆ ਅਤੇ ਸੈਰ ਸਪਾਟੇ ਵਿੱਚ ਹੋਈ ਪ੍ਰਗਤੀ ਦੀ ਸ਼ਲਾਘਾ ਕਰਦੇ ਹਾਂ।

87. ਅਸੀਂ ਵਿਕਾਸ ਲਈ ਲੋਕਾਂ ਉੱਤੇ ਕੇਂਦਰਤ ਪਹੁੰਚ, ਜੋ ਕਿ ਸਾਡੇ ਲੋਕਾਂ ਦੇ ਸਭ ਸੈਕਟਰਾਂ ਵਿੱਚ ਸੰਮਿਲਤ ਹੈ, ਉੱਤੇ ਆਪਣਾ ਭਰੋਸਾ ਦੁਹਰਾਉਂਦੇ ਹਾਂ।

88. ਅਸੀਂ ਅੱਠਵੇਂ ਵਿਸ਼ਵ ਪਾਣੀ ਫੋਰਮ ਦੀ ਬ੍ਰਾਸੀਲੀਆ ਵਿੱਚ ਹੋਈ ਮੀਟਿੰਗ, ਜੋ ਕਿ ਦੁਨੀਆ ਦੇ ਪਾਣੀ ਨਾਲ ਸਬੰਧਿਤ ਸਭ ਤੋਂ ਵੱਡਾ ਪ੍ਰੋਗਰਾਮ ਸੀ, ਨੂੰ ਮਾਨਤਾ ਦਿੰਦੇ ਹਾਂ। ਇਹ ਪ੍ਰੋਗਰਾਮ ਪਹਿਲੀ ਵਾਰੀ ਦੱਖਣੀ ਅਰਧਗੋਲੇ ਵਿੱਚ ਹੋਇਆ ਅਤੇ ਇਸ ਨੇ ਪਾਣੀ ਨੂੰ ਵਿਸ਼ਵ ਪੱਧਰ ਉੱਤੇ ਇੱਕ ਪਹਿਲ ਵਜੋਂ ਪੇਸ਼ ਕੀਤਾ।

89. ਅਸੀਂ ਬ੍ਰਿਕਸ ਦੇਸ਼ਾਂ ਦੇ ਬਾਹਰੀ ਪੁਲਾੜ ਨਾਲ ਸੰਬੰਧਿਤ ਮਾਮਲਿਆਂ ਵਿੱਚ ਸਹਿਯੋਗ ਦੀ ਅਹਿਮੀਅਤ ਉੱਤੇ ਜ਼ੋਰ ਦਿੰਦੇ ਹਾਂ ਅਤੇ ਇਸ ਖੇਤਰ ਵਿੱਚ ਚੱਲ ਰਹੀਆਂ ਸਰਗਰਮੀਆਂ ਨੂੰ ਮਜ਼ਬੂਤ ਕਰਨ ਲਈ ਆਪਣੀ ਹਮਾਇਤ ਦੀ ਪੇਸ਼ਕਸ਼ ਕਰਦੇ ਹਾਂ।

90. ਅਸੀਂ ਬ੍ਰਿਕਸ ਦੇਸ਼ਾਂ ਵਿੱਚ ਟੀਕਾ ਖੋਜ ਅਤੇ ਵਿਕਾਸ ਤਾਲਮੇਲ ਨੂੰ ਮਜ਼ਬੂਤ ਕਰਨ ਲਈ ਵਚਨਬੱਧ ਹਾਂ ਅਤੇ ਬ੍ਰਿਕਸ ਟੀਕਾ ਖੋਜ ਅਤੇ ਵਿਕਾਸ ਦੀ ਸਥਾਪਨਾ ਦੇ ਪ੍ਰਸਤਾਵ ਦਾ ਸਵਾਗਤ ਕਰਦੇ ਹਾਂ।

91. ਅਸੀਂ ਟਿਕਾਊ ਵਿਕਾਸ ਯੁਗ- ਇੱਕ ਬਹੁਪੱਖੀ ਹੁੰਗਾਰਾ ਦੇ ਵਿਸ਼ੇ ਉੱਤੇ 2017 ਵਿੱਚ ਮਾਸਕੋ ਵਿੱਚ ਆਯੋਜਿਤ ਤਪਦਿਕ ਦੇ ਖਾਤਮੇ ਲਈ ਪਹਿਲੀ ਡਬਲਿਊਐਚਓ ਗਲੋਬਲ ਮੰਤਰੀਆਂ ਦੀ ਕਾਨਫਰੰਸ ਅਤੇ ਇਸ ਤੋਂ ਬਾਅਦ ਜਾਰੀ ਮਾਸਕੋ ਐਲਾਨਨਾਮੇ ਜਿਸ ਵਿੱਚ ਟੀਬੀ ਦੇ ਖਾਤਮੇ ਦਾ ਜ਼ਿਕਰ ਹੈ ਅਤੇ ਜਿਸ ਵਿੱਚ ਆਉਣ ਵਾਲੀ ਯੂਐਨ ਜਨਰਲ ਅਸੈਂਬਲੀ ਦੀ ਤਪਦਿਕ ਦੇ ਖਾਤਮੇ ਬਾਰੇ ਪਹਿਲੀ ਉੱਚ ਪੱਧਰੀ ਮੀਟਿੰਗ ਅਤੇ ਗੈਰ ਸੰਚਾਰੀ ਬੀਮਾਰੀਆਂ ਨੂੰ ਰੋਕਣ ਅਤੇ ਉਨ੍ਹਾਂ ਉੱਤੇ ਕਾਬੂ ਪਾਉਣ ਲਈ ਸਤੰਬਰ 2018 ਵਿੱਚ ਹੋਣ ਵਾਲੀ ਯੂਐਨ ਜਨਰਲ ਅਸੈਂਬਲੀ ਦੀ ਉੱਚ ਪੱਧਰੀ ਮੀਟਿੰਗ ਦਾ ਸਵਾਗਤ ਕਰਦੇ ਹਾਂ।

92. ਅਸੀਂ ਸੱਭਿਆਚਾਰ ਨੂੰ ਚੌਥੀ ਸਨਅਤੀ ਕ੍ਰਾਂਤੀ ਦੇ ਡਰਾਈਵਰ ਵਜੋਂ ਮਿਲੀ ਅਹਿਮੀਅਤ ਨੂੰ ਮਾਨਤਾ ਦਿੰਦੇ ਹਾਂ ਅਤੇ ਇਸ ਵੱਲੋਂ ਜੋ ਆਰਥਿਕ ਮੌਕੇ ਪੇਸ਼ ਕੀਤੇ ਜਾ ਰਹੇ ਹਨ ਉਨ੍ਹਾਂ ਨੂੰ ਪ੍ਰਵਾਨਗੀ ਦਿੰਦੇ ਹਾਂ।

