પીએમઇન્ડિયા

પ્રધાનમંત્રી શ્રી નરેન્દ્ર મોદીએ 13 સપ્ટેમ્બર 2026ના રોજ નવી દિલ્હીમાં 18મી બ્રિક્સ સમિટ દરમિયાન દક્ષિણ આફ્રિકા પ્રજાસત્તાકના રાષ્ટ્રપતિ મહામહિમ શ્રી સિરિલ રામાફોસા સાથે મુલાકાત કરી હતી.

બંને નેતાઓએ સહયોગના વિવિધ ક્ષેત્રોમાં થયેલી પ્રગતિની સમીક્ષા કરી હતી અને ભારત અને દક્ષિણ આફ્રિકા વચ્ચેની બહુમુખી વ્યૂહાત્મક ભાગીદારી પર વિચારોનું આદાનપ્રદાન કર્યું હતું. તેમણે જણાવ્યું હતું કે ભારત અને દક્ષિણ આફ્રિકા વચ્ચેના ગાઢ અને લાંબા સમયના સંબંધો સહિયારા ઐતિહાસિક સંઘર્ષો, મજબૂત સાંસ્કૃતિક આત્મીયતા, મજબૂત આર્થિક સંબંધો અને લોકો-થી-લોકોના જોડાણોમાં રહેલા છે. બંને નેતાઓએ પરસ્પર હિતના વિવિધ વૈશ્વિક મુદ્દાઓ પર વિચારોનું આદાનપ્રદાન કર્યું હતું અને બહુપક્ષીય મંચોમાં ગાઢ સમન્વય જાળવી રાખવા સંમતિ દર્શાવી હતી. દક્ષિણ આફ્રિકાથી ભારતમાં ચિત્તાઓના સફળ સ્થાનાંતરણના સંદર્ભમાં, પ્રધાનમંત્રીએ દક્ષિણ આફ્રિકાને ઇન્ટરનેશનલ બિગ કેટ એલાયન્સમાં જોડાવા વિચારણા કરવા આમંત્રણ આપ્યું હતું.

રાષ્ટ્રપતિ રામાફોસાએ પ્રધાનમંત્રી મોદીનો તેમને અને તેમના પ્રતિનિધિમંડળને આપવામાં આવેલા ઉષ્માભર્યા આતિથ્ય તેમજ બ્રિક્સ સમિટના સફળ આયોજન બદલ આભાર માન્યો હતો.

SM/BS/JD