પીએમઇન્ડિયા

પ્રધાનમંત્રી શ્રી નરેન્દ્ર મોદીએ આજે ​​વિયેતનામના દા નાંગ ખાતે યોજાયેલી 2026 U23 એશિયન ચેમ્પિયનશિપમાં ભારતીય કુસ્તીબાજોના શાનદાર પ્રદર્શન બદલ તેમને અભિનંદન પાઠવ્યા હતા.

શ્રી મોદીએ જણાવ્યું હતું કે આપણી મેન્સ ફ્રી સ્ટાઇલ અને વિમેન્સ રેસલિંગ (મહિલા કુસ્તી) ટીમોએ આ ચેમ્પિયનશિપમાં ટીમ ટાઇટલ જીત્યા છે.

પ્રધાનમંત્રીએ નોંધ્યું હતું કે મેન્સ ફ્રી સ્ટાઇલ રેસલિંગ ટીમે 4 ગોલ્ડ મેડલ સહિત 9 મેડલ મેળવ્યા છે, જે U23 એશિયન ચેમ્પિયનશિપના ઇતિહાસમાં ભારતની અત્યાર સુધીની સૌથી વધુ કુલ મેડલની સંખ્યા છે.

તેમણે વધુમાં જણાવ્યું હતું કે મહિલા કુસ્તીબાજોના જૂથે 6 ગોલ્ડ મેડલ સહિત 10 મેડલ જીત્યા છે.

પ્રધાનમંત્રીએ એ વાત પર પણ પ્રકાશ પાડ્યો હતો કે ગ્રીકો-રોમન ટીમે 8 મેડલ સાથે અત્યાર સુધીની તેની સૌથી વધુ કુલ મેડલની સંખ્યા નોંધાવી છે.

કુસ્તીબાજોને અભિનંદન આપતાં પ્રધાનમંત્રીએ તેમના ભવિષ્યના પ્રયાસો માટે શુભેચ્છાઓ પાઠવી હતી.

પ્રધાનમંત્રીએ X પર લખ્યું;

“આપણા કુસ્તીબાજો દ્વારા શાનદાર પ્રદર્શન!

આપણી મેન્સ ફ્રી સ્ટાઇલ અને વિમેન્સ રેસલિંગ ટીમોએ વિયેતનામના દા નાંગ ખાતે 2026 U23 એશિયન ચેમ્પિયનશિપમાં ટીમ ટાઇટલ જીત્યા છે.

મેન્સ ફ્રી સ્ટાઇલ રેસલિંગ ટીમે 4 ગોલ્ડ સહિત 9 મેડલ સુરક્ષિત કર્યા છે, આ પ્રકારે U23 એશિયન ચેમ્પિયનશિપના ઇતિહાસમાં ભારતની અત્યાર સુધીની સૌથી વધુ કુલ મેડલની સંખ્યા નોંધાવી છે. મહિલા કુસ્તીબાજોના જૂથે 6 ગોલ્ડ સહિત 10 મેડલ જીત્યા છે. ગ્રીકો-રોમન ટીમે પણ 8 મેડલ સાથે તેની અત્યાર સુધીની સૌથી વધુ કુલ મેડલની સંખ્યા નોંધાવી છે.

આપણા કુસ્તીબાજોને ખૂબ-ખૂબ અભિનંદન. આગામી પ્રયાસો માટે મારી શ્રેષ્ઠ શુભેચ્છાઓ.”

An outstanding performance by our wrestlers!

Our Men’s Freestyle and Women’s Wrestling teams won the Team Titles at the 2026 U23 Asian Championships in Da Nang, Vietnam.

The Men’s Freestyle Wrestling team secured 9 medals, including 4 Golds, thus registering India’s… pic.twitter.com/41PruCuk1U

— Narendra Modi (@narendramodi) May 28, 2026

SM/NP/JD