పిఎంఇండియా

కరెన్సీ స్వాప్ అగ్రిమెంట్ కు సంబంధించి రిజర్వ్ బ్యాంక్ ఆఫ్ ఇండియా (ఆర్ బి ఐ) కు, సెంట్రల్ బ్యాంక్ ఆఫ్ యునైటెడ్ అరబ్ ఎమిరేట్స్ కు (యు ఎ ఇ) మధ్య 2016 ఫిబ్రవరిలో సంతకాలు జరిగిన అవగాహనపూర్వక ఒప్పందం (ఎమ్ ఒ యు) గురించి కేంద్ర మంత్రిమండలి దృష్టికి తీసుకు వ‌చ్చారు. కేంద్ర మంత్రివర్గ సమావేశానికి ప్రధాన మంత్రి శ్రీ నరేంద్ర మోదీ అధ్యక్షత వహించారు.

ఆర్ బి ఐ మరియు సెంట్రల్ బ్యాంక్ ఆఫ్ యు ఎ ఇ లు సాంకేతికపరమైన సంప్రదింపులు జరిపిన తరువాత పరస్పర అంగీకారం కుదిరిన నియమ నిబంధనల మేరకు కరెన్సీ ద్వైపాక్షిక మార్పిడి ఒప్పందం పైన సంతకాలు చేసే అంశాన్ని పరిశీలించే పరిస్థితిని ఈ ఎమ్ ఒ యు కల్పిస్తుంది. అయితే దీనికి ఉభయ ప్రభుత్వాల సమ్మతి కూడా అవసరమవుతుంది. ద్వైపాక్షిక వ్యాపారంలో ఇన్ వాయిస్ లను స్థానిక కరెన్సీ లలో రూపొందించడానికి కూడా ఈ స్వాప్ అగ్రిమెంట్ తోడ్పడగలదని ఆశిస్తున్నారు.

భారతదేశం, యునైటెడ్ అరబ్ ఎమిరేట్స్ ల మధ్య నెలకొన్న సన్నిహిత ఆర్థిక సంబంధం మరియు సహకారాన్ని ఈ ఎమ్ ఒ యు మరింత పటిష్టపరచగలదు.