पीएम्इंडिया

रॉबर्ट फिको, स्लोव्हाकियाचे पंतप्रधान

( Jun 15, 2026 )

पंतप्रधान महोदय, भारतातील सर्वात जास्त काळ सेवा देणारे पंतप्रधान बनल्याबद्दल मी आपले अभिनंदन करतो. हा एक राजकीय चमत्कारच आहे.

ऑस्ट्रेलियाचे पंतप्रधान अँथनी अल्बानीज यांनी संसदेत सांगितले की

( May 28, 2026 )

भारतीय-ऑस्ट्रेलियन समुदायाच्या उल्लेखनीय योगदानाचा स्वीकार केल्याशिवाय आधुनिक ऑस्ट्रेलियाचा इतिहास पूर्ण होऊ शकत नाही. उद्योजकता आणि नवकल्पना पासून ते आरोग्य सेवा, शिक्षण, तंत्रज्ञान आणि सार्वजनिक सेवेपर्यंत, भारतीय-ऑस्ट्रेलियन नागरिक देशाच्या यशाला आकार देण्यास सातत्याने मदत करत आहेत. भारत जसा एक जागतिक आर्थिक महासत्ता म्हणून उदयास येत आहे आणि जगातील तिसरी सर्वात मोठी अर्थव्यवस्था बनण्याच्या दिशेने वाटचाल करत आहे, तसाच व्यापार, गुंतवणूक, शिक्षण, तंत्रज्ञान आणि लोकांचे लोकांशी असलेले सखोल संबंध यांद्वारे आपल्या दोन्ही देशांमधील पूल अधिक मजबूत होत चालला आहे. एकत्रितपणे, ऑस्ट्रेलिया आणि भारत 21 व्या शतकातील सर्वात महत्त्वाच्या धोरणात्मक आणि आर्थिक भागीदारींपैकी एकीची उभारणी करत आहेत.

जोतूनचे सीईओ मॉर्टन फॉन

( May 19, 2026 )

"गेल्या अनेक वर्षांपासून आम्ही भारतात आहोत आणि या काळात भारतात खूप मोठे बदल झाले आहेत. याचे एक उदाहरण म्हणजे भारतातील राज्यांतर्गत व्यापार कशा प्रकारे सुलभ करण्यात आला आहे, हे सांगता येईल. तसेच, आज पंतप्रधान मोदींनी भारतामध्ये जहाजांची निर्मिती करण्याबद्दल भाष्य केले; हा विषय माझ्या अत्यंत जवळचा आहे, कारण जागतिक 'मरीन कोटिंग्ज' (संरक्षक लेप) उद्योगात आमचा 25% बाजार हिस्सा आहे. त्यामुळे, भारतात जितकी जास्त जहाजे बनवली जातील, तितकीच आम्हाला भारतात व्यवसायाची अधिक मोठी संधी उपलब्ध होईल."

नॉर्वेचे पंतप्रधान जोनास गहर स्टोअर

( May 19, 2026 )

भारतीय पंतप्रधानांनी येथे उपस्थित राहून आपला दृष्टिकोन मांडणे आमच्यासाठी अत्यंत उपयुक्त ठरले आहे. आपल्या संपर्कामुळे आणि अनुभवामुळे भारत आंतरराष्ट्रीय स्तरावर सातत्याने वाढती आणि महत्त्वाची भूमिका बजावत आहे.

प्रोसूस सीईओ फॅब्रिसिओ ब्लोइसी

( May 17, 2026 )

आम्ही 90,000 कोटी रुपयांपेक्षा जास्त गुंतवणूक केली आहे आणि पंतप्रधान मोदींच्या नेतृत्वाखाली ही तर केवळ सुरुवात आहे. आम्ही अजून कितीतरी जास्त गुंतवणूक कशी करू शकतो, यावर आमची चर्चा सुरू आहे. आम्ही तिथे 'एआय' मॉडेल्स विकसित आणि प्रशिक्षित करण्याचे काम करत आहोत. मला असे वाटते की, पंतप्रधान मोदींचे नेतृत्व हे केवळ भारतातील सध्याच्या गुंतवणूकदारांना टिकवून ठेवण्यासाठीच नव्हे, तर तंत्रज्ञानातील गुंतवणुकीद्वारे देशाला अधिक समृद्ध बनवण्यासाठी देखील अप्रतिम राहिले आहे; आणि आम्ही याच गोष्टीसाठी वचनबद्ध आहोत."

