ಪಿಎಂಇಂಡಿಯಾ

ಪ್ರಧಾನಮಂತ್ರಿಶ್ರೀ. ನರೇಂದ್ರ ಮೋದಿ ಅವರಅಧ್ಯಕ್ಷತೆಯಲ್ಲಿನಡೆದಕೇಂದ್ರಸಚಿವಸಂಪುಟಸಭೆಗೆ ಭಾರತ ಮತ್ತು ಪ್ಯಾಲಿಸ್ತೀನ್ ನಡುವೆ ಮಾಹಿತಿ ತಂತ್ರಜ್ಞಾನ ಮತ್ತು ವಿದ್ಯುನ್ಮಾನ (ಐಟಿ ಮತ್ತು ಇ) ಕ್ಷೇತ್ರದಲ್ಲಿನ ಸಹಕಾರ ಕುರಿತ ತಿಳಿವಳಿಕೆ ಒಪ್ಪಂದದ ಬಗ್ಗೆ ವಿವರಿಸಲಾಯಿತು.

ಈ ತಿಳಿವಳಿಕೆ ಒಪ್ಪಂದವು, ಇ ಆಡಳಿತ, ಎಂ- ಆಡಳಿತ, ಇ-ಸಾರ್ವಜನಿಕ ಸೇವಾ ವಿತರಣೆ, ಸೈಬರ್ ಭದ್ರತೆ, ತಂತ್ರಾಂಶ ತಂತ್ರಜ್ಞಾನ ಪಾರ್ಕ್, ನವೋದ್ಯಮಗಳ ಪರಿಸರ ವ್ಯವಸ್ಥೆ ಇತ್ಯಾದಿ ಕ್ಷೇತ್ರಗಳಲ್ಲಿ ಆಪ್ತ ಸಹಕಾರವನ್ನು ಉತ್ತೇಜಿಸುವ ಉದ್ದೇಶವನ್ನು ಹೊಂದಿದೆ.

ಈ ತಿಳಿವಳಿಕೆ ಒಪ್ಪಂದವು ಪಕ್ಷಕಾರರು ಅಂಕಿತ ಹಾಕಿದ ದಿನದಿಂದ ಜಾರಿಗೆ ಬರುತ್ತದೆ ಮತ್ತು ಐದು ವರ್ಷಗಳ ವರೆಗೆ ಚಾಲ್ತಿಯಲ್ಲಿರುತ್ತದೆ. ಈ ತಿಳಿವಳಿಕೆ ಒಪ್ಪಂದವನ್ನು ಎರಡೂ ಪಕ್ಷಕಾರರ ಪ್ರತಿನಿಧಿಗಳನ್ನು ಒಳಗೊಂಡ ಐಟಿ ಮತ್ತು ಇ ಕುರಿತ ಒಂದು ಜಂಟಿ ಕಾರ್ಯಪಡೆ ರಚಿಸುವ ಮೂಲಕ ಅನುಷ್ಠಾನಗೊಳಿಸಲಾಗುವುದು. ಬಿ2ಬಿ ಮತ್ತು ಜಿ2ಜಿ ಎರಡೂ ಸೇರಿದಂತೆ ಐಸಿಟಿ ಡೊಮೈನ್ ನಲ್ಲಿ ದ್ವಿಪಕ್ಷೀಯ ಸಹಕಾರವನ್ನು ಹೆಚ್ಚಿಸಲಾಗುವುದು. ಇದು ಬಿ2ಬಿ ಸಹಯೋಗವನ್ನು ಸುಧಾರಣೆ ಮಾಡಲು, ಆ ಮೂಲಕ ಉದ್ಯೋಗಾವಕಾಶಗಳಿಗೆ ಇಂಬು ನೀಡಲಿದೆ.

ಹಿನ್ನೆಲೆ:

ಅಂತಾರಾಷ್ಟ್ರೀಯ ಮತ್ತು ದ್ವಿಪಕ್ಷೀಯ ಮಟ್ಟಗಳಲ್ಲಿ ಪ್ಯಾಲೇಸ್ಟಿನಿನ ಕಾರಣಕ್ಕಾಗಿ ಭಾರತವು ಪ್ರಬಲ ರಾಜಕೀಯ ಬೆಂಬಲವನ್ನು ಹೊಂದಿದೆ. ಭಾರತವು ವಸ್ತುಗಳು ಮತ್ತು ತಾಂತ್ರಿಕ ನೆರವನ್ನು ಪ್ಯಾಲಿಸ್ತೀನ್ ಜನತೆಗೆ ಕೊಡುಗೆಯಾಗಿ ನೀಡುತ್ತಿದೆ. ಐಟಿ ಮತ್ತು ಇ ಕ್ಷೇತ್ರದಲ್ಲಿನ ಸಹಕಾರದ ತಿಳಿವಳಿಕೆ ಒಪ್ಪಂದವನ್ನು 2016ರ ನವೆಂಬರ್ ನಲ್ಲಿ ಜೆಸಿಎಂನ ಪ್ರಥಮ ಅಧಿವೇಶನದ ವೇಳೆ ಆರಂಭಿಸಲಾಗಿತ್ತು. ಇದಾದ ಬಳಿಕ, ಎಂ.ಓ.ಯು. ಕರಡು ಕುರಿತಂತೆ ಹಲವು ಮಾತುಕತೆ ನಡೆದಿದ್ದವು. ಇದನ್ನು 2017ರ ಮೇ ತಿಂಗಳಲ್ಲಿ ಪ್ಯಾಲಿಸ್ತೀನ್ ನ ವಿವಿಐಪಿಗಳ ಭೇಟಿಯ ವೇಳೆ ಆಖೈರುಗೊಳಿಸಿ ಅಂಕಿತ ಹಾಕಲಾಗಿತ್ತು.

*****

AKT/VBA/