93. ਅਸੀਂ ਤੀਸਰੇ ਬ੍ਰਿਕਸ ਫਿਲਮ ਮੇਲੇ ਦੇ ਆਯੋਜਨ ਦਾ ਸਵਾਗਤ ਕਰਦੇ ਹਾਂ ਅਤੇ ਇਸ ਗੱਲ ਦੀ ਲੋੜ ਮਹਿਸੂਸ ਕਰਦੇ ਹਾਂ ਕਿ ਇਸ ਖੇਤਰ ਵਿੱਚ ਸਹਿਯੋਗ ਹੋਰ ਡੂੰਘਾ ਕੀਤਾ ਜਾਵੇ। ਅਸੀਂ ਦੱਖਣੀ ਅਫ਼ਰੀਕਾ ਦੇ ਇਸ ਪ੍ਰਸਤਾਵ ਨੂੰ ਮਾਨਤਾ ਦਿੰਦੇ ਹਾਂ ਜਿਸ ਵਿੱਚ ਕਿ ਫਿਲਮਾਂ ਦੇ ਸਹਿ ਨਿਰਮਾਣ ਲਈ ਇੱਕ ਬ੍ਰਿਕਸ ਖਰੜਾ ਸੰਧੀ ਕਰਨ ਦਾ ਜ਼ਿਕਰ ਹੈ ਤਾਂ ਕਿ ਇਸ ਖੇਤਰ ਵਿੱਚ ਸਹਿਯੋਗ ਨੂੰ ਉਤਸ਼ਾਹਿਤ ਕੀਤਾ ਜਾਵੇ ਅਤੇ ਬ੍ਰਿਕਸ ਦੇ ਸੱਭਿਆਚਾਰਾਂ ਦੀ ਵਿਭਿੰਨਤਾ ਨੂੰ ਦਰਸਾਇਆ ਜਾ ਸਕੇ।

94. ਅਸੀਂ ਬ੍ਰਿਕਸ ਦੇਸ਼ਾਂ ਦੀਆਂ ਸਰਕਾਰਾਂ ਦਰਮਿਆਨ ਸਮਝੌਤੇ ਨੂੰ ਲਾਗੂ ਕਰਨ ਦੀ ਕਾਰਜ ਯੋਜਨਾ ਦੀ ਨਿਰਦੇਸ਼ਤ ਭੂਮਿਕਾ ਉੱਤੇ ਜ਼ੋਰ ਦਿੰਦੇ ਹਾਂ। ਇਹ ਸਮਝੌਤਾ ਸੱਭਿਆਚਾਰ ਦੇ ਖੇਤਰ ਵਿੱਚ (2017-2021) ਦੌਰਾਨ ਉਸਾਰੂ ਅਤੇ ਟਿਕਾਊ ਸੱਭਿਆਚਾਰ ਸਹਿਯੋਗ ਬਾਰੇ ਹੈ। ਅਸੀਂ ਨੋਟ ਕੀਤਾ ਹੈ ਕਿ ਬ੍ਰਿਕਸ ਸੱਭਿਆਚਾਰਕ ਮਾਹਰਾਂ ਦੀਆਂ ਵੱਖ ਵੱਖ ਸਰਗਰਮੀਆਂ ਅਤੇ ਪਹਿਲਕਦਮੀਆਂ ਚੱਲ ਰਹੀਆਂ ਹਨ।

95. ਅਸੀਂ ਜੋਹਾਨਸਬਰਗ ਵਿੱਚ 2018 ਵਿੱਚ ਪ੍ਰਬੰਧਨ ਬਾਰੇ ਜੋ ਦੂਸਰੇ ਬ੍ਰਿਕਸ ਸੈਮੀਨਾਰ ਦਾ ਆਯੋਜਨ ਹੋ ਰਿਹਾ ਹੈ, ਉਸ ਨੂੰ ਮਾਨਤਾ ਦਿੰਦੇ ਹਾਂ ਅਤੇ ਬ੍ਰਾਜ਼ੀਲ ਦੇ ਇਸ ਇਰਾਦੇ ਨੂੰ ਵੀ ਮਾਨਤਾ ਦਿੰਦੇ ਹਾਂ ਕਿ 2019 ਵਿੱਚ ਉਥੇ ਤੀਸਰੀ ਮੀਟਿੰਗ ਆਯੋਜਿਤ ਹੋਵੇ ਜਿਸ ਵਿੱਚ ਸਾਰੇ ਬ੍ਰਿਕਸ ਦੇਸ਼ਾਂ ਦੇ ਵਿੱਦਿਅਕ ਮਾਹਰ ਅਤੇ ਥਿੰਕਟੈਂਕ ਹਿੱਸਾ ਲੈਣ।

96. ਅਸੀਂ ਇਸ ਗੱਲ ਨੂੰ ਤਸੱਲੀ ਨਾਲ ਮਾਨਤਾ ਦਿੰਦੇ ਹਾਂ ਕਿ ਲੋਕਾਂ ਵਿੱਚ ਸਹਿਯੋਗ ਅਤੇ ਚਰਚਾ ਨੂੰ ਮਜ਼ਬੂਤ ਕਰਨ ਦੇ ਮਾਮਲੇ ਵਿੱਚ ਪ੍ਰਗਤੀ ਹੋ ਰਹੀ ਹੈ। ਇਹ ਪ੍ਰਗਤੀ ਥਿੰਕਟੈਂਕ ਕੌਂਸਲ, ਅਕੈਡਮਿਕ ਫੋਰਮ, ਸਿਵਲ ਬ੍ਰਿਕਸ ਫੋਰਮ, ਯੰਗ ਡਿਪਲੋਮੈਟਸ ਫੋਰਮ, ਯੂਥ ਸਮਿੱਟ ਅਤੇ ਯੰਗ ਸਾਇੰਟਿਸਟ ਫੋਰਮ ਰਾਹੀਂ ਹੋ ਰਹੀ ਹੈ।

97. ਅਸੀਂ ਬ੍ਰਿਕਸ ਵਿਦੇਸ਼ ਮਾਮਲਿਆਂ ਦੇ ਬੁਲਾਰਿਆਂ ਦੇ ਕੰਮਕਾਜ ਬਾਰੇ ਦੱਖਣੀ ਅਫ਼ਰੀਕਾ ਦੀ ਪਹਿਲਕਦਮੀ ਨੂੰ ਮਾਨਤਾ ਦਿੰਦੇ ਹਾਂ।

98. ਅਸੀਂ ਦੱਖਣੀ ਅਫ਼ਰੀਕਾ ਵੱਲੋਂ ਤੀਜੀਆਂ ਬ੍ਰਿਕਸ ਖੇਡਾਂ ਦੇ ਸਫਲ ਆਯੋਜਨ ਦਾ ਸਵਾਗਤ ਕਰਦੇ ਹਾਂ ਅਤੇ ਅਸੀਂ ਇਹ ਵੀ ਨੋਟ ਕੀਤਾ ਹੈ ਬ੍ਰਿਕਸ ਸਪੋਰਟਸ ਕੌਂਸਲ ਕਾਇਮ ਕਰਨ ਦੇ ਮਾਮਲੇ ਵਿੱਚ ਪ੍ਰਗਤੀ ਹੋਈ ਹੈ।

