પીએમઇન્ડિયા

પ્રધાનમંત્રી શ્રી નરેન્દ્ર મોદીએ આજે બિશ્કેકમાં 26મી SCO સમિટ દરમિયાન પર રશિયન ફેડરેશનના રાષ્ટ્રપતિ મહામહિમ વ્લાદિમીર પુતિન સાથે મુલાકાત કરી હતી. આ વર્ષે બંને નેતાઓ વચ્ચેની આ પ્રથમ મુલાકાત હતી. બે નેતાઓ અગાઉ ડિસેમ્બર 2025માં 23મી વાર્ષિક સમિટ માટે દિલ્હીમાં મળ્યા હતા.

બંને નેતાઓએ રાજકીય, આર્થિક, સંરક્ષણ, ઊર્જા, અવકાશ, ગતિશીલતા અને લોકો-થી-લોકોના સંબંધો સહિત વિવિધ ક્ષેત્રોમાં દ્વિપક્ષીય સહયોગની પ્રગતિની સમીક્ષા કરી હતી. તેમણે મોસ્કોમાં 24 ઓગસ્ટ 2026ના રોજ યોજાયેલી વેપાર, આર્થિક અને સાંસ્કૃતિક બાબતો પરના 27મા ભારત-રશિયા આંતર-સરકારી કમિશનના પરિણામોનું સ્વાગત કર્યું હતું.

નેતાઓએ બહુપક્ષીય ક્ષેત્રમાં, ખાસ કરીને 2026 માટે ભારતના અધ્યક્ષપદ હેઠળ BRICS માં ભારત-રશિયા જોડાણ પર વિચારોનું આદાન-પ્રદાન કર્યું હતું. તેમણે પરસ્પર હિતના મુખ્ય પ્રાદેશિક અને વૈશ્વિક મુદ્દાઓ પર પણ દ્રષ્ટિકોણ શેર કર્યા હતા, જેમાં પશ્ચિમ એશિયા અને કાળા સમુદ્ર ક્ષેત્રના સંઘર્ષોનો સમાવેશ થાય છે જેણે દરિયાઈ વેપાર અને ભારતીય નાવિકોની સુરક્ષા અને સલામતીને અસર કરી છે. પ્રધાનમંત્રીએ દોહરાવ્યું હતું કે સંઘર્ષોના ઉકેલ માટે સંવાદ અને મુત્સદ્દીગીરી જ આગળનો માર્ગ છે.

બંને નેતાઓ બંને દેશો વચ્ચેના વિશેષ અને વિશિષ્ટ વ્યૂહાત્મક ભાગીદારીને વધુ મજબૂત કરવા માટે જોડાયેલા રહેવા પર સંમત થયા હતા, જે સતત નોંધપાત્ર વૃદ્ધિ નોંધાવી રહી છે અને ભૂ-રાજકીય અનિશ્ચિતતાઓની પૃષ્ઠભૂમિમાં સ્થિતિસ્થાપકતા દર્શાવી છે.

પ્રધાનમંત્રીએ જણાવ્યું હતું કે તેઓ 12-13 સપ્ટેમ્બર 2026ના રોજ 18મી BRICS સમિટ માટે ભારતમાં રાષ્ટ્રપતિ પુતિનનું સ્વાગત કરવા આતુર છે.

SM/IJ/GP/JD