ਪੀਐੱਮਇੰਡੀਆ

ਤਿਉਹਾਰੀ ਸੀਜ਼ਨ ਦੌਰਾਨ ਗ੍ਰਾਹਕਾਂ ਵੱਲੋਂ ਵੱਡੇ ਟੀਵੀ ਅਤੇ ਵੱਧ ਸਮਰੱਥਾ ਵਾਲੇ ਘਰੇਲੂ ਉਪਕਰਣ ਖਰੀਦਣ ਕਾਰਨ ਪ੍ਰੀਮੀਅਮ ਉਤਪਾਦਾਂ ਦੀ ਵਿਕਰੀ ਵਿੱਚ ਵਾਧਾ ਹੋਇਆ।

ਤਿਉਹਾਰੀ ਸੀਜ਼ਨ ਦੌਰਾਨ Xiaomi ਦੇ ਪ੍ਰੀਮੀਅਮ ਟੈਲੀਵਿਜ਼ਨ ਉਤਪਾਦਾਂ ਦੀ ਵਿਕਰੀ ਵਿੱਚ 600% ਦਾ ਵਾਧਾ ਦਰਜ ਕੀਤਾ ਗਿਆ।

ਤਿਉਹਾਰੀ ਸਮੇਂ ਦੌਰਾਨ ਬਲੂ ਸਟਾਰ ਦੇ ਰੂਮ ਏਅਰ ਕੰਡੀਸ਼ਨਰਾਂ ਦੀ ਵਿਕਰੀ ਗਿਣਤੀ ਅਤੇ ਕੁੱਲ ਕੀਮਤ ਦੋਵਾਂ ਵਿੱਚ 35% ਤੋਂ ਵੱਧ ਦਾ ਵਾਧਾ ਹੋਇਆ।

ਭਾਰਤੀ ਕੰਪਨੀਆਂ ਦੀ ਦੂਜੀ ਤਿਮਾਹੀ ਦੀ ਕਮਾਈ ਵਿੱਚ ਵੱਡਾ ਉਛਾਲ਼ ਦੇਖਣ ਨੂੰ ਮਿਲਿਆ ਅਤੇ 181 ਕੰਪਨੀਆਂ ਦਾ ਸ਼ੁੱਧ ਮੁਨਾਫ਼ਾ ਸਲਾਨਾ ਅਧਾਰ 'ਤੇ ਦੁੱਗਣੇ ਤੋਂ ਵੀ ਵੱਧ ਹੋ ਗਿਆ।

ਵੱਖ-ਵੱਖ ਖੇਤਰਾਂ ਵਿੱਚ ਕਮਾਈ ਵਿੱਚ ਸੁਧਾਰ ਦੇ ਦੌਰਾਨ ਇੰਡੀਅਨ ਆਇਲ ਦਾ ਤਿਮਾਹੀ ਮੁਨਾਫ਼ਾ 192% ਵਧ ਕੇ 21,854 ਕਰੋੜ ਰੁਪਏ ਹੋ ਗਿਆ।

ਮੋਤੀਲਾਲ ਓਸਵਾਲ ਨੇ ਸਤੰਬਰ ਤਿਮਾਹੀ ਦੇ ਕਮਾਈ ਸੀਜ਼ਨ ਨੂੰ ਪਿਛਲੀਆਂ 12 ਤਿਮਾਹੀਆਂ ਵਿੱਚ ਸਭ ਤੋਂ ਮਜ਼ਬੂਤ ਕਰਾਰ ਦਿੱਤਾ ਹੈ।

ਵਿਸ਼ਵ ਬੈਂਕ ਦੇ ਅਧਿਕਾਰੀ ਸਰੋਜ ਕੁਮਾਰ ਝਾਅ ਨੇ ਭਾਰਤ ਦੇ ਜਲ ਪ੍ਰਬੰਧਨ ਦੇ ਸਫ਼ਰ ਨੂੰ ਵਿਕਾਸਸ਼ੀਲ ਦੇਸ਼ਾਂ ਲਈ ਇੱਕ ਮਾਡਲ ਦੱਸਿਆ।