99. ਬ੍ਰਿਕਸ ਸੰਸਦੀ ਵਟਾਂਦਰੇ, ਜਿਸ ਵਿੱਚ ਮਹਿਲਾ ਸੰਸਦੀ ਆਗੂਆਂ ਦਾ ਵਟਾਂਦਰਾ ਵੀ ਸ਼ਾਮਲ ਹੈ, ਦੀ ਅਹਿਮੀਅਤ ਉੱਤੇ ਜ਼ੋਰ ਦਿੰਦੇ ਹੋਏ ਅਸੀਂ ਇਸ ਸਬੰਧ ਵਿੱਚ ਬ੍ਰਿਕਸ ਵਟਾਂਦਰਿਆਂ ਨੂੰ ਹੋਰ ਮਜ਼ਬੂਤ ਕਰਨ ਲਈ ਕਹਿੰਦੇ ਹਾਂ।

100. ਸੰਮਿਲਤ ਵਿਕਾਸ ਵਿੱਚ ਮਹਿਲਾਵਾਂ ਵੱਲੋਂ ਨਿਭਾਈ ਜਾ ਰਹੀ ਭੂਮਿਕਾ ਨੂੰ ਹੱਲਾਸ਼ੇਰੀ ਦਿੰਦੇ ਹੋਏ ਅਸੀਂ ਬ੍ਰਿਕਸ ਮਹਿਲਾ ਫੋਰਮ ਅਤੇ ਬ੍ਰਿਕਸ ਮਹਿਲਾ ਵਪਾਰਕ ਗੱਠਜੋੜ ਦੀ ਸਥਾਪਨਾ ਲਈ ਕੀਤੇ ਜਾ ਰਹੇ ਕੰਮ ਦਾ ਨੋਟਿਸ ਲਿਆ ਹੈ।

101. ਬ੍ਰਾਜ਼ੀਲ, ਰੂਸ, ਭਾਰਤ ਅਤੇ ਚੀਨ ਨੇ ਦੱਖਣੀ ਅਫ਼ਰੀਕਾ ਦੀ 2018 ਦੀ ਚੇਅਰਸ਼ਿਪ ਦੀ ਸ਼ਲਾਘਾ ਕੀਤੀ ਅਤੇ ਦੱਖਣੀ ਅਫ਼ਰੀਕਾ ਦੀ ਸਰਕਾਰ ਵੱਲੋਂ ਜੋਹਾਨਸਬਰਗ ਵਿੱਚ ਦਸਵੇਂ ਬ੍ਰਿਕਸ ਸੰਮੇਲਨ ਦੇ ਆਯੋਜਨ ਲਈ ਉਸ ਦਾ ਧੰਨਵਾਦ ਕੀਤਾ।
102. ਰੂਸ, ਭਾਰਤ, ਚੀਨ ਅਤੇ ਦੱਖਣੀ ਅਫ਼ਰੀਕਾ ਨੇ 2019 ਲਈ ਬ੍ਰਿਕਸ ਦੀ ਚੇਅਰਸ਼ਿਪ ਲਈ ਅਤੇ 11ਵਾਂ ਬ੍ਰਿਕਸ ਸਿਖ਼ਰ ਸੰਮੇਲਨ ਆਯੋਜਿਤ ਕਰਨ ਲਈ ਬ੍ਰਾਜ਼ੀਲ ਨੂੰ ਪੂਰਾ ਸਹਿਯੋਗ ਦੇਣ ਦਾ ਭਰੋਸਾ ਦਿੱਤਾ।

ਅਨੁਲੱਗ 1-ਜੋਹਾਨਸਬਰਗ ਕਾਰਜ ਯੋਜਨਾ

10ਵਾਂ ਬ੍ਰਿਕਸ ਸਿਖ਼ਰ ਸੰਮੇਲਨ —25 ਤੋਂ 27 ਜੁਲਾਈ (ਜੋਹਾਨਸਬਰਗ)

ਜੋਹਾਨਸਬਰਗ ਸਿਖ਼ਰ ਸੰਮੇਲਨ ਤੱਕ ਦੱਖਣੀ ਅਫ਼ਰੀਕਾ ਦੀ ਅਗਵਾਈ ਹੇਠ ਜੋ ਹੇਠ ਲਿਖੀਆਂ ਮੀਟਿੰਗਾਂ ਹੋਈਆਂ, ਅਸੀਂ ਉਨ੍ਹਾਂ ਦੇ ਨਤੀਜਿਆਂ ਦਾ ਜਾਇਜ਼ਾ ਲਿਆ ਹੈ—

ਮੰਤਰੀਆਂ ਦੀਆਂ ਮੀਟਿੰਗਾਂ

ਬ੍ਰਿਕਸ ਦੇ ਵਿੱਤ ਨਾਇਬਾਂ ਦੀ ਮੀਟਿੰਗ -17 ਤੋਂ 20 ਮਾਰਚ(ਬਿਊਨਸ ਆਇਰਸ)।

ਬ੍ਰਿਕਸ ਦੇ ਵਿੱਤ ਮੰਤਰੀਆਂ ਅਤੇ ਸੈਂਟਰਲ ਬੈਂਕ ਗਵਰਨਰਾਂ ਦੀ ਮੀਟਿੰਗ-18 ਤੋਂ 20 ਅਪ੍ਰੈਲ (ਵਾਸ਼ਿੰਗਟਨ ਡੀਸੀ)

ਬ੍ਰਿਕਸ ਦੇ ਵਿੱਤ ਨਾਇਬਾਂ ਦੀ ਮੀਟਿੰਗ – 18 ਤੋਂ 20 ਅਪ੍ਰੈਲ (ਵਾਸ਼ਿੰਗਟਨ ਡੀਸੀ)

ਬ੍ਰਿਕਸ ਦੇ ਵਾਤਾਵਰਣ ਮਾਮਲਿਆਂ ਦੇ ਮੰਤਰੀਆਂ ਦੀ ਮੀਟਿੰਗ – 18 ਮਈ (ਡਰਬਨ)

ਬ੍ਰਿਕਸ ਦੇ ਵਿਦੇਸ਼ ਮਾਮਲਿਆਂ /ਕੌਮਾਂਤਰੀ ਸਬੰਧਾਂ ਦੇ ਮੰਤਰੀਆਂ ਦੀ ਮੀਟਿੰਗ – 4 ਜੂਨ (ਪਰਿਟੋਰੀਆ)

