పిఎంఇండియా

ఆసియా పారా గేమ్స్‌లో పురుషుల 100 మీటర్ల టీ35 పోటీలో మెరుగైన ప్రదర్శనతో కాంస్య పతకాన్ని గెలిచిన శ్రీ అనుభవ్ చౌధరీని ప్రధానమంత్రి శ్రీ నరేంద్ర మోదీ ఈ రోజు అభినందించారు.

ఈ గెలుపుతో అనుభవ్ చౌధరీ పాల్గొన్న మొదటి ఆటల పోటీల్లో గుర్తుపెట్టుకోదగ్గ ప్రయత్నాన్ని చేశారనీ, ఆయన క్రీడాయాత్రలో ప్రభావశీల శుభారంభాన్ని చాటిన అత్యుత్తమ వ్యక్తిగత ఆటతీరును కనబరిచారనీ ప్రధానమంత్రి అన్నారు. ఈ విజయానికిగాను శ్రీ అనుభవ్ చౌధరీకి ప్రధానమంత్రి అభినందనలను తెలియజేస్తూ, ఆయన క్రీడాజీవితంలో మరిన్ని విజయాలను సాధిస్తారన్న ఆశాభావాన్ని వ్యక్తం చేశారు.

సామాజిక మాధ్యమం ‘ఎక్స్’లో ఒక సందేశాన్ని ప్రధానమంత్రి కార్యాలయం పొందుపరుస్తూ ఇలా పేర్కొంది:

‘‘శ్రీ అనుభవ్ చౌధరీ ఆసియా పారా గేమ్స్ ప్రయాణాన్ని ప్రభావవంతంగా ఆరంభించారు. ఆయన పురుషుల 100 మీటర్ల టీ35 పోటీలో మెరుగైన ఆటతీరును కనబరిచి, కాంస్య పతకాన్ని గెలిచారు. ఈ శ్రేష్ఠ విజయాన్ని సాధించినందుకు ఆయనకు ఇవే అభినందనలు. ఆయన క్రీడాజీవితంలో మరిన్ని విజయాలను సాధిస్తారని ఆశిస్తున్నాను: ప్రధానమంత్రి శ్రీ నరేంద్ర మోదీ’’.

***