ਜਲ ਜੀਵਨ ਮਿਸ਼ਨ ਨੇ ਸੱਤ ਸਾਲਾਂ ਤੋਂ ਵੀ ਘੱਟ ਸਮੇਂ ਵਿੱਚ 80 ਕਰੋੜ ਲੋਕਾਂ ਤੱਕ ਪੀਣ ਵਾਲੇ ਪਾਣੀ ਦੀ ਪਹੁੰਚ ਵਿੱਚ ਸੁਧਾਰ ਕੀਤਾ ਹੈ।

ਨਮਾਮਿ ਗੰਗੇ ਪ੍ਰੋਗਰਾਮ ਨੇ ਗੰਗਾ ਨਦੀ ਦੇ ਪ੍ਰਦੂਸ਼ਣ ਨੂੰ ਘਟਾਉਣ ਵਿੱਚ ਮਦਦ ਕੀਤੀ ਹੈ, ਜਦਕਿ ਭਾਰਤ ਨੇ ਲਗਭਗ 900 ਡੈਮਾਂ ਨੂੰ ਹੋਰ ਮਜ਼ਬੂਤ ਅਤੇ ਸੁਰੱਖਿਅਤ ਬਣਾਇਆ ਹੈ।

ਜਪਾਨ ਨੇ ਭਾਰਤ ਵਿੱਚ ਸਵਦੇਸ਼ੀ ਤਕਨੀਕ ਨਾਲ ਬਣਾਏ ਗਏ ਟ੍ਰੇਨ ਪ੍ਰੋਪਲਸ਼ਨ ਸਿਸਟਮ ਦਾ ਪਹਿਲਾ ਆਰਡਰ ਦਿੱਤਾ ਹੈ।

ਟ੍ਰੇਨ ਦੇ ਕੁੱਲ ਮੁੱਲ ਵਿੱਚ ਪ੍ਰੋਪਲਸ਼ਨ ਸਿਸਟਮ ਦਾ ਹਿੱਸਾ ਲਗਭਗ 40% ਹੁੰਦਾ ਹੈ।

ਭਾਰਤ ਦਾ ਟੀਚਾ 2029-30 ਤੱਕ ਪੂਰੀ ਤਰ੍ਹਾਂ ਦੇਸ਼ ਵਿੱਚ ਬਣੀਆਂ ਵੰਦੇ ਭਾਰਤ ਟ੍ਰੇਨਾਂ ਦਾ ਨਿਰਯਾਤ ਸ਼ੁਰੂ ਕਰਨਾ ਹੈ।

ਅਕਤੂਬਰ ਤੱਕ ਭਾਰਤ ਵਿੱਚ ਯਾਤਰੀ ਵਾਹਨਾਂ ਦੀਆਂ ਨਵੀਆਂ ਰਜਿਸਟ੍ਰੇਸ਼ਨਾਂ ਵਿੱਚ 55% ਵਾਧਾ ਛੋਟੇ ਸ਼ਹਿਰਾਂ ਦੇ ਯੋਗਦਾਨ ਕਾਰਨ ਹੋਇਆ।

ਮਹਾਨਗਰਾਂ ਤੋਂ ਇਲਾਵਾ ਹੋਰ ਸ਼ਹਿਰੀ ਬਜ਼ਾਰਾਂ ਵਿੱਚ 3,89,401 ਨਵੇਂ ਵਾਹਨ ਸ਼ਾਮਲ ਹੋਏ, ਜੋ ਮਹਾਨਗਰਾਂ ਅਤੇ ਗ੍ਰਾਮੀਣ ਭਾਰਤ ਦੇ ਕੁੱਲ ਵਾਧੇ ਨਾਲੋਂ ਵੀ ਜ਼ਿਆਦਾ ਹਨ।