ਬ੍ਰਿਕਸ ਦੇ ਮਾਲ ਅਧਿਕਾਰੀਆਂ ਦੇ ਮੁਖੀਆਂ ਦੀ ਮੀਟਿੰਗ – 18 ਤੋਂ 21 ਜੂਨ, 2018 (ਜੋਹਾਨਸਬਰਗ)

ਬ੍ਰਿਕਸ ਦੇ ਖੇਤੀਬਾੜੀ ਅਤੇ ਖੇਤੀਬਾੜੀ ਵਿਕਾਸ ਮੰਤਰੀਆਂ ਦੀ 8ਵੀਂ ਮੀਟਿੰਗ -19 ਤੋਂ 22 ਜੂਨ (ਮਪੂਮਲੰਗਾ)

ਰਾਸ਼ਟਰੀ ਸੁਰੱਖਿਆ ਸਲਾਹਕਾਰਾਂ ਦੀ 8ਵੀਂ ਮੀਟਿੰਗ -28 ਤੋਂ 29 ਜੂਨ, 2018 (ਡਰਬਨ)

ਬ੍ਰਿਕਸ ਦੇ ਊਰਜਾ ਮੰਤਰੀ- 28 ਤੋਂ 29 ਜੂਨ (ਗੌਟੇਗ)

ਬ੍ਰਿਕਸ ਦੇ ਤਬਾਹੀ ਪ੍ਰਬੰਧਨ ਬਾਰੇ ਮੰਤਰੀਆਂ ਦੀ ਮੀਟਿੰਗ- 29 ਜੂਨ ਤੋਂ 1 ਜੁਲਾਈ (ਪੂਰਬੀ ਲੰਡਨ)

ਬ੍ਰਿਕਸ ਦੇ ਵਿਗਿਆਨ, ਟੈਕਨੋਲੋਜੀ ਅਤੇ ਇਨੋਵੇਸ਼ਨ ਮੰਤਰੀਆਂ ਦੀ 6ਵੀਂ ਮੀਟਿੰਗ – 3 ਜੁਲਾਈ (ਡਰਬਨ)

ਬ੍ਰਿਕਸ ਦੇ ਉਦਯੋਗ ਮੰਤਰੀਆਂ ਦੀ ਤੀਜੀ ਮੀਟਿੰਗ – 4 ਜੁਲਾਈ (ਗੌਟੇਗ)

ਬ੍ਰਿਕਸ ਦੇ ਵਪਾਰ ਮੰਤਰੀਆਂ ਦੀ 8ਵੀਂ ਮੀਟਿੰਗ – 5 ਜੁਲਾਈ (ਮਗਲੀਸਬਰਗ)

ਬ੍ਰਿਕਸ ਦੇ ਸਿੱਖਿਆਂ ਮੰਤਰੀਆਂ ਦੀ ਮੀਟਿੰਗ – 10 ਜੁਲਾਈ (ਕੇਪ ਟਾਊਨ)

ਬ੍ਰਿਕਸ ਦੇ ਵਿੱਤ ਮੰਤਰੀਆਂ ਅਤੇ ਸੈਂਟਰਲ ਬੈਂਕ ਗਵਰਨਰਾਂ ਦੀ ਮੀਟਿੰਗ – 19 ਤੋਂ 22 ਜੁਲਾਈ (ਅਰਜਨਟਾਈਨਾ)

ਬ੍ਰਿਕਸ ਦੇ ਸਿਹਤ ਮੰਤਰੀਆਂ ਦੀ 8ਵੀਂ ਮੀਟਿੰਗ – 20 ਜੁਲਾਈ (ਡਰਬਨ)

ਸੀਨੀਅਰ ਅਧਿਕਾਰੀਆਂ ਦੀਆਂ ਅਤੇ ਖੇਤਰੀ ਮੀਟਿੰਗਾਂ

ਬ੍ਰਿਕਸ ਦੇ ਸ਼ੇਰਪਾਜ਼ /ਸਾਉਸ ਸ਼ੇਰਪਾਜ਼ ਦੀ ਪਹਿਲੀ ਮੀਟਿੰਗ  – 4 ਤੋਂ 6 ਫਰਵਰੀ (ਕੇਪ ਟਾਊਨ)

ਬ੍ਰਿਕਸ ਦੇ ਭ੍ਰਿਸ਼ਟਾਚਾਰ ਵਿਰੁੱਧ ਕਾਰਜਕਾਰੀ ਗਰੁੱਪ ਦੀ ਪਹਿਲੀ ਮੀਟਿੰਗ – 26 ਫਰਵਰੀ (ਬਿਊਨਸ ਆਇਰਸ, ਅਰਜਨਟਾਈਨਾ)

ਆਰਥਕ ਅਤੇ ਵਪਾਰਕ ਮੁੱਦਿਆਂ ਬਾਰੇ ਕਾਨਟੈਕਟ ਗਰੁੱਪ (ਸੀਜੀਈਟੀਆਈ) ਦੀ 17ਵੀਂ ਮੀਟਿੰਗ – 28 ਫਰਵਰੀ ਤੋਂ 2 ਮਾਰਚ (ਜੋਹਾਨਸਬਰਗ)

ਬ੍ਰਿਕਸ ਦੇ ਦਫਤਰਾਂ ਦੇ 9ਵੇਂ  ਤਕਨੀਕੀ ਰਾਸ਼ਟਰੀ ਅੰਕੜਾ ਦਫਤਰਾਂ ਦੀ ਮੀਟਿੰਗ – 13 ਤੋਂ 15 ਮਾਰਚ (ਪਰਿਟੋਰੀਆ)

ਬ੍ਰਿਕਸ ਬਾਂਡ ਫੰਡ (ਬੀਬੀਐੱਫ) ਦੇ ਵਰਕਿੰਗ ਗਰੁੱਪ ਦੀ ਮੀਟਿੰਗ – 17 ਤੋਂ 20 ਮਾਰਚ (ਬਿਊਨਸ ਆਇਰਸ)

ਕਸਟਮ ਮਾਹਰਾਂ ਦੀ ਮੀਟਿੰਗ – 16 ਤੋਂ 17 ਅਪ੍ਰੈਲ (ਡਰਬਨ)

ਕਸਟਮਜ਼ ਸਹਿਯੋਗ ਕਮੇਟੀ ਦੀ ਦੂਜੀ ਮੀਟਿੰਗ – 18 ਤੋਂ 19 ਅਪ੍ਰੈਲ (ਡਰਬਨ)

ਬੀਬੀਐੱਫ ਵਰਕਿੰਗ ਗਰੁੱਪ ਅਤੇ ਬ੍ਰਿਕਸ ਦੀ ਸੀਆਰਏ ਸਟੈਂਡਿੰਗ ਕਮੇਟੀ ਦੀ ਮੀਟਿੰਗ – 18 ਤੋਂ 20 ਅਪ੍ਰੈਲ (ਵਾਸ਼ਿੰਗਟਨ ਡੀਸੀ ਯੂਐੱਸਏ)

