ভারতকী প্রধানমন্ত্রী

ঙসি ভিদিও মেসেজ অমগী খুৎথাংদা প্রধান মন্ত্রী শ্রী নরেন্দ্র মোদীনা শিক্ষাপত্রী দ্বিশতাব্দী মহোৎসবতা ৱা ঙাংখ্রে। থৌরম অদুদা প্রধান মন্ত্রীনা হায়খি মদুদি ভগবন শ্বামীনারায়নগী শিক্ষাপত্রী চহি ২০০ মপুংফারকপগী অখন্নবা থৌরম অমা ঙসি উবা ফংলে। শেংলবা থৌরম অসিদা মীওই খুদিংমক শরুক য়ানবা চহি ২০০গী থৌরম অসি লাইবক ফবা তাঞ্জা অমনি। শেংলবা মতম অসিদা সাধুশিংদা কোক নোল্লদুনা, চহি ২০০ মপুংফারকপগী কুহ্মৈ অসিদা ভগবন শ্বামীনারায়নগী ভক্ত করোর কয়াদা প্রধান মন্ত্রীনা মহাক্কী য়াইফ পাউজেল পীখ্রে।

প্রধান মন্ত্রীনা হায়খি ভারতনা মতম পুম্নমক্ত জ্ঞানযোগগী লম্বীদা কৎথোক্লি। চহি লিশিং কয়া শুরবা বেদাশিংনা ঙসি ফাওবা মখা তানা ইথিল পীরি। মখোয়গী মতমগী দরকার ওইবশিংগী মতুংইন্না, সাধুশিং অমসুং মুনিশিংনা, বেদাদগী মঙাল লৌদুনা থবক কয়া পায়খৎখি। বেদাশিংদগী উপনিষদশিং লাকপনি, উপানিষদশিংদগী পুরানাশিং লাকপনি অমসুং শ্রুতি,  ষ্মৃতি, কথাবচন অমসুং ঈশৈ শকপগী খুৎথাংদা, চৎনবী অসি মপাঙ্গল কন্না লৈরি।

প্রধান মন্ত্রীনা হায়খি মদুদি তোঙান তোঙানবা যুগশিংদা, মতমগী দরকার ওইবা মতুংইন্না, শক্নাইরবা সাধুশিং, মুনিশিং অমসুং পন্দিৎশিংনা চৎনবী অসিদা অনৌবা পন্দুবশিং হাপচিনখি। ভগবন শ্বামীনারায়ন্না মীয়াম লাইরিক তম্নবা অমসুং মীয়ামগী থবক তৌনবা হোৎনখিবা মহাক্কী পুন্সিগী তাঙ্ককশিং মীওই খুদিংমক্না খঙই। থবক অসি অচম্বা ৱাহৈশিংদা ফোঙদোক্লে অমসুং শিক্ষাপত্রীগী খুৎথাংদা, ভগবন শ্বামীনারায়ন্না পুন্সিগীদমক মমল নাইদ্রবা পাউতাক পীখি।

প্রধান মন্ত্রীনা হায়খি মদুদি শিক্ষাপত্রীদগী করি অনৌবা পারাশিং তমখিবগে অমসুং কমদৌনা মসিগী অচুম্বা ফিদমশিং নোংমগী পুন্সিদা য়াওবগে হায়বগী চাংয়েং তৌনবা খুদোংচাবা অমা চহি ২০০ মপুংফারকপগী থৌরম্না পীরে। ঙসি ফাওবা মহাক্কী ভক্তশিংনা খুন্নাইদা, লৈবাক্ত অমসুং মীওইবা খুন্নাইদা কেম্পেন কয়া পাংথোক্লি। লাইরিক-লাইশু, হকশেল, লৌমীশিংগী য়াইফনবা অমসুং ঈশিংগা মরী লৈনবা থবকশিং অসি তশেংনা থাগৎনিঙাইনি। সাধুশিংনা মখা তানা খুন্নাইগী থবক পায়খৎপা উবা অসি তশেংনা পুক্নিং থৌগৎলি।

প্রধান মন্ত্রীনা হায়খি মদুদি শ্বাদেসি অমসুং শ্বাচ্ছতাগুম্বা মীয়ামগী খোঙজংশিংদা লৈবাক অসি খুমাঙচাউশিল্লি। “ভোকেল ফোর লোকেল” গী লাইৱা য়ুমথোঙ খুদিংদা য়ৌরে। অসিগুম্বা থবকশিংগা অসিগুম্বা খোঙজংশিংগা শম্নবা মতমদা, শিক্ষাপত্রীগী চহি ২০০ মপুংফারকপগী থৌরম হেন্না কাউবা ঙম্লোই। লৈবাক অসিনা অরিবা খুৎই লাইরিকশিং ঙাক-শেন্নবা জ্ঞান ভারতম মিসন হৌদোক্লে অমসুং থবক অসিদা মঙাল ফংলবা লুপশিংনা মতেং পাংগদবনি। ভারতকী অরিবা লৌশিং অমসুং মসিগী শক্তম ঙাক-শেনগদবনি অমসুং অসিগুম্বা লুপশিংগী মতেংগা লোয়ননা, জ্ঞান ভারতম মিসনগী মাইপাকপা অনৌবা থাকশিংদা য়ৌবা ঙমগনি।

প্রধান মন্ত্রীনা হায়খি হৌজিক লৈবাক অসিনা সোমনাথ শ্বাভিমান পর্বগী অচৌবা নাৎকী কুহ্মৈ পাংথোক্লি। অহানবা ওইনা সোমনাথ লাইশঙ থুগায়খিবদগী হৌরগা হৌজিক ফাওবদা, কুহ্মৈ অসিগী খুৎথাংদা চহি লিশিং অমগী খোঙচৎ লৈবাক অসিনা থৌরম পাংথোক্লি। মীয়াম্না থৌরম অসি শরুক য়াগদবনি অমসুং মসিগী পান্দমশিং মীয়ামদা য়ৌহনগদবনি। ভক্তশিংগী থবকশিং অসিগী খুৎথাংদা, ভগবন শ্বামীনারায়নগী থৌজালশিং ফংনবা ভারতকী চাউখৎপগী খোঙচৎ মখা চৎথগনি।

LIVE. PM Modi’s remarks during Shikshapatri Dwishatabdi Mahotsav. https://t.co/SplUf3mMq7

— PMO India (@PMOIndia) January 23, 2026

***