پی ایم انڈیا

وزیر اعظم جناب نریندر مودی نے آج پولیس کے یادگاری دن  کے موقع پر تمام پولیس اہلکاروں کے تئیں گہرے تشکر کا اظہار کیا۔ وزیراعظم نے امن و قانون برقرار رکھنے، جرائم کے خلاف کارروائی کرنے، ہنگامی حالات سے نمٹنے اور انتہائی مشکل حالات میں شہریوں کی حفاظت کو یقینی بنانے میں پولیس اہلکاروں کی گراں قدر خدمات کو سراہا۔

ڈیوٹی کے دوران اپنی جانوں کا نذرانہ پیش کرنے والے بہادر پولیس اہلکاروں کو خراجِ عقیدت پیش کرتے ہوئے، جناب مودی نے کہا کہ ان کی بہادری، غیر متزلزل لگن اور عظیم قربانی ملک کی تاریخ  میں ہمیشہ نقش رہے گی۔

وزیر اعظم نے سوشل میڈیا پلیٹ فارم ایکس پر ایک پوسٹ میں لکھا:

’’ پولیس  کا یادگاری دن ہمارے ان پولیس اہلکاروں کے تئیں گہرے تشکر  کے  اظہار کا ایک موقع ہے، جو غیر معمولی لگن اور فرض شناسی کے ساتھ خدمات انجام دیتے ہیں اور اکثر انتہائی مشکل حالات کا سامنا کرتے ہیں۔ امن و قانون برقرار رکھنے سے لے کر جرائم کے خلاف کارروائی کرنے، ہنگامی حالات سے نمٹنے اور شہریوں کی حفاظت کو یقینی بنانے تک، ان کی خدمات بے حد اہمیت کی حامل ہیں۔

 ڈیوٹی کے دوران اپنی جانوں کا نذرانہ پیش کرنے والے بہادر پولیس اہلکاروں کو ہم خراجِ عقیدت پیش کرتے ہیں۔ ان کی بہادری، عزم مصمم اور عظیم قربانی ہمیشہ ہمارے  ملک کی تاریخ کا حصہ رہے گی۔‘‘

Police Commemoration Day is an occasion to express our deepest gratitude to our police personnel, who serve with remarkable commitment, often in the most challenging circumstances. From maintaining law and order to combating crime, responding to emergencies and ensuring the safety of citizens, their contribution is invaluable.

We pay our solemn tributes to the brave police personnel who laid down their lives in the line of duty. Their courage, unwavering dedication and supreme sacrifice will forever remain etched in our nation’s memory.

— Narendra Modi (@narendramodi) October 21, 2026

***

ش ح۔ ش  م ۔ ع ن

U NO: 6378