ভারতকী প্রধানমন্ত্রী

ইকাই খুম্নরবা প্রধান মন্ত্রী, শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দলনা কিমি ১১.১৭ শাংবা অমসুং স্তেসন ১১ ফাওগদবা লোয়ননা লুপা করোর ১,৯৫৭.০৫গী শেনফমদা কক্কানাদগী খুত্থাংদা জে.এল.এন. স্তেদিয়মদগী ইনফোপার্ক ফাওবগী কোচ্চি মেত্রো রেল প্রোজেক্তকী কোচ্চি মেত্রো রেল ফেস II ইমপ্লিমেন্ত তৌবদা অয়াবা পীখ্রে। সীপোর্ত এয়রপোর্ত রোদকী লম্বী পাকথোকপা য়াওনা ফেস IIগী শেম-শাবগী থবকশিং নীংথিনা খুমাং চাউশিল্লি।

কোচ্চিদা লুপা করোর ৫১৮১.৭৯ রোম লোইশিনবদা চংখিবা কিমি ২৫.৬ শাংবা অমসুং স্তেসন ২২ কবর তৌখিবা ফেস I গী অলুবাদগী পেত্তা ফাওবগী প্রোজেক্ত অসি হৌজিক মপুং ফানা ওপরেস্নেল ওইরে।

লুপা করোর ৭১০.৯৩গী শেনফমদা অয়াবা পীখিবা পেত্তাদগী এস.এন. জঙ্কসন ফাওবগী মরক্তা লৈরিবা কিমি ১.৮০গী ভায়াদক্ত (তনেল)গী কোচ্চি মেত্রো ফেস ১এ অসি স্তেৎ সেক্তর প্রোজেক্ত ওইনা ইমপ্লিমেন্ত তৌরি। হৌজিক্কী ওইনা প্রোজেক্ত অসিগা মরী লৈনবা কন্সত্রক্সনগী থবক-থৌরম পুম্নমক লোইখ্রে অমসুং প্রোজেক্ত অসি শঙ্গানবা শেম-শাদুনা লৈরে।

এস.এন. জঙ্কসনদগী ত্রিপুনিথুরা তর্মিনেল ফাওবগী কিমি ১.২০ শাংবা কোচ্চি মেত্রো ফেস ১ বি প্রোজেক্ত অসি স্তেৎ সেক্তর প্রোজেক্ত ওইনা থবক পাইখৎলি।

শেন্থং পীথবগী মওং-মতৌ:

বেকগ্রাউন্দ:

কোচ্চি অসি কেরলাগী রাজ্যদা খ্বাইদগী মী কুংনা তাবা সহরনি অমসুং মসি এক্সতেন্দেদ মেত্রোপিতেন রিজনগী শরুক্নি, মসি কেরলাগী খ্বাইদগী চাউবা অর্বান এগ্লোমরেসন ওইরি। কোচ্চি মেত্রোপোলিতেনগী মফমগী মীশিং অসি ২০১৩দা লাখ ২০.৮, ২০২১দা লাখ ২৫.৮ ওইখি অমসুং ২০৩১দা লাখ ৩৩.১২ ওইরবা য়াই পান্নরি।

*****