ਕਾਊਂਟਰ ਟੈਰੋਰਿਜ਼ਮ ਵਰਕਿੰਗ ਗਰੁੱਪ – 19 ਤੋਂ 20 ਅਪ੍ਰੈਲ (ਵਾਈਟ ਰਿਵਰ ਨੈਲਸਪਰੂਟ)

ਬ੍ਰਿਕਸ ਦੇ ਸ਼ੇਰਪਾਜ਼ / ਸਾਉਸ ਸ਼ੇਰਪਾਜ਼ ਦੀ ਦੂਜੀ ਮੀਟਿੰਗ  – 24 ਤੋਂ 26 ਅਪ੍ਰੈਲ (ਬੇਲਾਬੇਲਾ, ਲਿੰਪੋਪੋ)

ਕਿਰਤ ਅਤੇ ਰੋਜ਼ਗਾਰ  ਕਾਰਜਕਾਰੀ ਗਰੁੱਪ (ਈਡਬਲਿਊਜੀ) ਦੀ ਪਹਿਲੀ ਮੀਟਿੰਗ – 7 ਤੋਂ 10 ਮਈ (ਮਪੂਮਲੰਗਾ)

ਬ੍ਰਿਕਸ ਇੰਟਲੈੱਕਚੁਅਲ ਪ੍ਰਾਪਰਟੀ ਰਾਈਟਸ ਕੋ-ਆਪ੍ਰੇਸ਼ਨ ਮੈਕਾਨਿਜ਼ਮ ਦੀ ਦੂਜੀ ਮੀਟਿੰਗ – 10 ਮਈ (ਪੂਰਬੀ ਲੰਡਨ)

ਬ੍ਰਿਕਸ ਈ-ਕਾਮਰਸ ਵਰਕਿੰਗ ਗਰੁੱਪ ਦੀ ਦੂਸਰੀ ਮੀਟਿੰਗ – 10 ਮਈ (ਪੂਰਬੀ  ਲੰਡਨ)

ਬ੍ਰਿਕਸ ਟ੍ਰੇਡ ਪਰਮੋਸ਼ਨ ਵਰਕਿੰਗ ਗਰੁੱਪ ਦੀ ਦੂਜੀ ਮੀਟਿੰਗ – 10 ਮਈ (ਪੂਰਬੀ ਲੰਡਨ)

ਟੈਕਨੀਕਲ ਰੈਗੂਲੇਸ਼ਨਜ਼, ਸਟੈਂਡਰਡਜ਼, ਕਨਫਰਮਿਟੀ ਅਸੈੱਸਮੈਂਟ, ਮੀਟਰੋਲੋਜੀ ਐਂਡ ਐਕਰੀਡੇਸ਼ਨ ਦੇ ਤਕਨੀਕੀ ਮਾਹਰਾਂ ਦੀ ਮੀਟਿੰਗ – 10 ਮਈ (ਪੂਰਬੀ ਲੰਡਨ)

ਵਪਾਰ ਅਤੇ ਸੇਵਾ ਅੰਕੜਿਆਂ ਬਾਰੇ ਵਰਕਸ਼ਾਪ – 10 ਮਈ (ਪੂਰਬੀ ਲੰਡਨ)

ਆਰਥਕ ਅਤੇ ਵਪਾਰ ਮੁੱਦਿਆਂ ਬਾਰੇ ਕਾਨਟੈਕਟ ਗਰੁੱਪ (ਸੀ ਜੀ ਈ ਟੀ ਆਈ) ਦੀ 18ਵੀਂ ਮੀਟਿੰਗ -11 ਤੋਂ 12 ਮਈ (ਪੂਰਬੀ ਲੰਦਨ)

ਬ੍ਰਿਕਸ ਵਾਤਾਵਰਣ ਮਾਮਲਿਆਂ ਦੇ ਵਰਕਿੰਗ ਗਰੁੱਪ ਦੀ ਮੀਟਿੰਗ-14 ਤੋਂ 16 ਮਈ (ਪਰਿਟੋਰੀਆ)

ਸਕਿਓਰਟੀ ਇਨ ਦ ਯੂਜ਼ ਆਵ੍ ਆਈਸੀਟੀਜ਼ ਵਰਕਿੰਗ ਗਰੁੱਪ -16 ਤੋਂ 17 ਮਈ (ਕੇਪ ਟਾਊਨ)

ਬ੍ਰਿਕਸ ਦੇ ਵਾਤਾਵਰਣ ਮਾਮਲਿਆਂ ਦੇ ਸੀਨੀਅਰ ਅਧਿਕਾਰੀਆਂ ਦੀ ਮੀਟਿੰਗ-17 ਮਈ (ਡਰਬਨ)

ਬ੍ਰਿਕਸ ਦੇ ਊਰਜਾ ਨਿਪੁੰਨਤਾ ਅਤੇ ਊੁਰਜਾ ਬੱਚਤ ਵਰਕਿੰਗ ਗਰੁੱਪ ਦੀ ਮੀਟਿੰਗ-17 ਤੋਂ 18 ਮਈ (ਕੇਪ ਟਾਊਨ)

ਬ੍ਰਿਕਸ ਥਿੰਕ ਟੈਂਕ ਕੌਂਸਲ (ਬੀਟੀਟੀਸੀ) ਦੀ ਮੀਟਿੰਗ -28 ਮਈ ਪਾਰਕ ਟਾਊਨ)

ਬ੍ਰਿਕਸ ਦੇ ਅਕੈਡਮਿਕ ਫੋਰਮ-28 ਤੋਂ 31 ਮਈ (ਜੋਹਾਨਸਬਰਗ)

ਕੁਆਲਟੀ ਇਨਫਰਾਸਟ੍ਰਕਚਰ (ਸਟੈਂਡਰਡਜ਼ ਐਕਰੀਡੇਸ਼ਨ ਐਂਡ ਮੀਟਰੌਲੋਜੀ ਬਾਡੀਜ਼) ਦੀ ਮੀਟਿੰਗ-16 ਮਈ (ਗੌਟੇਂਗ)

ਵਰਲਡ ਹੈਲਥ ਅਸੈਂਬਲੀ ਦੇ ਹਾਸ਼ੀਏ ਉੱਤੇ ਬ੍ਰਿਕਸ ਸਿਹਤ ਬਾਰੇ ਮੀਟਿੰਗ-ਮਈ (ਜਨੇਵਾ, ਸਵਿਟਜ਼ਰਲੈਂਡ)

ਬ੍ਰਿਕਸ ਸ਼ੇਰਪਾ/ਸਾਉਸ-ਸ਼ੇਰਪਾ ਦੀ ਤੀਸਰੀ ਮੀਟਿੰਗ-2ਤੋਂ 3 ਜੂਨ (ਪਰਿਟੋਰੀਆ)

