ಪಿಎಂಇಂಡಿಯಾ

ಡಿ.ಎನ್.ಎ. ಪ್ರಯೋಗಾಲಯಗಳಿಗೆ ಮಾನ್ಯತೆ ಮತ್ತು ನಿಯಂತ್ರಣ ಆವಶ್ಯಕತೆಗಳು

ಪ್ರಧಾನ ಮಂತ್ರಿ ಶ್ರೀ ನರೇಂದ್ರ ಮೋದಿ ಅವರ ಅಧ್ಯಕ್ಷತೆಯಲ್ಲಿ ನಡೆದ ಕೇಂದ್ರ ಸಂಪುಟ ಸಭೆಯು  ಡಿ.ಎನ್.ಎ. ತಂತ್ರಜ್ಞಾನ (ಬಳಕೆ ಮತ್ತು ಆನ್ವಯಿಕತೆ) ನಿಯಂತ್ರಣ ವಿಧೇಯಕ 2018 ಕ್ಕೆ ಅನುಮೋದನೆ ನೀಡಿದೆ.

ವಿವರಗಳು:

• “ಡಿ.ಎನ್.ಎ. ಆಧಾರಿತ ತಂತ್ರಜ್ಞಾನ (ಬಳಕೆ ಮತ್ತು ನಿಯಂತ್ರಣ) ವಿಧೇಯಕ 2018” ರ ಜಾರಿಯ  ಪ್ರಮುಖ ಉದ್ದೇಶ ಡಿ.ಎನ್.ಎ. ಆಧಾರಿತ ಅಪರಾಧ ತನಿಖೆ ತಂತ್ರಜ್ಞಾನವನ್ನು ದೇಶದ ನ್ಯಾಯ ವಿತರಣೆ ವ್ಯವಸ್ಥೆಯನ್ನು ಬಲಪಡಿಸುವುದಕ್ಕಾಗಿ ಬಳಸಿಕೊಳ್ಳುವುದಾಗಿದೆ.
• ಅಪರಾಧಗಳನ್ನು ಬಗೆಹರಿಸುವುದರಲ್ಲಿ ಡಿ.ಎನ್.ಎ. ಆಧಾರಿತ ತಂತ್ರಜ್ಞಾನ ಬಳಕೆ ಮತ್ತು ಕಾಣೆಯಾದ ವ್ಯಕ್ತಿಗಳನ್ನು ಪತ್ತೆ ಹಚ್ಚುವಲ್ಲಿ ಮತ್ತು ಗುರುತಿಸುವಲ್ಲಿ ಇದರ ಬಳಕೆ ವಿಶ್ವದಾದ್ಯಂತ ಮಾನ್ಯತೆ ಪಡೆದಿದೆ.
• ಡಿ.ಎನ್.ಎ. ಪ್ರಯೋಗಾಲಯಗಳಿಗೆ ಅವಶ್ಯವಾದ ಮಾನ್ಯತೆ ಮತ್ತು ನಿಯಂತ್ರಣ ವ್ಯವಸ್ಥೆಯನ್ನು ಒದಗಿಸುವ ಮೂಲಕ ಈ ವಿಧೇಯಕವು ದೇಶದಲ್ಲಿ ಈ ತಂತ್ರಜ್ಞಾನದ ಉದ್ದೇಶಿತ ವಿಸ್ತರಿತ ಉಪಯೋಗವನ್ನು ಪಡೆಯುವುದನ್ನು ಖಾತ್ರಿಪಡಿಸಲಿದೆ. ಡಿ.ಎನ್.ಎ. ಪರೀಕ್ಷಾ ಫಲಿತಾಂಶಗಳು ವಿಶ್ವಾಸಾರ್ಹ  ಮತ್ತು ದತ್ತಾಂಶಗಳು ನಮ್ಮ ನಾಗರಿಕರ ಖಾಸಗಿತನದ ಹಕ್ಕು ಹಾಗು  ದುರ್ಬಳಕೆಯಿಂದ ರಕ್ಷಿಸಲ್ಪಟ್ಟಿರುತ್ತವೆ ಎಂಬ ಬಗ್ಗೆ ಭರವಸೆ ಇದೆ.
• ತ್ವರಿತ ನ್ಯಾಯ ವಿತರಣೆ.
• ಶಿಕ್ಷೆಯ ದರದಲ್ಲಿ ಹೆಚ್ಚಳ
• ವಿಧೇಯಕದ ಪ್ರಸ್ತಾವನೆಗಳು ಒಂದೆಡೆ ನಾಪತ್ತೆಯಾದವರು ಯಾ ಕಾಣೆಯಾದವರು ಹಾಗು ಇನ್ನೊಂದೆಡೆ ದೇಶದ ವಿವಿಧೆಡೆ ಗುರುತಿಸಲ್ಪಡದ ಮೃತದೇಹಗಳನ್ನು  ಪರಸ್ಪರ ಹೊಂದಿಸಿ ನೋಡಲು ಅವಕಾಶ ಒದಗಿಸುತ್ತವೆ ಮತ್ತು ಸಾಮೂಹಿಕ ದುರಂತ ಸಂಭವಿಸಿದ ಸಂಧರ್ಭದಲ್ಲಿ ಬಲಿಪಶುಗಳಾದವರ ಗುರುತು ಪತ್ತೆಗೂ ಅನುಕೂಲ ಮಾಡಿಕೊಡುತ್ತವೆ.

