పిఎంఇండియా

ఆసియా క్రీడల్లో రికర్వ్ మిక్స్‌డ్ జట్టు విభాగంలో రజత పతకం సాధించిన ధీరజ్‌ బొమ్మదేవర, కుంకుమ్‌ అనిల్‌ మోహోద్‌లను ప్రధానమంత్రి శ్రీ నరేంద్ర మోదీ అభినందించారు.

అద్భుతమైన నైపుణ్యం, ఉత్సాహాన్ని ప్రదర్శించిన వారు, ఆసియా క్రీడల్లో ఈ విభాగంలో భారత్‌కు తొలిసారిగా రజత పతకాన్ని అందించారని ప్రధానమంత్రి పేర్కొన్నారు.

ఈ చిరస్మరణీయ విజయాన్ని సాధించిన ఇద్దరు ఆర్చర్లను అభినందించిన శ్రీ మోదీ.. వారి భవిష్యత్తు‌ ప్రయత్నాలకు శుభాకాంక్షలు తెలిపారు.

సామాజిక మాధ్యమం ఎక్స్‌ వేదికగా చేసిన పోస్టులో ప్రధానమంత్రి కార్యాలయం ఈ విధంగా పేర్కొంది.

‘‘అద్భుతమైన రజతం. 

ఆసియా క్రీడల్లో రికర్వ్‌ మిక్స్‌డ్‌ జట్టు విభాగంలో రజత పతకం సాధించిన ధీరజ్‌ బొమ్మదేవర, కుంకుమ్ మోహోద్‌ల విజయంపై గర్వంగా ఉంది.

వారు అద్భుతమైన నైపుణ్యం, ఉత్సాహాన్ని ప్రదర్శించి, ఆసియా క్రీడల్లో ఈ విభాగంలో మన దేశానికి తొలిసారిగా రజత పతకాన్ని అందించారు.

ఈ చిరస్మరణీయ విజయాన్ని సాధించిన మన ఇద్దరు ఆర్చర్లకు అభినందనలు. వారి భవిష్యత్తు‌ ప్రయత్నాలకు శుభాకాంక్షలు: ప్రధానమంత్రి శ్రీ నరేంద్ర మోదీ’’