ਟੈਕਸ ਮਾਮਲਿਆਂ ਦੇ ਮਾਹਰਾਂ ਦੀ ਮੀਟਿੰਗ-18 ਤੋਂ 19 ਜੂਨ (ਕੇਪ ਟਾਊਨ)

ਮੱਧ ਪੂਰਬ ਅਤੇ ਉੱਤਰੀ ਅਫਰੀਕਾ (ਮੇਨਾ) ਬਾਰੇ ਸੀਨੀਅਰ ਅਧਿਕਾਰੀਆਂ/ ਮਾਹਰਾਂ ਦੀ ਚੌਥੀ ਮੀਟਿੰਗ -19 ਜੂਨ (ਪਰਿਟੋਰੀਆ)

ਖੇਤੀ ਸਹਿਯੋਗ ਬਾਰੇ ਵਰਕਿੰਗ ਗਰੁੱਪ ਦੀ ਅੱਠਵੀਂ ਮੀਟਿੰਗ-20 ਜੂਨ (ਨੇਲਸਪਰੂਟ)

ਖੇਤੀ ਫੀਲਡ ਦੌਰੇ-22 ਜੂਨ

ਸਿਵਲ ਸੁਸਾਇਟੀ ਆਰਗੇਨਾਈਜ਼ੇਸ਼ਨਜ਼ (ਸੀਐੱਸਓਜ਼ ਦੀ ਮੀਟਿੰਗ -25 ਤੋਂ 26 ਜੂਨ (ਜੋਹਾਨਸਬਰਗ)

ਸਿਵਲ ਬ੍ਰਿਕਸ-25 ਤੋਂ 27 ਜੂਨ -ਪਾਰਕਟਾਊਨ, ਜੋਹਾਨਸਬਰਗ

ਕਸਟਮਜ਼ ਕੋਆਪਰੇਸ਼ਨ ਕਮੇਟੀ ਦੀ ਤੀਸਰੀ ਮੀਟਿੰਗ-26 ਜੂਨ (ਬਰਸਲਜ਼, ਬੈਲਜੀਅਮ)

ਬ੍ਰਿਕਸ ਐਂਟੀ ਕਰਪਸ਼ਨ ਵਰਕਿੰਗ ਗਰੁੱਪ ਦੀ ਦੂਜੀ ਮੀਟਿੰਗ-26 ਜੂਨ (ਪੈਰਿਸ, ਫਰਾਂਸ)

ਚੌਥਾ ਯੰਗ ਡਿਪਲੋਮੈਟਸ ਫੋਰਮ-25 ਤੋਂ 29 ਜੂਨ (ਪਰਿਟੋਰੀਆ)

ਤੀਸਰਾ ਬ੍ਰਿਕਸ ਯੰਗ ਸਾਇੰਟਿਸਟ ਫੋਰਮ-25 ਤੋਂ 29 ਜੂਨ (ਡਰਬਨ ਆਈਸੀਸੀ)

ਬ੍ਰਿਕਸ ਫਰੈਂਡਸ਼ਿਪ ਸਿਟੀਜ਼ ਐਂਡ ਲੋਕਲ ਗੌਰਮਿੰਟ ਕੋਆਪ੍ਰੇਸ਼ਨ ਫੋਰਮ-28 ਤੋਂ 29 ਜੂਨ (ਪੂਰਬੀ ਲੰਦਨ)

ਚੌਥੀ ਬ੍ਰਿਕਸ ਐੱਸਟੀਆਈ ਵਰਕਿੰਗ ਗਰੁੱਪ ਮੀਟਿੰਗ ਆਵ੍ ਫੰਡਿੰਗ ਪਾਰਟੀਜ਼-30 ਜੂਨ (ਡਰਬਨ)

8ਵੀਂ ਬ੍ਰਿਕਸ ਸਾਇੰਸ, ਟੈਕਨੋਲੋਜੀ ਐਂਡ ਇਨੋਵੇਸ਼ਨ (ਐੱਸਟੀਆਈ)-2 ਜੁਲਾਈ (ਡਰਬਨ)

ਸਨਅਤੀ ਮਾਹਰਾਂ ਦੀ ਤੀਸਰੀ ਮੀਟਿੰਗ-3 ਜੁਲਾਈ(ਮਗਾਲੀਸਬਰਗ)

ਗਵਰਨੈਂਸ ਬਾਰੇ ਦੂਸਰਾ ਬ੍ਰਿਕਸ ਸੈਮੀਨਾਰ -3 ਤੋਂ 4 ਜੁਲਾਈ  (ਜੋਹਾਨਸਬਰਗ)

ਆਰਥਕ ਅਤੇ ਵਪਾਰ ਮੁੱਦਿਆਂ ਉੱਤੇ ਕਾਨਟੈਕਟ ਗਰੁੱਪ (ਸੀਜੀਈਟੀਆਈ) ਦੀ 19ਵੀਂ ਮੀਟਿੰਗ – 2 ਤੋਂ 4 ਜੁਲਾਈ (ਗੌਟੇਗ)

ਬ੍ਰਿਕਸ ਨੈੱਟਵਰਕ ਯੂਨੀਵਰਸਿਟੀ ਕਾਨਫਰੰਸ – 5 ਤੋਂ 7 ਜੁਲਾਈ (ਸਟੈੱਲਨਬੌਸ਼)

ਸਿੱਖਿਆ ਦੇ ਸੀਨੀਅਰ ਬ੍ਰਿਕਸ ਅਧਿਕਾਰੀਆਂ ਦੀ ਮੀਟਿੰਗ – 9 ਜੁਲਾਈ (ਕੇਪ ਟਾਊਨ)

ਚੌਥਾ ਬ੍ਰਿਕਸ ਯੂਥ ਸੰਮੇਲਨ – 16 ਤੋਂ 21 ਜੁਲਾਈ (ਬਲੋਮਫੋਨਟੇਨ, ਫਰੀ ਸਟੇਟ)

ਤੀਸਰੀਆਂ ਬ੍ਰਿਕਸ ਖੇਡਾਂ – 17 ਤੋਂ 22 ਜੁਲਾਈ (ਜੋਹਾਨਸਬਰਗ)

ਬ੍ਰਿਕਸ ਦੇ ਸੀਨੀਅਰ ਸਿਹਤ ਅਧਿਕਾਰੀਆਂ ਦੀ ਮੀਟਿੰਗ – 18 ਤੋਂ 19 ਜੁਲਾਈ (ਡਰਬਨ)

ਬੀਬੀਐੱਫ ਵਰਕਿੰਗ ਗਰੁੱਪ ਦੀ ਮੀਟਿੰਗ ਅਤੇ ਬ੍ਰਿਕਸ ਸੀਆਰਏ ਸਟੈਂਡਿੰਗ ਕਮੇਟੀ ਦੀ ਮੀਟਿੰਗ – 19 ਤੋਂ 22 ਜੁਲਾਈ (ਅਰਜਨਟਾਈਨਾ)