ਮਹਾਨਗਰਾਂ ਤੋਂ ਇਲਾਵਾ ਹੋਰ ਸ਼ਹਿਰੀ ਖੇਤਰਾਂ ਵਿੱਚ ਵਾਹਨਾਂ ਦੀਆਂ ਰਜਿਸਟ੍ਰੇਸ਼ਨਾਂ 17.5% ਵਧ ਕੇ 26.1 ਲੱਖ ਹੋ ਗਈਆਂ, ਜੋ ਭਾਰਤ ਦੀਆਂ ਕੁੱਲ ਰਜਿਸਟ੍ਰੇਸ਼ਨਾਂ ਦਾ 57.3% ਹਿੱਸਾ ਹਨ।

ਵਿਦੇਸ਼ੀ ਪੋਰਟਫੋਲੀਓ ਨਿਵੇਸ਼ਕਾਂ ਨੇ ਨਵੰਬਰ ਦੇ ਪਹਿਲੇ ਨੌਂ ਦਿਨਾਂ ਦੌਰਾਨ ਭਾਰਤੀ ਸ਼ੇਅਰ ਬਜ਼ਾਰ ਵਿੱਚ 53,739 ਕਰੋੜ ਰੁਪਏ ਦਾ ਨਿਵੇਸ਼ ਕੀਤਾ।

ਕੰਪਨੀਆਂ ਦੀ ਮਜ਼ਬੂਤ ਕਮਾਈ ਅਤੇ ਵੱਡੀਆਂ ਕੰਪਨੀਆਂ ਦੇ ਸ਼ੇਅਰਾਂ ਦੀਆਂ ਆਕਰਸ਼ਕ ਕੀਮਤਾਂ ਨੇ ਵਿਦੇਸ਼ੀ ਨਿਵੇਸ਼ਕਾਂ ਦੀ ਭਾਰਤੀ ਬਜ਼ਾਰ ਵਿੱਚ ਦਿਲਚਸਪੀ ਮੁੜ ਵਧਾਉਣ ਵਿੱਚ ਮਦਦ ਕੀਤੀ।

ਨਵੰਬਰ ਮਹੀਨੇ ਦੌਰਾਨ ਵਿਦੇਸ਼ੀ ਨਿਵੇਸ਼ਕਾਂ ਨੇ ਵਿੱਤੀ ਸੇਵਾਵਾਂ, ਆਈਟੀ, ਆਟੋਮੋਬਾਈਲ ਅਤੇ ਟੈਲੀਕੌਮ ਖੇਤਰਾਂ ਵਿੱਚ ਵੱਡੀ ਮਾਤਰਾ ਵਿੱਚ ਸ਼ੇਅਰ ਖਰੀਦੇ।

ਕੰਪਨੀਆਂ ਦੀ ਕਮਾਈ ਵਿੱਚ ਮਜ਼ਬੂਤੀ ਅਤੇ ਸ਼ੇਅਰਾਂ ਦੀਆਂ ਕੀਮਤਾਂ ਆਕਰਸ਼ਕ ਹੋਣ ਕਾਰਨ ਐੱਚਐੱਸਬੀਸੀ ਨੇ ਭਾਰਤੀ ਸ਼ੇਅਰ ਬਜ਼ਾਰ ਦੀ ਰੇਟਿੰਗ ਵਧਾ ਕੇ 'ਓਵਰਵੇਟ' ਕਰ ਦਿੱਤੀ ਹੈ।

ਸਿਟੀ ਨੂੰ ਉਮੀਦ ਹੈ ਕਿ 2027 ਦੇ ਅੰਤ ਤੱਕ ਨਿਫਟੀ 50 ਦਾ ਅੰਕੜਾ 28,000 ਤੱਕ ਪਹੁੰਚ ਸਕਦਾ ਹੈ, ਜਿਸ ਨਾਲ ਲਗਭਗ 12% ਵਾਧੇ ਦੀ ਸੰਭਾਵਨਾ ਹੈ।

23 ਅਕਤੂਬਰ ਤੋਂ ਬਾਅਦ ਸੈਂਸੈਕਸ ਅਤੇ ਨਿਫਟੀ ਵਿੱਚ 10.8% ਦਾ ਵਾਧਾ ਹੋਣ ਦੇ ਨਾਲ ਵਿਦੇਸ਼ੀ ਨਿਵੇਸ਼ਕਾਂ ਨੇ ਲਗਭਗ 4 ਬਿਲੀਅਨ ਡਾਲਰ ਦੇ ਸ਼ੇਅਰ ਖਰੀਦੇ।

