ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা 2025গী দিসেম্বর 26কী নুমিৎ য়ুংবা পুং 12:15 রোম তাবদা নই দিল্লীগী ভারত মন্দপমদা ‘বীর বাল দিবস’কী নেস্নেল প্রোগ্রামদা শরুক য়াগনি। থৌরম অদুদা প্রধান মন্ত্রীনা মীয়ামদা ৱা ঙাংগনি।

বীর বাল দিবস পালন তৌনবা ভারত সরকারনা সাহিবজাদকী অখন্নবা থৌনা অমসুং থৱায় কৎপগী মতাংদা নাগরিকশিংদা খঙহন্নবা অমসুং এজুকেৎ তৌনবা অমসুং ভারতকী পুৱারীগী নহা ওইরিবা অথৌবশিংগী থৌনা, কত্থোকপা অমসুং থৌনা-লিংজেল অদু ইকায় খুম্নবা উৎনবা অমসুং নীংশিংনবা পান্দমগা লোয়ননা লৈবাক শীনবা থুংনা শরুক য়াবা প্রোগ্রামশিং পাংথোক্লি। থৌরমশিং অসিদা ৱারী শানবগী সেসনশিং, রিসাইতেসনশিং, পোস্তর শেম্বগী অমসুং এসে-রাইতিং কম্পিতিসনশিং য়াওগনি। স্কুলশিং, চাইল্দ কেয়র ইন্সতিত্যুসনশিং, অঙ্গনৱাদি সেন্তরশিং অমসুং অতোপ্পা এজুকেস্নেল প্লেৎফোর্মশিংদা অমসুং মাইগোভ অমসুং মাইভারত পোর্তেলশিংদা ওনলাইন এক্তিবিতীশিংগী খুত্থাংদা মখোয়শিং অসি পাংথোক্কনি।

2022গী জনুৱারী 9দা শ্রী গুরু গোবিন্দ সিংহজীগী প্রকাস পুরবকী থৌরমদা প্রধান মন্ত্রীনা শ্রী গুরু গোবিন্দ সিংহজীগী মচানুপাশিং সাহিবজদাস বাবা জোরাওর সিংহজী অমসুং বাবা ফতেহ সিংহজীগী শহিদ ওইবগী নীংশিংনবা দিসেম্বর 26 অসি ‘বীর বাল দিবস’ ওইনা পাংথোক্কনি হায়না লাউথোকখি।

প্রধান মন্ত্রী রাস্ত্রিয় বাল পুরস্কার (PMRBP)গী এৱার্দীশিংনসু থৌরম অদুদা শরুক য়াগনি।

***