एपीएम टर्मिनल्सचे सीईओ कीथ स्वेन्सन

( May 17, 2026 )

"माननीय पंतप्रधान, आणि जेव्हा मी त्यांना पहिल्यांदा 'व्हायब्रंट गुजरात' दरम्यान भेटलो, तेव्हा मला ज्या एका गोष्टीने खूप प्रभावित केले, ती म्हणजे बंदर क्षेत्राबद्दलचे त्यांचे सविस्तर ज्ञान आणि आर्थिक प्रगतीला गती देण्यासाठी वाहतूक क्षेत्रांचे असलेले महत्त्व. तसेच, गुजरातचे मुख्यमंत्री असतानाच्या काळापासून त्यांना बंदर क्षेत्राबद्दल अतिशय विशिष्ट आणि सखोल ज्ञान होते."

बेंजामिन नेतन्याहू, इस्रायलचे पंतप्रधान

( Feb 25, 2026 )

माझ्या मित्रा, तुझ्या (पंतप्रधान मोदी) नेतृत्वाखाली भारताने आशियाई सिंहासारखे आपले स्थान निर्माण केले असून, अधिक वृद्धी, अधिक प्रगती आणि अधिक समृद्धी या ध्येयाकडे भारत वेगाने झेपावत आहे.

बेंजामिन नेतन्याहू, इस्रायलचे पंतप्रधान

( Feb 25, 2026 )

पंतप्रधान मोदींचे वैयक्तिक आलिंगन काहीतरी वेगळेच आहे. जगभरात ते 'मोदी मिठी' म्हणून ओळखले जाते. जेव्हा तुम्ही एखाद्याला घट्ट आणि मनापासून मिठी मारता, तेव्हा ती केवळ एक देखावा नसतो, हे सर्वांना समजते. ती भावना खरी असते. यालाच 'मोदी मिठी' म्हणतात आणि नेसेटच्या प्रत्येक सदस्याच्या वतीने मला तुला हे आलिंगन परत द्यायचे आहे; हे केवळ आपल्यातील धाडसी वैयक्तिक मैत्रीचे प्रतीक नाही, तर ते आपल्या दोन्ही राष्ट्रांमधील जिव्हाळ्याचे प्रतिबिंब आहे.

बेंजामिन नेतन्याहू, इस्रायलचे पंतप्रधान

( Feb 25, 2026 )

नरेन्द्र, माझ्या प्रिय मित्रा, तुझ्या आजच्या भेटीने मी मनापासून भारावून गेलो आहे. मला राजनैतिक मर्यादा पाळाव्या लागत असल्याने मी या भेटीला कोणताही क्रमांक देणार नाही, अन्यथा मी अडचणीत येईन. पण इस्रायलचा एक महान मित्र, भारत आणि इस्रायलमधील युतीचा खंबीर समर्थक आणि आंतरराष्ट्रीय स्तरावरील एक महान नेता म्हणून तुझ्या आमच्याकडील या भेटीने मी जितका प्रभावित झालो आहे, तितका पूर्वी कधीही झालो नव्हतो.

श्री एच.डी. देवेगौडा, माजी पंतप्रधान

( Feb 04, 2026 )

मोदीजी एक देशभक्त आहेत. हे विसरू नका... 2047 मध्ये या देशाची अर्थव्यवस्था (तिची उद्दिष्टे) साध्य करण्यासाठी आणि आर्थिक कामगिरीच्या बाबतीत भारत जगभरात आघाडीवर असावा यासाठी ते खूप कष्ट घेत आहेत... यासाठीच मोदीजी इतकी मेहनत घेत आहेत... ज्यासाठी मला त्यांचे अभिनंदन करायचे आहे.