Search

ସଦ୍ୟତମ ଖବର

ପିଆଇବି ସୂତ୍ରରୁ ସ୍ବତଃ ଉପଲବ୍ଧ

କୃଷକମାନଙ୍କ ସମୃଦ୍ଧି ବୃଦ୍ଧି ଏବଂ ଗ୍ରାମୀଣ ଭାରତକୁ ସୁଦୃଢ଼ କରିବା ପାଇଁ ନିଆଯାଇଥିବା ପରିବର୍ତ୍ତନକାରୀ ପଦକ୍ଷେପ ଉପରେ ଏକ ନିବନ୍ଧ ସେୟାର କରିଛନ୍ତି ପ୍ରଧାନମନ୍ତ୍ରୀ


ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି କେନ୍ଦ୍ର ମନ୍ତ୍ରୀ ଶ୍ରୀ ଶିବରାଜ ସିଂହ ଚୌହାନଙ୍କ ଦ୍ୱାରା ପ୍ରକାଶିତ ଏକ ନିବନ୍ଧ ସେୟାର କରିଛନ୍ତି, ଯେଉଁଥିରେ ଦର୍ଶାଯାଇଛି ଯେ ଗତ ୧୨ ବର୍ଷ ମଧ୍ୟରେ ପଶୁପାଳନ ଏବଂ କୁକୁଡ଼ାକୁ ସଂକ୍ରାମକ ରୋଗରୁ ରକ୍ଷା କରିବାରେ ସ୍ୱଦେଶୀ ଟିକାର ବିକାଶ କିପରି ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଛି। ଏହି ପ୍ରୟାସଗୁଡ଼ିକ ପଶୁ ସ୍ୱାସ୍ଥ୍ୟର ସୁରକ୍ଷା, ରୋଗ ସମ୍ବନ୍ଧୀୟ କ୍ଷତି ହ୍ରାସ, କୃଷକଙ୍କ ଆୟ ବୃଦ୍ଧି ଏବଂ କୃଷକ ସମ୍ପ୍ରଦାୟର ସାମଗ୍ରିକ ଜୀବନଧାରଣ ମାନରେ ଉନ୍ନତି ଆଣିବାରେ ସହାୟକ ହୋଇଛି।

ଶ୍ରୀ ମୋଦୀ କହିଥିଲେ ଯେ ସ୍ୱଦେଶୀ ଟିକାଗୁଡ଼ିକର ବିକାଶ ପଶୁ ଚିକିତ୍ସା ସ୍ୱାସ୍ଥ୍ୟସେବାରେ ଭାରତର ବର୍ଦ୍ଧିତ ସାମର୍ଥ୍ୟ ଏବଂ ଏକ ନମନୀୟ ତଥା ଆତ୍ମନିର୍ଭରଶୀଳ କୃଷି ଇକୋସିଷ୍ଟମ ନିର୍ମାଣ ପ୍ରତି ଏହାର ପ୍ରତିବଦ୍ଧତାକୁ ମଧ୍ୟ ପ୍ରତିଫଳିତ କରୁଛି।

ଶ୍ରୀ ମୋଦୀ ‘ଏକ୍ସ ’ ରେ ପୋଷ୍ଟ କରିଛନ୍ତି;

ବିଗତ ୧୨ ବର୍ଷ ମଧ୍ୟରେ କୃଷକ ଭାଇ ଓ ଭଉଣୀମାନଙ୍କ ସମୃଦ୍ଧି ଏବଂ ଗ୍ରାମୀଣ ଭାରତକୁ ସଶକ୍ତ କରିବା ଦିଗରେ ଅନେକ ଐତିହାସିକ ପଦକ୍ଷେପ ନିଆଯାଇଛି।

କେନ୍ଦ୍ର କୃଷି ଏବଂ କୃଷକ କଲ୍ୟାଣ ମନ୍ତ୍ରୀ ଶ୍ରୀ ଶିବରାଜ ସିଂହ ଚୌହାନ ଜୀ ଏହି ନିବନ୍ଧରେ ବିସ୍ତୃତ ଭାବେ ବର୍ଣ୍ଣନା କରିଛନ୍ତି ଯେ କିପରି ସ୍ୱଦେଶୀ ଟିକାର ବିକାଶ ପଶୁ ଏବଂ ପକ୍ଷୀମାନଙ୍କୁ ସଂକ୍ରାମକ ରୋଗରୁ ସୁରକ୍ଷିତ ରଖିବାରେ ସାହାଯ୍ୟ କରୁଛି। ଏହା କେବଳ କୃଷକମାନଙ୍କ ଆୟ ବୃଦ୍ଧି କରିନାହିଁ, ବରଂ ସେମାନଙ୍କ ଜୀବନକୁ ମଧ୍ୟ ଉନ୍ନତ ଏବଂ ସହଜ କରିଛି।

HS