ಹಿನ್ನೆಲೆ:

ಅಪರಾಧ ತಖ್ತೆ ಡಿ.ಎನ್.ಎ. ರೇಖಿಸುವಿಕೆಯಿಂದ  ಮಾನವ ದೇಹಕ್ಕೆ ಹಾನಿ ಮಾಡುವ ವರ್ಗದಲ್ಲಿ ಬರುವ ಅಪರಾಧ ಪ್ರಕರಣಗಳನ್ನು ( ಕೊಲೆ, ಅತ್ಯಾಚಾರ, ಮಾನವ ಕಳ್ಳಸಾಗಾಣಿಕೆ ಅಥವಾ ಮಾರಕ ಹಲ್ಲೆ, ಗಾಯ) ಮತ್ತು ಆಸ್ತಿಗೆ ಸಂಬಂಧಿಸಿದ ಪ್ರಕರಣಗಳನ್ನು ( ಕಳವು, ಮನೆ ಕಳವು ಮತ್ತು ದರೋಡೆ )  ಭೇಧಿಸುವ ನಿಟ್ಟಿನಲ್ಲಿ ಗಮನಾರ್ಹ ನೆರವು ಲಭಿಸುವುದು ಸಾಬೀತಾಗಿದೆ. ದೇಶದಲ್ಲಿ  ಇಂತಹ ಸರಾಸರಿ ಕೃತ್ಯಗಳ ಸಂಖ್ಯೆ , ರಾಷ್ಟ್ರೀಯ ಅಪರಾಧ ದಾಖಲೆಗಳ ಬ್ಯೂರೋ (ಎನ್.ಸಿ.ಆರ್.ಬಿ.) ಪ್ರಕಾರ 2016 ರಲ್ಲಿ ವರ್ಷಕ್ಕೆ 3 ಲಕ್ಷಕ್ಕೂ ಅಧಿಕ ಪ್ರಮಾಣದಲ್ಲಿದೆ. ಪ್ರಸ್ತುತ ಇದರಲ್ಲಿ ಬಹಳ ಸಣ್ಣ ಸಂಖ್ಯೆಯಲ್ಲಿ ಪ್ರಕರಣಗಳು ಡಿ.ಎನ್.ಎ. ಪರೀಕ್ಷೆಗೆ ಒಳಪಡುತ್ತಿವೆ.  ಈ ತಂತ್ರಜ್ಞಾನದ ವಿಸ್ತರಿತ ಬಳಕೆಯು ಈ ವರ್ಗದಲ್ಲಿ ಬರುವ ಅಪರಾಧ ಪ್ರಕರಣಗಳ ನ್ಯಾಯ ವಿತರಣೆಯನ್ನು ತ್ವರಿತಗೊಳಿಸಲಿದೆ ಮಾತ್ರವಲ್ಲ ಶಿಕ್ಷೆಯ ಪ್ರಮಾಣವನ್ನು ಹೆಚ್ಚಿಸಲಿದೆ. ಪ್ರಸ್ತುತ ಈ ಪ್ರಮಾಣ 30% ಇದೆ (ಎನ್.ಸಿ.ಅರ್.ಬಿ. 2016 ರ  ಅಂಕಿ ಅಂಶಗಳ ಪ್ರಕಾರ )