પીએમઇન્ડિયા

પ્રધાનમંત્રી શ્રી નરેન્દ્ર મોદીએ આજે 127 વર્ષ પછી ભગવાન બુદ્ધના પવિત્ર પિપ્રહવા અવશેષો ભારતમાં પરત આવવાની પ્રશંસા કરી અને તેને રાષ્ટ્રના સમૃદ્ધ સાંસ્કૃતિક વારસા માટે ગર્વ અને આનંદની ક્ષણ ગણાવી હતી.

‘વિકાસ ભી વિરાસત ભી‘ની ભાવનાને પ્રતિબિંબિત કરતા એક નિવેદનમાં, પ્રધાનમંત્રીએ ભગવાન બુદ્ધના ઉપદેશો પ્રત્યે ભારતનો ઊંડો આદર અને તેના આધ્યાત્મિક અને ઐતિહાસિક વારસાને જાળવવા માટે રાષ્ટ્રની અતૂટ પ્રતિબદ્ધતા પર ભાર મૂક્યો હતો.

X પર એક થ્રેડ પોસ્ટમાં, શ્રી મોદીએ લખ્યું:

“આપણા સાંસ્કૃતિક વારસા માટે આનંદદાયક દિવસ!

દરેક ભારતીયને ગર્વ થશે કે ભગવાન બુદ્ધના પવિત્ર પિપ્રહવા અવશેષો 127 વર્ષો પછી ઘરે પાછા ફર્યા છે. આ પવિત્ર અવશેષો ભગવાન બુદ્ધ અને તેમના ઉમદા ઉપદેશો સાથે ભારતના ગાઢ જોડાણને પ્રકાશિત કરે છે. તે આપણી ભવ્ય સંસ્કૃતિના વિવિધ પાસાઓના સંરક્ષણ અને રક્ષણ પ્રત્યેની આપણી પ્રતિબદ્ધતાને પણ દર્શાવે છે. #વિકાસભીવિરાસતભી”

“નોંધનીય છે કે પિપ્રહવા અવશેષો 1898માં મળી આવ્યા હતા પરંતુ વસાહતી સમયગાળા દરમિયાન ભારતમાંથી છીનવી લેવામાં આવ્યા હતા. જ્યારે તેઓ આ વર્ષની શરૂઆતમાં આંતરરાષ્ટ્રીય હરાજીમાં દેખાયા, ત્યારે અમે સુનિશ્ચિત કર્યું કે તેને સ્વદેશમાં લાવવામાં આવે. હું આ પ્રયાસમાં સામેલ તમામ લોકોની પ્રશંસા કરું છું.”

A joyous day for our cultural heritage!

It would make every Indian proud that the sacred Piprahwa relics of Bhagwan Buddha have come home after 127 long years. These sacred relics highlight India’s close association with Bhagwan Buddha and his noble teachings. It also… pic.twitter.com/RP8puMszbW

— Narendra Modi (@narendramodi) July 30, 2025

AP/IJ/GP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964@gmail.com [ 0KB ]