ਬ੍ਰਿਕਸ ਬਿਜ਼ਨਸ ਕੌਂਸਲ ਦੀ ਸਲਾਨਾ ਮੀਟਿੰਗ – 22 ਤੋਂ 23 ਜੁਲਾਈ (ਡਰਬਨ)

ਤੀਸਰਾ ਬ੍ਰਿਕਸ ਫਿਲਮ ਮੇਲਾ 2018 – 22 ਤੋਂ 28 ਜੁਲਾਈ (ਡਰਬਨ)

ਚੌਥੀ ਬ੍ਰਿਕਸ ਸ਼ੇਰਪਾ /ਸਾਉਜ਼ ਸ਼ੇਰਪਾ ਮੀਟਿੰਗ – 20 ਤੋਂ 24 ਜੁਲਾਈ (ਜੋਹਾਨਸਬਰਗ)

ਬ੍ਰਿਕਸ ਬਿਜ਼ਨਸ ਫੋਰਮ – 25 ਜੁਲਾਈ (ਸੈਂਡਟਨ)

ਬ੍ਰਿਕਸ ਆਈਸੀਐਮ ਚੇਅਰਮੈਨਾਂ ਦੀ ਸਲਾਨਾ ਮੀਟਿੰਗ – 25 ਤੋਂ 26 ਜੁਲਾਈ (ਕੇਪ ਟਾਊਨ)

ਬ੍ਰਿਕਸ ਫਾਇਨੈਂਸ਼ਲ ਫੋਰਮ – 25 ਤੋਂ 26 ਜੁਲਾਈ (ਕੇਪ ਟਾਊਨ)

ਦੱਖਣੀ ਅਫਰੀਕਾ ਦੀ ਬ੍ਰਿਕਸ ਚੇਅਰਸ਼ਿਪ 2018 ਦੀਆਂ ਬਾਕੀ ਸਰਗਰਮੀਆਂ

ਬ੍ਰਿਕਸ ਦੇ ਆਗੂਆਂ ਦੀ ਗੈਰ ਰਸਮੀ ਮੀਟਿੰਗ (ਬਿਊਨਸ ਆਇਰਸ, ਅਰਜਨਟਾਈਨਾ)

ਮੰਤਰੀਆਂ ਦੀਆਂ ਮੀਟਿੰਗਾਂ

ਬ੍ਰਿਕਸ ਸਪੋਰਟਸ ਕੌਂਸਲ ਦੇ ਮੰਤਰੀਆਂ ਦੀ ਮੀਟਿੰਗ

ਬ੍ਰਿਕਸ ਦੇ ਕਿਰਤ ਅਤੇ ਰੋਜ਼ਗਾਰ  ਮੰਤਰੀਆਂ (ਐੱਲਈਐੱਮਐੱਮ) ਦੀ ਮੀਟਿੰਗ (ਡਰਬਨ)

ਬ੍ਰਿਕਸ ਦੇ ਵਿਦੇਸ਼ ਮਾਮਲਿਆਂ / ਅੰਤਰਰਾਸ਼ਟਰੀ ਸਬੰਧਾਂ ਬਾਰੇ ਮੰਤਰੀਆਂ ਦੀ ਮੀਟਿੰਗ (ਨਿਊਯਾਰਕ, ਯੂਐੱਸਏ)

ਬ੍ਰਿਕਸ ਦੇ ਵਿੱਤ ਮੰਤਰੀਆਂ ਅਤੇ ਸੈਂਟਰਲ ਬੈਂਕ ਗਵਰਨਰਜ਼ ਦੀ ਮੀਟਿੰਗ

ਬ੍ਰਿਕਸ ਸੈਰ ਸਪਾਟੇ ਦੇ ਸੀਨੀਅਰ ਅਧਿਕਾਰੀਆਂ ਦੀ ਮੀਟਿੰਗ (ਗੌਟੈਂਗ)

ਸੀਨੀਅਰ ਅਧਿਕਾਰੀਆਂ ਦੀਆਂ ਅਤੇ ਖੇਤਰੀ ਮੀਟਿੰਗਾਂ

ਦੂਸਰੇ ਕਿਰਤ ਅਤੇ ਰੋਜ਼ਗਾਰ  ਵਰਕਿੰਗ ਗਰੁੱਪ (ਈਡਬਲਿਊਜੀ) ਦੀ ਮੀਟਿੰਗ (ਡਰਬਨ)

ਬ੍ਰਿਕਸ ਟੀਬੀ ਰਿਸਰਚ ਨੈੱਟਵਰਕ (ਡਰਬਨ)

ਤੀਸਰਾ ਬ੍ਰਿਕਸ ਮੀਡੀਆ ਫੋਰਮ

ਆਈਸੀਟੀ ਵਿੱਚ ਸਹਿਯੋਗ ਬਾਰੇ ਤੀਸਰਾ ਬ੍ਰਿਕਸ ਵਰਕਿੰਗ ਗਰੁੱਪ

ਬ੍ਰਿਕਸ ਸਾਇੰਸ, ਟੈਕਨੋਲੋਜੀ ਐਂਡ ਇਨੋਵੇਸ਼ਨ ਵਿਮੈੱਨਜ਼ ਫੋਰਮ (ਪਰਿਟੋਰੀਆ)

ਐਗਰੀ-ਬਿਜ਼ਨਸ ਰੋਡਸ਼ੋਅ

ਅਫਰੀਕਾ ਵਿੱਚ ਵਿਕਾਸ ਵਿੱਤ ਬਾਰੇ ਬ੍ਰਿਕਸ ਕਾਨਫਰੰਸ (ਨੈਲਸਨ ਮੰਡੇਲਾ ਯੂਨੀਵਰਸਿਟੀ, ਪੋਰਟ ਐਲਿਜ਼ਬਥ)

ਬ੍ਰਿਕਸ ਲੀਗਲ ਫੋਰਮ (ਕੇਪ ਟਾਊਨ)

ਬ੍ਰਿਕਸ ਦੇ ਸੱਭਿਆਚਾਰ ਮਾਮਲਿਆਂ ਦੇ ਸੀਨੀਅਰ ਅਧਿਕਾਰੀਆਂ ਦੀ ਮੀਟਿੰਗ

ਬ੍ਰਿਕਸ ਸੱਭਿਆਚਾਰਕ ਮੇਲਾ (ਵੱਖ ਵੱਖ ਸ਼ਹਿਰਾਂ ਵਿੱਚ )

ਬ੍ਰਿਕਸ ਵਰਕਿੰਗ ਗਰੁੱਪਸ ਦੀਆਂ ਮੀਟਿੰਗਾਂ (ਕੰਪੀਟੀਸ਼ਨ)

ਮੁਕਾਬਲੇ ਕਰਵਾਉਣ ਵਾਲੇ ਅਧਿਕਾਰੀਆਂ ਦੇ ਮੁਖੀਆਂ ਦੀ ਮੀਟਿੰਗ (ਪਰਿਟੋਰੀਆ)

