પીએમઇન્ડિયા

પ્રધાનમંત્રી શ્રી નરેન્દ્ર મોદીએ, આજે, ભારતનું પ્રથમ ખાનગી રીતે વિકસિત લોન્ચ વ્હીકલ, વિક્રમ-1ના પ્રથમ ઓર્બિટલ લોન્ચ પૂર્વે સ્કાયરૂટ એરોસ્પેસને શુભેચ્છાઓ પાઠવી હતી અને તેને દેશની અંતરિક્ષ યાત્રામાં એક ઐતિહાસિક સીમાચિહ્ન ગણાવ્યું હતું. શ્રી મોદીએ જણાવ્યું હતું કે વિક્રમ-1નું પ્રક્ષેપણ ભારતના અંતરિક્ષ મહત્વાકાંક્ષાઓ માટે એક નવી સરહદ ખોલવાનું પ્રતીક છે અને તે નવીનતા, ટેકનોલોજી અને સાહસિકતામાં દેશની વધતી જતી ક્ષમતાઓને પ્રતિબિંબિત કરે છે.

પ્રધાનમંત્રીએ નાગરિકોને, ખાસ કરીને યુવાનોને, આ સીમાચિહ્નરૂપ મિશનના સાક્ષી બનવા માટે પણ આગ્રહ કર્યો હતો.

પ્રધાનમંત્રીએ X પર પોસ્ટ કર્યું:

ભારતની અંતરિક્ષ યાત્રા માટે એક ઐતિહાસિક નવી સરહદ!

આજે સવારે 11:30 વાગ્યે સ્કાયરૂટ એરોસ્પેસ ભારતનું પ્રથમ ખાનગી રીતે વિકસિત લોન્ચ વ્હીકલ, વિક્રમ-1નું પ્રથમ ઓર્બિટલ લોન્ચ કરશે.

આ ફોર–સ્ટેજ રોકેટ ઝડપી અને ઓન–ડિમાન્ડ લોન્ચ સેવાઓ પ્રદાન કરવા માટે ડિઝાઇન કરવામાં આવ્યું છે. આ મિશન આપણા યુવાનોની પ્રતિભા, દ્રઢ સંકલ્પ અને સાહસિક ભાવનાને ઉજાગર કરે છે. તે એ પણ દર્શાવે છે કે કેવી રીતે આપણા અંતરિક્ષ–ક્ષેત્રના સુધારાઓ નવીનતા અને સાહસ માટે નવી તકો ખોલી રહ્યા છે.

સફળ પ્રક્ષેપણ માટે સમગ્ર સ્કાયરૂટ એરોસ્પેસ ટીમને મારી શ્રેષ્ઠ શુભેચ્છાઓ. વિક્રમ-1 ઊંચી ઉડાન ભરે, ઇતિહાસ રચે અને નવીનતા લાવનારાઓની પેઢીને પ્રેરણા આપે.

હું તમામ ભારતીયોને, ખાસ કરીને મારા યુવાન મિત્રોને, આ ઐતિહાસિક મિશનને નિહાળવા અને #IndiaWithVikram1 નો ઉપયોગ કરીને ટીમ સ્કાયરૂટને સફળતાની શુભેચ્છાઓ પાઠવવામાં જોડાવા આગ્રહ કરું છું.

@SkyrootA

A historic new frontier for India’s space journey!

At 11:30 AM today, Skyroot Aerospace will undertake the maiden orbital launch of Vikram-1, India’s first privately developed launch vehicle.

This four-stage rocket is designed to provide rapid and on-demand launch services.… pic.twitter.com/1qFVTwNOuZ

— Narendra Modi (@narendramodi) July 18, 2026

IJ/JY/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964@gmail.com [ 0KB ]