ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ২০২৬ কী সেপ্তেম্বর ১২দা নই দিল্লীদা পাংথোকপা ১৮শুবা ব্রিক্স সম্মিতকী মনুংদা ব্রিক্সকী “ইনক্লুসিব গ্লোবেল গবর্নান্স এন্দ স্ত্রেন্থনিং মল্তিলেতরেলিজম” হায়বা সেসনগী ময়াই তাংবল লৌখ্রে।

২. মহাক্কী ৱারোলদা, প্রধান মন্ত্রীনা মখাগী ৱাফমশিং অসিদা মরুওইবা মীৎয়েং থমখি:

i. গ্লোবেল সাউথ অসি মালেমগী ওইবা অৱাবশিং থেংনবদা খ্বাইদগী মাংজিল থারি, অদুবু ৱারেপ লৌবগী থৌওংদদি খ্বাইদগী মতুংদা লৈরি। ঐখোয়না “খুমাং চাউশিনবগী পিরামিদ” অসিবু “পার্তনরশিপকী ফম্পাক” অমা ওইনা ওন্থোক্কদবনি।

ii. মালেমগী ওইবা লৈঙাক-পথাপ (গ্লোবেল গভর্নান্স) অসিদা ঙসিগী ওইরিবা ফীভমশিং অদু মমি তাগদবনি, মরুওইনা য়ু.এন. সেক্যুরিতী কাউন্সিলগুম্বা ইন্সতিত্যুসনশিংদা হেন্না মীহুৎ য়াওহনগদবনি।

iii. গ্লোবেল সাউথপু নিয়ম ঙাকপা অমদগী নিয়ম শেম্বা অমা ওইহন্নবা হোৎনগদবনি। ব্রিক্সকী খুত্থাংদা, ঐখোয়না গ্লোবেল সাউথকী নহা ওইরিবা দিপ্লোমেতশিং অমসুং পোলিসী শেম্লিবশিংদা ৱারী-ৱাতাই শানবগী হৈশিংবা, থবক তৌবগী ত্রেনিং অমসুং আইনগী ওইবা লৌশিং পীবা ঙমগনি।

iv. সীফ্যেররশিংনা মালেমগী ললোন-ইতিক্তা চাউনা মতেং পাংলি, অদুবু অয়াম্বা মতমদা মখোয়দা অৱাবা মতমদা মতিক চাবা মতেং পাংদ্রি। মরম অদুনা সীফ্যেররশিংগী ইমর্জেন্সী সপোর্ত নেতৱার্ক অমা লিংখৎনবা ৱাফম থমখি।

৩. পি.এম.না মখা তারদুনা হায়খি মদুদি ঐখোয়গী তুংলমচৎ অসি শরুক য়ামিন্নবগুম্না, তুংলমচৎ অসিবু শেমগৎপগী হকসু শরুক য়ামিন্নগদবনি – ৱা ঙাংবদগী ইম্পেক্ত ফাওবা, খুদোংচাবা ফংবদগী পার্তনরশিপ ফাওবা। প্রধান মন্ত্রীগী হৌদোক ৱারোলশিং অসিদা য়েংবা য়াগনি।

৪. সেসন অসি নই দিল্লী ব্রিক্স লুচিংবশিংগী দিক্লারেসন লৌখৎপগা লোয়ননা লোইশিনখি, মসিনা ব্রিক্স কোওপরেসনগীদমক পার্তনরগী ওইবা প্রাইওরিতিশিং, অচেৎপা ফিরেপশিং অমসুং লমজিং-লমতাকশিং থমখি। দিক্লারেসন অসি অসিদা য়েংবা য়াগনি

*****