పిఎంఇండియా

ప్రధానమంత్రి శ్రీ నరేంద్ర మోదీ ఈ రోజు సంస్కృత శ్లోకాన్ని పంచుకున్నారు. విజ్ఞానాన్ని అందిపుచ్చుకోవడం, కొత్త నైపుణ్యాలను పెంపొందించుకోవడం, ఆరోగ్యానికి ప్రాధాన్యం ఇవ్వడం ద్వారా భారత భవిష్యత్తును తీర్చిదిద్దడంలో దేశ యువత బలమైన శక్తిగా ఎదుగుతోందని పేర్కొన్నారు. ఈ లక్షణాలు వ్యక్తులను శక్తిమంతం చేయడమే కాకుండా.. దేశాభివృద్ధికి గణనీయమైన రీతిలో తోడ్పాటును అందిస్తాయి. 

ప్రధానమంత్రి పంచుకున్న సంస్కృత శ్లోకం –

‘‘ధన్యానాముత్తమం దాక్ష్యం ధనానాముత్తమం శ్రుతమ్ | 

లాభానాం శ్రేయ ఆరోగ్యం సుఖానాం తుష్టిరుత్తమా || ’’

సామాజిక మాధ్యమం ఎక్స్‌లో ప్రధానమంత్రి పోస్టు: 

విద్యతో వివేకం, నైపుణ్యంతో అభివృద్ధి సాధ్యమవుతుంది. మంచి ఆరోగ్యంతో ప్రతి సంకల్పమూ నెరవేరుతుంది. ఇప్పుడు మన యువత ఈ గుణాలను అలవర్చుకొని దేశ గుర్తింపును మరింత బలోపేతం చేస్తున్నారు.

ధన్యానాముత్తమం దాక్ష్యం ధనానాముత్తమం శ్రుతమ్ | 

లాభానాం శ్రేయ ఆరోగ్యం సుఖానాం తుష్టిరుత్తమా || 

***