పిఎంఇండియా

మొట్టమొదటి రాజ్యాంగ ఆమోద దినోత్సవం సందర్భంగా ప్రధాన మంత్రి శ్రీ నరేంద్ర మోదీ దేశ ప్రజలకు శుభాకాంక్షలు తెలిపారు. భారత రాజ్యాంగ రూపకల్పనలో ప్రముఖ పాత్ర పోషించిన డాక్టర్ బాబాసాహెబ్ అంబేద్కర్ కు ఈ సందర్భంగా ప్రధాన మంత్రి వందనం చేశారు.

” చరిత్రాత్మకమైన మొదటి రాజ్యాంగ ఆమోద దినోత్సవం సందర్భంగా ప్రజలందరికీ శుభాకాంక్షలు. రాజ్యాంగం గురించి తెలుసుకునేందుకు ఈ ప్రత్యేక రోజు మీలో స్ఫూర్తి నింపుతుందని ఆకాంక్షిస్తున్నా.

మనం అంతా గర్వించదగిన రాజ్యాంగాన్ని రూపొందించడానికి ఆవిశ్రాంతంగా శ్రమించిన గొప్ప మేధావులకు ఘనమైన నివాళి అందించేందుకే ఈ ప్రత్యేక దినం.

డాక్టర్ బాబాసాహెబ్ అంబేద్కర్ కృషిని గుర్తుచేసుకోకుంటే మన రాజ్యాంగం ప్రస్తావనే ఉండదు. రాజ్యాంగ రూపకల్పనలో కీలక పాత్ర పోషించిన ఆయనకు వందనం.

మన రాజ్యాంగ విలువలను, సిద్ధాంతాలను గౌరవించాలి. మన పూర్వీకులు గర్వించదగిన భారతావనిని నిర్మించాలి ” అని ప్రధాని పేర్కొన్నారు.