ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি তমিল নাদুগী ইনফ্রাস্ত্রকচর অমসুং ইকোনোমি হেঙ্গৎহন্নবা পান্দম থম্লিবা ত্রান্সফোর্মেতিব দীবেলপমেন্ত প্রোজেক্ত কয়া অমা হৌদোক্নবা পুৱারি ওইরবা সহর তৃচিদা লাকখ্রে। পুন্না লুপা করোর লিশিং মঙাগা চাতরুক থাদদুনা পায়খৎলিবা থৌরাংশিং অসিনা ক্লিন ইনর্জী, পেত্রোলিয়মগা মরি লৈনবা মেন্যুফেকচরিং, অমসুং হায়ৱে, রেলৱে, অমসুং খুঙ্গংগী লম্বিশিংগী খুৎথাংদা মল্তি-মোদল ​​কনেক্তিবিতি হেনগৎহনবা অসিনচিংবা য়াওরি। মীয়াম তিনখিবা অদুদা ৱা ঙাংলদুনা প্রধান মন্ত্রীনা অকনবা ৱাফম থমখি , “প্রোজেক্তশিং অসিনা ইনর্জী ফংহনবা, কনেক্তিবিতি হেঙ্গৎহল্লগনি, অমসুং তামিল নাদুগী নহাশিংদা থবক লিশিং কয়া পিরগনি।”

সস্তেনেবল ইনর্জীদা মীৎয়েং থমদুনা প্রধান মন্ত্রীনা ভারত পেত্রোলিয়মগী সিতি গ্যাস দিস্ত্রিব্যুসন (সি.জি.দি.) নেতৱর্ক্কী য়ুম্ফম থোনখি। লুপা করোর ৩৭০০গী প্রোজেক্ত অসিনা চাওরাক্না ইমুং লাখ অনি অমসুং কম্মর্সিএল এন্তিতি কয়াদা পাইপ নেচরেল গ্যাস (পি.এন.জি.) ফংহনদুনা নিলগীরিশ অমসুং ইরোদা জিলাশিং হোংদোকনবা শেম শারি। অকোয়বগী ফিবমগী কাননবশিং অদু ফোঙদোক্লদুনা শ্রী মোদীনা নোত তৌখি “খুদম ওইনা চহি ৮গী মনুংদা প্রোজেক্ত অসিগী পোজিতিব ওইবা অকোয়বগী ফিবমগী ইম্পেক্ত অসি উ ক্রোর মরি থাবগা মান্নগনি।”

প্রধান মন্ত্রীনা চেন্নাইদা লৈবা ইন্দিয়ন ওইল কোরপোরেসনগী ল্যুব ব্লেন্দিং প্লান্ত অসি জাতিগীদমক কত্থোকপা অসি ‘মেক ইন ইন্দিয়া’ ইনিসিয়েতিব মপাঙ্গল কনখৎহন্নবা মরু ওইবা খোঙথাং অমনি হায়না ফোঙদোকখি। পি.এম.মোদীনা পনখি মদুদি মালেমগী ওইনা মখল অসিগী খ্বাইদগী চাওবা খুদোংচাবশিংগী মনুংদা অমা ওইনা প্লান্ত অসি রাজ্য অসিগী মনুং অমসুং মপান্দা তোঙান তোঙানবা ইনদস্ত্রিশিংগী অৱাংবা দীমান্দশিং ফংহননবা দীজাইন তৌবনি। শ্রী মোদীনা নোৎ তৌখি, “লুব্রিকেন্তশিংগী লোকেল প্রদক্সন হেনগৎলকপনা মপান্দগী পুশিল্লকপসু হন্থহল্লি অমসুং জাতিগীদমক শেন কনবা ঙমহল্লি।”

প্রধান মন্ত্রী গ্রাম সরক য়োজনাগী মখাদা শাবা কিলোমিতর ৩৭০ শাংবা খুঙ্গংগী লম্বিশিং শঙ্গাদুনা খুঙ্গংগী কনেক্তিবিতিগী মরুওইবা অদুসু প্রধান মন্ত্রীনা ফোঙদোকখি। লম্বিশিং অসিনা খুঙ্গংগী মীওইশিংদা হেল্থকেয়র, এজুকেসন, অমসুং কৈথেলশিংদা হেন্না ফবা খুদোংচাবা ফংহনগনি, মদুনা খুঙ্গংগী শেন্মীৎলোন অসি মেনস্ত্রীমগা পুনশিন্নহনগনি হায়না থাজরি। মসিগী চাওখৎ-থৌরাং অসিগী মতাংদা প্রধান মন্ত্রীনা হায়খি, “ লম্বি খুদিংমক্না খুঙ্গংগী শেন্মীৎলোন হেনগৎহল্লি অমসুং ইজ ওফ লিভিং হেনগৎহল্লি।”

লমদম অসিগী কলচরেল হেরিতেজগী মতাংদা ৱাখল তাহন্দুনা প্রধান মন্ত্রীনা গঙ্গাইকোন্দা চোলাপুরমদা অনৌবা হায়ৱে বাইপাস প্রোজেক্ত অমা লাওথোকখ্রে। প্রোজেক্ত অসিনা নিংথৌরেল রাজেন্দ্র চোলানা শাখিবা য়ুনেস্কোগী শকখঙলবা অচৌবা লাইশঙ অসি শেংলবা মফম অসিদগী য়াম্না লাপনা চত্থোক-চৎশিন তৌদুনা ঙাকথোক্নবা পান্দম থম্লি, মসিনা মীতম অসি অমসুং মসিগী ভিজিতরশিং অনিমক্কী শোই-ঙামদবা শোয়দনা ফংহনগনি। অনৌবা ইনফ্রাস্ত্রকচরগী মতাংদা শ্রী মোদীনা হায়খি, “ মসিনা মীপুম খুদিংমক্কী হেন্না ফবা শোই-ঙামদবা হায়বনি।”

মহাক্কী ৱারোল লোয়শিনবদা প্রধান মন্ত্রীনা হন্দক্তা অমৃত ভারত প্রোগ্রামগী মখাদা স্তেসন ৮ মোদর্নাইজেসন অমসুং রিদিভেলপমেন্তকি মতুং ইননা রাজ্য অসিগী ত্রান্সপোর্ত সেক্তর য়াম্না থুনা মোদর্নাইজেসন তৌবগী মতাংদা পনখি। ঙসি অনৌবা ত্রেন সর্ভিসশিং ফ্লেগ ওফ তৌখ্রে, মসিনা তুরিজম অমসুং লোকেল ত্রেদ য়োকখৎনবা নাগেরকোইল, কোইম্বাতোর, রামেস্বরম, তিরুনেলভেলি, মায়িলাদুথুরাই, করাইক্কুদিগুম্বা মরুওইবা মফমশিংবু অতোপ্পা লমদমশিংগা শম্নহল্লে। রাজ্য অসিগী তুংলমচৎকীদমক মহাক্কী মীৎয়েং অদু অমুক হন্না ফোঙদোক্লদুনা শ্রী মোদীনা ফোঙদোকখি, “ রাজ্য অসিগী খুমাং চাউশিন্নবগীদমক ঐখোয়না অহিং-নুংথিল থবক তৌরি অমসুং মখা তানা থবক তৌগনি।“

Speaking at the launch of various development initiatives in Tiruchirappalli. These will add momentum to Tamil Nadu’s progress. https://t.co/TCVfIoAxmi

— Narendra Modi (@narendramodi) March 11, 2026

***