ਦੀਵਾਲ਼ੀ ਮੌਕੇ ਆਖਰੀ ਸਮੇਂ ਦੀ ਤਿਉਹਾਰੀ ਖਰੀਦਦਾਰੀ ਕਾਰਨ ਯੂਪੀਆਈ ਲੈਣ-ਦੇਣ ਵਿੱਚ 32% ਦਾ ਵਾਧਾ ਹੋਇਆ ਅਤੇ ਕੁੱਲ 91.69 ਕਰੋੜ ਲੈਣ-ਦੇਣ ਦਰਜ ਕੀਤੇ ਗਏ।

ਦੀਵਾਲ਼ੀ ਮੌਕੇ ਯੂਪੀਆਈ ਰਾਹੀਂ ਹੋਏ ਲੈਣ-ਦੇਣ ਦੀ ਕੁੱਲ ਰਕਮ ਪਿਛਲੇ ਸਾਲ ਦੇ 88,350.79 ਕਰੋੜ ਰੁਪਏ ਤੋਂ ਵਧ ਕੇ 90,029.43 ਕਰੋੜ ਰੁਪਏ ਹੋ ਗਈ।

ਤਿਉਹਾਰੀ ਮੰਗ ਦੇ ਚਲਦਿਆਂ ਅਕਤੂਬਰ ਮਹੀਨੇ ਵਿੱਚ 25.47 ਬਿਲੀਅਨ ਯੂਪੀਆਈ ਲੈਣ-ਦੇਣ ਦਰਜ ਕੀਤੇ ਗਏ, ਜਿਨ੍ਹਾਂ ਦੀ ਕੁੱਲ ਕੀਮਤ 31.53 ਲੱਖ ਕਰੋੜ ਰੁਪਏ ਰਹੀ।

ਸਾਲ 2026 ਵਿੱਚ ਭਾਰਤ ਦਾ ਦੀਵਾਲ਼ੀ ਵਪਾਰ ਲਗਭਗ 7 ਲੱਖ ਕਰੋੜ ਰੁਪਏ ਤੱਕ ਪਹੁੰਚ ਗਿਆ, ਜਦਕਿ ਪਿਛਲੇ ਸਾਲ ਤਿਉਹਾਰੀ ਸੀਜ਼ਨ ਦੌਰਾਨ ਇਹ ਅੰਕੜਾ 6.05 ਲੱਖ ਕਰੋੜ ਰੁਪਏ ਸੀ।

ਧਨਤੇਰਸ ਮੌਕੇ ਲਗਭਗ 1.25 ਲੱਖ ਕਰੋੜ ਰੁਪਏ ਦਾ ਕਾਰੋਬਾਰ ਹੋਇਆ। ਇਸ ਵਿੱਚੋਂ ਇਕੱਲੇ ਸੋਨੇ ਅਤੇ ਚਾਂਦੀ ਦੀ ਵਿਕਰੀ 66,000 ਕਰੋੜ ਰੁਪਏ ਤੋਂ ਵੱਧ ਰਹੀ।

ਦਿੱਲੀ ਵਿੱਚ ਤਿਉਹਾਰੀ ਵਪਾਰ 1 ਲੱਖ ਕਰੋੜ ਰੁਪਏ ਤੋਂ ਵੱਧ ਦਰਜ ਕੀਤਾ ਗਿਆ। ਇਸ ਦੇ ਨਾਲ ਹੀ ਸਵਦੇਸ਼ੀ ਉਤਪਾਦਾਂ, ਖਾਦੀ, ਹੈਂਡਲੂਮ ਅਤੇ ਹੱਥ ਨਾਲ ਬਣੀਆਂ ਵਸਤਾਂ ਦੀ ਮੰਗ ਵਿੱਚ ਵੀ ਭਾਰੀ ਵਾਧਾ ਦੇਖਣ ਨੂੰ ਮਿਲਿਆ।