પીએમઇન્ડિયા

પ્રધાનમંત્રી શ્રી નરેન્દ્ર મોદીએ ઓસ્લોમાં ત્રીજી ભારત–નોર્ડિક સમિટની સાથે સાથે આઇસલેન્ડના પ્રધાનમંત્રી મહામહિમ સુશ્રી ક્રિસ્ટ્રન ફ્રોસ્ટાડોટીર સાથે દ્વિપક્ષીય બેઠક યોજી હતી.

પ્રધાનમંત્રી ફ્રોસ્ટાડોટીરે હોદ્દો સંભાળ્યા પછી બંને નેતાઓ વચ્ચેની આ પ્રથમ મુલાકાત હતી. પ્રધાનમંત્રી મોદીએ પ્રધાનમંત્રી ફ્રોસ્ટાડોટીરને આઇસલેન્ડના ઇતિહાસમાં સૌથી નાની વયના પ્રધાનમંત્રી બનવા બદલ અભિનંદન પાઠવ્યા હતા.

બંને નેતાઓએ દ્વિપક્ષીય સંબંધોને વધુ ગાઢ બનાવવા પર વિચારોનું આદાનપ્રદાન કર્યું હતું, ખાસ કરીને ભારત–યુરોપિયન ફ્રી ટ્રેડ એસોસિએશન (EFTA) ટ્રેડ એન્ડ ઇકોનોમિક પાર્ટનરશિપ એગ્રીમેન્ટ (TEPA) અમલમાં આવવાના સંદર્ભમાં. બંને નેતાઓ સહમત થયા હતા કે ટેપા (TEPA) વેપાર, રોકાણ અને ઉત્પાદન ક્ષેત્રે સહયોગમાં વાસ્તવિક દ્વિપક્ષીય સંભાવનાઓને ખોલવા માટે એક ઉત્તમ તક પૂરી પાડે છે.

બંને નેતાઓએ ભૂ–તાપીય ઊર્જા (જીઓથર્મલ એનર્જી), મત્સ્યઉદ્યોગ, નવીન ટેકનોલોજી, સર્જનાત્મક અર્થતંત્ર, સંસ્કૃતિ, પ્રવાસન, ગતિશીલતા (મોબિલિટી) અને લોકો–વચ્ચેના પરસ્પર સંપર્કો જેવા ક્ષેત્રોમાં દ્વિપક્ષીય સહયોગની પ્રગતિની પણ સમીક્ષા કરી હતી. તેઓએ આર્કટિક સંશોધનમાં સહયોગ વધારવા અંગે પણ ચર્ચા કરી હતી.

પ્રધાનમંત્રી મોદીએ આઇસલેન્ડના પ્રધાનમંત્રીને પરસ્પર અનુકૂળ સમયે ભારતની મુલાકાત લેવા આમંત્રણ આપ્યું હતું.

IJ/BS/JD