ਪ੍ਰਬੰਧਨ ਅਤੇ ਸੁਧਾਰਾਂ ਬਾਰੇ ਤੀਸਰਾ ਬ੍ਰਿਕਸ ਐੱਸਓਈ ਫੋਰਮ (ਡਰਬਨ)

ਚੌਥੀ ਬਿਜ਼ਨਸ ਟੂ ਬਿਜ਼ਨੈੱਸ (ਉਦਯੋਗਿਕ ਗੱਲਬਾਤ) ਮੀਟਿੰਗ (ਡਰਬਨ)

ਆਈਸੀਟੀ ਆਯੋਗ ਬਾਰੇ ਤੀਸਰੇ ਵਰਕਿੰਗ ਗਰੁੱਪ (ਸੀਨੀਅਰ ਅਧਿਕਾਰੀਆਂ) ਦੀ ਮੀਟਿੰਗ (ਡਰਬਨ)

ਬ੍ਰਿਕਸ ਸ਼ੇਰਪਾਜ਼/ ਸ਼ਾਉਸ ਸ਼ੇਰਪਾਜ਼ ਦੀ ਪੰਜਵੀਂ ਮੀਟਿੰਗ (ਨਿਊਯਾਰਕ ਯੂਐਸਏ)

ਦੂਸਰਾ ਬ੍ਰਿਕਸ ਸਕਿੱਲ ਮੁਕਾਬਲਾ (ਜੋਹਾਨਸਬਰਗ)

ਬ੍ਰਿਕਸ ਸੀਆਰਏ ਗਵਰਨਿੰਗ ਕੌਂਸਲ ਦੀ ਮੀਟਿੰਗ ਅਤੇ ਬ੍ਰਿਕਸ ਬੀਐੱਫ ਵਰਕਿੰਗ ਗਰੁੱਪ ਦੀ ਮੀਟਿੰਗ (ਬਾਲੀ, ਇੰਡੋਨੇਸ਼ੀਆ)

ਬਾਇਓਮੈਡਿਕਲ ਅਤੇ ਬਾਇਓ ਟੈਕਨੋਲੋਜੀ ਬਾਰੇ ਬ੍ਰਿਕਸ ਦੇ ਐੱਸਟੀਆਈ ਵਰਕਿੰਗ ਗਰੁੱਪ ਦੀ ਦੂਸਰੀ ਮੀਟਿੰਗ (ਕੇਪ ਟਾਊਨ)

ਤੀਸਰੀ ਬ੍ਰਿਕਸ ਸੱਭਿਆਚਾਰ ਮੰਤਰੀਆਂ ਦੀ ਮੀਟਿੰਗ 2018 (ਡਰਬਨ)

ਬ੍ਰਿਕਸ ਪਾਲਸੀ ਪਲੈਨਿੰਗ ਕੰਸਲਟੇਸ਼ਨ ਦਾ ਚੌਥਾ ਦੌਰ

ਜੀਓਸਪੇਸ਼ੀਅਲ ਸਾਇੰਸਿਜ਼ ਐਂਡ ਇਟਸ ਐਪਲੀਕੇਸ਼ਨਜ਼ ਬਾਰੇ ਬ੍ਰਿਕਸ ਵਰਕਿੰਗ ਗਰੁੱਪ ਦੀ ਤੀਸਰੀ ਮੀਟਿੰਗ (ਪਰਿਟੋਰੀਆ)

ਕੁਦਰਤੀ ਆਫਤਾਂ ਤੋਂ ਬਚਾਅ ਅਤੇ ਉਨ੍ਹਾਂ ਦੀ ਮਾਨੀਟ੍ਰਿੰਗ ਬਾਰੇ ਬ੍ਰਿਕਸ ਵਰਕਿੰਗ ਗਰੁੱਪ ਦੀ ਤੀਸਰੀ ਮੀਟਿੰਗ (ਪਰਿਟੋਰੀਆ)

ਬ੍ਰਿਕਸ ਨੈਸ਼ਨਲ ਸਟੈਟਿਸਟੀਕਲ ਆਫਿਸ ਦੀ ਮੀਟਿੰਗ

ਬ੍ਰਿਕਸ ਪੁਲਾੜ ਏਜੰਸੀਆਂ ਦਾ ਫੋਰਮ (ਪਰਿਟੋਰੀਆ)

ਬ੍ਰਿਕਸ ਐਸਟ੍ਰਾਨੌਮੀ ਕਾਨਫਰੰਸ (ਸਦਰਲੈਂਡ ਸਾਲਟ – ਸਦਰਨ ਅਫਰੀਕਨ ਲਾਰਜ ਟੈਲੀਸਕੋਪ)

ਬ੍ਰਿਕਸ ਸ਼ੇਰਪਾਜ਼ /ਸਾਉਸ ਸ਼ੇਰਪਾਜ਼ ਦੀ ਛੇਵੀਂ ਮੀਟਿੰਗ (ਬਿਊਨਸ ਆਇਰਸ, ਅਰਜਨਟਾਈਨਾ)

ਬ੍ਰਿਕਸ ਐੱਸਟੀਆਈ ਬ੍ਰੋਕਰੇਜ ਈਵੈਂਟ

ਬ੍ਰਿਕਸ ਸਾਇੰਸ ਅਕੈਡਮੀਜ਼ ਡਾਇਲਾਗ (ਜੋਹਾਨਸਬਰਗ)

ਤੀਸਰਾ ਬ੍ਰਿਕਸ ਵਾਟਰ ਫੋਰਮ (ਪਰਿਟੋਰੀਆ)

ਬ੍ਰਿਕਸ ਐਸਟੀਆਈ ਅਡਵਾਈਜ਼ਰੀ ਕੌਂਸਲ ਰਾਊਂਡ ਟੇਬਲ (ਪਰਿਟੋਰੀਆ)

ਬ੍ਰਿਕਸ ਐੱਸਟੀਆਈ ਟੈਕਨੋਲੋਜੀ ਟ੍ਰਾਂਸਫਰ ਐਂਡ ਐੱਸਐੱਮਐੱਮਈ ਫੋਰਮ (ਪਰਿਟੋਰੀਆ)

ਬ੍ਰਿਕਸ ਸ਼ੇਰਪਾਜ਼ ਸਾਉਸ ਸ਼ੇਰਪਾਜ਼ ਦੀ 7ਵੀਂ ਮੀਟਿੰਗ

ਅਬਾਦੀ ਸਬੰਧੀ ਮਾਮਲਿਆਂ ਬਾਰੇ ਬ੍ਰਿਕਸ ਦੇ ਅਧਿਕਾਰੀਆਂ ਅਤੇ ਮਾਹਰਾਂ ਦੀ ਮੀਟਿੰਗ (ਪਿਲੰਸਬਰਗ, ਰਸਟਨਬਰਗ)

***

AKT/SH/AK